კომერციული კოსმოსური ფრენების ბაზარზე  რუსეთი პოზიციებს კარგავს

კომერციული კოსმოსური ფრენების ბაზარზე რუსეთი პოზიციებს კარგავს

access_time2020-01-31 19:00:23

2019 წლის დასაწყისში როსკოსმოსის ხელმძღვანელმა დიმირტი როგოზინმა პრეზიდენტ პუტინს მოახსენა, რომ მისი უწყება  წლის მანძილზე 45 კომერციული კოსმოსური ფრენის განხორციელებას გეგმავს.„ეს ძალიან დიდი დატვირთვაა, თუმცა, ჩვენ ამ ამოცანას გაუმკლავდებით„ - შეჰპირდა მაღალჩინოსანი პრეზიდენტს.

 

მოგვიანებით როგოზინმა რამდენიმეჯერ შეამცირა პროგნოზები. მაისში, როდესაც გაჩნდა პირველი ეჭვები დასახული გეგმის რეალისტურობასთან დაკავშირებით, როსკოსმოსი უარყოფდა გეგმის შესაძლო ცვლილებას, თუმცა, უკვე აგვისტოში უწყების ხელმძღვანელმა  ფრენების პროგნოზი 40-მდე, ოქტომბერში კი - 29-მდე შეამცირა.

 

გეგმის ჩავარდნა როგოზინმა რამდენიმე მიზეზით  ახსნა - მისი თქმით ფრენების ნაწილი ერთ-ერთი კლიენტის მოუმზადებლობის გამო გადაიდო.  საუბარია, ბრიტანულ კომპანია OneWeb-ზე, რომელიც თანამგზავრული ინტერნეტის ქსელს  ქმნის.

 

მეორე მიზეზია ის, რომ რუსეთის თავდაცვის სამინისტროს თანამგზავრები მოუმზადებელი აღმოჩნდა ორბიტაზე გასაშვებად ამერიკული სანქციების გამო. რუსულმა მხარემ ვერ მიიღო თანამგზავრების დამზადებისთვის აუცილებელი ამერიკული სათადარიგო ნაწილები.მესამე პრობლემად როგოზინმა   ბოლო წლებში დაწყებული საორგანიზაციო პრობლემები დაასახელა.

 

მაგალითად, 2019 წელს ვერ მოხერხდა სალაბორატორიო მოდულის გაგზავნა საერთაშორისო კოსმოსურ სადგურზე, რადგანაც საჭირო იყო საწვავის ავზების დამატებითი ტესტირება. ამჟამად, ცდები დასრულებულია და აპარატი კოსმოსში 2020 წელს გაიგზავნება - განაცხადა როგოზინმა.

 

ხსენებული მოდულის შექმნაზე მუშაობა 1995 წელს დაიწყო. მისი გამოყენება იგეგმება საერთაშორისო კოსმოსური სადგურის რუსულ სეგმენტში მეცნიერული კვლევების ჩასატარებლად. პირველი გაშვება  2007 წლისთვის დაიგეგმა, თუმცა, რამდენიმეჯერ, სხვადასხვა მიზეზების გამო გადაიდო.

 

ამჟამად  მოდულის ჩატანა ორბიტაზე  2020 წლის ნოემბერში იგეგმება.თუმცა, ეს ყველაფერი მხოლოდ დეტალებია, ხოლო გეგმის ჩავარდნის მთავარი მიზეზია - მწვავე კონკურენცია სხვა ქვეყნებთან, რომელსაც რუსეთი სულ უფრი მეტად აგებს.

 

პრობლემა არის თავად ბაზარზეც, იმ გაშვებებში, რომლებიც  ხელში კონკურენტებმა ჩაიგდეს  - აღიარა როგოზინმა.


 

2019 წელს როსკოსმოსმა შეასრულა მხოლოდ 6 უცხოური შეკვეთა, მაშინ, როდესაც სწორედ უცხოელებისთვის გაწეული მომსახურეობა არის შემოსავლების ძირითადი წყარო. ამ 6 შეკვეთას შორის იყო OneWeb-ის თანამგზავრები, ეგვიპტეს მთავრობის დედამიწის გადამღები აპარატი, იტალიის რადიოლოკაციური სისტემა, ასევე ლუქსემბურგის და საფრანგეთის კავშირგაბმულობის თანამგზავრები.

 

რამდენიმე ამერიკული და ევროპული შეკვეთა შესრულდა, როგორც დამატებითი დატვირთვა რუსული ჰიდრომეტეოროლოგიური თანამგზავრების გაშვებასთან ერთად.

 

რუსეთის წილი საერთაშორისო კომერციული კოსმოსური გადაზიდვების ბაზარზე შეადგენს 24%-ს, ხოლო ჩინეთის 33%,შტატების  - 26%-ს.ეს მეტია, ვიდრე 2018 წელს (18%), თუმცა,  გაცილებით ნაკლები, ვიდრე 2009-2016 წლებში, როდესაც რუსეთი იყო ამ ბაზრის უპირობო ლიდერი და ფლობდა მის 40%-ს.

 

რუსეთის მიერ მოწინავე პოზიციების დაკარგვა დაკავშირებულია შემკვეთების გადართვით ევროპულ და ამერიკულ კონკურენტებზე, რომლებიც ბოლო ათწლეულის მანძილზე აქტიურად ვითარდებოდნენ, ხოლო რუსეთის გაშვებები ხშირად  წარუმატებლად სრულდებოდა.

 

როგოზინმა ასევე აღიარა, რომ რუსული რაკეტების პარკი მოძველდა და დიდი ხანია არ განახლებულა.ყველაზე სწრაფად ამ ბაზარზე იზრდებიან ამერიკული კერძო კომპანიები  - მაგალითად, ილონ მასკის SpaceX-მა დაიწყო ნოლიდან და დღეს ის  ბაზრის ლიდერია. სწორედ ამ კომპანიამ მოიზიდა ყველაზე მეტი შეკვეთა 2019 წელს.

 

მეორე მაგალითია  ასევე ამერიკული Rocket Lab, რომელმაც  კოსმოსში პირველი რაკეტა 2017 წელს გაუშვა. დღეს კი მისი შეკვეთების რაოდენობა  ევროკავშირისას უტოლდება. თანაც, 2020 წელს კომპანია გეგმავს ახალი სასტარტო მოედნის ამუშავებას, შესაბამისად, Rocket Lab ჯერ ყველაფერი წინ აქვს.

 

ასევე აღსანიშნავია კოსმოსური დარგის ნახტომისებრი ზრდა ჩინეთში. 10 წლის წინ კომერციული ფრენების ბაზარზე მას ეკავა მხოლოდ მე-4 ადგილი. 2019 წელს კი ჩინეთი გავიდა პირველ ადგილზე - 34 გაშვებით და ბაზარზე 33%-ანი წილით.ამჟამად ჩინეთი არა მხოლოდ აკმაყოფილებს თავის სწრაფად ზრდად მოთხოვნას, არამედ აქტიურად მუშაობს საერთაშორისო ბაზარზეც.

 

 შექმნილი მდგომარეობის ახსნისას, როსკოსმოსის ხელმძღვანელი ამბობს, რომ საზოგადოებას აქვს გადაჭარბებული მოლოდინები რუსეთის კოსმოსური ინდუსტრიისგან, და ეს მოლოდინები  არსებულ შესაძლებლობებს აღემატება.

 

 „კოსმოსურ-სარაკეტო ინდუსტრიის მთავარი გამოწვევა ისაა, რომ საზოგადოება გრძნობს თავს როგორ კოსმოსური ზე სახელმწიფო  და მოითხოვს შესაბამის მიღწევებს. რეალური შესაძლებლობები კი გაცილებით  ნაკლებია. მათ შორის დარგის ფინანსური მდგომარეობის გამო“  - მიიჩნევს ის.

 

 რუსული მასმედიას ინფორმაციით, 2020 წლისთვის როსკოსმოსმა დაგეგმა 50 კომერციული ფრენა. თუმცა, უწყების პრესსამსახურმა უარყო ეს ცნობა და სხვა რიცხვი - „დაახლოებით 40“  დაასახელა.

 

 Eurasia.net

 






საქართველო გერმანიას, საფრანგეთს, ლატვიას, ლიეტუვასა და ესტონეთს საზღვრებს უხსნის

საქართველო გერმანიას, საფრანგეთს, ლატვიას, ლიეტუვასა და ესტონეთს საზღვრებს უხსნის
access_time2020-07-08 11:10:21
საქართველო ევროკავშირის რამდენიმე ქვეყანასთან საზღვრებს ხსნის.ამის შესახებ საქართველოს პრემიერ-მინისტრის მრჩეველმა ირაკლი ჩიქოვანმა დღეს განაცხადა. მისი განცხადებით, ეს ქვეყნებია:გერმანია, საფრანგეთი, ლატვია, ლიეტუვა და ესტონეთი. „ევროკავშირის მიერ საქართველოს 15 უსაფრთხო ქვეყნის სიაში შეყვანისა და მათთვის საზღვრების შესაძლო გახსნის შესახებ რეკომენდაციის გაცემის შემდეგ, მთავრობა, საზღვრების გახსნის თაობაზე, ევროკავშირის წევრ შესაბამის ქვეყნებთან ორმხრივ მოლაპარაკებებს...

დღის Top-10 საინტერესო ამბავი

დღის Top-10 საინტერესო ამბავი
access_time2020-07-07 21:30:29
დღის Top-10 საინტერესო ამბავი 1.ტამანის პორტი საქართველოს კონკურენტი ვერ გახდება - ბათუ ქუთელია „ამ ხელისუფლების პირობებში ანაკლიის პორტი არ აშენდება იმ მარტივი მიზეზის გამო, რომ ეს არის გეოპოლიტიკური პროექტი.როგორც ჩანს, „ქართული ოცნების“ ხელისუფლებისთვის რუსული გეოპოლიტიკური ინტერესები უფრო ანგარიშგასაწევია...

მთავრობისგან არაფერს ველოდებით, ერთადერთი ხელს ნუ შეგვიშლიან და ფრენები აღადგინონ - ტურისტული კომპანია

 მთავრობისგან არაფერს ველოდებით, ერთადერთი ხელს ნუ შეგვიშლიან და ფრენები აღადგინონ - ტურისტული კომპანია
access_time2020-07-08 10:50:13
 „მთავრობა დიდად არც მანამდე გვეხმარებოდა, არც ახლა გვეხმარებიან, მათგან არაფერს ველოდებით, ერთადერთი ხელს ნუ შეგვიშლიან და ფრენები აღადგინონ“, - ამის შესახებ კომერსანტს ტურისტული სააგენტოს „Planet Georgia“ -ს დამფუძნებელი მალხაზ ცინცაძემ განუცხადა. ინდივიდუალური მეწარმე აცხადებს, რომ სეზონის ჩავარდნით დაახლოებით 10 000 დოლარი დაკარგა.   „ის ხალხი რომელიც ფრენების აღდგენას ელოდებოდა და ვარაუდობდნენ აგვისტო-სექტემბერში ჩამოსვლას ტურები გააუქმეს, რადგან...

დამოუკიდებელი საქართველოს ისტორიაში სტრატეგიული პარტნიორისგან პირველი სანქცია მივიღეთ - ბათუ ქუთელია

დამოუკიდებელი საქართველოს ისტორიაში სტრატეგიული პარტნიორისგან პირველი სანქცია მივიღეთ - ბათუ ქუთელია
access_time2020-07-07 16:00:47
„ღიად და პირდაპირ,  „ქართული ოცნების“ მთავრობამ მიიღო პირველი სანქცია, რომელიც თავისი მასშტაბით არ არის დიდი, მაგრამ მნიშვნელობით არის კატასტროფული, — ასე აფასებს საერთაშორისო ურთიერთობების ექსპერტი ბათუ ქუთელია აშშ-ს კონგრესის კანონპროექტს საქართველოსთვის განკუთვნილი დახმარების 15 პროცენტის გაყინვის შესახებ.  ცოტა ხნის წინ ცნობილი გახდა, რომ აშშ-ის წარმომადგენელთა პალატამ ასიგნებების კომიტეტის მიერ წარდგენილი კანონპროექტი გამოაქვეყნა,...

მსოფლიო ბანკის მიერ დაფინანსებული პროექტი გორის მუნიციპალიტეტში 4 წლის განმავლობაში ვერ დასრულდა

მსოფლიო ბანკის მიერ დაფინანსებული პროექტი გორის მუნიციპალიტეტში 4 წლის განმავლობაში ვერ დასრულდა
access_time2020-07-06 16:00:47
მსოფლიო ბანკის მიერ მხარდაჭერილი პროექტის დასრულება ხიდისთავი-ატენი-ბოშურის 10 კმ-იან მონაკვეთზე ისევ გადაიდო. ამჯერად მისი განმახორციელებელი უწყება ვარაუდობს, რომ პროექტი, რომელიც ტენდერში გამარჯვებულმა უცხოურმა კომპანიამ 2016 წელს დაიწყო შემოდგომამდე დასრულდება. ხელშეკრულებით გათვალისწინებული პირობების დარღვევისთვის კი სამუშაოების განმახორციელებელ კომპანიას ჯარიმა დაეკისრა. ეს გადაწყვეტილება დამკვეთმა უწყებამ 2019 წლის 31 ოქტომბრის შემდეგ...


მსგავსი სიახლეები

up