კობახიძე:

კობახიძე: "ოცნების" მიერ როგორც 19 აპრილის შეთანხმებაში დაბრუნებას, ისე მომავალში მსგავსი ტიპის დოკუმენტზე ხელის მოწერას კატეგორიულად გამორიცხავს

access_time2021-08-01 18:00:11

„ქართული ოცნების“ თავმჯდომარე ირაკლი კობახიძე კატეგორიულად გამორიცხავს, მმართველი პარტია 19 აპრილის შეთანხმებას დაუბრუნდეს. ამის შესახებ მან ტელეკომპანია "იმედის" ეთერში განაცხადა.


ამასთან, მისივე თქმით, მომავალში კვლავ რომ შეიქმნას "ხელოვნური კრიზისი, "ოცნება" მსგავსი ტიპის შეთანხმებაზე ხელს არ მოაწერს".


კითხვაზე, "19 აპრილის შეთანხმებას ახლა რომ მოაწეროს ხელი "ნაციონალურმა მოძრაობამ"?", კობახიძემ შემდეგი განაცხადა:


"ეს იქნება, რა თქმა უნდა, ბავშვური თამაში და ერთი რამ მინდა, ვთქვა: გამორიცხულია ამ შეთანხმებაში ჩვენი მხრიდან დაბრუნება, ეს იქნებოდა რაღაც ბავშვური ნაბიჯი და საერთოდ, ნებისმიერ შემთხვევაში – დავუშვათ, გამეორდა ეს ხელოვნური კრიზისი, ჩვენ აქედანვე შეგვიძლია ვთქვათ, რომ მომავალში ასეთი ტიპის შეთანხმებაზე ხელის მოწერას კატეგორიულად გამოვრიცხავთ ერთი მარტივი მიზეზის გამო – ასეთი შეთანხმება ნიშნავს კონსტიტუციური ჩარჩოდან დროებით გასვლას, რაც არის დაუშვებელი მომავალში. ჩვენ, კონკრეტულ შემთხვევაში, ვიმოქმედებთ ქვეყნის ინტერესებიდან გამომდინარე, მაშინ იყო ხელოვნური, მაგრამ მაინც კრიზისი შექმნილი და ამ ხელოვნური კრიზისის დასრულება სჭირდებოდა ქვეყანას იმისათვის, რომ ქვეყნის ეკონომიკა წინ წასულიყო და ასე შემდეგ. მაშინ დავუშვით გამონაკლისი, მაგრამ მომავალში გამორიცხულია, რომ ასეთი ტიპის შეთანხმებას ხელი მოვაწეროთ და თუნდაც დროებით გავიდეთ კონსტიტუციური ჩარჩოებიდან".



რაც შეეხება ევროპული საბჭოს პრეზიდენტის შარლ მიშელის განცხადებას, რომლის თანახმად, "იწყებს კონსულტაციებს რიგ პოლიტიკურ აქტორებთან საქართველოში", კობახიძე აცხადებს, რომ რაიმე ტიპის პოლიტიკური შეთანხმება კონსულტაციების საგანი ვერ იქნება.


"მოლაპარაკებები ჩვენ შეიძლება, გვქონდეს უშუალოდ საერთაშორისო პარტნიორებთან – ევროკავშირთან, აშშ–სთან, მათ შორის შარლ მიშელთან, მაგრამ არა შეთანხმებასთან დაკავშირებით, არამედ იმასთან დაკავშირებით ჩვენ საერთაშორისო პარტნიორებთან ერთად როგორ შეიძლება, დავგეგმოთ რეფორმები სხვადასხვა სფეროში. ეს შეიძლება, იყოს კონსულტაციების საგანი და არა რაიმე ტიპის პოლიტიკური შეთანხმება", –დასძინა მმართველი პარტიის თავმჯდომარემ.


ცნობისთვის: თვითმმართველობის არჩევნებამდე ორი თვით ადრე "ქართულმა ოცნებამ" შარლ მიშელის ეგიდით მიღწეული შეთანხმება ანულირებულად გამოაცხადა. 28 ივლისს პარტიის თავმჯდომარემ ირაკლი კობახიძემ ბრიფინგზე განაცხადა, რომ შეთანხმებამ "თავისი მისია შეასრულა".


"ქართული ოცნება" უარს ამბობს ვალდებულებაზე, მის მიერ ადგილობრივი თვითმმართველობის მოახლოებულ არჩევნებზე ხმათა 43%-ზე ნაკლების მიღების შემთვევაში ქვეყანაში რიგგარეშე საპარლამენტო არჩევნები დაინიშნოს. როგორც "ოცნებაში" აცხადებენ, რიგგარეშე არჩევნები შესაძლოა, მის მიერ 53%-ის მიღების შემთხვევაშიც დაინიშნოს, თუ მმართველი გუნდი ჩათვლის, რომ ეს "ქვეყნისთვის საფრთხის შემცველი არ იქნება".


"ოცნების" აღნიშნულ ნაბიჯს საქართველოს სტრატეგიული პარტნიორებისგან, აშშ–ისა და ევროკავშირისგან კრიტიკული განცხადებები მოჰყვა. ისინი მმართველ პარტიას მოუწოდებენ, დაუბრუნდეს 19 აპრილის შეთანხმებას.

accentnews.ge




„გავოცდი იმ ბუნდოვანი ხედვით, რაც გიორგი ვაშაძემ საპენსიო საკითხებზე წარმოადგინა“ - პაატა ბაირახტარი

„გავოცდი იმ ბუნდოვანი ხედვით, რაც გიორგი ვაშაძემ საპენსიო საკითხებზე წარმოადგინა“ - პაატა ბაირახტარი
access_time2021-09-15 18:55:05
„არგუმენტი, თითქოს პენსიონერს სხვა ბანკში სესხს არ აძლევენ, არასწორია“, – ამის შესახებ “ახალგაზრდა ფინანსისტთა და ბიზნესმენთა ასოციაციის” ვიცეპრეზიდენტმა, ეკონომისტმა პაატა ბაირახტარმა სოციალურ ქსელში დაწერა. პოსტს უცვლელად გთავაზობთ: “ბოლო პერიოდში, სხვადასხვა პოლიტიკური ჯგუფების წარმომადგენლები თუ ცალკეული პოლიტიკოსები აქტიურად საუბრობენ საპენსიო სესხზე და მის საპროცენტო განაკვეთზე. გულწრფელად მინდა, ეს პროცესი წინასაარჩვენო კამპანიასა და სამიზნე...

„მწვანე ზონის“ შემქმნელი რესტორნებისთვის შესაძლოა დაწესებული შეზღუდვები გაუქმდეს

„მწვანე ზონის“ შემქმნელი რესტორნებისთვის შესაძლოა დაწესებული შეზღუდვები გაუქმდეს
access_time2021-09-16 13:00:41
ბიზნესისა და სახელმწიფოს მოლაპარაკებები კოვიდ 19–ის გავრცელების წინააღმდეგ ბრძოლაში ახალ ეტაპზე გადადის. „მწვანე ზონების“ შექმნის ინიციატივით შრომის ინსპექციის სამსახურის ხელმძღვანელი ბექა ფერაძე რესტორატორებს შეხვდა. იმ შემთხვევაში, თუ სტუმართ-მასპინძლობის სექტორი კოვიდ-სტატუსის დასადგენად შექმნილ სპეციალური აპლიკაციას წარმატებით გამოიყენებს და რესტორანი მხოლოდ ვაქცინირებულ, სწრაფი და PCR ტესტის მქონე მომხმარებლებს მიიღებს, ობიექტი დაწესებული შეზღუდვებისგან...

ლარი დოლართან გამყარდა და ევროსთან გაუფასურდა

ლარი დოლართან გამყარდა და ევროსთან გაუფასურდა
access_time2021-09-15 18:00:02
15 სექტემბრის ვაჭრობის შედეგად ლარი აშშ დოლართან მიმართებაში 0.12 თეთრით 3.1129-მდე გამყარდა. Bloomberg-ის პლატფორმაზე დღის ბოლოს 3.1053-იანი კურსი დაფიქსირდა. საერთასორისო ვალუტებიდან ლარი ევროსთან 0.63 თეთრით 3.6822-მდე გაუფასურდა, ბრიტანულ ფუნტთან 1.50 თეთრით 4.3039-მდე გამყარდა. მეზობელი ქვეყნების ვალუტებიდან კი ყველას მიმართ გაუფასურდა, კერძოდ: თურქულ ლირასთან 0.07 თეთრით 0.3690-მდე, აზერბაიჯანულ მანათთან 0.35 თეთრით 1.8336-მდე, 100 რუსულ რუბლთან 1.57 თეთრით...

„ლოპოტა სპა რეზორტი“ საქართველოში კონკურენტებს ვერ ხედავს

„ლოპოტა სპა რეზორტი“ საქართველოში კონკურენტებს ვერ ხედავს
access_time2021-09-16 11:00:23
„ლოპოტა სპა რეზორტის“ გენერალურმა მენეჯერმა მაკა ღლიღვაშვილმა „კომერსანტთან“ საუბრისას კახეთის რეგიონში სასტუმროების მიმართულებით კონკურენცია შეაფასა და აღნიშნა, რომ „ლოპოტა სპა რეზორტი“ რეგიონში არსებულ სასტუმროებთან შედარებით ბევრად დიდი ობიექტია და მათ კონკურენტად თავს არ განიხილავს. „ჩვენ ბევრად დიდი სასტუმრო ვართ, ჩვენი კომპლექსი 40 ჰექტარზეა განლაგებული და ის სერვისები, რასაც ჩვენ სტუმრებს ვთავაზობთ, იქნება ეს სათავგადასავლო, თუ განტვირთვის...

დასაქმებულთა 75%-ის შრომის ანაზღაურება 1000 ლარზე ნაკლებია

დასაქმებულთა 75%-ის შრომის ანაზღაურება 1000 ლარზე ნაკლებია
access_time2021-09-16 14:00:32
საქართველოში დასაქმებული მოქალაქეების უდიდეს ნაწილს, თითქმის 75%-ს, იმაზე ბევრად ნაკლები შრომის ანაზღაურება აქვს, ვიდრე საშუალო ხელფასის ოფიციალური მაჩვენებელია ქვეყანაში. ამის შესახებ ,,კომერსანტთან“ ეკონომიკურ მეცნიერებათა დოქტორმა, პროფესორმა პაატა აროშიძემ განაცხადა. ამ თვალსაზრისით, როგორც პროფესორმა აღნიშნა, ეჭვს იწვევს სტატისტიკის ეროვნული სამსახურის მონაცემი, რომლის თანახმადაც, 2021 წლის მეორე კვარტალში საქართველოში საშუალო თვიური ნომინალური...


მსგავსი სიახლეები

up