„კომერსანტის“ ექსკლუზივი: დავით ბეჟუაშვილი ჰოსპიტალურ ბიზნესში შევიდა

„კომერსანტის“ ექსკლუზივი: დავით ბეჟუაშვილი ჰოსპიტალურ ბიზნესში შევიდა

access_time2019-10-01 11:00:40

„კომერსანტის“ ინფორმაცია დადასტურდა ბიზნესმენი, საქართველოს ინდუსტრიული ჯგუფის (GIG) დამფუძნებელი დავით ბეჟუაშვილი ჰოსპიტალურ ბიზნესში შევიდა. ამას ადასტურებს საჯარო რეესტრის ეროვნული სააგენტოდან ამონაწერი, სადაც ვკითხულობთ, რომ 2019 წლის 1 მარტს, დავით ბეჟუაშვილმა დააფუძნა შპს „ქართულ ჰოსპიტალთა ჯგუფი“, სადაც 100%-იან წილს ფლობს.





„კომერსანტი“ ინფორმაციის გადამოწმების მიზნით, კომპანიას და თავად დავით ბეჟუაშვილსაც დაუკავშირდა, თუმცა, უშედეგოდ. ბიზნესმენმა „კომერსანტის“ არც სატელეფონო და არც სმს შეტყობინებებს არ უპასუხა. კომპანია GIG-ში კი აღნიშნულ თემაზე კომენტარის გაკეთება არ სურთ.


შეგახსენებთ, „კომერსანტი“ რამდენიმე თვის წინ ექსკლუზიურად წერდა, რომ საქართველოს ინდუსტრიული ჯგუფის (GIG) დამფუძნებელი დავით ბეჟუაშვილი კლინიკების ქსელ „ჯეო ჰოსპიტალსს“ ყიდულობდა. მაშინ კომპანია GIG-ში განგვიცხადეს, რომ მოლაპარაკებები მიმდინარეობდა და რადგან პროცესები ჯერ არ იყო დასრულებული, გავრცელებულ ინფორმაციას არც ადასტურებდნენ და არც უარყოფდნენ.


„ჩვეულებრივი ბიზნეს საქმიანობაა, რომელიც როგორ დასრულდება ამ ეტაპზე საუბარი ადრეა . გადაწყვეტილი არაფერია, ამიტომ ინფორმაციას „ჯეო ჰოსპიტალის“ შესყიდვასთან დაკავშირებით ვერც უარვყოფთ და და ვერც ვადასტურებთ“,- აცხადებდნენ კომპანიაში.


მაშინ თავად შპს „ჯეო ჰოსპიტალსის“ პასუხიც მსგავსი იყო. „ჯი პი აი ჰოლდინგის“ (სწორედ ამ კომპანიის შვილობილი კომპანიაა „ჯეო ჰოსპიტალსი“) კომუნიკაციების სამსახურის დირექტორის თინა სტამბულიშვილის თქმით, კლინიკების ქსელის მიმართ ინტერესი წლების განმავლობაში იყო და დღესაც ასეა:


„მოგეხსენებათ, „ჯეო-ჰოსპიტალსი“ 2011 წლიდან გახდა „ჯი პი აი ჰოლდინგის“ შვილობილი კომპანია და აერთიანებს 16 ჰოსპიტალს საქართველოს მასშტაბით. ამ სამედიცინო დაწესებულებების მიმართ ინტერესს წლების განმავლობაში არაერთი კომპანია იჩენდა და დღესაც იჩენს“.



დღეს „ჯი პი აი ჰოლდინგში აცხადებენ, რომ სიტუაცია არ შეცვლილა და ახალს ვერაფერს იტყვიან.


კითხვაზე რატომ დაინტერესდა ბიზნესმენი დავით ბეჟუაშვილი სამედიცინო მიმართულებით, პასუხი უცნობია. თუმცა ფაქტია, აქამდე საქართველოს ინდუსტრიული ჯგუფი აღნიშნულ საქმიანობაში არ ოპერირებდა.


ოფიციალური მონაცემების მიხედვით, დავით ბეჟუაშვილის კომპანია „საქართველოს ინდუსტრიული ჯგუფი“ ქართული ბიზნესის ყველაზე დიდ და მთავარ სეგმენტს ფლობს შემდეგ დარგებში: ენერგეტიკა, ბუნებრივი რესურსების მოპოვება–დამუშავება, საშენმასალათა წარმოება, ლოჯისტიკური მომსახურება, დეველოპმენტი, მედიაბიზნესი, საავტომობილო და ნავთობის ბიზნესი:


„საქართველოს საერთაშორისო ენერგეტიკული კორპორაცია“

„საქნახშირი“

„მტკვარი ენერჯი“

„ნეოგაზი“


შეგახსენებთ, რომ დავით ბეჟუაშვილი თეთრიწყაროს მაჟორიტარი დეპუტატი საპარლამენტო არჩევნებზე, 2008 და 2012 წელს - ერთიანი ნაციონალური მოძრაობის კვოტით გახდა. გარდა ამისა, ის იყო დეპუტატი როგორც 1999 წლის მე-5 მოწვევის პარლამენტში, ისე 2004 წლის მე-6 მოწვევის პარლამენტში. მაშინ ბეჟუაშვილი პარლამენტარი საქართველოს მოქალაქეთა კავშირის კვოტით გახდა.


რაც შეეხება კლინიკების ქსელ შპს ,,ჯეო ჰოსპიტალს'', იგი 2011 წლის 22 აგვისტოს დაარსდა და იგი სადაზღვევო კომპანია „ჯი პი აი ჰოლდინგის“ შვილობილი კომპანიაა. სამედიცინო დაწესებულება საქართველოს 5 რეგიონშია წარმოდგენილი : ქვემო ქართლი, იმერეთი, მცხეთა მთიანეთი, სამცხე-ჯავახეთი და კახეთი.


დღეს კლინიკის გენერალური დირექტორი სოფიო გასიტაშვილია, რომელიც 2011 წლიდან დღემდე არის სს ,,კურაციოს“ გენერალური დირექტორიც.


საქსტატის ინფორმაციით, 2016 წელს -შპს „ჯეო ჰოსპიტალი“, 20 ყველაზე მსხვილ დამსაქმებელი კომპანიების ჩამონათვალშიც მოხვდა.


აღსანიშნავია, რომ „ჯეო ჰოსპიტალსის“ რამდენიმე ჰოსპიტალი იმ 91 კლინიკის სიაშიც აღმოჩნდა, რომელიც ჯანდაცვის სამინისტრომ საყოველთაო ჯანდაცვის პროგრამის პირობების დარღვევისთვის დააჯარიმა (2016, 2017, 2018 წწ). ეს არის კლინიკების სია, რომლებმაც საყოველთაო ჯანდაცვის პროგრამის პირობების დარღვევისთვის ბიუჯეტში 13 მილიონი ლარი უნდა დააბრუნონ.


და კიდევ ერთი საინტერესო ფაქტი, შპს „ჯეო ჰოსპიტალსი“ კლინიკების იმ ტოპ ხუთეულში შედის, რომლებმაც საყოველთაო ჯანმრთელობის დაცვის სახელმწიფო პროგრამის ფარგლებში ყველაზე მეტი დაფინანსება მიიღო.


სოფო ქსოვრელი 





ინფრასტრუქუტურის ყოფილი მაღალჩნოსნები ქართულ სამშენებლო ბიზნესში უცხოური კომპანიების დომინირებას აფასებენ

 ინფრასტრუქუტურის ყოფილი მაღალჩნოსნები ქართულ სამშენებლო ბიზნესში უცხოური კომპანიების დომინირებას აფასებენ
access_time2019-12-06 11:40:11
ქართულ სამშენებლო სექტორში უცხოური კომპანიების დომინირებაზე „კომერსანტი“ არაერტხელ წერდა. ამჯერად ყოფილი მინისტრებისა და საავტომობილო დეპარტამენტის მაღალჩინოსნების პოზიციით დავინტერესდით. უფრო კონკრეტულად კი,  რატომ გაქრნენ ადგილობრივი  კომპანიები სამშენებლო სექტორიდან მაშინ, როდესაც წლების წინ ქვეყანაში არსებული სამუშაოების 80 პროცენტს ქართული კომპანიები ასრულებდნენ? ამ კითხვებით საქართველოს რეგიონული განვითარებისა და ინფრასტრუქტურის სამინისტროს...

„საქართველოში პენსია არ გვაქვს, ეს მხოლოდ ერთჯერადი დახმარებაა“

„საქართველოში პენსია არ გვაქვს, ეს  მხოლოდ ერთჯერადი დახმარებაა“
access_time2019-12-06 10:50:58
„არ მეგონა სიბერის თუ შემეშინდებოდა, ხვალინდელი დღის კი არა უკვე დღეს დაღამებისაც მეშინია, რადგან მშიერი ვიძინებ. ამას ცხოვრება ჰქვია? ყველაფერი გაგვიძვირდა, საარსებო საჭმელს ვეღარ ვყიდულობ.არის პროდუქტები, რომელზეც დიდი ხანია უარი ვთქვი, მაგალითად ხორცი, ვეღარ ვყიდულობ იმიტომ, რომ ძალიან გაძვირდა. ხილსაც იშვიათად ვყიდულობ, ისიც თითო-თითოს. არაფერს ვამბობ წამლებზეც, რომელშიც მთელი ჩემი პენსია იხარჯება. პირადად მე რამდენიმე წამალს ვსვამ და...

ლიბერთის და რუსთაველის თეატრის ერთობლივი ახალი სოციალური პროექტი

ლიბერთის და რუსთაველის თეატრის ერთობლივი ახალი სოციალური პროექტი
access_time2019-12-05 14:50:25
5 დეკემბერს, ლიბერთი ბანკსა და რუსთაველის თეატრს შორის ურთიერთ თანამშრომლობის მემორანდუმი გაფორმდა.  5 დეკემბრიდან, ლიბერთის სოციალური ბარათის მფლობელები, მათ შორის პენსიონრები და სახელმწიფო სოციალური სარგოს მიმღები პირები, რუსთაველის თეატრის მიერ გამართული სპექტაკლების ბილეთებს 30%-იანი ფასდაკლებით შეძლებენ. ერთობლივი სოციალური პროექტის თანახმად, ფასდაკლების მისაღებად ბილეთების შეძენა უნდა განხორციელდეს ლიბერთის სოციალური ბარათით თეატრის სალაროში განთავსებულ ლიბერთის...

სამედიცინო სფეროს ექსპერტებმა აკაკი ზოიძის მიერ ჯანდაცვის სფეროსთვის განხორციელებული ღირებული საკანონმდებლო ინიციატივა ვერ გაიხსენეს

სამედიცინო სფეროს ექსპერტებმა აკაკი ზოიძის მიერ ჯანდაცვის სფეროსთვის განხორციელებული ღირებული საკანონმდებლო ინიციატივა  ვერ გაიხსენეს
access_time2019-12-06 10:00:44
უმრავლესობის დეპუტატმა და ჯანდაცვის კომიტეტის თავჯდომარემ აკაკი ზოიძემ რამდენიმე დღის წინ პარლამენტის დატოვების შესახებ განცხადება გააკეთა. მისი პოლიტიკიდან წასვლა კენჭისყრაზე პროპორციული საარჩევნო სისტემის ჩაგდებას უკავშირდება. „კომერსანტი“ დაინტერესდა სადეპუტატო უფლებამოსილების განხორცილების დროს, რა კანონპრექტი შეიმუშავა ჯანდაცვის კომიტეტის...

„ბიძინა ივანიშვილის ინიციატივა ქართველი ემიგრანტების ცხოვრებას რადიკალურად გააუმჯობესებს“

„ბიძინა ივანიშვილის ინიციატივა ქართველი ემიგრანტების ცხოვრებას რადიკალურად გააუმჯობესებს“
access_time2019-12-05 18:30:54
ბიძინა ივანიშვილის განცხადებამ საზღვარგარეთ ქართველი ემიგრანტების ლეგალურად დასაქმებასთან დაკავშირებით, საზოგადოებაში აზრთა სხვადასხვაობა გამოიწვია. ძირითადად ამ ინიციატივას უარყოფითი შეფასებები მოყვა.   „ბანკებისა და ფინანსების" აზრით „ბიძინა ივანიშვილის ინიციატივა ქართველი ემიგრანტების ცხოვრებას რადიკალურად გააუმჯობესებს“, კომერსანტმა ამ განცხადების და ინიციატივის შინაარსის შეფასება სთხოვა საზღვარგარეთ მოღვაწე ბიზნესმენს, ვასილ ბაბლუანს, რომელიც საქართველოშიც ახორციელებს...


მსგავსი სიახლეები

up