კომპანია „გემოვანი“ – „პროდუქციის რაოდენობრივი ზრდა ხარისხის ხარჯზე არ უნდა ხდებოდეს“

კომპანია „გემოვანი“ – „პროდუქციის რაოდენობრივი ზრდა ხარისხის ხარჯზე არ უნდა ხდებოდეს“

access_time2018-02-05 16:00:48

კომპანია „გემოვანი“ (ქართული სურსათის გამაერთიანებელი ბრენდი) სოფლის მეურნეობის მიმართულებით ფერმერებს სიახლეს სთავაზობს. კერძოდ, გაზაფხულიდან კომპანია ქართული წარმოშობის სხვადასხვა სურსათს ერთ სივრცეში მოაქცევს და ფერმერებს დაეხმარება იმაში, რომ  სოფელში წარმოებული ბუნებრივი პროდუქცია  მომხმარებელმა უკეთ გაიცნოს.

 

როგორც „კომერსანტთან“ საუბრისას „გემოვანის“ დირექტორი ოთარ ნაჭყებია აცხადებს, აუცილებელია, რომ ქვეყანაში ქართული პროდუქციის პოპულარიზაცია მოხდეს, რადგან ეს სოფლის მეურნეობის განვითარებას ხელს შეუწყობს.  

 

„ჯერ ქვეყნის შიგნით უნდა შეიქმნას მოთხოვნა (ბაზარი) ისეთი მაღალი ხარისხის აგრო-სასურსათო პროდუქტებზე, რომელსაც  ჩვენი ქვეყნის სხვადასხვა რეგიონში წარსულშიც აწარმოებდნენ. ის გამოირჩევა, როგორც მაღალი ხარისხის გემური თვისებებით, ასევე გამძლეობით და იმუნიტეტით. ამგვარი პროდუქტების მოყვანა/წარმოება დღეს სამწუხაროდ მინიმუმამდეა დაყვანილი, მაგრამ თუ გაჩნდება მოთხოვნა ეს შეიცვლება. ჩვენი მიზანია მიწოდებას ორგანიზება გავუწიოთ და გავაკონტროლოთ, ეს ხელს შეუწყობს ტრადიციული ჯიშების და მეთოდებით წარმოების გაზრდას-აცხადებს ნაჭყებია. 


მისი ინფორმაციით, ამისათვის კომპანია სოფლის მეურნეობის მიმართულებით საკმაოდ საინტერესო პროექტს ახორციელებს. როგორც ნაჭყებია აცხადებს, გაზაფხულზე „დედაენის“ ბაღში სპეციალური ბაზრობა მოეწყობა, სადაც მხოლოდ საქართველოში წარმოებული, გენეტიკურად ქართული წარმოშობის და ტრადიციული მეთოდით მომზადებული სოფლის პროდუქტი გაიყიდება. ბაზარი ყოველ შაბათ დღეს გაიმართება და შემოდგომიდან სხვა ადგილებიც დაემატება.


„მსგავსი სახის ბაზრობა 2017 წლის ნოემბერში სატესტო რეჟიმში ფილარმონიის შესასვლელში მოეწყო და მასში მონაწილეობა 50-მდე ფერმერმა მიიღო. პროექტი წარმატებული აღმოჩნდა და ჩვენ მას სისტემატურ სახეს მივცემთ“, - განაცხადა ნაჭყებიამ.

 

როგორც ოთარ ნაჭყებია განმარტავს, სოფლის მეურნეობის მიმართულების განვითარებას ხელი თავად კომპანიებმა უნდა შეუწყონ.

 

„ჩვენი ქმედებები სხვებისთვისაც საჩვენებელი უნდა იყოს და ვცდილობთ, რომ ფერმერული მეურნეობის განვითარებას ხელი მაქსიმალურად შევუწყოთ. ფერმერებისთვის მოტივაციის მიცემის შემთხვევაში, მათ საქმისადმი მეტი ინტერესი გაუჩნდებათ. გლეხებთან ურთიერთობის დამყარება და მათ წახალისებას დიდი მნიშვნელობა აქვს.ქართული პროდუქციის გაყიდვას უნდა შევუწყოთ ხელი, რადგან ეს სოფლის მეურნეობის მიმართულებას განავითარებს. საბოლოო ჯამში გვინდა საერთაშორისო ბაზრებზე ვპოზიციონირდეთ, როგორც განსაკუთრებულად მაღალი ხარისხის, ისტორიის და გემოვნური თვისებების სურსათის მწარმოებელ ქვეყნად“, - განმარტა კომპანიის დირექტორმა.


 

„გემოვანის“ დირექტორმა იმპორტირებული და ქართული პროდუქციის ხარისხზეც ისაუბრა. როგორც ნაჭყებია აცხადებს, ქართული პროდუქცია ხარისხზეა ორიენტირებული, ხოლო იმპორტირებული რაოდენობაზე.


მისივე თქმით, რაოდენობას ხარისხი არ უნდა ეწირებოდეს და ხარისხის ხარჯზე რაოდენობრივი ზრდა არ უნდა ხდებოდეს. 

 

„ზოგადად თუ ჩვენ იმპორტირებულ საქონელს ქართულს შევადარებთ, შესაძლოა წარმადობის თვალსაზრისით შემოტანილი პროდუქცია უფრო მეტი იყოს, თუმცა ქართული პროდუქცია ხარისხზეა ორიენტირებული. რაოდენობას ხარისხი არ უნდა ეწირებოდეს და ხარისხის ხარჯზე რაოდენობრივი ზრდა არ უნდა ხდებოდეს.  მაგალითისთვის რძის ხარისხს მოვიყვან. ვთვლი, რომ ქართული რძე ხარისხზე ორიენტირებული იმპორტირებულზე მეტადაა. რადგან დღეს ქართულ ბაზარზე წარმოდგენილი ყველა ფერმერი სუფთა პროდუქციას აწარმოებს.დასამუშავებელი მიწა ბევრი გვაქვს, ხოლო სოფლები ცარიელდება“, - აღნიშნა ოთარ ნაჭყებიამ.

 

რაც შეეხება უშუალოდ კომპანიის საქმიანობას, როგორც აღმოჩნდა, „გემოვანს“ გურიაში საკუთარი ფერმა აქვს სადაც და როგორც მსხვილფეხა, ასევე წვრილფეხა საქონელი ჰყავს მოშენებული.

 

„ფერმის ფორმატი მაქსიმალიურად მიახლოვებულია საყოველთაოდ გავრცელებულ საოჯახო პირობებს. ქართული ჯიშის პირუტყვი და მისი გამძლეობა გარემო პირობებზე იმის საშუალებას გვაძლევს, რომ ღორები რომლებიც ტყეში გვყავს გაშვებული მათი მოვლა ბევრად ადვილია, ვიდრე სხვა ჭარბ წონაზე ორიენტირებული ჯიშების. ასევეა სხვა დანარჩენი მიმართუებებიც.


ამ ეტაპზე ფერმაში თხები, ძროხები და ტყის ღორები გვყავს. ფერმის განვითარებაზე აქტიურად ვზრუნავთ. სამომავლოდ ქათმბის მოშენებას ვაპირებთ“, - აღნიშნა კომპანიის დირექტორმა.

 

შეგახსენებთ, რომ 2015 წელს დაფუძნებული კომპანია „გემოვანი“ ასევე პურის ბრენდ „მზეთამზეს“ მწარმოებელია. მისი საწარმო თბილისში დაახლოებით 500 კვადრატულ მეტრზე მდებარეობს და 22 ადამიანია დასაქმებული.

 

2015 წელს ორმა მეგობარმა ირაკლი ჩავლეშვილმა და ოთარ ნაჭყებიამ  თანამოაზრეების ხელშეწობით ქართული ჯიშის ხორბლის პურის საწარმო „მზეთამზე“ დააფუძნა.  


კომპანიის დამფუძნებლები მიიჩნევენ, რომ საქმიანობის დასაწყისში ქართული ჯიშის ხორბლის პოვნა საქართველოში ძალიან რთული იყო, ხოლო ახლა სულ უფრო მეტი და ხარისხიანი პროდუქციის მომწოდებელი გამოჩნდა.


„მიზანი გვაქვს, რომ საქართველოში მოყვანილმა ხორბალმა ჯერ ქვეყნის შიდა მოთხოვნა დააკმაყოფილოს, ხოლო შემდგომში განსაკუთრებული ჯიშის ხორბლის ექსპორტი ჩვენი პროდუქციით დაინტერესბულ ქვეყნებში განვახორციელოთ“.

 

ავტორი: ლიკა გურაბანიძე




აშშ-ს ყოფილი პრეზიდენტები - ობამა, ბუში და კლინტონი კორონავირუსის საწინააღმდეგო ვაქცინას საჯაროდ გაიკეთებენ

აშშ-ს ყოფილი პრეზიდენტები - ობამა, ბუში და კლინტონი კორონავირუსის საწინააღმდეგო ვაქცინას საჯაროდ გაიკეთებენ
access_time2020-12-04 18:54:11
ამერიკის შეერთებული შტატების ყოფილი პრეზიდენტები, ბარაკ ობამა, ჯორჯ ბუში და ბილ კლინტონი, მზად არიან, რომ ავტორიზაციის შემდეგ, კოვიდ 19-ის ვაქცინა საჯაროდ, კამერების წინ გაიკეთონ და ასე მოსახლეობას დაუმტკიცონ, რომ ის უსაფრთხოა.   ამერიკის ბოლო სამი პრეზიდენტი იმედოვნებს, რომ მათი ეს ნაბიჯი იქნება მყარი გზავნილი ამერიკელი ხალხისთვის, რომ ვაქცინა მართლაც უსაფრთხო და ეფექტურია. სწორედ ამაში ცდილობენ საზოგადოების დარწმუნებას სფეროს ექსპერტები და ვაქცინაზე...

„გამოქვეყნებული ახალ რეიტინგები მნიშვნელოვანი გზავნილია პოტენციური ინვესტორებისთვის - საქართველოს ბიზნესასოციაცია

„გამოქვეყნებული ახალ რეიტინგები მნიშვნელოვანი გზავნილია პოტენციური ინვესტორებისთვის - საქართველოს ბიზნესასოციაცია
access_time2020-12-04 17:55:18
საქართველოს ბიზნეს ასოციაცია Trace International-ის და ტრანსეროვნული ორგანიზაცია SolAbility-ის კვლევებს ეხმიანება და რეიტინგებს პოტენციური ინვესტორებისთვის პოზიტიურ გზავნილად აფასებს. Trace International-ის წარმოებული კორუფციის რისკისგან თავისუფლების ინდექსის მიხედვით, საქართველო მსოფლიოში 28-ე, ხოლო ევროპაში მე-19 ადგილზეა, ხოლო SolAbility-ის გლობალური მდგრადი კონკურენტუნარიანობის ინდექსის მიხედვით, საქართველო 180 ქვეყნიდან, 37-ე ადგილზეა.   ბიზნეს ასოციაციის პრეზიდენტის...

დღის Top 10 საინტერესო ამბავი

დღის Top 10 საინტერესო ამბავი
access_time2020-12-04 21:30:27
დღის Top 10 საინტერესო ამბავი: 1. ლარის გაცვლითი კურსის მორიგი შოკის შემთხვევაში, სახელმწიფო ვალის ნიშნული შესაძლოა მშპ-ის 72%-მდე გაიზარდოს ლარის გაცვლითი კურსის მორიგი შოკის შემთხვევაში, მაღალია ალბათობა სახელმწიფო ვალის ნიშნული მოულოდნელად მშპ-ის 72%-მდე გაიზარდოს. ასეთია აუდიტის სამსახურის ანგარიშის დასკვნა,...

„ადამიანის მისწრაფებას მოგზაურობისადმი ვერაფერი მოსპობს“ - როგორ გადაურჩა პანდემიას Airbnb?

 „ადამიანის მისწრაფებას მოგზაურობისადმი ვერაფერი მოსპობს“ - როგორ გადაურჩა პანდემიას Airbnb?
access_time2020-12-04 20:30:24
დეკემბრის შუა რიცხვებში საცხოვრებელი ფართების დაჯავშნის სერვისი Airbnb-ი თავისი აქციების გასაყიდად გამოტანის პროცედურას დაასრულებს. პირველ ეტაპზე საუბარი იყო 30 მლრდ. დოლარის ფასიან ქაღალდებზე, დღეს კი - 35 მლრდ-ის.   წერილში, რომელიც კომპანიის პრეზიდენტმა ბრაინ ჩესკიმ ბირჟების და ფასიანი ქაღალდების კომისიას გაუგზავნა, ნათქვამია, რომ აქციების განთავსება ჯერ კიდევ მარტში იგეგმებოდა, თუმცა ეს გეგმების პანდემიამ...

OPEC Plus-ი ნავთობმოპოვების ზრდაზე შეთანხმდა

OPEC Plus-ი ნავთობმოპოვების ზრდაზე შეთანხმდა
access_time2020-12-04 19:30:45
OPEC plus-ში შემავალი ქვეყნები 2021 წლის იანვრიდან დღე-ღამეში ნავთობმოპოვების 500 000 ბარელით ზრდაზე შეთანხმდნენ.   შემდგომში გარიგების პირობების ყოველთვიურად გადაიხედება, და მოპოვების მოცულობები მოთხოვნაზე იქნება დამოკიდებული.   ბაზარმა შეთანხმებაზე რეაგირება უკვე მოახდინა - 3 დეკემბერს, ინფორმაციის გავრცელების შემდეგ,  Brent-ის ტიპის ნავთობი 1,2%-ით, 48,8 ბარელამდე გაძვირდა. წყაროების ინფორმაციით, შეხვედრის დროს...


მსგავსი სიახლეები

up