კოკოითის დაბრუნება - არჩევნების შედეგები ე.წ. სამხრეთ ოსეთში

კოკოითის დაბრუნება - არჩევნების შედეგები ე.წ. სამხრეთ ოსეთში

access_time2019-06-11 20:30:11


ე.წ. სამხრეთ ოსეთში ჩატარებულ არჩევნებში იმარჯვებს მმართველი „ერთიანი ოსეთი“, რომელმაც  ხმათა 35% მიიღო. თუმცა, ყველა არაა მზად ამის აღიარებისთვის.


ოპოზიცია მოითხოვს რუსეთის ტერიტორიაზე, კერძოდ კი ვლადიკავკაზში გამართული კენჭისყრის შედეგების გაუქმებას.


„სამხრეთ ოსეთის“ ე.წ. საპარლამენტო არჩევნების შედეგები  ორშაბათს გამოქვეყნდა, ბიულეტენების 95% დამუშავების შემდეგ. ბოლო მონაცემებით, პარლამენტში შედის 5 პარტია - პირველ ადგილზეა „ერთიანი ოსეთი“, რომელმაც მიიღო 34,9%, მე-2-ზე - ყოფილი პრეზიდენტის, ედუარდ კოკოითის მიერ მხარდაჭერილი „სახალხო პარტია“ (21,8%),  მე-3 - პარტია „ნიხასი“ (14,37%),  მე-4-ზე „ხალხის ერთობა“ (12,9%), ბოლო, მე-5 ადგილზეა კომუნისტური პარტია - 7,2%.


ცენტრალურმა საარჩევნო კომისიამ აშკარად გააჭიანურა შედეგების გამოცხადება - იქ საარჩევნო უბნები ძალიან მცირეა - საშუალოდ 1000 ადამიანი, ხოლო დასწრება არ აღემატებოდა 60%-ს. წინა არჩვენების გამოცდილებით, უკვე იმავე დღის საღამოს 10 საათისთვის საუბნო კომისიების ოქმები უკვე გაფორმებული იყო და წინასწარი შედეგებიც, როგორც წესი, ცნობილი.


მაგალითად, 2017 წლის საპრეზიდენტო არჩევნების შედეგები გამოცხადდა იმავე დღის შუაღამემდე.


ორშაბათს საღამოს ცენტრალური საარჩევნო კომისიის თავმჯდომარემ ბელა პლიევამ განაცხადა, რომ დათვლილია ხმების 60% და პირველი შედეგებიც დაასახელა, რომელიც დაეყრდნო ჩრდილოეთ ოსეთის, მოსკოვის, სოხუმის და თავად „სამხრეთ ოსეთის“ 15 უბნის მონაცემებს.



თუმცა, სამმა პარტიამ განაცხადა, რომ არ ცნობს არჩევნების შედეგებს. მათი თქმით,  ვლადიკავკაზში ადგილი ჰქონდა ამომრჩევლის მასობრივ მოსყიდვას. ამის დასტურად ოპოზიციონერებმა წარადგინეს რამდენიმე ვიდეო მასალა, სადაც დაფიქსირებულია დღევანდელი მთავრობის მაღალჩინოსნების მიერ ამომრჩევლებისთვის ფულის დარიგების ფაქტები.


ოპოზიციონერებმა უკვე შეიტანეს შესაბამისი განცხადება პროკურატურაში.


ვლადიკავკაზში არჩევნებში მონაწილეობა მიიღო 2000-მა ადამიანმა. სწორედ იქ მიიღო სახელისუფლებო პარტიამ ხმების 60%. ამ შედეგების გაუქმების შემთხვევაში, „ერთიანი ოსეთი“ კარგავს თითქმის 1500 ხმას, რაც რადიკალურად ცვლის ძალთა გადანაწილებას მომავალ პარლამენტში.


ოპოზიციური პარტია „ფინდიბასტი“ -ს თავჯდომარე ვიაჩესლავ გობოზოვის თქმით, სწორედ ვლადიკავკაზის ხმებმა აჩუქა გამარჯვება სამთავრობო პარტიას და ამიტომაც ის ბოლომდე იბრძოლებს მის მიერ დადებული შედეგების შესანარჩუნებლად.


„ვლადიკავკაზის შედეგების გადახედვა სერიოზულად შეცვლის ზოგად სურათს, რადგანაც იქ ხმების თითქმის 100% დათვლილია „ერთიანი ოსეთი“-ს სასარგებლოდ. ამიტომაც, ისინი, ვინც ცდილობენ დააფიქსიროს ის შედეგი, რომელიც გამოაცხადა საარჩევნო კომისიამ, ყველანაირად, ყველა ხერხის გამოყენებით იბრძვიან ამისთვის,“ -განაცხადა მან.


თუმცა გობოზივის აზრით, ყველაფრის მიუხედავად, „ერთიანი ოსეთი“ ვერ გაიმეორებს 20914 წლის შედეგებს და ვერ მიიღებს აბსოლუტურ უმრავლესობას პარლამენტში.


მისი აზრით, ამ არჩევნების ერთადერთი რეალური გამარჯვებული არის „სამხრეთ ოსეთის“  ყოფილი პრეზიდენტი ედუარდ კოკოითი.


„დღეს ჩვენ ვიღებთ პარლამენტს, სადაც არც ერთ ძალას არ ექნება გადამწყვეტი უმრავლესობა. ეს არის დადებითი შედეგი, ისევე, როგორც თავად ფაქტი, რომ „ერთიანი ოსეთი“ ვერ გააგრძელებს დომინირებას პარლამენტში. მიმაჩნია რომ ერთადერთი გამარჯვებული ამ არჩევნებში არის ექსპრეზიდენტი ედუარდ კოკოითი, რომელმაც მოახერხა 7%-იანი პარტიის გაყვანა მე-2 ადგილზე. ეს არის მისი ერთპიროვნული დამსახურება,“ - თვლის ოპოზიციონერი პოლიტიკოსი.


მისი თქმით, კოკოითი გახდა სერიოზული პოლიტიკური ფიგურა და მას გააჩნია სერიოზული რესურსი, რაზეც მეტყველებს მის წინააღმდეგ სამთავრობო მედიაში დაწყებული შავი პიარ კამპანია.


„ნამდვილად შეგვიძლია ვთქვათ, რომ ედუარდ კოკოითი დაბრუნდა ოსურ პოლიტიკაში,“   - თვლის ვიაჩესლავ გობოზოვი.


თენგიზ აბლოთია


თეგები:
კოკოითი



დღის Top 10 საინტერესო ამბავი

დღის Top 10 საინტერესო ამბავი
access_time2020-08-14 21:00:21
დღის Top 10 საინტერესო ამბავი 1.გაყიდვები დაახლოებით 80%-ით შემცირდა - ღვინის მაღაზიები დახურვის პირას არიან გლობალური პანდემიის შედეგად, ტურისტების გარეშე დარჩენილი ბიზნეს სექტორი ყველაზე მძიმე მდგომარეობაში აღმოჩნდა. მსოფლიო ლოქდაუნმა ღვინის მაღაზიები დახურვის პირას...

პანდემიის დროს ბორჯომის მხარეთმცოდნეობის მუზეუმმა 6000 ლარამდე იზარალა

პანდემიის დროს ბორჯომის მხარეთმცოდნეობის მუზეუმმა 6000 ლარამდე იზარალა
access_time2020-08-14 16:30:58
ბორჯომის მხარეთმცოდნეობის მუზეუმმა კორონავირუსის პანდემიის გამო 5000-დან 6000 ლარამდე იზარალა. როგორც „კომერსანტს“ მუზეუმის დირექტორმა თინათინ მამასტარაშვილმა უთხრა, სხვა მუზეუმების მსგავსად ივნისის თვეში მუშაობის განახლება  ვერ შეძლეს, რადგან ფინანსების არქონის გამო რეგულაციებით გათვალისწინებული ნივთები ვერ  შეიძინეს. „ბორჯომის მხარეთმცოდნეობის მუზეუმი კულტურული მემკვიდრეობის დაცვის ეროვნული სააგენტოს დაქვემდებარებაშია და...

„სმარტმა“ „ხაჭაპურის ფესტივალი“ გამართა

„სმარტმა“ „ხაჭაპურის ფესტივალი“ გამართა
access_time2020-08-14 12:55:34
„სმარტმა“ ზესტაფონსა და ქუთაისს შორის, სოფელ არგვეთას მონაკვეთზე მდებარე „ვისოლ ჯგუფის“ დასვენებისა მომსახურების კომპლექსში „ხაჭაპურის ფესტივალი“ გამართა და ამიერიდან მომხმარებლებს „სმარტის“ ქსელში ყველაზე გემრიელი „დედა ხაჭაპურის“ დაგემოვნება გამარჯვებული ხაჭაპურის ავტორის რეცეპტით შეეძლებათ. „დედა ხაჭაპური“ იგივე იმერული ხაჭაპურია, რომელიც კონკურსის მონაწილე „სმარტის“ თანამშრომლემა კომპეტენტური ჟიურის რეკომენდაციებით და წინასწარ განსაზღვრული კრიტერიუმების მიხედვით მოამზადეს. „გასტრონავტის“...

რუსეთმა შესაძლოა, ვაშლისა და ქლიავის იმპორტზე კვოტები დააწესოს - რა რაოდენობის პროდუქტი გადის საქართველოდან

რუსეთმა შესაძლოა, ვაშლისა და ქლიავის იმპორტზე კვოტები დააწესოს - რა რაოდენობის პროდუქტი გადის საქართველოდან
access_time2020-08-14 14:10:52
რუსეთმა შესაძლოა, ვაშლისა და ქლიავის იმპორტზე კვოტები დააწესოს. სწორედ ამ მოთხოვნით მიმართეს ადგილობრივმა ფერმერებმა სოფლის მეურნეობის სამინისტროს. მათ აზრით, იმპორტირებული ხილის დიდი რაოდენობა, ადგილობრივი პროდუქციის ფასებს ამცირებს. ამის შესახებ ინფორამციას AgroTimes ავრცელებს. აღსანიშნავია, რომ საქართველოსთვის რუსეთი მთავარი სავაჭრო პარტნიორია. მეტიც, გასულ წელს იმპორტირებული ვაშლის 87,2 %, ხოლო ქლიავის 89,2% სწორედ რუსეთში...

„ლონდონის ბირჟიდან თავისი სურვილით არავინ გადის, GHG-ში სერიოზული ფინანსური პრობლემებია“ - სერგო ჩიხლაძე

„ლონდონის ბირჟიდან თავისი სურვილით არავინ გადის, GHG-ში სერიოზული ფინანსური პრობლემებია“ - სერგო ჩიხლაძე
access_time2020-08-14 13:00:41
„საქართველოს ჯანდაცვის ჯგუფი“ (GHG) არალიკვიდურობის გამო ლონდონის საფონდო ბირჟიდან ჩაიხსნა. კომპანიის ინფორმაციით, ბირჟიდან მოხსნის შემდეგ ლიკვიდურობა შენარჩუნებულ იქნა, GHG კერძო კომპანია გახდა და მისი აქციები Georgia Capital-მა გამოისყიდა, რომელიც აქამდე „საქართველოს ჯანდაცვის ჯგუფის“ 70.6%-იანი წილის მფლობელი იყო. ბოლო დღეებში ქართულ მედიაში საქართველოს საფონდო ბირჟის დირექტორი გიორგი ფარესიშვილის და რამდენიმე ექსპერტის მიერ გამოთქმული გამამართლებელი არგუმენტების...


მსგავსი სიახლეები

up