ბევრი მსხვილი კომპანია ახლა რთულ პერიოდს გადის. ზოგიერთმა კომპანიამ პანდემიის დროს დიდი წარმატებაც განიცადა, მაგალითად, Peloton და Zoom, თუმცა ზოგერთს, როგორიცაა Evergrande და AT&T მილიარდობით დოლარის ვალი აქვთ.
წარმოგიდგენთ კომპანიებს, რომლებსაც 2022 წლისთვის სრული გადატვირთვა ან შესვენება უწევთ.
Peloton
სპორტული დარბაზების ხელახალი გახსნის შემდეგ, საშინაო ვარჯიშის ტიტანს სირთულეები შეექმნა. მოგვიანებით მძიმე ვითარებას უსაფრთხოების პრობლემები და ცუდი საჯაროობა დაემატა. მაისში, მას შემდეგ რაც ბავშვი Peloton-ის ერთ-ერთმა სარბენმა ბილიკმა ჩაითრია და დაიღუპა, ბრენდის გაყიდვები შემცირდა.
გაყიდვები 17%-ით დაეცა 2022 წლის პირველ კვარტალში. 2021 წლის ნოემბერში კი Peloton-ის აქციები 33%-ით დაიკლო.
Evergrande
უძრავი ქონების ჩინური კომპანია Evergrande ახლა ოფიციალურად არის ყველაზე დიდი ვალის მქონე კომპანია მსოფლიოში. მას შემდეგ, რაც აიღო დიდი სესხები გაფართოების დასაფინანსებლად, უძრავი ქონების Titan-ის ვალი 300 მილიარდ დოლარზე მეტი გახდა.
კომპანიის აქციების ფასი 89%-ით დაეცა. 3 იანვარს კი აქციებით ვაჭრობა შეჩერდა. 2022 წელს უძრავი ქონების გიგანტს მოუწევს ყველანაირი ძალისხმევის გაწევა, რომ თავიდან აიცილოს სრული კოლაფსი.
Robinhood
Robinhood-ის აქციების ფასი ივლისში IPO-ს შემდეგ 78%-ით დაეცა. კომპანიამ დააწესა შეზღუდვები ეგრეთ წოდებული meme აქციების შეძენაზე, როგორიცაა GameStop და AMC, რომლებშიც მცირე ინვესტორებმა განახორციელეს ინვესტიცია.
გარდა ამისა, ანალიტიკოსები შიშობენ, რომ კომპანია ზედმეტად არის დამოკიდებული კრიპტოვალუტებზე. 2022 წელი შეიძლება იყოს რთული წელი ონლაინ ბროკერებისთვის.
Zoom
იზოლაციის დროს Zoom-მა მიაღწია შთამბეჭდავ ზრდას. თუმცა მას შემდეგ, რაც მსოფლიო გაიხსნა და ბევრი დასაქმებული სამუშაოდ ოფისში დაბრუნდა, კომპანიის ღირებულება თითქმის განახევრდა. ამ ეტაპზე ზრდის ტემპი შენელებულია, რამაც აქციების ფასების ვარდნა გამოიწვია.
Meta
Yahoo Finance-მა შეიძლება მას "2021 წლის ყველაზე ცუდი კომპანია" უწოდა, მაგრამ ეს მხოლოდ აისბერგის მწვერვალი იყო Meta-სთვის.
შემოდგომაზე Facebook-დან შოკისმომგვრელმა ინფორმაციამ გაჟონა, რამაც მეგაკომპანიის იმიჯი საგრძნობლად დააზიანა. მაშინ Facebook-ისა და Instagram-ის პოპულარობამ ახალგაზრდებში იკლო კიდეც.
დღეისთვის Facebook განიხილება, როგორც შემაშფოთებელი არასასიამოვნო აპი. Instagram ასევე კარგავს ახალგაზრდა მომხმარებლებს, რომლებიც უპირატესობას ანიჭებენ TikTok-სა და Snapchat-ს.
Meta -ს 2022 წელს სრული გადატვირთვა და მისი იმიჯის აღდგენა მოუწევს.
Gap Inc.
Gap Inc. -ს, რომელიც მოიცავს ბრენდებს Gap, Old Navy, Banana Republic და Athleta, უკვე რამდენიმე წელია უჭირს, პანდემიამ კი ეს პროცესი მხოლოდ დააჩქარა. კომპანიის აქციების ფასი მაისიდან ეცემა და პერსპექტივა საკმაოდ ცუდია. არსებობს ვარაუდები, რომ კომპანიამ შესაძლოა, 2022 წელს თავი გაკოტრებულად გამოაცხადოს.
Pinterest არის ვარსკვლავი, რომლის პოპულარობა იზოლაციის დროს გაიზარდა, მაგრამ იზოლაციის დასრულების შემდეგ იგი მომხმარებლებს კარგავს. ეს პროცესი კი აქციების ფასზე გავლენას ახდენს. საიტის ფასმა თებერვალში 89,90 დოლარს მიაღწია. მას შემდეგ ის დაეცა და ღირებულების დაახლოებით 60% დაკარგა.
წყარო - lovemoney.com, "ბიზნესპრესნიუსი"