რუსეთის პრეზიდენტმა ფედერალური კრებისადმი მიმართვით, ფაქტობრივად კონსტიტუციური რეფორმის დაწყების თაობაზე გამოაცხადა.მისი წინადადებები ძირფესვიანად შეცვლიან რუსეთის დღევანდელ პოლიტიკურ სისტემას - პრეზიდენტის უფლებამოსილება შემცირდება, ხოლო ფედერალური კრების და სახელმწიფო საბჭოს - პირიქით, გაეზრდებათ.
პუტინმა ასევე დააანონსა რეფერენდუმის ჩატარება ამ საკითხებზე, თუმცა, არავის ეპარება ეჭვი იმაში, რომ შემოთავაზებული ცვლილებები გავა იმ ფორმით, რა ფორმითაც მათ სახელმწიფოს მეთაური დააყენებს.რუსეთი ტრადიციულად ძლიერ საპრეზიდენტო რესპუბლიკად ითვლება. პუტინის მიერ შემოთავაზებული ცვლილებების შემდეგ ყველაფერი იქნება სხვანაირად - რუსეთს არ ეყოლება პრეზიდენტი დღევანელი უფლებამოსილებით.
მეტიც, საკონსტიტუციო ცვლილებების თანახმად, იზღუდება პრეზიდენტად არჩევის შესაძლებლობაც. დღეს ერთსა და იგივე ადამიანს არ შეუძლია იყაროს კენჭი 2-ზე მეტჯერ ზედიზედ, ხოლო ერთი ვადის გამოტოვების შემდეგ - ეს დასაშვებია.სწორედ ასე გახდა პუტინი რუსეთის პრეზიდენტი მესამედ . 2 ვადის შემდეგ ეს პოსტი დიმიტრი მედვედევმა დაიკავა, ხოლო 2012 წელს - კონსტიტუციასთან სრული თანხმობით, ის არჩეულ იქნა კიდევ ერთხელ.
შემოთავაზებული ცვლილებები დაასრულებს ამ პრაქტიკას, შესაბამისად, ამიერიდან ვერავინ ვერ გაიმეორებს პუტინის რეკორდულ, 16-წლიან პრეზიდენტობას.თუმცა, ეს არც იქნება საჭირო, რადგანაც ძალაუფლების ცენტრი სხვა სტრუქტურაში გადაინაცვლებს. სავარაუდოდ, ეს სახელმწიფო საბჭო იქნება.
ეს ორგანო 2000 წელს შეიქმნა, თუმცა, ამჟამად ის არის მხოლოდ საკონსულტაციო და არანაირ რეალურ ძალაუფლებას არ ფლობს. პუტინის მიერ შემოთავაზებული საკონსტიტუციო ნორმები მკვეთრად ცვლიან ამ სიტუაციას - სახელმწიფო საბჭოში ძლიერდება და რეალურ ფუნქციებს იძენს.ერთის მხრივ, ეს აძლიერებს ადგილობრივ გუბერნატორებს, მეორე - საგრძნობლად ცვლის სახელმწიფო მმართველობის სტრუქტურას. პირველ რიგში, ეს დამოკიდებულია იმაზე, თუ რა ფუნქციებს შეიძენს სახელმწიფო საბჭო.
სავარაუდოდ, სწორედ სახელმწიფო საბჭოს თავჯდომარის პოსტს დაიკავებს პუტინი მისი საპრეზიდენტო უფლებამოსილების ამოწურვის შემდეგ.ამ ეტაპზე ჯერ გაურკვეველია, გადადის თუ არა რუსეთი საპარლამენტო რესპუბლიკის მოდელზე, მაგრამ თავად პუტინმა განაცხადა, რომ ქვეყანა საპრეზიდენტო სისტემის ფარგლებში დარჩება, თუმცა, ცალსახაა, რომ პარლამენტის როლი მომავალ პოლიტიკურ სისტემაში მკვეთრად გაიზრდება.
მაგალითად, შეიცვლება ძალოვანი მინისტრების დანიშნვის წესი. დღეს ეს მთლიანად პრეზიდენტის პრეროგატივაა, შემოთავაზებული ცვლილებების შემდეგ, ამისთვის ფედერაციის საბჭოს თანხმობა იქნება საჭირო.იგივე პრინციპი შეეხება ადგილობრივი გუბერნატორების და პროკურორების დანიშვნის წესსაც - აქაც ძალაუფლების ცენტრი ფედერაციის საბჭოში გადადის.
პრეზიდენტი ასევე სთავაზობს მოქალაქეებს უზენაესი და საკონსტიტუციო სასამართლოების ძალაუფლების შეზღუდვას.თუმცა, ეს ყველაფერი დეტალებია, ამ ინიციატივის მთავარი არსი ჯერ გაურკვეველია, რადგანაც არ არსებობს პასუხი მთავარ შეკითხვაზე - რისთვისაა ეს ყველაფერი და რას აპირებს პუტინი თავისი მესამე საპრეზიდენტო ვადის ამოწურვის შემდეგ?
ფაქტია, რომ კრემლში მზადება სწორედ ამ პერიოდისთვის დაიწყო, თუმცა, ჯერჯერობით, არ არსებობს არანაირი ზუსტი და გადამოწმებული ინფორმაცია პრეზიდენტის სამომავლო გეგმებზე.ერთ-ერთი ვერსიით, პუტინი მმართველი პარტიის ლიდერის თანამდებობას დაიკავებს, შესაბამისად, ის გააკონტროლებს პარლამენტს, მთავრობას და საბოლოო ჯამში - დასუსტებულ პრეზიდენტსაც.
თუ გავითვალისწინებთ პრეზიდენტის უფლებამოსილების შემცირებას და ფედერაციის საბჭოს გავლენის მკვეთრ ზრდას, ასეთი ვარიანტი ნამდვილად არაა გამორიცხული.არის კიდევ სხვა ვარიანტები - პუტინი, როგორც სახელმწიფო საბჭოს, ან უშიშროების საბჭოს თავჯდომარე.
„ყველაფერი დამოკიდებულია იმაზე, თუ როგორ განაწილდება სხვადასხვა სახელმწიფო ორგანოების უფლებამოსილება მომავალი რეფორმის დროს“ - ამბობს წყარო კრემლში.