„კომერსანტის“ ექსკლუზივი - „თი ბი სი“ ბანკის სათავო ოფისისთვის განკუთვნილი უძრავი ქონება „IG Development“-მა იყიდა

„კომერსანტის“ ექსკლუზივი - „თი ბი სი“ ბანკის სათავო ოფისისთვის განკუთვნილი უძრავი ქონება „IG Development“-მა იყიდა

access_time2021-06-10 10:00:58

„კომერსანტის“ ექსკლუზიური ინფორმაციით, 2021 წლის ერთ-ერთი უმსხვილესი ბიზნეს გარიგება შედგა. „თი ბი სი“ ბანკმა საკუთრებაში (უნივერსიტეტის 2 ნომერში) არსებული ობიექტი, რომელიც მრავალი წელია უფუნქციოდაა დარჩენილი, რითეილ ბაზრის ლიდერ „IG Development“-ს მიჰყიდა. ამის შესახებ ინფორმაცია „კომერსანტანს“ კომპანიის დამფუძნებელმა მინდია საბანაძემ დაუდასტურა, თუმცა გარიგების ღირებულების დასახელება არ ისურვა. ბიზნესმენი გვიყვება, რომ ახლა ქონების გადაფორმების პროცესი მიმდინარეობს.


მინდია საბანაძეს ამ ქონებასთან დაკავშირებით მასშტაბური გეგმები აქვს. ამბობს, რომ დედაქალაქის ცენტრში საუკეთესო პროექტს განახორციელებს. პროექტს, სადაც განსაკუთრებული ყურადღება რეკრეაციული სივრცის მოწყობას დაეთმობა. 120 მლნ აშშ დოლარის ინვესტიციით, „IG Development“-ი „residential“-სა და ბიზნეს ცენტრს ააშენებს. ტერიტორიაზე ასევე მოეწყობა სპა, ღია და დახურული აუზები, კორტები და პატარა ტყეც გაშენდება. ბიზნესმენი გვეუბნება, რომ ყოველი ვარდნის შემდეგ აღმასვლა იწყება. მისი თქმით, ახლა არის ის მომენტი, როდესაც სიტუაცია რადიკალურად იცვლება. „IG Development“-ის დამფუძნებელს იმედი აქვს, რომ უახლოეს მომავალში ვითარება გამოსწორდება და ეკონომიკის სწრაფი განვითარება დაიწყება. სწორედ ამიტომ გადაწყვიტა ახლა მასშტაბური პროექტი დაწყება, რომლის განხორციელებასაც მინიმუმ 2 წელი დასჭირდება.

 

„ტერიტორია, 45 000 კვ. მეტრი სრულად შევისყიდეთ, ვფიქრობთ „residential“-ის და ბიზნეს ცენტრის მშენებლობას. დღევანდელი დეველოპერები ყოველთვის ცდილობენ კოეფიციენტი გაზარდონ, ჩვენ პირიქით, მინიჭებული კოიფიციენტის ათვისებაც არ გვინდა. იდეაში გვაქვს ორი მაღალი შენობის, ბიზნეს ცენტრისა და საცხოვრებელის აშენება, ასევე დაბალი განაშენიანების პატარ-პატარა შენობების განვითარება. მოეწყობა კონსოლიდირებული სარეკრეაციო სივრცე, დღეს ძალიან ბევრი კომპანია ამბობს, რომ მათ მიერ განხორციელებულ პროექტს სარეკრეაციო სივრცე ექნება. ჩვენს კომპლექსში მიწის ზევით მანქანას ვერ დაინახავთ, რადგან მიწისქვეშა პარკინგი აშენდება. ტერიტორიაზე მხოლოდ და მხოლოდ ფეხით სასეირნო ბილიკები იქნება, მოეწყობა ხელოვნური ტბა, ტყე, იქნება ქანდაკებები, განათებები, კაფე-რესტორანი, სარკისებური წყლის სივრცე, რომელიც ჩანჩქერისებულად გადმოდის, მთლიანობაში ძალიან ლამაზი, აბსოლუტურად განსხვავებული სივრცის განაშენიანებაა დაგეგმილი. სპა, დახურული და ღია აუზი, სავარჯიშო დარბაზი, სალონი, კორტები  - დღეს ქალაქის ცენტრში ასეთი სივრცე არ არის. კომლექსს წინ ესაზღვრება ცენტრალური პარკი, რამაც პროექტის განხორციელების სურვილი გაგვიორმაგა და გადაწყვეტილება მარტივად მივიღეთ“, - გვიყვება მინდია საბანაძე.


 

„კომერსანტის“ ინფორმაციით, უმსხვილესი ბიზნეს გარიგების ერთ-ერთი პირობა „IG Development“-ის ბრუნვის „საქართველოს ბანკიდან“ „თიბისი ბანკში“ გადატანა იყო, თუმცა კომპანიის დირექტორი ამ ინფორმაციას არ ადასტურებს. მინდია საბანაძე ამბობს, რომ საქართველოს ბანკი „IG Development“–ის ძირითადი პარტნიორია თუმცა, თიბისი ბანკშიც საკმაოდ დიდი თანხის ბრუნვა აქვთ და დიდი ხანია მათთან მეგობრობენ.

 

შეგახსენებთ, რომ აღნიშნულ ტერიტორიაზე „თიბისი ბანკი“ ახალი სათავო ოფისის შენობის მშნებლობას გეგმავდა, სწორედ ამ მიზნით შეიძინა საფინანსო ინსტიტუტმა წლების წინ უძრავი ქონება, თუმცა არჩევანი საბოლოოდ ქალაქის ცენტრისგან მოშორებით, ლისის ტბასთან,მთის ფერდობზე შეჩერდა.


ბაჩო ადამია




ლარი ყველა ძირითად საერთაშორისო და რეგიონულ ვალუტასთან გაუფასურდა

ლარი ყველა ძირითად საერთაშორისო და რეგიონულ ვალუტასთან გაუფასურდა
access_time2021-07-27 18:00:21
27 ივლისის ვაჭრობის შედეგად ლარი აშშ დოლართან მიმართებაში 0.64 თეთრით 3.0892-მდე გაუფასურდა. Bloomberg-ის პლატფორმაზე კი დღის ბოლოს 3.0930-იანი კურსი დაფიქსირდა. დოლარის მსგავსად ლარი ყველა სხვა ძირითად საერთაშორისო და რეგიონულ ვალუტასთან გაუფასურდა. კერძოდ: ევროსთან 0.38 თეთრით - 3.6409-მდე, ბრიტანულ ფუნტთან 0.67 თეთრით 4.2588-მდე, თურქულ ლირასთან 0.02 თეთრით 0.3604-მდე, აზერბაიჯანულ მანათთან 0.52 თეთრით 1.8159-მდე, 100 რუსულ რუბლთან 2.74 თეთრით 4.1895-მდე, 1000 სომხურ...

დღის TOP 10 მნიშვნელოვანი ამბავი

დღის TOP 10 მნიშვნელოვანი ამბავი
access_time2021-07-27 21:00:12
დღის TOP 10 მნიშვნელოვანი ამბავი:   1. მასობრივი ვაქცინაციის ცენტრები კვირის ბოლომდე მომზადდება იმუნიზაციის პროცესის შეუფერხებლად და კიდევ უფრო სწრაფი ტემპებით წარმართვის მიზნით, მასობრივი ვაქცინაციის ცენტრები მიმდინარე კვირის ბოლომდე უნდა მომზადდეს.   2. რა ღირს ყველაზე ძვირი...

ისრაელის პარლამენტმა გადადო საქართველოს „წითელ სიაში“ შეყვანა

ისრაელის პარლამენტმა გადადო საქართველოს „წითელ სიაში“ შეყვანა
access_time2021-07-27 17:00:45
ქნესეთის (ისრაელის პარლამენტი) იურიდიულ და საკონსტიტუციო საკითხთა კომიტეტმა იმ ქვეყნებს ჩამონათვალის გაფართოების შესახებ კენჭისყრა გადადო, რომელში მოგზაურობაც, წითელის ზონის სტატუსის გამო, ისრაელის მოქალაქეებს შეეზღუდებოდათ პარასკევიდან. საუბარია დიდ ბრიტანეთზე, კვიპროსზე, თურქეთსა და საქართველოზე. კომიტეტეტის თავმჯდომარემ გიდალ კარივმა ისრაელის ხელისუფლებას იზოლაციის წესების აღსრულებასთან დაკავშირებით, აგრეთვე სპეციალური ნებართვის მისაღებად მოქმედი ზომების ეფექტიანობის...

აფბა: დღეს ქვეყანაში საწვავის გაიაფების ყველა წინაპირობა არსებობს

აფბა: დღეს ქვეყანაში საწვავის გაიაფების ყველა წინაპირობა არსებობს
access_time2021-07-27 12:45:13
“ახალგაზრდა ფინანსისტთა და ბიზნესმენთა ასოციაცია“ – აფბა, საწვავის ბაზარზე არსებულ მდგომარეობას აფასებს და აცხადებს, რომ დღეს როგორც საერთაშორისო ბაზარზე ფასწარმოქმნაზე მოქმედი, ასევე ადგილობრივი პარამეტრები იძლევა იმის საშუალებას, რომ საქართველოში დაიწყოს საწვავის გაიაფება.   აფბას განცხადებას უცვლელად გთავაზობთ:   „როგორც საზოგადოებისთვის ცნობილია, მიმდინარე წელს საწვავის ფასი საქართველოში განუხრელად იზრდება. მან ისტორიაში პირველად, გადალახა ყველა...

10-ჯერ მაღალი საპროცენტო სარგებლის მიუხედავად, დეპოზიტების ლარიზაციის მაჩვენებელი 25%-ზე ნაკლებია

10-ჯერ მაღალი საპროცენტო სარგებლის მიუხედავად, დეპოზიტების ლარიზაციის მაჩვენებელი 25%-ზე ნაკლებია
access_time2021-07-27 16:00:19
ბანკებში ფიზიკური პირების დეპოზიტების ლარიზაციის მაჩვენებელი 25%-ზე ნაკლებია. მიუხედავად იმისა, რომ ლარში განთავსებულ ანაბარს თითქმის 10-ჯერ მეტი საპროცენტო სარგებელი ერიცხება და 6 თვეში 5%-ით გამყარდა, ეროვნული ვალუტის მიმართ ნდობა კვლავ დაბალია. მიმდინარე წლის პირველ 6 თვეში ლარში განთავსებული ანაბრის მთლიანი მოცულობა (ფიზიკური და იურიდიული პირები) 1.047 მლრდ-ით 13.903 მლრდ-მდე გაიზარდა, უცხოურ ვალუტაში კი 235 მლნ-ით 21.385 მლრდ-მდე შემცირდა, რისი მთავარი მიზეზიც ლარის...


მსგავსი სიახლეები

up