ქონების ეროვნულმა სააგენტომ  ციხისძირში სასტუმროს ასაშენებლად მიწა  აუქციონზე გაყიდა

ქონების ეროვნულმა სააგენტომ ციხისძირში სასტუმროს ასაშენებლად მიწა აუქციონზე გაყიდა

access_time2018-10-11 12:00:11

„კომერსანტისთვის“ ექსკლუზიურად ცნობილი ხდება, რომ ქობულეთში, სოფელ ციხისძირში ეკონომიკისა და მდგრადი განვითარების სამინისტროს სახელმწიფო ქონების ეროვნული სააგენტოს მიერ აუქციონის წესით გაყიდულ მიწაზე, 2019 წლის გაზაფხულზე, 4-სართულიანი, 50-ნომრიანი სასტუმროს მშენებლობა დაიწყება, რომლის საინვესტიციო ღირებულება დაახლოებით 2 მილიონი დოლარი იქნება.


 


როგორც „კომერსანტს“ აუქციონში გამარჯვებულმა ფიზიკურმა პირმა ბექა გლურჯიძემ განუცხადა, გამარჯვებული კომპანია, რომლს სახელსაც ამ ეტაპზე არ ასახელებს, 45 დღის განმავლობაში მიწის საკუთრების მოსაპოვებლად 810 000 ლარს გადახდის და სასტუმროს პროექტს შექმნის. მომდევნო ეტაპზე კი ადგილობრივი თვითმმართველობიდან მშენებლობის ნებართვას აიღებენ. გლურჯიძის განცხადებით, ყველა საჭირო პროცედურის გავლის შემდეგ მშენებლობა დაალხოებით 6 თვეში დაიწყება. 

 

„კომერსანტთან“ საუბრისას ბექა გლურჯიძე აცხადებს, რომ აუქციონი გამჭვირვალე და სამართლიანი იყო. მასში ორმა კომპანიამ მიიღო მონაწილეობა. გლურჯიძე არც სასტუმროს მშენებლობის შესახებ ასაჯაროებს სხვა სახის დეტალებს.

 

„მიწის ოფიციალურად გადაფორმების შემდეგ დეტალებზე უფრო კონკრეტულად ვისაუბრებ.“

 


კითხვაზე, რატომ გაჩნდა ციხისძირში სასტუმროს მშენებლობის იდეა? გლურჯიძე გვპასუხობს, რომ „ადგილმდებარეობა იდიალურია, მშვიდი და ეგზოტიკური. ახლოს არის როგორც ზღვასთან, ასევე გზასთან და სხვადასხვა სახის ინფრასტრუქტურასთან. აქ განთავსდება სასტუმრო, სადაც სრული სიმშვიდე და კომფორტი იქნება, შესაბამისად მისი სტუმრებიც მსგავსი დასვენების მოყვარულები იქნებიან. ციხისძირს ბათუმისა და ქობულეთისგან სრულიად განსხვავებული სანაპირო ზოლი აქვს, რაც ადგილმდებარეობას კიდევ უფრო საინტერესოსოს ხდის.“

 

 

შეგახსენებთ, ქობულეთში, სოფელ ციხისძირში წლების განმავლობაში ამორტიზირებული ინფრასტრუქტურის ნაცვლად, მალე ახალი სასტუმრო-კომპლექსი მოეწყობა.

 

უძრავი ქონება ეკონომიკისა და მდგრადი განვითარების სამინისტროს სახელმწიფო ქონების ეროვნულმა სააგენტომ პროექტი „50 ქონება შენი სასტუმროსთვის“ ფარგლებში პირობებიან ელექტრონულ აუქციონზე მაღალი კონკურენციის პირობებში 220 ბიჯით 810 000 ლარად გაყიდა.

 

აუქციონის პირობების მიხედვით მყიდველი აღნიშნულ უძრავ ქონებაზე თანამედროვე სტანდარტების შესაბამის სასტუმრო - კომპლექსს მოაწყობს. საინვესტიციო პროექტი ხელს შეუწყობს ციხისძირში ტურისტული პოტენციალის კიდევ უფრო განვითარებასა და ადგილობრივი მოსახლეობის დასაქმებას.

 

 პროექტი „50 ქონება შენი სასტუმროსთვის“ მიზანია ხელი შეუწყოს საქართველოში ტურიზმის განვითარებას და ინვესტორებს მისცეს შესაძლებლობა ტურისტულად აქტიურ ზონებში, უკვე არსებული ინფრასტრუქტურის გამოყენებით მოაწყონ თანამედროვე სტანდარტების შესაბამისი სასტუმრო-კომპლექსები.


პროექტის ფარგლებში უკვე გაყიდულია 21 ობიექტი, რომლის ჯამური ღირებულება დღეის მდგომარეობით 57 მილიონ ლარს აჭარბებს, ხოლო სასტუმრო–ინფრასტრუქტურის მოწყობის მიზნით განსახორციელებელი ინვესტიციის მოცულობა – 120 მლნ ლარს.

 

ავტორი: ლიკა გურაბანიძე






საპენსიო სააგენტო სარეკლამო მომსახურებაში 913 ათას ლარზე მეტის დახარჯვას გეგმავს

საპენსიო სააგენტო სარეკლამო მომსახურებაში 913 ათას ლარზე მეტის დახარჯვას გეგმავს
access_time2019-02-23 20:00:56
საპენსიო სააგენტო საინფორმაციო და სარეკლამო მომსახურებაში 2019 წელს 913 938 ლარის დახარჯვას გეგმავს. შესყიდვების სააგენტოსგან ის ამ მომსახურების ტენდერის გარეშე, პირდაპირი წესით შესყიდვის ნებართვას...

რუსული საფრთხე ქართულ ეკონომიკაში

რუსული საფრთხე ქართულ ეკონომიკაში
access_time2019-02-23 18:00:24
ამ დღეებში სხვადასხვა სახელმწიფო უწყებამ გამოაქვეყნა სტატისტიკური მონაცემები, რომლებიც ერთი შეხედვით გასახარია. კერძოდ,  ნეგატიური პროგნოზების და ღორის გრიპის მიუხედავად, 2019 წლის იანვარში საქართველოში ტურისტების რაოდენობა კვლავ გაიზარდა - ამჯერად 18%-ით 2018 წლის იანვართან შედარებით. გარდა ამისა, აღმოჩნდა, რომ 2018 წელს არნახულად გაიზარდა სასოფლო-სამეურნეო პროდუქციის   ექსპორტი, რომელმაც მიაღწია 935 მლნ. დოლარს. ამ პროდუქციის...

„ნუთუ, იქ ყველაფერი სხვანაირია?“ – აფხაზი ჟურნალისტის სამუშაო ვიზიტი ენგურს გამოღმა

„ნუთუ, იქ ყველაფერი სხვანაირია?“ – აფხაზი ჟურნალისტის სამუშაო ვიზიტი ენგურს გამოღმა
access_time2019-02-23 16:00:07
მარიანა კოტოვას ბლოგი...

მნიშვნელოვანი ფაქტები „თიბისი ბანკის“ ისტორიაში - მისი დამფუძნებლები და აქციონერები

მნიშვნელოვანი ფაქტები „თიბისი ბანკის“ ისტორიაში - მისი დამფუძნებლები და აქციონერები
access_time2019-02-23 14:00:34
მამუკა ხაზარაძე „თიბისი ბანკის“ სამეთვალყურეო საბჭოს თავმჯდომარის თანამდებობას ტოვებს, მაგრამ აქციების გაყიდვას არ გეგმავს და ბანკის აქციონერად რჩება - ამის შესახებ „თიბისი ბანკში“...

როგორი იქნება განათლებისა და მეცნიერების 23-მილიონიანი ქალაქი დიდ დიღომში

როგორი იქნება განათლებისა და მეცნიერების 23-მილიონიანი ქალაქი დიდ დიღომში
access_time2019-02-23 12:00:54
საქართველოს განათლების, მეცნიერები, კულტურისა და სპორტის მინისტრის, მიხეილ ბატიაშვილის ინიციატივით, თბილისში, დიდი დიღმის ტერიტორიაზე საგანმანათლებლო კომპლექსი - "ახალი განათლებისა და მეცნიერების ქალაქი“ აშენდება. განათლების სამინისტროს განცხადებით, "ახალი ქალაქი უზარმაზარ საგანმანათლებლო სივრცეს გააერთიანებს და განათლების რეფორმის განხორციელებისა და მისი მიღწევების გაზიარების ჰაბი...


მსგავსი სიახლეები

up