„კომერსანტის“ ექსკლუზივი: „სადაზღვევო კომპანია „კამარა“  „მეტრო ჰოლდინგმა“ და დიმიტრი ქუმსიშვილის კომპანიამ შეიძინა

„კომერსანტის“ ექსკლუზივი: „სადაზღვევო კომპანია „კამარა“ „მეტრო ჰოლდინგმა“ და დიმიტრი ქუმსიშვილის კომპანიამ შეიძინა

access_time2020-02-07 10:10:14

„კომერსანტის“  ექსკლუზიური ინფორმაციით, სადაზღვევო კომპანია „კამარა“ მენეჯმენტის კომპანია „მეტრო ჰოლდინგმა“ და ყოფილი  ვიცე-პრემიერის დიმიტრი ქუმსიშვილის კომპანიამ  შეიძინა.


ჩვენივე ინფორმაციით, გარიგების ოდენობა 6 მილიონ ლარს შეადგენს.


„კომერსანტს“ აღნიშნული ინფორმაცია ორივე მხარემ დაუდასტურა.როგორც გავარკვიეთ, მეტრო ჰოლდინგის დამფუძნებელმა გალიფ ოზთურქმა და შეზღუდული პასუხისმგებლობის საზოგადოებამ   „ახალი საინვესტიციო შესაძლებლობები“  სსიპ საქართველოს დაზღვევის სახელმწიფო ზედამხედველობის სამსახურისგან სს „საერთაშორისო სადაზღვევო კომპანია კამარა“-ს აქციების შეძენის შესახებ  თანხმობა მიიღო.


„მოხარული ვართ,რომ მივიღეთ თანხმობა და შევძლებთ ჩვენს პარტნიორთან ერთად წვლილი შევიტანოთ საქართველოში სადაზღვეო სექტორის განვითარებაში.გვჯერა, რომ წარმატების საწინდარი ღია, პასუხისმგებლიანი და გამჭვირვალე ბიზნესის წარმოება გამოცდილ მენეჯერებთან ერთად. კომპანიის განვითარებისთვის დიდი წარმატებაა, რომ ჩვენი მოწვევით სწორედ ბატონი დიმიტრი ქუმსიშვილი იქნება სამეთვალყურეო საბჭოს თავმჯდომარე. აღსანიშნავია, რომ ბატონი დიმიტრის კომპანიას ჩვენივე ინიციატივით გამოვუყავით ფინანსური რესურსი (სესხი) რათა სწორედ ეს კომპანია გამხდარიყო ჩვენი პარტნიორი. ბატონი დიმიტრი დაგვთანხმდა და  დღეს შპს „ახალი საინვესტიციო შესაძლებლობები“ ჩვენი სტრატეგიული პარტნიორია. დარწმუნებული ვართ კომპანია წარმატებული იქნება და შევძლებთ ქვეყნისა და რეგიონის განვითარებაში წვლილის შეტანას“-განუცხადა „კომერსანტს“ „მეტრო ჰოლდინგის“ დამფუძნებელმა გალიფ ოზთურქმა.

 

მისივე განმარტებით, სს „მეტრო ავრასია ინვესთმენთ ჯორჯიამ“ და შპს „ახალი საინვესტიციო შესაძლებლობები“ სსიპ საქართველოს დაზღვევის სახელმწიფო ზედამხედველობის სამსახურისგან სს „საერთაშორისო სადაზღვეო კომპანია კამარა“-ს აქციების შეძენის შესახებ, თანხმობის მიღებამდე  არაერთი მნიშვნელოვანი პროცედურა გაიარა.

 

 მათ შორის,  შესწავლილ იქნა კანონმდებლობით გათვალისწინებული შესაბამისი დოკუმენტაცია/ინფორმაცია,  მათ შორის  ინფორმაცია მნიშვნელოვანი წილის შემძენი პირ(ებ)ის ფინანსური მდგომარეობისა და ფულის წარმოშობის შესახებ გარიგების ღირებულების ფარგლებში.

 

 ამასთან, მნიშვნელოვანი წილის შემძენმა აქციონერებმა და სამეთვალყურეო საბჭოს წევრობის კანდიდატებმა დიმიტრი ქუმსიშვილმა, შალვა ახრახაძემ და ოზგურ გუვენმა დააკმაყოფილეს დაზღვევის შესახებ კანონით გათვალისწინებული აქციონერების და სამეთვალყურეო საბჭოს წევრების შესაფერისობის კრიტერიუმები, რომლებიც გულისხმობს შემდეგს:

 

  • პირს ეკრძალება იყოს მზღვეველის მნიშვნელოვანი წილის მფლობელი აქციონერი, თუ  სასამართლომ ცნო მხარდაჭერის მიმღებად და სასამართლოს გადაწყვეტილებით სხვა რამ არ არის განსაზღვრული;

 

  •  ნასამართლევია მძიმე ან განსაკუთრებით მძიმე დანაშაულისთვის ან/და უკანონო შემოსავლის ლეგალიზაციისთვის;

 

  •  ნასამართლევია ეკონომიკური დანაშაულისთვის და არ აქვს გაქარწყლებული ნასამართლობა;

 

  • არსებობს სასამართლოს გადაწყვეტილება, რომელიც უკრძალავს მას სადაზღვევო საქმიანობას;

 

  • თუ წარსულში იყო სადაზღვევო კომპანიის მნიშვნელოვანი წილის მფლობელი, ან ადმინისტრატორი და მისი საქმიანობის პერიოდში ეს კომპანია გაკოტრებულად გამოცხადდა.



 აღნიშნული გარიგება „კომერსანტს“ დაუდასტურა ყოფილმა ვიცე-პრემიერმა დიმიტრი ქუმსიშვილმაც. „ვადასტურებ, რომ სს „მეტრო ავრასია ინვესტმენტ ჯორჯიამ“ და   შპს „ახალმა საინვესტიციო შესაძლებლობებმა“ კანონმდებლობის სრული დაცვით მიიღეს თანხმობა სსიპ საქართველოს დაზღვევის სახელმწიფო ზედამხედველობის სამსახურისგან , საერთაშორისო სადაზღვეო კომპანია „კამარას“ 100% წილის შესყიდვაზე.

 

მინდა ვისარგებლო შემთხვევით და მადლობა გადავუხადო ბატონ გალიფ ოზთურქს, რომელმაც მიმიწვია აღნიშნულ კომპანიაში, მაქსიმალურად ხელი შემიწყო გავმხდარიყავი პარტნიორი და წარმადგინა სამეთვალყურეო საბჭოს წევრად


რაც ეხება კომპანიას, თავისი ოპერაციებით საკმაოდ პატარა კომპანიაა,სადაზღვეო ბაზარი ძალიან კონკურენტულია, შესაბამისად ძლიან დიდი ენერგია იქნება ჩასადები ბაზრის წილის მოსაპოვებლად.


დამატებით გაგიმხელთ, რომ სხვადასხვა პარტნიორებთან ერთად,კერძო სექტორში, ძალიან აქტიურიად ვმუშაობ სტარტაპ და ელექტრონული კომერციის ეკოსისტემის განვითარებაზე, ქვეყანაში ინესტიციების და საუკეთესო საერთაშორისო კომპანიების მოზიდვაზე-განუცხადა ქუმსიშვილმა „კომერსანტს“.


ცნობისთვის,სადაზღვევო კომპანია ,,კამარა” 2013 წელს დაარსდა.კომპანია შექმნილია 100%-იანი თურქული ინვესტიციით. ,,ამარა” მომხმარებელს სთავაზობს არასიცოცხლის დაზღვევის ფართო არჩევანს.


დაზღვევის ზედამხედველობის სახელმწიფო სამსახურის ანგარიშის თანახმად, 2019 წლის 9 თვის მონაცემებით, მოზიდული სადაზღვევო პრემიით ბაზარზე „კამარა“ ბოლო, მე-17 ადგილზეა (2.38მლნ. ლარი). 2019 წლის პირველ 9 თვეში „კამარამ“   0.11  მლნ ლარის ზარალი აანაზღაურა.


დაზღვევის ზედამხედველობის სახელმწიფო სამსახურის მონაცემებით, სადაზღვევო ბაზარზე 17 კომპანია ოპერირებს. 16 მათგანი ფლობს სიცოცხლის და არასიცოცხლის დაზღვევის ლიცენზიას, ხოლო ერთი მათგანი მხოლოდ არასიცოცხლის დაზღვევის ლიცენზიას.

 

რაც შეეხება კომპანია მეტრო ჰოლდინგს“:  სააქციო საზოგადოებისა და მასთან აფილირებული კომპანიების მიერ დასაქმებულთა რაოდენობა სხვადასხვა დროს მერყეობდა 1000-დან 2000-მდე ფარგლებში. გარდა ბიზნეს საქმიანობისა, გალიფ ოზთურქი აქტიურად ეწევა საქველმოქმედო საქმიანობას. მთავრობის მიერ დაფუძნებულ სოლიდარობის ფონდში შემოწირულობის სახით ჩარიცხა 3 მილიონი ლარი.


გალიფ ოზთურქის ინიციატივით საცხოვრებელი  ბინით დასაჩუქრდა რამოდენიმე მრავალშვილიანი ოჯახი ბათუმში. გალიფ ოზთურქი კვლავაც აგრძელებს საქართველოში საქმიანობას, რომელიც გულისხმობს როგორც ბიზნეს, ასევე საქველმოქმედო ხასიათის ღონისძიებების განხორციელებას ქართველი ხალხის დახმარების მიზნით.

 

 

სოფო ქსოვრელი 

 





გიორგი გახარია - ყველა ბიზნესმენს, ვისაც შეუძლია, შექმნას ადგილობრივი წარმოება, პირადად მე და მთავრობა გვერდში დავუდგებით

გიორგი გახარია - ყველა ბიზნესმენს, ვისაც შეუძლია, შექმნას ადგილობრივი წარმოება, პირადად მე და მთავრობა გვერდში დავუდგებით
access_time2020-03-28 19:16:14
...

ღია საზღვრები და ტესტირებაზე უარის თქმა - რატომ არ იყენებს შვედეთი კორონავირუსთან ბრძოლაში მკაცრ ზომებს?

ღია საზღვრები და ტესტირებაზე უარის თქმა - რატომ არ იყენებს შვედეთი კორონავირუსთან ბრძოლაში მკაცრ ზომებს?
access_time2020-03-28 21:00:20
კორონავირუსის პანდემიის ფონზე ევროკავშირის ქვეყნების უმეტესობაში ცხოვრება გაჩერდა, შვედეთში კი მაღაზიები, სკოლები და რესტორნები კვლავ ღიაა და კორონავირუსის შემთხვევების რიცხვი ყოველდღიურად იზრდება. Deutsche...

აშშ ჯანდაცვის სფეროს დასახმარებლად საქართველოს 1.1 მილიონ ამერიკულ დოლარს გადასცემს

აშშ ჯანდაცვის სფეროს დასახმარებლად საქართველოს 1.1 მილიონ ამერიკულ დოლარს გადასცემს
access_time2020-03-28 15:16:02
აშშ საქართველოს ჯანდაცვის სფეროს დასახმარებლად 1.1 მილიონ ამერიკულ დოლარს გადასცემს. ამის შესახებ ინფორმაციას საქართველოში ამერიკის შეერთებული შტატების საელჩო...

„ვენდი“ და „დანკინი“ მიწოდების უკონტაქტო სერვისზე გადადის

„ვენდი“ და „დანკინი“ მიწოდების უკონტაქტო სერვისზე გადადის
access_time2020-03-28 12:00:57
„ვენდი“ და „დანკინი“ ითვალისწინებს ჯანმრთელობის უსაფრთხოების რეკომენდაციებს და მიწოდების სრულად უკონტაქტო სერვისზე გადადის. ამერიკული რესტორნების ერთგულ მომხმარებლებს საერთაშორისო მიტანის სერვისების "გლოვოსა" და "ვოლტის" დახმარებით, ამიერიდან, აღარ უწევთ შეკვეთის ჩაბარებისას ხელის მოწერა. მათ ურჩევენ აირჩიონ ბარათით გადახდა, თუმცა აუცილებლობის შემთხვევაში, შეუძლიათ კურიერისთვის მისაცემი თანხა კართან დატოვონ, კურიერი კი ასევე მომხმარებელთან შეთანხმებით, შეკვეთას კართან ტოვებს,...

როგორ შეცვლის კორონავირუსი კლიმატურ პირობებს?

როგორ შეცვლის კორონავირუსი კლიმატურ პირობებს?
access_time2020-03-28 18:00:32
როგორ შეცვლის კორონავირუსი კლიმატურ პირობებს? COVID-19 უკვე დღეს მკვეთრად ამცირებს ატმოსფეროში მავნე გამონაბოლქვებს - ადამიანები სულ უფრო ნაკლებად იყენებენ ტრანსპორტის და მუშაობენ სახლებში, გაჩერდა ავიაცია, გაიყინა მრეწველობა, გაუქმდა კონცერტები და სპორტული შეჯიბრებები. ეს დღეს, თუმცა, როგორ იმოქმედებს პანდემია გლობალურ ბუნებრივ პირობებზე ხვალ? ათწლეულების მანძილზე პირველად 2020 წლის მარტში ვენეციის არხებში წყალი გახდა იმდენად გამჭირვალე, რომ გამოჩნდა...


მსგავსი სიახლეები

up