„კომერსანტის“ ექსკლუზივი: საქართველოს სადაზღვევო ჯგუფი „ჯეო ჰოსპიტალსს“ არაკეთილსინდისიერ კონკურენციაში ადანაშაულებს

„კომერსანტის“ ექსკლუზივი: საქართველოს სადაზღვევო ჯგუფი „ჯეო ჰოსპიტალსს“ არაკეთილსინდისიერ კონკურენციაში ადანაშაულებს

access_time2021-02-17 10:00:33

საქართველოს სადაზღვევო ჯგუფი (IGG) ერთ-ერთი მსხვილი ჰოსპიტალური ქსელის წინააღმდეგ საჩივარს ამზადებს. როგორც „კომერსანტისთვის“ გახდა ცნობილი, საუბარია კონკრეტული ფაქტის შესახებ „ჯეო ჰოსპიტალსის“ წინააღმდეგ, რომელიც შესაძლოა მოდიოდეს წინააღმდეგობაში კონკურენციის შესახებ კანონთან, რაც გულისხმობს კონკრეტულ რეგიონში დომინანტური მდგომარეობის ბოროტად გამოყენებას, შეთანხმებულ ქმედებას ან არაკეთილსინდისიერი კონკურენციის ფაქტს.


საქართველოს სადაზღვევო ჯგუფის დამფუძნებელი არჩილ მორჩილაძე „კომერსანტთან“ აღნიშნავს, რომ სავალალოა, როდესაც ბანკთან დაკავშირებული კომპანია არის ყველაზე მსხვილი სააფთიაქო ქსელის, ყველაზე დიდი ჰოსპიტალური ქსელის და სამი სადაზღვევო კომპანიის მფლობელი. მისი თქმით, ასეთ პირობებში სადაზღვევო ბაზრის კონკურენტული განვითარება ფანტასტიკის სფეროა, რადგან სადაზღვევო კომპანიებს არ ეძლევათ კონკურენტულ გარემოში ოპერირების საშუალება, რაც საბოლოო ჯამში მოსახლეობას შეუქმნის პრობლემას, როგორც ფასის ასევე სერვისის ხარისხის მხრივ. მისივე თქმით, მსგავსი ფაქტის მოკვლევის მიზნით, კონკურენციის სააგენტოს უკვე მიმართეს, რომ დაიწყოს ერთ-ერთი ჰოსპიტალური ქსელის მიერ კონკურენციის კანონის დარღვევის ფაქტის შესწავლა, რომელიც მათი კომპანიის წინააღმდეგ განხორციელდა.


„ფაქტის შესახებ ვაცნობეთ სადაზღვევო ასოციაციას და დაზღვევის ზედამხედველობის სამსახურსაც. ასეთი ტიპის უხეში დარღვევა აქამდე არ ჩაუდენია არცერთ სხვა ჰოსპიტალურ ქსელს, არც ბანკთან აფილირებულ ყველაზე დიდ ჰოსპიტალურ ქსელს, მათ შორის არც „ევექსს“ და „იმედი L“-ს. ჩვენ კონკურენციის სააგენტოს მივაწოდეთ ის დოკუმენტაცია, რითაც ცალსახად სახეზეა ამ ჰოსპიტალური ქსელის და მასთან აფილირებული კომპანიის მიერ განხორციელებული არამართლზომიერი ქმედებები. ისინი ბოროტად იყენებენ რა სამედიცინო ბაზარზე ზოგიერთ რეგიონში მათ დომინანტურ მდგომარეობას, ახორციელებენ ისეთ არაკეთილსინდისიერ ქმედებებს, როგორიცაა სახელმწიფო შესყიდვების ფარგლებში გამარჯვებულად გამოვლენილი პრეტენდენტის საწინააღმდეგოდ ისეთი დოკუმენტაციების შექმნა, რომელიც არამარტო არათანაბარ პირობებში აყენებს პრეტენდენტს სხვა პრეტენდენტებთან მიმართებაში, არამედ პირდაპირ ზიანს აყენებს კონკურენტის ეკონომიკურ საქმიანობას.


კონკურენციის სააგენტოსგან პირველადი პასუხი უკვე მივიღეთ და ფაქტიურად გვთხოვენ, რომ ამან მიიღოს საჩივრის ფორმა. ვფიქრობ ისინი გადადგამენ გარკვეულ ნაბიჯებს, რადგან ამაზე კარგი შემთხვევა რომ კონკურენციის სააგენტომ თავი გამოიჩინოს არამგონია კიდევ ჰქონდეთ. ჩვენი მხრიდან აუცილებელი იყო ამ ნაბიჯის გადადგმა“,
- აცხადებს არჩილ მორჩილაძე.



„ჯეო ჰოსპიტალსი“-ს სამეთვალყურეო საბჭოს თავმჯდომარე ნინო კობახიძე არაკეთილსინდისიერ ქმედებებში თავად საქართველოს სადაზღვევო ჯგუფს ადანაშაულებს. კობახიძე „კომერსანტთან“ ამბობს, რომ ამ ეტაპზე მისთვის საქმის დეტალები უცნობია, თუმცა თუ კონკურენციის სააგენტო „ჯეო ჰოსპიტალსს“ ოფიციალურად მიმართავს, ჰოსპიტალური ქსელი თავად აღძრავს IGG-ის წინააღმდეგ საქმეს.


„კონკურენციის სააგენტოს ამ ეტაპზე ჩვენთვის ოფიციალურად არ მოუმართავს, თუმცა თუ მოგვმართავენ, სავარაუდოდ ალბათ აღვძვრავთ საქმეს საქართველოს ჯანდაცვის ჯგუფის წინააღმდეგ ცუდი, უხარასხო მომსახურების და ტენდერების ხელში ჩაგდების მიზნით, როგორ შედიან სახელმწიფო ტენდერებში და აყალბებენ დოკუმენტაციას. ჯერ არ ვიცით დეტალები, ვნახეთ მხოლოდ მათი განცხადება, რომ ერთ-ერთი ჰოსპიტალური ქსელის წინააღმდეგ მიმართეს კონკურენციის სააგენტოს. როგორც კი უფრო მეტ დეტალს გავიგებთ, ოფიციალურ განცხადებას გავაკეთებთ და ჩვენს პოზიციასაც დავაფიქსირებთ“, - ამბობს ნინო კობახიძე.


საქართველოს კონკურენციის ეროვნული სააგენტოს თავმჯდომარე ირაკლი ლექვინაძე „კომერსანტთან“ განმარტავს, რომ სააფთიაქო და ჰოსპიტალური ქსელების ვერტიკალური ინტეგრაციის სტრუქტურის შესახებ ცნობილია და ასეთი ჰოლდინგური კომპანიების არსებობას კანონმდებლობა არ კრძალავს. მისი თქმით, კონკურენციის სააგენტო შესაბამის არგუმენტაციის არსებობის შემთხვევაში მზადაა დაიწყოს ბაზრის მონიტორინგი, რომლის მიზანიც იქნება შეფასდეს მდგომარეობა თუ რამდენად უშლის ხელს კომპანიების ასეთი ვერტიკალური სტრუქტურები კონკურენციის განვითარებას.


„საქართველოს სადაზღვევო ჯგუფის და ბატონი არჩილის მიერ იქნა გამოგზავნილი წერილი, სადაც საუბარია კონკრეტული ფაქტის შესახებ ერთ-ერთი ჰოსპიტალური ქსელის წინააღმდეგ, რომელიც შესაძლოა მოდიოდეს წინააღმდეგობაში კონკურენციის შესახებ კანონთან, თუმცა მოკვლევის დაწყებამდე მნიშვნელოვანია დაკონკრეტდეს წერილში დასმული საკითხები და მას მიეცეს საჩივრის სახე, ამის შესახებ ჩვენ ვაცნობეთ კომპანიას და ველოდებით მათ განაცხადს, რის შემდეგაც პროცედურის მიხედვით მოპასუხე კომპანიასაც ვთხოვთ წარმოდგენილ საჩივარზე საპასუხო არგუმენტებს, შემდეგაც მივიღებთ გადაწყვეტილებას მოკვლევის დაწყების თაობაზე. აქვე გეტყვით, რომ მოკვლევის წარმოებისას კონკურენციის ეროვნულ სააგენტოს აქვს კანონით დადგენილი ვადები (18 თვემდე) რა პერიოდში უნდა დადგინდეს ქონდა თუ არა ადგილი კონკურენციის შესახებ კანონის დარღვევას და ასეთის არსებობის შემთხვევაში იქნება შესაბამისი სანქციაც“, - აღნიშნავს ირაკლი ლექვინაძე.


ნინო თამაზაშვილი




„ფაიზერის“ ვაქცინის მცირე რაოდენობა შესაძლოა საქართველომ 3 კვირაში მიიღოს

„ფაიზერის“ ვაქცინის მცირე რაოდენობა შესაძლოა საქართველომ 3 კვირაში მიიღოს
access_time2021-03-05 18:15:08
ჯანდაცვის მინისტრის მოადგილის, თამარ გაბუნიას ინფორმაციით, „ფაიზერის“ ვაქცინა საქართველოში სავარაუდოდ, 22 მარტის კვირაში შემოვა. როგორც მან სამინისტროში გამართულ ბრიფინგზე განაცხადა, მარტის თვის ბოლოსთვის ქვეყანაში შესაძლოა „ასტრაზენეკას“ ვაქცინაც შემოვიდეს. „წინასწარი ინფორმაციით, „ფაიზერის“ ვაქცინის მოწოდება მოხდება 22 მარტის კვირაში, ამდენად, მარტის ბოლომდე ვაქცინაციის პროგრამა „ფაიზერის“ მიმართულებით დაიწყება. სიახლეა „ასტრაზენეკასთან“...

გაიაფებული რიყის დოქები ისევ ვერ გაიყიდა

გაიაფებული რიყის დოქები ისევ ვერ გაიყიდა
access_time2021-03-05 19:00:38
რიყის დოქები ისევ არ გაიყიდა. ხელახალი აუქციონზე მისი ფასი 24 მლნ-მდე ლარით იყო გაიაფებული და აუქციონზე 71,25 მლნ ლარად იყო შეთავაზებული. ქონება პროექტი „100 საინვესტიციო შეთავაზება ბიზნესს“ ფარგლებში იყო აუქციონზე გამოტანილი. ეკონომიკისა და მდგრადი განვითარების სამინისტრო ამ უძრავი ქონების გაყიდვას ზუსტად ერთ წელზე მეტია ცდილობს. 2020 წლის 5 თებერვალს აუქციონზე მისი საწყისი გასაყიდი ფასი 95 მლნ ლარი იყო, თუმცა ვაჭრობა ლოტზე არ...

„სამშენებლო სექტორი ხელისუფლებასთან მეტ კომუნიკაციას და პრობლემების დროულ მოგვარებას საჭიროებს“ - საქართველოს ბიზნეს ასოციაცია

„სამშენებლო სექტორი ხელისუფლებასთან მეტ კომუნიკაციას და პრობლემების დროულ მოგვარებას საჭიროებს“ - საქართველოს ბიზნეს ასოციაცია
access_time2021-03-05 15:00:36
მშენებლობისა და ინფრასტრუქტურის კომიტეტის ფორმატით საქართველოს ბიზნეს ასოციაციაში გამართულ სამუშაო შეხვედრაზე სამშენებლო და დეველოპერულ ინდუსტრიაში არსებული გამოწვევები და პრობლემები განიხილეს, რომელთა უმეტესობა წლების მანძილზე დაგროვდა და სახელმწიფოს დროულ რეაგირებას საჭიროებს. როგორც ასოციაციის წევრი კომპანიების წარმომადგენლები აცხადებენ, სამშენებლო სექტორს სახელმწიფო სტრუქტურებში არ ჰყავს ერთი პირდაპირი კურატორი, რომელიც მოისმენს მათ წინაშე არსებულ...

„დავიწყეთ დარბაზის მომზადება გახსნისთვის, პირბადე სავალდებულოა, მაგრამ არა ინტენსიური ვარჯიშის დროს“ - World Class

„დავიწყეთ დარბაზის მომზადება გახსნისთვის, პირბადე სავალდებულოა, მაგრამ არა ინტენსიური ვარჯიშის დროს“ -  World Class
access_time2021-03-05 17:30:20
თითქმის 1 წლიანი პაუზის შემდეგ, 15 მარტიდან ქვეყნის მასშტაბით, ფიტნეს დარბაზები გაიხსნება. ამის შესახებ გადაწყვეტილება საკოორდინაციო საბჭოზე თებერვლის ბოლო კვირაში მიიღეს. World Class-მა გახნის დღისთვის მზადება უკვე დაიწყო. პრემიუმ კლასის ფიტნეს ცენტრის შემადგენლობაში საუნაც შედის, სადაც მხოლოდ ერთ ადამიანს ექნება შესვლის საშუალება. ხოლო პირბადის ტარება სავალდებულო წინა გახსნის დროსაც იყო, თუმცა მხოლოდ გარკვეულ ზონებში. „დავიწყეთ...

დღის Top 10 საინტერესო ამბავი

დღის Top 10 საინტერესო ამბავი
access_time2021-03-05 21:30:02
დღის Top 10 საინტერესო ამბავი: 1.„რეგულაცია ხარჯების გაზრდას და საეჭვო გარიგებების შემცირებას გამოიწვევს“ - ლომბარდებს შსს-ისთვის ინფორმაციის მიწოდება დაევალათ ლომბარდებს, ანუ „სესხის გამცემ სუბიექტებს“ აქვთ ვალდებულება 1-ელი აპრილისთვის უკვე...


მსგავსი სიახლეები

up