კომპანია სპექტრის ორგანიზებით ინფორმაციული ტექნოლოგიების (IT) უსაფრთხოებასა და მონაცემთა დაცვის საკითხებზე კონფერენცია გაიმართა

სპექტრის ორგანიზებით 10-11  ივლისს,  თელავში , გაიმართა კონფერენცია SecureIT , რომელიც შეეხებოდა ინფორმაციული ტექნოლოგიების (IT) უსაფრთხოებასა და მონაცემთა დაცვას. კონფერენციაზე  სხვადასხვა სფეროს ექსპერტებმა  და  საერთაშორისო კომპანიების წარმომადგენლებმა განიხილეს გაზარდილი  გამოწვევები კიბერუსაფრთხოების მიმართულებით და გააზიარეს არსებული საფრთხეების პრევენციის მიმდინარე ტრენდები.

შეხვედრის მიზანი იყო  კიბერუსაფრთხოების პრობლემის აქტუალურობის გაზრდა ბიზნესისთვის  და დარგის წარმომადგენლებს საშუალება მისცა ერთმანეთისთვის გაეზიარებინათ  გამოცდილება და გაცნობოდნენ იმ წამყვან ტექნოლოგიებს, რაც  დაეხმარებათ მართონ უსაფრთხოების რისკები და  შეინარჩუნონ  დაცული და საიმედო ტექნოლოგიური გარემო.

“თანამედროვე ორგანიზაციები საჭიროებენ საინფორმაციო აქტივების დაცვის კომპლექსურ მიდგომას. მსოფლიოში მიმდინარე ბოლო ტენდენციებმა და განსაკუთრებით, გლობალურმა პანდემიამ, მკაფიოდ დაგვანახა ამ მიმართულებით გადაუდებელი ზომების მიღების საჭიროება. თუ ადრე საინფორმაციო უსაფრთხოება მოიაზრებდა, მხოლოდ ორგანიზაციის პერიმეტრის დაცვას, დღევანდელი მოცემულობით, ჩვენი ხედვის თანახმად, უკვე საჭიროა დავიცვათ 3 მთავარი აქტივი: პერსონალი (მათი იდენტიფიცირება), აპლიკაციები და მონაცემები – ხოლო , ეს ყველაფერი უნდა იმართებოდეს ერთიან ე.წ. უსაფრთხოების მართვის ცენტრიდან. ჩვენი კომპანია, 3 წელზე მეტია , საქართველოს ბაზარს, აღნიშნული გადაწყვეტილებებს და მათი უზრუნველყოფის სერვისებს  სთავაზობს”ივანე შეკლაშვილი, Micro Focus ბიზნესის განვითარების მენეჯერი საქართველოში ღონისძიების პარტნიორები იყვნენ წამყვანი საერთაშორიო კომპანიები: Symantec, Palo Alto, Micro Focus

“დღეს კიბერუსაფრთხოება რისკის ქვეშ დგას ისე, როგორც არასდროს. ბიზნესი ყოველწლიურად მილიარდობით დოლარის ზარალს განიცდის კიბერდანაშაულის შედეგად. კომპანია სპექტრი ეხმარება ბიზნესს შეარჩიოს დაცვის სწორი სტრატეგია, აირჩიოს სწორი აპარატული და პროგრამული კოპონენტები და რაც მთავარია, შეიმუშაოს კიბერუსაფრთხოების პოლიტიკა, რომელიც უსაფრთხოებას ციფრულ გარემოში განიხილავს როგორც უწყვეტ პროცესს, სადაც გათვალისწინებულია ყველა კომპონენტის მნიშვნელობა, არის ზომვადი და აზღვევს ბიზნესის რისკებს” ნათია წინწალაშვილი კომპანია სპექტრის დირექტორი

სპექტრი მულტივენდორული კომპანიაა - არაერთი მსოფლიო ბრენდის პარტნიორია საქართველოში. მისი ბიზნეს მოდელით, პარტნიორების დიდი ქსელით, პროცესებში მოქნილობითა და ექსპერტულ გამოცდილებაზე დაყრდნობით სპექტრი მომხმარებელს სწრაფ, ეფექტურ და ინოვაციურ გადაწყვეტებს სთავაზობს, რაც მათ წარმატებული და მომგებიანი ბიზნესის კეთებაში ეხმარება.