კომპანია “უმალი“ ბრენდულ მაღაზიას 2019  წლის ბოლომდე გახსნის

კომპანია “უმალი“ ბრენდულ მაღაზიას 2019 წლის ბოლომდე გახსნის

access_time2019-07-06 10:00:25

კომპანია “უმალი“ ბრენდულ მაღაზიას 2019  წლის ბოლომდე გახსნის.როგორც „კომერსანტს“ „უმალის“ დირექტორმა ლაშა შარაშენიძემ  განუცხადა, კომპანია მაღაზიას თბილისში ერთ-ერთ ცენტრალურ უბანში გახსნის. მშენებლობისთვის სხვადასხვა სახის ადგილი მოიაზრება და  სწორედ ამიტომ ამ ეტაპზე კონკრეტულ ადგილმდებარეობას ვერ ასახელებს. მისი განცხადებით, მაღაზია „უმალის“ სახელწოდებითვე იქნება წარმოდგენილი და მხოლოდ კომპანიის მიერ შექმნილი პროდუქცია გაიყიდება.


კომპანია „უმაღლის“ ბრენდული მაღაზია 2019 წლის გაზაფხულზე უნდა გაეხსნა, თუმცა,როგორც დღეს ლაშა შარაშენიძე განმარტავს, პროექტის განხორციელების მიზეზი მხოლოდ და მხოლოდ  მარკეტინგული გათვლაა.კომპანიის დირქტორის  ინფორმაციით, „უმალს“ 2018 წლის ივლისთან შედარებით გაყიდვები დაახლოებით 30%-ით გაეზარდა.2017 წელთან შედარებით 2018 წელს გაყიდვები 25%-ით გაეზარდა. ხოლო ამავე პერიოდში მხოლოდ ხიზილალის გაყიდვებმა 60%-ით მოიმატა.

 

„ჩვენ ყველანაირად ვცდილობთ, რომ ქართული ნედლეული გადავამუშაოთ, თუმცა, ბაზრიდან მოთხვნიდან გამომდინარე, ამას ვერ ვახერხებთ. არის ისეთი თევზის ჯიშები, რომელიც საქართველოში არ არის. გამომდინარე იქიდან, გვიწევს  იმპორტრებული თევზის შემოტანა“-აცხადებს შარაშენიძე.


მისი განცხადებით, კომპანიამ ასორტიმენტი გააფართოვა, სულ ახლახანს გამოუშვა ორაგულის ჩხირები, ახალი სალათები. უახლოეს მომავალში კომპანია რამდენიმე საზაფხულო პროდუქტის წარმოებასაც  გეგმავს.


როგორც შარაშენიძე აცხადებს,  ისევ პრობლემად რჩება ცენტრალური მაგისტრალიდან ქარხანამდე მისასვლელი გზა,რომელიც საავტომობილო გზების დეპარტმენტმა დაკეტა. შარაშენიძე განმარტავს, რომ ამის გამო კომპანიას განვითარებაში ხელი ეშლება.



„უკიდურესად გვიჭირს,თუ თოვლი და წვიმა მოვიდა, მაშინ გაუსაძლის მდგომარეობაში ვართ. გუბერნატორი გვეხმარება, რაც შეუძლიათ გვეხმარებიან. ჩვენც არ ვიშურებთ ძალისხმევას, რომ ცენტრალურ მაგისტრალთან მიერთდეს ეს ეს გზა, გავაკეთეთ პროექტიც. ეს იოლი თემა არაა, საბედნიოერდო არიან სახლემწფოში ისეთი ხალხი, ვინც  გვითანაგრძობს. ქართული წარმოებაა და გზა არ აქვს, ოღონდ ნებართვა მოგვცენ და გზას ჩვენი სახსრებით გავაკეთებთ“-აცხადებს შარაშენიძე.


ჯერ კიდევ 2018 წელს, საავტომობილო გზების  დეპარტამენტში აცხადებდნენ, რომ აღნიშნული გზა და აქედან გამავალი ავტომანქანები საფრთხეს უქმნიდა ცენტრალურ მაგისტრალს, რის გამოც არ კეთდებოდა დასახელებული გზის მონაკვეთი.


თევზის და ხიზილალას პროდუქტების მწარმოებელი კომპანია შპს „ახალი თევზი“, პროდუქციას „უმალის“ ბრენდით აწარმოებს. თევზის გადამამუშავებელი კომპანია და ქარხანა ქარელის რაიონის სოფელ ურბნისში მდებარეობს. აღნიშნული საწარმო „ერთიანი აგროპორექტის“ ფარგლებში შეიქმნა.კომპანიას მეურნეობა 1 ჰექტარზე აქვს გაშენებული, ხოლო საწარმო ჯამში  2 000 კვადრატულ მეტრზეა განთავსებული.


„ახალი თევზი წლიურად 150 ტონა სხვადასხვა სახეობის თევზისა და ხიზილალას წარმოებას უზრუნველყოფს.ამ ეტაპზე პროდუქციის 100% განკუთვნილია ადგილობრივი ბაზრისთვის, იგეგმება ექსპორტზე გატანაც.რაც შეეხება პროდუქციის საფასო პოლიტიკას, 100 გრამიანი ხიზილალა 23 ლარი ღირს, ხოლო 200 გრამიანი 47 ლარი.


კომპანია „სასოფლო-სამეურნეო პროდუქციის გადამამუშავებელი და შემნახველი საწარმოების თანადაფინანსების პროგრამის ბენეფიციარია. საწარმოში ჯამურად 1,500,000 აშშ დოლარი ინვესტიცია განხორციელდა, აქედან, 249,081 აშშ დოლარი გრანტია, ხოლო 311,352 აშშ დოლარი შეღავათიანი აგროკრედიტი.


სოფო ქსოვრელი 






საგადასახადო შეღავათის მოთხოვნის ვადა 1–ელ აგვისტოს იწურება

საგადასახადო შეღავათის მოთხოვნის ვადა 1–ელ აგვისტოს იწურება
access_time2021-07-30 17:00:16
საქართველოს ფინანსთა სამინისტროს შემოსავლების სამსახური იურიდიულ პირებს შეგახსენებს, რომ გადასახადის გადამხდელს, რომელსაც აქვს მიმდინარე წლის 17 მაისის მდგომარეობით წარმოშობილი, აღიარებული ან არაღიარებული საგადასახადო დავალიანება, საქართველოს მთავრობის გადაწყვეტილებით, შესაძლებლობა ეძლევა, გადასახადის ძირითადი თანხის გადახდის პირობით სრულად შეიმციროს დარიცხული ჯარიმა-საურავები.  დღეის მონაცემებით, საგადასახადო შეთანხმების გაფორმების შესახებ, შემოსავლების სამსახურის მონაცემთა ბაზაში, ...

როგორი იქნება სპორტული მედიცინის ცენტრი, რომელიც თბილისში აშენდება

როგორი იქნება სპორტული მედიცინის ცენტრი, რომელიც თბილისში აშენდება
access_time2021-07-30 16:00:51
თბილისში სპორტული მედიცინის ცენტრის მშენებლობა იგეგმება, - ამის შესახებ jandacva.ge-ს სპორტული მედიცინის ასოციაციის ვიცე პრეზიდენტმა ხათუნა საგანელიძემ განუცხადა. მისი ინფორმაციით, ნიუ ვიჟენ უნივერსიტეტი სპორტული რეაბილიტაციის ცენტრს ააშენებს. მისი ინფორმაციით, დაწყებულია კონკრეტული მოლაპარაკებები სპორტული მედიცინის ცენტრების მშენებლობაზე, აღჭურვაზე, ექიმების და რეაბილიტოგების გადამზადებაზე. საგანელიძის განმარტებით, ამისთვის საჭიროა საკმაოდ დიდი...

განათლების მინისტრი სასკოლო რეფორმაში ფინურ გამოცდილებას გაითვალისწინებს

განათლების მინისტრი სასკოლო რეფორმაში ფინურ გამოცდილებას გაითვალისწინებს
access_time2021-07-30 12:30:08
პრემიერ-მინისტრმა ირაკლი ღარიბაშვილმა განათლების მინისტრ მიხეილ ჩხენკელთან ერთად განათლების სისტემის 10 წლიანი განვითარების გეგმა წარადგინა. მიხეილ ჩხენკელის განცხედებით სკოლებში ესტონური და ფინური გამოცდილების გათვალისწინებით ინტენსიურად მიმდინარეობს მესამე თაობის ეროვნული სასწავლო გეგმის დანერგვის პროცესი, რომელიც 2024 წელს დასრულდება. განათლების მინისტრის განმარტებით სწავლების მეთოდოლოგიის შეცვლა მოსწავლეებში კრიტიკული აზროვნების განვითარებას შეუწყობს...

კომფორტის ფასი თბილისის პრემიუმ კლასის საცხოვრებელ კომპლექსებში

კომფორტის ფასი თბილისის პრემიუმ კლასის საცხოვრებელ კომპლექსებში
access_time2021-07-30 15:00:52
თბილისის პრემიუმ კლასის საცხოვრებელ კომპლექსში მობინადრეების ცხოვრების ხარჯი, კომუნალური გადასახადების გამოკლებით, 400-600 ლარს აღწევს. ამ თანხაში შედის საცხოვრებელი არეალის - სადარბაზოებისა და ეზოების, გამწვანების, ლიფტის, საცურაო აუზების, სასეირნო და სარბენი ბილიკების და სხვა შესაბამისი ინფრასტრუქტურის მოვლა-შენახვის ხარჯი. ამ პროცესს დეველოპერი დაქირავებული კომპანიების საშუალებით უზრუნველყოფს ან ასეთ ფირმებს თავად  ამხანაგობები ქირაობენ. მომსახურების...

ორნიშნა ეკონომიკური ზრდა ივნისშიც გაგრძელდა

ორნიშნა ეკონომიკური ზრდა ივნისშიც გაგრძელდა
access_time2021-07-30 11:20:36
ორნიშნა ეკონომიკური ზრდა გრძელდება. ივნისში მშპ გასული წლის ანალოგიურ მაჩვენებელთან შედარებით 18.7%-ით გაიზარდა.  მთლიანად, წლის პირველ ნახევარში ეკონომიკა 12.7%-ით გაიზარდა, საიდანაც თუ პირველ კვარტალში ეკონომიკა 4.5%-ით შემცირდა, მეორე კვარტალში რეკორდული - 29.8%-იანი ზრდა დაფიქსირდა. საქსტატის ცნობით 2021 წლის ივნისში, წინა წლის შესაბამის პერიოდთან შედარებით ზრდა შეინიშნებოდა შემდეგ დარგებში: დამამუშავებელი მრეწველობა, საფინანსო და სადაზღვევო საქმიანობა,...


მსგავსი სიახლეები

up