კომპანია Aker Offshore Wind-ი შოტლანდიაში პირველი წყალქვეშა ქვესადგურის მშენებლობას გეგმავს

კომპანია Aker Offshore Wind-ი შოტლანდიაში პირველი წყალქვეშა ქვესადგურის მშენებლობას გეგმავს

access_time2021-10-14 09:30:00

ნორვეგიაში დაფუძნებული კომპანია Aker Offshore Wind-ი შოტლანდიის სანაპიროსთან ქარის პირველი წყალქვეშა ქვესადგურის მშენებლობას გეგმავს. ამის შესახებ ინფორმაცია კომპანიის ოფიციალურ ვებგვერდზე ახლახან გამოქვეყნდა.


წყალზე მოცურავე ქარის ტურბინების მეშვეობით გამომუშავებული ენერგია ქვესადგურების დახმარებით ელექტროქსელს გადაეცემა და ამ გზით სახლები თუ სხვადასხვა დაწესებულება მარაგდება. როგორც წესი, ასეთი ქვესადგურები ზღვის დონეზე არის განლაგებული, თუმცა Aker Offshore Wind-ში მიაჩნიათ, რომ მათი ფსკერზე განთავსება უფრო მეტ სარგებელს მოიტანს. პირველ რიგში, ზღვის წყლის გაგრილების ბუნებრივი სისტემის სახით გამოყენება იქნება შესაძლებელი. ამას გარდა, წყალქვეშა ქვესადგური არ საჭიროებს მბრუნავ ნაწილებს და შედარებით ნაკლებ კომპონენტს მოითხოვს, შესაბამისად, მისი მოვლა გაცილებით იაფი დაჯდება. ტემპერატურის სტაბილურად შენარჩუნებასთან ერთად, ეს კიდევ ერთი მნიშვნელოვანი უპირატესობაა.


Aker Offshore Wind-ი შოტლანდიაში წყალზე მცურავი ქარის ტურბინების ქსელის შექმნაზე პროექტ ScotWind-ის ფარგლებში კომპანია Ocean Winds-თან ერთად მუშაობს. მიზანი 6 ათასი მეგავატი ელექტროენერგიის გამომუშავებაა, რომლითაც მილიონობით სახლი მომარაგდება. Aker Offshore Wind-ის მიერ ახლახან გაჟღერებული ინიციატივა, რომელიც ქვესადგურის ზღვის ფსკერზე განთავსებას გულისხმობს, შესაძლოა, სწორედ აღიშნული პროექტის განხორციელებისას იქნას განხილული.



მსგავსი პროექტების განხორციელება დიდ ბრიტანეთს ატმოსფეროში მავნე ნივთიერებების ემისიის თავიდან არიდებაში დაეხმარება. გასულ წელს ადგილობრივი ხელისუფლების წარმომადგენლებმა განაცხადეს, რომ მათი მიზანი 2035 წლისთვის ჰაერში სათბური გაზების გამოყოფის მაჩვენებლის 78%-მდე შემცირებაა, 2050 წლისთვის კი ამ მონაცემის 0%-მდე დაყვანაა დაგეგმილი.



წყარო: forbes.ge



თეგები:
Aker Offshore Wind



თურქეთი საქართველოს გავლით პროდუქციის ევროკავშირში ექსპორტს შეძლებს

თურქეთი საქართველოს გავლით პროდუქციის ევროკავშირში ექსპორტს შეძლებს
access_time2021-10-16 12:11:40
თურქეთმა მიიღო უფლება თავისუფალი ვაჭრობის რეჟიმში განახორციელოს თურქულ ნედლეულზე საქართველოში წარმოებული პროდუქციის ექსპორტი ევროკავშირში.  ახალი შეთანხმება არ...

ვენეცია ტურისტებს იბრუნებს

ვენეცია ტურისტებს იბრუნებს
access_time2021-10-16 18:00:12
პანდემიის პირველმა წელმა იტალია და, მათ შორის, ვენეცია, უცხოელი ტურისტების გარეშე დატოვა. დღეს ვიზიტორები ბრუნდებიან. რა თქმა უნდა, მასშტაბები ჯერ ისეთი არაა, როგორც 2019 წელს. უქმეებზე ვენეცია ტურისტებით სავსეა, მაგრამ სამუშაო დღეებში ქალაქში შედარებითი სიმშვიდეა. ბოლო მონაცემებით ვენეციაში ჩამოსული ტურისტების რაოდენობა პანდემიამდელი პერიოდის 60%-ს მიაღწია, თუმცა, ვიზიტორების სტრუქტურა შეიცვალა. უცხოელების რაოდენობა 2019 წელთან შედარებით 70%-ით შემცირდა, მაგრამ ამავე დროს იტალიელების 50%-ით...

ბაზარზე გაყინული ფოთლების ჩაი გამოჩნდა

ბაზარზე გაყინული ფოთლების ჩაი გამოჩნდა
access_time2021-10-16 10:00:43
ინოვაციური ტექნოლოგიით დამზადებული ახალი სახეობის გაყინული ფოთლების ჩაი უკვე გაყიდვაშია, მისი შეძენა კი მომხმარებელს გუდვილის (საბურთალოს და დიღმის) ჰიპერმარკეტებში...

ავთანდილმა შეიძლება ავეჯის დიზაინის ხაზიც აამოქმედოს

ავთანდილმა შეიძლება ავეჯის დიზაინის ხაზიც აამოქმედოს
access_time2021-10-16 16:00:04
ქართველი დიზაინერი, ავთანდილ ცქვიტინიძე ავეჯის დიზაინით დაინტერესდა. როგორც სამოდელო სახლ „ავთანდილის“ დამფუძნებელი და დირექტორი ამბობს, ის ჯერჯერობით ძიებაშია და სამომავლო გეგმებზე დაზუსტებით ვერაფერს იტყვის, თუმცა არ გამორიცხავს, რომ მისმა გატაცებამ მომავალში...

რა რისკებს შეიცავს ცენტრალური ბანკების ციფრული ვალუტები

რა რისკებს შეიცავს ცენტრალური ბანკების ციფრული ვალუტები
access_time2021-10-16 14:00:40
ცენტრალური ბანკის ციფრულ ვალუტები,...


მსგავსი სიახლეები

up