“კომერსანტის“ ექსკლუზივი:  საქართველოში მამაკაცის იტალიური ელეგანტურობის სიმბოლოდ წოდებული ბრენდი - BOGGI Milano შემოდის

“კომერსანტის“ ექსკლუზივი: საქართველოში მამაკაცის იტალიური ელეგანტურობის სიმბოლოდ წოდებული ბრენდი - BOGGI Milano შემოდის

access_time2019-10-09 11:00:44


საქართველოში მამაკაცის იტალიური ელეგანტურობის სიმბოლოდ წოდებული ბრენდი - BOGGI Milano შემოდის.




თითქმის საუკუნოვანი ისტორიის ბრენდი BOGGI Milano (ბოჯი მილანო) 1939 წელს დაარსდა და მამაკაცის სამოსის მწარმოებელ მსოფლიო ბრენდებს შორის მალევე დაიმკვიდრა წამყვანი ადგილი გამორჩეული იტალიური სტილისა და ელეგანტურობის უნიკალური შერწყმით.



ბრენდი ორიენტირებულია ნებისმიერი თაობის კოსმოპოლიტ, საქმიან მამაკაცებზე, ვისთვისაც მნიშვნელოვანია შეინარჩუნონ კომფორტი და სტილი ყოველდღიურად. სეზონური კოლექციების დიდი ნაწილი ეთმობა Smart Casual და Easy Formal სტილს, რისი შთაგონებაც არის დახვეწილი - გემოვნებიანი მილანელი მამაკაცი. სწორედ ამიტომაც არის ბრენდის დასახელების აქცენტირებული ნაწილი - Milano. თუმცა, ბრენდის კოლექციებში ასევე განსაკუთრებული ადგილი უკავია მამაკაცის სამოსს ყველაზე ოფიციალური მოვლენებისთვისაც, სადაც ბრენდი Tailor-Made კულტურას ინარჩუნებს. იყენებს დიდ არტისანულ გამოცდილებას და უმაღლესი ხარისხის Loro Piana-ს ქსოვილებს, რაც შეუდარებელი ხარისხის უცვლელი ნიშანია.






BOGGI Milano ტანსაცმლის გარდა, ფეხსაცმელებისა და აქსესუარების მრავალფეროვნებას შესთავაზებს ქართველ მამაკაცებს. მნიშნელოვანია, რომ პროდუქციის აბსოლუტური უმრავლესობა ექსკლუზიურად დამზადებულია იტალიაში.


“BOGGI Milano წარმოდგენილია 37 ქვეყანაში 190-ზე მეტი მაღაზიით. ძალიან მოხარული ვართ, რომ შემდეგი ქვეყანა საქართველოა, სადაც ჩვენი ბრენდის ოფიციალური წარმომადგენლობა გაიხსნება. ბრენდი იზრდება გლობალურად ყოველდღე, რაც საშუალებას გვაძლევს მოვახდინოთ იტალიური სტილის ფილოსოფიის გავრცელება მთელს მსოფლიოში. ამ მიზნის მისაღწევად 2016 წელს დავაარსეთ BOGGI Milano Academy, სადაც უკვე საქართველოს წარმომადგენლებიც გაივლიან ყოველწლიურ სწავლებას. ბრენდის მასშტაბების საერთაშორისო გაფართოების მიუხედავად, ჩვენ ყოველთვის განსაკუთრებულ ყურადღებას ვამახვილებთ ადგილობრივი ბაზრის ინდივიდუალურობაზე. ქართველი მომხმარებელი კი ვიცით, რომ განსაკუთრებულია და ის დახვეწილი გემოვნებით გამოირჩევა,” - აცხადებს ლორენცო მანცონი, ბრენდის ხელმძღვანელი საერთაშორისო ბიზნესის მიმართულებით.


მანცონის თქმით, სასიხარულო იყო ფაქტი, რომ თბილისში იხსნება მაღალი დონის სავაჭრო ცენტრი - “სითი მოლი” ქავთარაძის #1-ში, რომლის მეორე სართულზე მდებარე ე.წ Luxury Corner-ში დაიკავებს თავის ღირსეულ ადგილს “ბოჯი მილანოს” პირველი ოფიციალური შოურუმი საქართველოში.


ბრენდის ფრანჩაიზის ექსკლუზიური მფლობელია სს “პრობუს კაპიტალი” და შპს “აიჯი ინვესტი”. სს “პრობუს კაპიტალი” ასევე ფლობს და მართავს Calvin Klein-ის ბრენდს საქართველოში.


BOGGI Milano-ს გრანდიოზული ოფიციალური გახსნა ნოემბრის თვეშია დაგეგმილი.


ბაჩო ადამია



თეგები:
BOGGI Milano



რატომ ჭიანურდება ბათუმის ბულვარის გაგრძელების და ჭოროხზე ხიდის მშენებლობის საკითხი

რატომ ჭიანურდება ბათუმის ბულვარის გაგრძელების და ჭოროხზე ხიდის მშენებლობის საკითხი
access_time2020-02-17 19:00:13
საქართველოს მთავრობის დაკვეთით უნდა მომზადებულიყო კვლევა, რომელიც ბათუმის ბულვარის, სანაპიროზე გზის გაგრძელებას, ჭოროხზე ახალი ხიდის მშენებლობას და გონიოს ყოფილი პოლიგონის განვითარებას შეეხებოდა. შესაბამისი დაფინანსება ერთი წლის წინ მოძიებული იყო, თუმცა, მთავრობამ კვლევის ჩატარება მაინც ვერ უზრუნველყო. მთავრობა საჭირო თანხას ამ ეტაპზე ხელახლა ეძებს. „ბათუმელებმა“ აღნიშნულ საკითხზე ინფორმაციის მისაღებად, წერილობით, საქართველოს მთავრობას და რეგიონული...

DailyMail: სტალინის საბჭოთა რივიერა - წყალტუბოს შთამბეჭდავი აბანოები და სანატორიუმები

DailyMail: სტალინის საბჭოთა რივიერა -  წყალტუბოს შთამბეჭდავი აბანოები და სანატორიუმები
access_time2020-02-17 20:00:57
წყალტუბო, რომელიც ადრე ცნობილი იყო, როგორც საბჭოთა კავშირის რივიერა, დღეს ფოტოგრაფების საყვარელი ადგილია. ევროპელი ფოტოგრაფი ამოს ჩაპლი იანვარში 3 დღით ეწვია ამ ქალაქს, რომელზე დაყრდნობითაც ბრიტანულმა გამოცემა Dailymail-მა წყალტუბოს საბჭოთა ნაგებობებს ვრცელი ფოტორეპორტაჟი მიუძღვნა.    Radio Free Europe-ის  ფოტოგრაფის თქმით, კურორტი წყალტუბო საქართველოში ყველაზე გასაოცარი ადგილია  დიდი კრისტალური ჭაღებითა და...

დღის Top-10 საინტერესო ამბავი

დღის Top-10 საინტერესო ამბავი
access_time2020-02-17 21:30:17
დღის Top-10 საინტერესო ამბავი 1.გადახდის სისტემა, რომელიც “თაღლითობის” საშუალებას იძლევა სახელმწიფო აუდიტის სამსახურმა თბილისის სატრანსპორტო კომპანიის შემოსავლები შეისწავლა და მნიშვნელოვანი...

„ქართულ ოცნებას“ ქვეყანა არ უყვარს, თორემ მას ასე უდიერად არ მოექცეოდნენ“

„ქართულ ოცნებას“ ქვეყანა არ უყვარს, თორემ მას ასე უდიერად არ მოექცეოდნენ“
access_time2020-02-17 18:00:43
„საქართველოში ერთადერთი სფერო,რომელიც ვითარდებოდა იყო ტურიზმი. გასულ წელს კი სექტორი კრიზისში შევიდა. ამის მიზეზი კი „ქართული ოცნების“ არასწორი სტრატეგიაა.“- ამის შესახებ „ახალი საქართველოს“ ლიდერმა გიორგი ვაშაძემ რადიო „კომერსანტის“  გადაცემა „ცოდნა და წარმატება“ ნანა ტოხვაძესთან ერთად ისაუბრა. მისი თქმით, სფერო,რომელიც დამოუკიდებლად ვითარდებოდა, ჩამოშლის...

გიორგი ზედელაშვილის დედის კომპანიამ სახელმწიფო ბიუჯეტიდან 105 მილიონ ლარზე მეტი მიიღო

გიორგი ზედელაშვილის დედის კომპანიამ სახელმწიფო ბიუჯეტიდან 105 მილიონ ლარზე მეტი მიიღო
access_time2020-02-17 15:00:40
“საერთაშორისო გამჭვირვალობა - საქართველო” რეგულარულად ახორციელებს სახელმწიფო შესყიდვების მონიტორინგს. კვლევისას გამოიკვეთა, რომ სახელმწიფო უსაფრთხოებისა და კრიზისების მართვის საბჭოს მდივნის ყოფილი პირველი მოადგილის - გიორგი ზედელაშვილის დედის კომპანიას, შპს “საგზაო სამშენებლო-სარემონტო კომპანია სერპანტინს” დომინანტური პოზიცია უკავია ტენდერებსა და გამარტივებულ შესყიდვებში. “სერპანტინმა” მხოლოდ კახეთის რეგიონში განხორციელებული პროექტებისთვის სახელმწიფო ბიუჯეტიდან, 2013 წლიდან დღემდე,...


მსგავსი სიახლეები

up