“კომერსანტის“ ბიზნეს მიმომხილველი ჯაბა დიხამინჯია - 1-დან 5 აპრილამდე საფონდო ინდექსების აღმასვლა 5-ჯერ დაფიქსირდა

“კომერსანტის“ ბიზნეს მიმომხილველი ჯაბა დიხამინჯია - 1-დან 5 აპრილამდე საფონდო ინდექსების აღმასვლა 5-ჯერ დაფიქსირდა

access_time2019-04-08 19:00:43



საკითხავი დრო 6 წუთი


აპრილის თვე ისტორიულად კარგი თვეა საფონდო ინდექსებისთვის. სტატისტიკურ მონაცემებს თუ დავეყრდნობით, ბოლო 13 წლის განმავლობაში, მხოლოდ აპრილის თვეში, საფონდო ინდექსებმა 12- ჯერ დააფიქსირეს აღმასვლა. მიმდინარე წლის აპრილში კი, ანუ 1-დან 5 აპრილამდე საფონდო ინდექსების აღმასვლა 5-ჯერ დაფიქსირდა . 8 დღეა, რაც 2019 წლის პირველი კვარტალი დასრულდა, რომელიც საუკეთესო კვარტალი იყო საფონდო ინდექსების ზრდის თვალსაზრისით, ბოლო 21 წლის განმავლობაში. წარმოიდგინეთ, ბოლო 19 წლის განმავლობაში, როდესაც საფონდო ინდექსები პირველ კვარტალში აფიქსირებდნენ აღმასვლას, ინდექსებმა წელი 18-ჯერ დახურეს პოზიტიურად, მხოლოდ ერთი გამონაკლისის გარდა რომელიც, 1987 წელს დაფიქსირდა. მართალია, 1987 წლის პირველი კვარტალი პოზიტიურად აისახა საფონდო ინდექსებზე, თუმცა წლის ბოლოს ინდექსებმა ვარდნა დააფიქსირეს.



5 აპრილის ჩათვლით S&P500 ინდექსმა დააფიქსირა 2891-იანი ნიშნული, რომელიც ბოლო 6 თვის განმავლობაში, ყველაზე მაღალი ნიშნულია. დაახლოებით ინდექსის 0,5%-იანი ზრდა არის საჭირო იმისთვის რომ, ყველა დროის ყველაზე მაღალი ნიშნული დაფიქსირდეს.


დავუბრუნდეთ მიმდინარე თვეს. აპრილის თვეში საფონდო ინდექსები ბოლო 6 დღის განმავლობაში, უკან მოუხედავად ახალ, მაღალ ნიშნულებზე გადიან. იმის გათვალისწინებით რომ ინდექსის ქვეშ მყოფი აქციები ფასში მატულობს, ამ ეტაპზე მნიშვნელოვანი სიახლე ფინანსურ სამყაროში უბრალოდ არ არის, არის რამოდენიმე ნიუსი, რომელიც ჰაერში კიდია და რომელიც ჯერ კიდევ დადასტურებას საჭიროებს, მაგრამ მათი სიმწვავე ჯერჯერობით მინელებულია, ეს არის Brexit-ი და სავაჭრო ომი შეერთებულ შტატებსა და ჩინეთს შორის.


სხვა მხრივ Wall Street-ი თითქოს შტორმის წინა მიჩუმებას განიცდის, რომელიც დაიწყება აპრილის თვის ბოლოსკენ, როცა კომპანიები 2019 წლის პირველი კვარტლის ფინანსური მაჩვენებლების წარდგენას დაიწყებენ. მაგრამ მანამდე შიშის საფუძველი არ არის. ქვემოთ მიმოვიხილავ უახლეს ეკონომიკურ მონაცემებს, რომელიც გასაჯაროვდა გასული კვირის განმავლობაში, და ასევე გავასაჯაროებთ ჩვენი პორტფელის მიმდინარე მდგომარეობას. მაგრამ ჯერ, მოდით დავიწყოთ მსუბუქად - სუსტი ეკონომიკური რეპორტების განხილვით.


შეერთებული შტატების ეკონომიკა შესაძლოა იყოს სტაგნაციის რეჟიმში.


გასული კვირების განმავლობაში რამდენჯერმე აღვნიშნეთ, რომ სარეზერვო ბანკის ხელმძღვანელობამ შესაძლოა 2019 წლის განმავლობაში დაწიოს და შეამციროს დოლარზე საპროცენტო განაკვეთი. ამის ვარაუდის საფუძველს თითქოს გასული კვირების ეკონომიკური მაჩვენებლები იძლეოდა. ეს იყო ჩვენი მოლოდინი. გასულ კვირას ტრამპის ეკონომიკურმა მრჩეველმა Larry Kublow-მა სარეზერვო ბანკის ხელმძღვანელობას ურჩია, რომ დაეწიათ დოლარზე საპროცენტო განაკვეთი შეძლებისდაგვარად მოკლე პერიოდში, მთელი 0,50%-ით. ეს საკმაოდ დიდი ცვლილება იქნება მონეტარული პოლიტიკის შერბილების თვალსაზრისით.


მიზეზი რამდენიმე  ფაქტორს ეყრდნობა.



პირველი - ეს არის თებერვლის თვის უმუშევრობის მაჩვენებელი. შეერთებული შტატების ეკონომიკამ, თებერვლის თვეში შექმნა 20 000 ახალი სამუშაო ადგილი. ეს მაჩვენებელი ძალიან დაბალია მოლოდინთან შედარებით. შეგახსენებთ, რომ მოლოდინი იყო 190,000 ახალი სამუშაო ადგილის შექმნა. მოლოდინსა და რეალურ მაჩვენებელს შორის განსხვავება შთამბეჭდავია, დამეთანხმებით. მაგრამ ეს არ არის მხოლოდ მიზეზი.


ოთხშაბათს გამოქვეყნდა ADP Payroll რეპორტი, სადაც გასაჯაროვდა ინფორმაცია, რომ შეერთებული შტატების კომპანიებმა საწარმო სექტორში, მარტის თვეში შექმნეს 129,000 ახალი სამუშაოა ადგილი, ეს მაჩვენებელიც მოლოდინს ჩამოუვარდება. შეგახსენებთ, რომ მწარმოებელ სექტორში მოიაზრება ინდუსტრიული მიმართულება. ეს მაჩვენებელი 2017 წლის სექტემბრის შემდეგ ყველაზე დაბალი მაჩვენებელია.



ასევე შეგახსენებთ, რომ აპრილის 19 -დან იწყება კომპანიების მიერ 2019 წლის პირველი კვარტლის ფინანსური მაჩვენებლების წარდგენის სეზონი. მომდევნო 2 თვის განმავლობაში უკლებლივ ყველა კომპანია, ინვესტორების წინაშე წარადგენს 2019 წლის პირველი კვარტლის ბიზნესოპერირების ფინანსურ შედეგებს. აქვე მინდა აღვნიშნო რომ S&P500 ინდექსის ქვეშ მყოფი კომპანიების ( ჯამში 500 მსხვილი კაპიტალიზაციის კომპანია ) მხრივ მოლოდინი არის ის, რომ  ჯამური მაჩვენებლები კომპანიების მოსალოდნელი შემოსავლების და მოგების მხრივ შემცირებული იქნება, გასული წლის პირველ კვარტლის მონაცემებთან შედარებით. ესეც რიგი ეკონომიკური ფაქტორებიდან გამომდინარე.


გასულ კვირას შეერთებული შტატების მთავრობამ, მონაცემების დაზუსტების შემდეგ,  2018 წლის მე-4 კვარტლის GDP-ის მაჩვენებლები, აქამდე ცნობილი 2,6%-დან  2,2%-ამდე დაწია. მოგეხსენებათ, ეს მაჩვენებელი არ წარმოადგენს ძლიერ ეკონომიკურ ვითარებას.


გასულ კვირას, 1 აპრილს გასაჯაროვდა ასევე მნიშვნელოვანი ეკონომიკური მაჩვენებელი მწარმოებელ სექტორში ISM Manufacturing Index, რომელმაც გამოაქვეყნა მარტის თვის მწარმოებლური ინდექსი - ნიშნულზე 55.3, რაც თებერვლის მაჩვენებლისგან - 54.2, ოდნავ მომატებულია, მაგრამ ეს მაჩვენებელი ბოლო 6 თვის მანძილზე ყველაზე ცუდი მაჩვენებელია. აქვე მინდა აღვნიშნო, რომ რეცესიის პერიოდებში ეს მაჩვენებელი 40-45- იან ნიშნულზეა. ჯერ გრძელი გზაა აღნიშნულ ნიშნულებამდე, მაგრამ ღირს ამ იდეის გონებაში ტარება.


როგორც ზემოთ აღვნიშნეთ, Wall Street-ზე ამ დროისთვის მნიშვნელოვანი არაფერი არ ხდება, მაგრამ ეს მალე შეიცვლება. მომდევნო პარასკევს იწყება ფინანსური მაჩვენებლების წარდგენის სეზონი, როდესაც შტატების მსხვილი ფინანსური ინსტიტუტები JPMorgan-ი და Wells Fargo წარადგენენ 2019 წლის პირველი კვარტლის ფინანსურ მაჩვენებლებს. ეს მნიშვნელოვანი ფინანსური სეზონია, კომპანიების მიერ წარდგენილი რეალური მაჩვენებლებით დავინახავთ რეალურ სურათს, როგორ ვითარებაში იყო ეკონომიკა 2019 წლის პირველი კვარტალს განმავლობაში.


რა უნდა ქნას ამ შემთხვევაში ინვესტორმა? ინვესტორების კაპიტალის ადგილი ჯერ კიდევ ფინანსურად მყარი კომპანიების აქციებშია. ერთი მერცხალი ამინდს ვერ ქმნის, შესაბამისად, ქაოტური და  შიშით გამოწვეული გაუაზრებელი ქმედებები ინვესტორების პორტფელს არასახარბიელო შედეგს მოუტანს - ეს არის ჩემი გრძელვადიან პორტფელსაც.


დღეის მდგომარეობით მე მიჭირავს რამდენიმე კომპანიის აქციაზე გრძელვადიანი პოზიცია. სურათზე სწორედ ამ პოზიციებს ხედავთ.



ამ დროისთვის მფლობელობაში მაქვს 7 კომპანიის აქცია. აქვე მითითებულია თუ როდის მოვახდინეთ ინვესტიცია (Invest Date) რა ფასად შევიძენთ კომპანიის აქცია (ერთი აქციის ღირებულება Buy Price) აქციის მიმდინარე ფასი საფონდო ბირჟაზე (Price Now) და შესაბამისად პროცენტული მოგება/წაგება თითო პოზიციაზე (Gain/Loss).


 პორტფელში კაპიტალი თანაბრად არის გადანაწილებული თითოეულ კომპანიის აქციაზე. ამ დროისთვის ჩვენს პორტფელში ყველაზე დიდ მოგებას აგენერირებს კომპანია Twilio Inc. (TWLO) 101.35%-იანი მოგებით. 


თუ რა კომპანიაა ეს და რა პროდუქტს აწარმოებს, ამ კომპანიის შესახებ ფინანსური და ფუნდამენტალური ანალიზი შეგიძლიათ იხილოთ შემდეგ ლინკზე:  http://jdinvestment.ge/ka/news/34


დღეისათვის სულ ეს იყო. 


ჯაბა დიხამინჯია









დავით საგანელიძე: „საპარტნიორო ფონდი“ ბიუჯეტიდან არ უნდა ფინანსდებოდეს,მას აქვს საშუალება თავად მოიზიდოს თანხები

დავით საგანელიძე: „საპარტნიორო ფონდი“ ბიუჯეტიდან არ უნდა ფინანსდებოდეს,მას აქვს საშუალება თავად მოიზიდოს თანხები
access_time2020-01-20 11:30:36
„საპარტნიორო ფონდის“ ხელმძღვანელი დავით საგანელიძე მიიჩნევს, რომ „საპარტნიორო ფონდი“ ბიუჯეტიდან არ უნდა ფინანსდებოდეს და მას აქვს საშუალება თავად მოიზიდოს თანხები. ამის შესახებ დავით საგანელიძემ საპარტნიორო ფონდის სტრუქტურულ რეფორმაზე საუბრისას განაცხადა და აღნიშნა, რომ ფონდს დღეს უკვე სხვა გამოწვევები და ამოცანები აქვს, ამიტომ აუცილებელია სტრუქტურული რეფორმა სწრაფად განხორციელდეს. ამასთან, დავით საგანელიძე მიიჩნევს, რომ სახელმწიფო საწარმოები არ უნდა...

Forbes - პრინც ჰარის და მეგან მარკლის შემოსავლის შესაძლო წყაროებზე

Forbes - პრინც ჰარის და მეგან მარკლის შემოსავლის შესაძლო წყაროებზე
access_time2020-01-19 21:00:10
  რამდენიმე დღის წინ ბრიტანეთის პრინცმა ჰარიმ და მისმა მეუღლემ, ამერიკელმა მსახიობმა მეგან მარკლმა განაცხადეს, რომ  მათ სურთ ფინანსური დამოუკიდებლობა.   თუ გავითვალისწინებთ, რომ პრინცმა განაცხადა, რომ ის უარს ამბობს ტიტულზე, ამ პროცესს აქვს ორი მხარე   - ერთია, რომ უკვე ყოფილ პრინცს მკვეთრად შეუმცირდება დაფინანსება ოჯახიდან, მეორე კი - ამჟამად მას უკვე აქვს დამოუკიდებლად მუშაობის უფლება.   რას აირჩევენ ჰარი და...

Le Monde: ავსტრალიური ხანძრები - დამთბარი მსოფლიოს მომავალი

Le Monde: ავსტრალიური ხანძრები - დამთბარი მსოფლიოს მომავალი
access_time2020-01-19 18:00:38
დედამიწა იწვის - პირდაპირი გაგებით. ავსტრალიაში, ამაზონიაში, კამბოჯაში ასობით ათასი ჰექტარი ტყეები გახვეულია ცეცხლში, რაც იწვევს ადამიანების დაღუპვას, ფლორის განადგურებას, და ფაუნის გადაშენებას.   ეს დრამატული მოვლენები  - მხოლოდ უმნიშვნელო მინიშნებაა იმაზე, თუ რა ელის კაცობრიობას დამთბარ მსოფლიოში. 14 იანვარს გამოქვეყნებული ინგლისელი და ავსტრალიელი მეცნიერების კვლევის თანახმად, კლიმატი სწრაფად იცვლება თითქმის ყველგან, რაც ზრდის ხანძრების...

„ვალები სტრესს იწვევს“ - ამსტერდამის მთავრობა ახალგაზრდების სესხებს შეისყიდის

„ვალები სტრესს იწვევს“ - ამსტერდამის მთავრობა ახალგაზრდების სესხებს შეისყიდის
access_time2020-01-19 11:00:31
ამსტერდამის მთავრობამ გადაწყვიტა, ახალგაზრდების ვალები შეისყიდოს და ისინი სესხებისგან გაათავისუფლოს.   როგორც Guardian -ი წერს, ნიდერლანდელი ახალაგზრდები სულ უფროდაუფრო მეტ სესხს იღებენ და ეს ევროპაში ერთგვარი ტრენდი გახდა, მათ შორის დიდ ბრიტანეთში. მიზეზი ხშირ შემთხვევაში, ძვირადღირებულები საგანმანათლებლო კურსების დამთავრებაა.   პროექტის თანახმად, მუნიციპალური საკრედიტო ბანკი კრედიტორებთან ვალების შესყიდვაზე მოლაპარაკებებს...

ლევან კობერიძე - ჯანდაცვის სფეროში 520-ე დადგენილებასთან დაკავშირებით ძალიან დიდი პრობლემებია

ლევან კობერიძე - ჯანდაცვის სფეროში 520-ე დადგენილებასთან დაკავშირებით ძალიან დიდი პრობლემებია
access_time2020-01-18 21:00:59
მინდა გითხრათ, რომ ჯანდაცვის სფეროში 520-ე დადგენილებასთან დაკავშირებით ძალიან დიდი პრობლემებია, - ამის შესახებ დამოუკიდებელმა დეპუტატმა ლევან კობერიძემ პარლამენტის ბიუროს სხდომაზე განაცხადა.   მისი განმარტებით, სამედიცინო სერვისები მოქალაქეებს შეფერხებით მიეწოდება, 520-ე დადგენილება კი არც რეფორმა არ არის და არც ფასწარმოქმნა.   „დადგენილების ამოქმედებიდან 2 თვეზე მეტი გავიდა და მთავრობის წევრებთან მხოლოდ რამდენიმე პიარ შეხვედრა ჩატარდა, მე ასე...


მსგავსი სიახლეები

up