PSP-ს ორი სადისტრიბუციო საწყობის შეერთების შედეგად მთავარი გამოწვევა საწყობის პროცესების სრული ავტომატიზაცია გახდა სამუშაო დროის ოპტიმიზაციისა და სერიული კონტროლის განსახორციელებლად.
SMART WMS-ის გადაწყვეტილებამ უზრუნველყო დავალებების სწრაფად და ეფექტურად შესრულება. ამჟამად სისტემა კონკრეტულ დავალებებზე სპეციფიკური მითითების საშუალებით არეგულირებს თანამშრომლის სამუშაოს. ხარვეზის დაფიქსირების შემთხვევაში ხდება ავტომატური რეაგირება, რათა შეკვეთის პროცესი შეფერხების გარეშე წარიმართოს. SMART WMS-ის სისტემის დანერგვის შედეგად, საწყობის 300-მდე თანამშრომელი დავალებებს მობილური აპლიკაციის საშუალებით ასრულებს.
სრულყოფილი გახდა მედიკამენტების აღრიცხვის სისტემა სერიის, ნაშთის და ადგილმდებაროების ზუსტი მითითებით;
დღეს PSP-ს საწყობში შესრულებული სამუშაოს ეფექტურობა, ადამიანური რესურსის ოპტიმალური გამოყენების ხარჯზე, 1,5-ჯერ გაიზარდა. სრულდება ბევრად მეტი დავალება, ხოლო ახალი თანამშრომლების ჩართვა სამუშაო პროცესში გამოცდილი თანამშრომლის დახმარების გარეშე უმოკლეს დროში ხორციელდება.
SMART business უკვე 12 წელია უზრუნველყოფს ნებისმიერი ზომის, მიმართულებისა და სექტორის კომპანიების ციფრულ ტრანსფორმაციას მსოფლიო 60-ზე მეტ ქვეყანაში.
კომპანია კლიენტებს სთავაზობს ERP და CRM, აგრეთვე პროგნოზულ ანალიტიკას და ხელოვნურ ინტელექტზე დაფუძნებული სისტემების პროგრამულ უზრუნველყოფას, დანერგვასა და მხარდაჭერას. გარდა ამისა, SMART business Georgia 2021 წელს დასახელდა Microsoft-ის წლის პარტნიორად საქართველოში 100-ზე მეტ ქვეყნის 4400 კომპანიას შორის. კომპანიამ წამყვან პარტნიორთა შორის საუკეთესოს წოდება ზედიზედ მეხუთედ, ხოლო საქართველოში უკვე მეორედ დაიმსახურა.
(R)