კომპანიები, რომელთაც 2021 წელს აშშ-ში ყველაზე მეტი პატენტი დაარეგისტრირეს

კომპანიები, რომელთაც 2021 წელს აშშ-ში ყველაზე მეტი პატენტი დაარეგისტრირეს

access_time2022-08-17 10:30:00

დღეს, ტექნოლოგიური კომპანიების განსაკუთრებული წარმატება აღარავის უკვირს, მაგრამ ხშირად გვავიწყდება, რომ თითოეული ინოვაციური გადაწყვეტის უკან, ხშირ შემთხვევაში, პატენტის მიღების ძალიან რთული პროცესია, რომელშიც უამრავი ადამიანი არის ჩართული, იურისტებითა და ინჟინრებით დაწყებული, ბიუროკრატებით დამთავრებული. ამგვარად, კვლევისა და განვითარების (R&D) დეპარტამენტი, როგორც წესი, ნებისმიერი ბიზნესის დასაყრდენია, რომლის განვითარებისთვის კომპანიების მესვეურები მილიარდობით დოლარს ხარჯავენ.


მთელი ეს ინდუსტრია იმდენად მასშტაბური და მნიშვნელოვანია, რომ ყოველწლიურად, ინტელექტუალური საკუთრების მიმართულებით სპეციალიზებული იურიდიული ფირმა Harrity & Harrity, იმ სამასი კომპანიის, ორგანიზაციისა და უნივერსიტეტის რეიტინგს ადგენს, რომლებიც ამერიკის შეერთებულ შტატებში ყველაზე მეტ პატენტს არეგისტრირებენ. აღნიშნული რეიტინგი დაფუძნებულია აშშ-ის პატენტებისა და საავტორო უფლებების ოფისის ინფორმაციაზე, რომლის თანახმად, 2021 წელს ქვეყანაში თითქმის 328 ათასი პატენტი დარეგისტრირდა, რაც 7%-ით ნაკლებია გასულ წელთან შედარებით.


აშშ-ში ყველაზე მეტი პატენტის მქონე კომპანიების რეიტინგის პირველ ადგილს ამერიკული ტექნოლოგიური გიგანტი, IBM-ი იკავებს, რომელმაც, გასულ წელს 8540 პატენტი დაარეგისტრირა. საინტერესოა, რომ კვლევისა და განვითარების მიმართულებით IBM-ი ამერიკის შეერთებული შტატების საუკეთესო კომპანიაა, რომელიც უკვე 29 წელია, რაც ყველა სხვა ამერიკულ კომპანიას ჯობნის.


რეიტინგის მეორე ადგილს სამხრეთკორეული Samsung-ი იკავებს, რომელმაც 2021 წელს 8517 პატენტი დაარეგისტრირა. საინტერესოა, რომ Samsung-ის მიერ რეგისტრირებული პატენტები, უმეტესწილად, ვირტუალური და გაფართოებული რეალობის, ხელოვნური ინტელექტის, მანქანური დასწავლის, 5G-სა და ავტომობილის თვითმართვადი ტექნოლოგიების ინდუსტრიებზე მოდის. განსაკუთრებული აღნიშვნის ღირსია ის, რომ IBM-ი და Samsung-ი ამერიკის შეერთებული შტატების პატენტების ბაზარს დომინირებენ – გასულ წელს, თითოეულმა მათგანმა თითქმის ორჯერ უფრო მეტი პატენტი მიიღო, ვიდრე მესამე ადგილზე გასულმა LG-მ.


აღსანიშნავია, რომ რეიტინგში მოხვედრილი კომპანიების სრული უმეტესობა ტექნოლოგიურ ინდუსტრიას მიეკუთვნება. თუმცა, რეიტინგის პირველ ოცეულში ორ ავტომწარმოებელს – იაპონურ Toyota-ს და ამერიკულ Ford-ს, ასევე ერთ ინდუსტრიულ გიგანტს, Raytheon Technologies-ს ვხვდებით. საინტერესოა ისიც, რომ რეიტინგის პირველ ოცეულს ამერიკის შეერთებული შტატები ლიდერობს, რომელიც თერთმეტი კომპანიით არის წარმოდგენილი. რეიტინგის მეორე და მესამე ადგილს, რაოდენობრივად, იაპონია და სამხრეთ კორეა იკავებენ, ოთხი და ორი კომპანიით.


ამერიკის შეერთებულ შტატებში ყველაზე მეტი რეგისტრირებული პატენტის მქონე კომპანიების, ორგანიზაციებისა და უნივერსიტეტების Harrity & Harrity-ის მიერ მომზადებული რეიტინგის პირველ ოცეულს Forbes Georgia უცვლელად წარმოგიდგენთ:


#1 – IBM Corporation


პატენტების რაოდენობა 2021 წელს: 8540
ცვლილება 2020-თან შედარებით: -9%
ქვეყანა: აშშ


#2 – Samsung Electronics Co.


პატენტების რაოდენობა 2021 წელს: 8517
ცვლილება 2020-თან შედარებით: 0%
ქვეყანა: სამხრეთ კორეა


#3 – LG Corporation


პატენტების რაოდენობა 2021 წელს: 4388
ცვლილება 2020-თან შედარებით: -13%
ქვეყანა: სამხრეთ კორეა


#4 – Canon


პატენტების რაოდენობა 2021 წელს: 3400
ცვლილება 2020-თან შედარებით: -8%
ქვეყანა: იაპონია


#5 – Huawei Technologies Co.


პატენტების რაოდენობა 2021 წელს: 2955
ცვლილება 2020-თან შედარებით: -7%
ქვეყანა: ჩინეთი



#6 – Intel Corporation


პატენტების რაოდენობა 2021 წელს: 2835
ცვლილება 2020-თან შედარებით: -14%
ქვეყანა: აშშ


#7 – TSMC


პატენტების რაოდენობა 2021 წელს: 2807
ცვლილება 2020-თან შედარებით: -3%
ქვეყანა: ტაივანი


#8 – Toyota


პატენტების რაოდენობა 2021 წელს: 2753
ცვლილება 2020-თან შედარებით: -2%
ქვეყანა: იაპონია


#9 – Raytheon Technologies Corporation


პატენტების რაოდენობა 2021 წელს: 2694
ცვლილება 2020-თან შედარებით: -16%
ქვეყანა: აშშ


#10 – Sony Corporation


პატენტების რაოდენობა 2021 წელს: 2624
ცვლილება 2020-თან შედარებით: -9%
ქვეყანა: იაპონია


#11 – Apple Inc.


პატენტების რაოდენობა 2021 წელს: 2591
ცვლილება 2020-თან შედარებით: -9%
ქვეყანა: აშშ


#12 – Microsoft Corporation


პატენტების რაოდენობა 2021 წელს: 2453
ცვლილება 2020-თან შედარებით: -17%
ქვეყანა: აშშ


#13 – Qualcomm


პატენტების რაოდენობა 2021 წელს: 2165
ცვლილება 2020-თან შედარებით: -6%
ქვეყანა: აშშ


#14 – BOE Technology Group


პატენტების რაოდენობა 2021 წელს: 2141
ცვლილება 2020-თან შედარებით: -1%
ქვეყანა: ჩინეთი


#15 – Amazon.com Inc


პატენტების რაოდენობა 2021 წელს: 2110
ცვლილება 2020-თან შედარებით: -11%
ქვეყანა: აშშ


#16 – Dell Technologies


პატენტების რაოდენობა 2021 წელს: 2053
ცვლილება 2020-თან შედარებით: 2%
ქვეყანა: აშშ


#17 – Alphabet Inc.


პატენტების რაოდენობა 2021 წელს: 2015
ცვლილება 2020-თან შედარებით: -15%
ქვეყანა: აშშ


#18 – Micron Technology Inc.


პატენტების რაოდენობა 2021 წელს: 1798
ცვლილება 2020-თან შედარებით: 17%
ქვეყანა: აშშ


#19 – Panasonic Corporation


პატენტების რაოდენობა 2021 წელს: 1715
ცვლილება 2020-თან შედარებით: -11%
ქვეყანა: იაპონია


#20 – Ford Motor Company


პატენტების რაოდენობა 2021 წელს: 1675
ცვლილება 2020-თან შედარებით: -20%
ქვეყანა: აშშ


წყარო: forbes.ge


თეგები:
პატენტი



„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI

„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI
access_time2023-04-25 14:00:33
საერთაშორისო რესპუბლიკური ინსტიტუტი (IRI) საზოგადოების აზრის კვლევას აქვეყნებს. კითხვაზე, ვის მისცემდნენ ხმას, საპარლამენტო არჩევნები მომავალ შაბათს რომ ტარდებოდეს, 19% ქართულ ოცნებას ასახელებს, 14% ერთიან ნაციონალურ მოძრაობას.  მოქალაქეებს დაუსვეს კითხვა - საპარლამენტო არჩევნები რომ მომავალ შაბათს ტარდებოდეს, რომელ პარტიას მისცემდით ხმას? (თუ მისცემდით) / თქვენ მიერ არჩეული პარტია რომ ბიულეტენზე არ ყოფილიყო, სანაცვლოდ ვის მისცემდით ხმას? (თუ...

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს
access_time2023-04-25 13:30:40
„საერთაშორისო რესპუბლიკური ინსტიტუტის (IRI)“ ახალი კვლევის თანახმად, გამოკითხულთა 91%-ს ყველაზე მეტად საქართველოს პატრიარქი ილია მეორე მოსწონს.   ამავე კვლევის თანახმად, რეიტინგში მეორე ადგილს თბილისის მერი კახა კალაძე იკავებს, რომელიც გამოკითხულთა 52%-ს მოსწონს, 48%-ით მესამე ადგილზეა საქართველოს პრეზიდენტი, სალომე ზურაბიშვილი, რომელსაც მოსდევს პრემიერ-მინისტრი ირაკლი ღარიბაშვილი 43%-ით.   ცნობისთვის, IRI-ის კვლევა 2023 წლის 4-23 მარტის პერიოდში...

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც
access_time2023-04-25 12:50:16
უკრაინამ წარმატებით ჩაატარა სამაშველო ოპერაცია სუდანის ტერიტორიიდან მოქალაქეების ევაკუაციის მიზნით. სულ გამოიყვანეს 138 ადამიანი, მათ შორის უცხოელები. ამის შესახებ უკრაინული მედია თავდაცვის სამინისტროს მთავარი სადაზვერვო სამმართველოს პრესსამსახურზე დაყრდნობით იუწყება. აღნიშნულია, რომ ოპერაცია უკრაინის პრეზიდენტის აპარატთან და საგარეო საქმეთა სამინისტროსთან კოორდინაციით დაზვერვის მთავარმა დირექტორატმა განახორციელა. „წარმატებული...

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI
access_time2023-04-25 13:15:07
IRI-ს კვლევის მიხედვით, გამოკითხულთა 39 პროცენტი აცხადებს, რომ ნებისმიერ გარემოებაში ხმას არ მისცემდა „ერთიან ნაციონალურ მოძრაობას“.   კითხვაზე რომელ პარტიას არ მისცემდით ხმას, ნებისმიერ გარემოებაში, შედეგები შემდეგნაირად გადანაწილდა, „ერთიანი ნაციონალური მოძრაობა – 39%; „ქართული ოცნება“ – 34%; „კონსერვატიული მოძრაობა – ალტ-ინფო“ -16%; „გირჩი მეტი თავისუფლება – ზურაბ გირჩი ჯაფარიძე“ – 13%; „პატრიოტთა ალიანსი, დავით თარხან-მოურავი და ირმა ინაშვილი“ – 13%; „გირჩი“ -13%;...

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო
access_time2023-04-25 12:30:09
მიხეილ ლომთაძის Kaspi.kz-მა შეერთებულ შტატებში შესვლისთვის მზადება დაიწყო. ამის შესახებ ნათქვამია კომპანიის 2023 წლის პირველი კვარტლის ანგარიშში, რომელიც გამოქვეყნდა ორშაბათს, 24 აპრილს. ანგარიშის მიხედვით, ყაზახური ფინტექი მომზადების „ადრეულ ეტაპზეა“, „რადგან ნებისმიერი ტრანზაქცია, რა თქმა უნდა, ბაზრის პირობებზეა დამოკიდებული. ჩვენ ვხედავთ ბევრ პოტენციურ სარგებელს აშშ-ს სიაში, მათ შორისაა გაფართოება, უფრო მრავალფეროვანი აქციონერთა ბაზა და გაზრდილი სავაჭრო ლიკვიდობა“, -...


მსგავსი სიახლეები

up