„კომერსანტის“ ექსკლუზივი - „საქართველოს უძრავი ქონება“ m2-ის მიერ აშენებული ყველა სასტუმროს გაყიდვას გეგმავს

„კომერსანტის“ ექსკლუზივი - „საქართველოს უძრავი ქონება“ m2-ის მიერ აშენებული ყველა სასტუმროს გაყიდვას გეგმავს

access_time2020-09-14 10:00:18

„კომერსანტისთვის“ ცნობილი გახდა, რომ ჰოლდინგი „საქართველოს უძრავი ქონება“ მის საკუთრებაში არსებული სასტუმროების გაყიდვას გეგმავს და ასევე ჩვენივე ინფორმაციით, ერთ-ერთი დაინტერესებული მხარე უძრავი ქონების სფეროში ერთ-ერთი ყველაზე მსხვილი  კომპანია „რედკოა“.


„საქართველოს უძრავი ქონება“ (Georgia Real Estate Holding-ი) აერთიანებს როგორც M2 ჯგუფს, ასევე სასტუმროებისა და კომერციული ქონების ბიზნესის მიმართულებას (Hospitality Group-ს).


ჰოლდინგში სასტუმროების გაყიდვის ინფორმაცია არ უარყვეს, თუმცა დეტალებზე ამ ეტაპზე არ საუბრობენ. ორგანიზაციაში აცხადებენ, რომ საინვესტიციო ჯგუფის წევრი კომპანია განიხილავს გაყიდვისა და შესყიდვის სხვადასხვა შეთავაზებას.


„როგორც საინვესტიციო ჯგუფის წევრი კომპანია, ყოველთვის განვიხილავთ საინტერესო შემოთავაზებებს როგორც ყიდვის, ისე გაყიდვის მიმართულებით. ყველაფერი დამოკიდებულია შემოთავაზებულ პირობებზე, თუმცა ამ ეტაპზე, არანაირი აქტიური მოლაპარაკება არ გვაქვს, შესაბამისად, რაიმე მნიშვნელოვანი ცვლილების განხორციელება უახლოეს მომავალში დღის წესრიგში არ დგას.“ - კომერსანტთან საუბრისას განაცხადა “საქართველოს უძრავ ქონების“ წარმომადგენელმა.



„რედკოში“ კი საუბრობენ, რომ ჯერჯერობით გარიგება ხელმოწერილი დოკუმენტის სახით არ არსებობს, თუმცა მსგავსი ტიპის ქონების შესყიდვაზე კომპანია დაინტერესებას გამოთქვამს.


დაინტერესება რა თქმა უნდაგაგვაჩნია, როგორც  „საქართველოს უძრავი ქონების“ სასტუმროების, ისევე იმ ქონებების მიმართ , რომელიც ბაზარზე შეიძლება განიხილებოდეს, როგორც  გასაყიდი ქონება. ამ წუთას რომ გითხრათ, რომ რაიმე  გარიგება გვაქვს დადებული ან  რამე მსგავსი ხელმოწერილი დოკუმენტი არსებობს, ეს  ესე  არ არის. ანუ  დაინტერესება  არსებობს ჩვენი მხრიდან და  ყველაფერი დამოკიდებული არის მხარეთა საბოლოო   მოლაპარაკებაზე,  შეთანხმებაზე და გადაწყვეტილებაზე.


თუ  ჩვენ  მოლაპარაკება მივა  იქამდე, რომ ეს  გადაწყვეტილება იქნება  მიღებული ჩვენ  რა თქმა უნდა  არა მთლიანად, მაგრამ რაღაც უძრავ  ქონებებზე,  მაგალითად სასტუმროს  ნაწილზეც შეიძლება, რომ ვისაუბროთ,“- აცხადებენ „რედკოში“.


Georgia Capital-მა 2019 წელს უძრავი ქონების ახალი ჰოლდინგი შექმნა. ახალი ჰოლდინგის სახელწოდება Georgia Real Estate Holding-ია, რომელიც თავის თავში აერთიანებს  m2 ჯგუფს, ასევე სასტუმროების  ბიზნესის მიმართულებას, რომელიც ბაზარზე Amber Group-ის სახელით პოზიციონირებს.

 

m2 group-ის თანადირექტორმა ირაკლი ბურდილაძემ ცოტა ხნის წინ, გადაცემა BMG Lunch-ში  განაცხადა, რომ სასტუმროების მშენებლობის პროექტები დროებით შეჩერებულია, მიზეზი კი კორონავირუსის პანდემიაა. კომპანია „საქართველოს უძრავი ქონება“ 12 პროექტზე მუშაობდა საქართველოს მასშტაბით,  აქედან 2 სასტუმრო გუდაურსა და თბილისში გაიხსნა.

 

თეგები:
m2 რედკო



ტოპ|ქარდით ონლაინ შოპინგის უპირატესობა

ტოპ|ქარდით ონლაინ შოპინგის უპირატესობა
access_time2020-12-03 12:55:13
თუ მაღაზიების დაკეტვამდე თქვენთვის და ოჯახისთვის საჭირო ნივთების შეძენა ვერ მოასწარით, უპროცენტო განვადებით შოპინგის შანსი ახლაც გაქვთ. ტოპ|ქარდით რებანკის პარტნიორებთან ონლაინ შეძლებთ ტექნიკის, თავის მოვლის საშუალებების, ტანსაცმლის, სარემონტო მასალების, სათამაშოებისა და სხვა მრავალი ნივთის ყიდვას. უფრო ვრცლად: https://rbnk.ge/online_shopping. თანხა კი რეკომენდებულ ვადებზე გაგინაწილდებათ და ეფექტური 0%-იანი განვადებით ისარგებლებთ....

საქართველოს საბანკო ასოციაცია - საბანკო სექტორი მზად არის, განიხილოს რესტრუქტურიზაციის ინდივიდუალური მიმართვები

საქართველოს საბანკო ასოციაცია - საბანკო სექტორი მზად არის, განიხილოს რესტრუქტურიზაციის ინდივიდუალური მიმართვები
access_time2020-12-03 12:45:37
საბანკო სექტორი მზად არის, მაქსიმალურად შეუმსუბუქოს საქართველოს მოქალაქეებს პანდემიის პირობებში დაწესებული შეზღუდვების ნეგატიური გავლენა, – ამის შესახებ საქართველოს საბანკო ასოციაციის განცხადებაშია ნათქვამი.   „2020 წელი თანაბრად რთული აღმოჩნდა როგორც მსოფლიოსთვის, ისე საქართველოს მოსახლეობისთვის. საბანკო სექტორი ადეკვატურად პასუხობს ჩვენი ქვეყნის მოქალაქეების გამოწვევებს, მათ განწყობებსა და მოლოდინებს და ეროვნულ ბანკთან და მთავრობასთან ერთად, მზად არის, მაქსიმალურად...

ნათია თურნავა - მომავალი წელი იქნება ვაქცინაციის წელი, მაგრამ ჩვენ მოგვიწევს გარკვეული ვალდებულებების მომსახურება და პროგრამების დაფინანსება

ნათია თურნავა - მომავალი წელი იქნება ვაქცინაციის წელი, მაგრამ ჩვენ მოგვიწევს გარკვეული ვალდებულებების მომსახურება და პროგრამების დაფინანსება
access_time2020-12-03 12:44:02
მომავალი წელი იქნება ვაქცინაციის წელი საქართველოსა და მსოფლიოსთვის, მაგრამ პანდემიასთან ბრძოლის გეგმიდან გამომდინარე ჩვენ მოგვიწევს გარკვეული ვალდებულებების მომსახურებისა და პროგრამების დაფინანსება, - ასე უპასუხა ჟურნალისტების კითხვას ეკონომიკის მინისტრმა ნათია თურნავამ, რომელიც 2021 წლის ბიუჯეტს ეხებოდა.   მისივე თქმით, ქვეყანა დიდი გამოწვევის წინაშე დგას.   ბიუჯეტში ძალიან ბევრი პრიორიტეტი გადალაგდა და აქცენტი კეთდება მოსახლეობის სოციალურ დახმარებაზე,...

„საქსტატის“ ინფორმაციით, ერთი წლის განმავლობაში ზეთი 23%-ით, თევზეული 9%-ით, რძის ნაწარმი 8%-ით, პურპროდუქტები 7%-ით გაძვირდა

„საქსტატის“ ინფორმაციით, ერთი წლის განმავლობაში ზეთი 23%-ით, თევზეული 9%-ით, რძის ნაწარმი 8%-ით, პურპროდუქტები 7%-ით გაძვირდა
access_time2020-12-03 12:15:02
სტატისტიკის ეროვნული სამსახურის ინფორმაციით, 2020 წლის ნოემბერში წინა თვესთან შედარებით ინფლაციის დონემ საქართველოში 0.9 პროცენტი, ხოლო წლიური ინფლაციის დონემ 3.8 პროცენტი შეადგინა. რაც შეეხება საბაზო ინფლაციას, აღნიშნულმა მაჩვენებელმა 2020 წლის ნოემბერში, გასული წლის შესაბამის პერიოდთან შედარებით 5.1 პროცენტი შეადგინა, ხოლო თამბაქოს გარეშე წლიური საბაზო ინფლაციის2 მაჩვენებელი 4.8 პროცენტით განისაზღვრა.   საქსტატის ცნობით, ყოველთვიური ინფლაციის მაჩვენებლის ფორმირებაზე...

გიორგი გახარია - ბიუჯეტი ემსახურება მოსახლეობისა და ბიზნესის მხარდაჭერას, ეკონომიკის აღდგენის ღონისძიებებს

გიორგი გახარია - ბიუჯეტი ემსახურება მოსახლეობისა და ბიზნესის მხარდაჭერას, ეკონომიკის აღდგენის ღონისძიებებს
access_time2020-12-03 11:41:18
გიორგი გახარია - ბიუჯეტი გახლავთ დაბალანსებული, ძირითადი მიზანია - პანდემიასთან ბრძოლა, მიზნობრივი სოციალური დახმარება მოსახლეობისთვის, დახმარება ბიზნესისთვის და ეკონომიკის მომზადება პოსტკრიზისული აღდგენისთვის       მოგეხსენებათ, ჩვენ პარლამენტში წარვადგინეთ 2021 წლის სახელმწიფო ბიუჯეტი, რომელიც არის უაღრესად მნიშვნელოვანი დოკუმენტი, ეს არის დოკუმენტი რომლის მიხედვითაც ჩვენ უნდა ვიცხოვროთ 2021 წელს, ფინანსური დოკუმენტი, რომელიც განსაზღვრავს იმას, თუ...


მსგავსი სიახლეები

up