Global Finance-ის ჯილდო კობა გვენეტაძეს მეორედ გადაეცა

Global Finance-ის ჯილდო კობა გვენეტაძეს მეორედ გადაეცა

access_time2019-10-21 18:04:55

19 ოქტომბერს, ვაშინგტონში, საერთაშორისო სავალუტო ფონდისა და მსოფლიო ბანკის წლიური შეხვედრების ფარგლებში, საერთაშორისო ავტორიტეტული ფინანსური გამოცემის Global Finance-ის მიერ გამოვლენილი საუკეთესო ცენტრალური ბანკირების დაჯილდოების 26-ე ცერემონია გაიმართა. 2018 წლის მსგავსად, Global Finance-მა საქართველოს ეროვნული ბანკის პრეზიდენტი ზედიზედ უკვე მეორედ ცენტრალური ბანკების საუკეთესო მმართველთა შორის დაასახელა. მსოფლიოს წამყვანმა გამოცემამ საქართველოს ეროვნული ბანკის პრეზიდენტი თავის შეფასებაში პირველად 2018 წელს ჩართო და, შარშანდელის მსგავსად, ის A- შეფასებით წელსაც ცენტრალური ბანკის მმართველების იმ ელიტარულ კლუბში მოხვდა, რომელთაც A და A- შეფასება მიიღეს. აღნიშნულ კატეგორიაში მოხვდნენ - ევროპის ცენტრალური ბანკის (მარიო დრაგი), ასევე, დიდი ბრიტანეთის (მარკ ქარნი), აშშ-ის (ჟერომ პაუელი) და სხვა ქვეყნების ცენტრალური ბანკების ხელმძღვანელები.


Global Finance-ის დაჯილდოება საერთაშორისო ფინანსურ საზოგადოებაში ფართოდაა აღიარებული და დაჯილდოებული პირებისა და ბანკების მაღალ რეპუტაციასა და წარმატებულ საქმიანობაზე მიუთითებს. ცენტრალური ბანკების მმართველების შეფასება ცენტრალური ბანკის მიერ განხორციელებული პოლიტიკის რამდენიმე მიმართულებას ეფუძნება.


ფინანსურმა გამოცემამ გამოაქვეყნა სრული ანგარიში Central Banker Report Cards - ი, სადაც 98 ცენტრალური ბანკირია შეფასებული.


დაჯილდოების ცერემონიას ვაშინგტონში დაესწრო საქართველოს ეროვნული ბანკის პრეზიდენტი, რომელმაც ამ გავლენიან გამოცემას ინტერვიუ მისცა. ინტერვიუში - საქართველო მოულოდნელობის წინაშე დადგა Georgia Gets Thrown A Curve Ball კობა გვენეტაძემ ვრცლად ისაუბრა იმ მთავარ გამოწვევაზე, რომელიც რუსეთის მხრიდან ფრენების აკრძალვის გადაწყვეტილებას მოჰყვა, რამაც უარყოფითად იმოქმედა ტურიზმიდან მიღებული შემოსავლებზე. უცხოური ვალუტის შემოდინების შემცირებამ და უარყოფითმა მოლოდინებმა კი, თავის მხრივ, ლარის ნომინალური ეფექტური კურსის გაუფასურება გამოიწვია.


ჩვენი მეზობლის გადაწყვეტილებამ საქართველოში ფრენების აკრძალვის შესახებ დაბრკოლება შეუქმნა საქართველოს ეკონომიკურ ზრდასა და მიმდინარე ანგარიშს, ტურისტული შემოსავლების შემცირების გზით. უცხოური ვალუტის შემოდინების მოსალოდნელმა შემცირებამ გამოიწვია ლარის გაუფასურება, რადგან უარყოფითი მოლოდინები გააქტიურდა, უფრო მეტადაც, ვიდრე ამას მოსალოდნელი საგარეო შოკის ზომა მიუთითებდა. აღნიშნულმა აკრძალვამ უარყოფითად იმოქმედა საქართველოს ეკონომიკაზე ტურიზმის ექსპორტის არხითაც. ექსპორტისა და გზავნილებისგან განსხვავებით, საქართველოს ტურიზმის სექტორში რუსი ტურისტების მონაწილეობა გაცილებით დიდია.



ვინაიდან გაცვლითი კურსის გადაცემა ინფლაციაზე გაძლიერდა და ინფლაციის რისკები შენარჩუნდა, სექტემბრის თვეში გამართულ შეხვედრაზე მონეტარული პოლიტიკის კომიტეტმა პოლიტიკის განაკვეთი 0.5 პროცენტული პუნქტით გაზარდა. ეროვნული ბანკი, საჭიროებისამებრ, კიდევ უფრო გაამკაცრებს მონეტარულ პოლიტიკას, ვიდრე არ შემცირდება გაცვლითი კურსიდან ინფლაციაზე მომდინარე ზეწოლა, რომ საშუალოვადიან პერიოდში ფასების სტაბილურობა იქნას უზრუნველყოფილი, - განაცხადა ეროვნული ბანკის პრეზიდენტმა.


კობა გვენეტაძემ ინტერვიუში ეკონომიკური ზრდის კუთხით ეროვნული ბანკის მოლოდინებზეც ისაუბრა. მან ასევე, ყურადღება გაამახვილა ეროვნული ბანკის მონეტარული პოლიტიკის მიმართულებით მიღწეულ წარმატებებსა და არსებულ გამოწვევებზე.


საქართველოს ეროვნული ბანკი 2019 და 2020 წლებში დაახლოებით 4.5-პროცენტიან ზრდას ელოდება, სხვა თანაბარ პირობებში. მიუხედავად გაზრდილი გაურკვევლობისა, კვლავ მოსალოდნელია, რომ ეკონომიკური აქტივობის მთავარ მამოძრავებლად წმინდა ექსპორტი დარჩება, რასაც კონკურენტული გაცვლითი კურსი უწყობს ხელს. ამასთან, დაკრედიტების ზომიერი ზრდისა და დაგეგმილი ფისკალური ხარჯვის ფონზე, მოხმარებაც და ინვესტიციებიც დადებით წვლილს შეიტანს ზრდაში.



დოლარიზაციის მაჩვენებლების კუთხით დავინახეთ მნიშვნელოვანი შემცირება 2017 წლიდან დაწყებული დღემდე. ჩვენთვის ცნობილია, რომ დე-დოლარიზაცია ხანგრძლივ ძალისხმევასთან არის დაკავშირებული, თუმცა სწორი და დაბალანსებული პოლიტიკის გატარებით, ჩვენ მოველით, რომ დე-დოლარიზაციის პოზიტიური ტენდენცია გაგრძელდება, რაც აუცილებელია სისტემის მდგრადობის შემდგომი გაძლიერებისთვის, - აღნიშნა ინტერვიუში კობა გვენეტაძემ.


1987 წელს დაარსებული Global Finance დღეს მიმოქცევაშია 193 ქვეყანაში, 50 000-იანი ტირაჟით. ჟურნალის მკითხველებს შორის არიან მულტიეროვნულ კომპანიებსა და ფინანსურ ინსტიტუტებში საინვესტიციო და სტრატეგიულ გადაწყვეტილებებზე პასუხისმგებელი უფროსი კორპორაციული და ფინანსური მენეჯერები. ჟურნალის ვებგვერდზე - GFMag.com - ქვეყნდება ანალიტიკური და მიმოხილვითი სტატიები, რომლებიც საერთაშორისო ფინანსურ ბაზრებზე 31-წლიანი გამოცდილების შედეგია. Global Finance შტაბ-ბინა ნიუ-იორკშია განლაგებული და ჟურნალს გააჩნია წარმომადგენლობები მთელ მსოფლიოში. Global Finance ყოველწლიურად ირჩევს ბანკებისა და ფინანსური მომსახურების სხვა პროვაიდერების საუკეთესო წარმომადგენლებს. Global Finance-ის ჯილდოები გლობალური ფინანსური საზოგადოებისთვის ხარისხის ერთგვარ სტანდარტს წარმოადგენს.


„კომერსანტი“





აშშ-ს ყოფილი პრეზიდენტები - ობამა, ბუში და კლინტონი კორონავირუსის საწინააღმდეგო ვაქცინას საჯაროდ გაიკეთებენ

აშშ-ს ყოფილი პრეზიდენტები - ობამა, ბუში და კლინტონი კორონავირუსის საწინააღმდეგო ვაქცინას საჯაროდ გაიკეთებენ
access_time2020-12-04 18:54:11
ამერიკის შეერთებული შტატების ყოფილი პრეზიდენტები, ბარაკ ობამა, ჯორჯ ბუში და ბილ კლინტონი, მზად არიან, რომ ავტორიზაციის შემდეგ, კოვიდ 19-ის ვაქცინა საჯაროდ, კამერების წინ გაიკეთონ და ასე მოსახლეობას დაუმტკიცონ, რომ ის უსაფრთხოა.   ამერიკის ბოლო სამი პრეზიდენტი იმედოვნებს, რომ მათი ეს ნაბიჯი იქნება მყარი გზავნილი ამერიკელი ხალხისთვის, რომ ვაქცინა მართლაც უსაფრთხო და ეფექტურია. სწორედ ამაში ცდილობენ საზოგადოების დარწმუნებას სფეროს ექსპერტები და ვაქცინაზე...

„გამოქვეყნებული ახალ რეიტინგები მნიშვნელოვანი გზავნილია პოტენციური ინვესტორებისთვის - საქართველოს ბიზნესასოციაცია

„გამოქვეყნებული ახალ რეიტინგები მნიშვნელოვანი გზავნილია პოტენციური ინვესტორებისთვის - საქართველოს ბიზნესასოციაცია
access_time2020-12-04 17:55:18
საქართველოს ბიზნეს ასოციაცია Trace International-ის და ტრანსეროვნული ორგანიზაცია SolAbility-ის კვლევებს ეხმიანება და რეიტინგებს პოტენციური ინვესტორებისთვის პოზიტიურ გზავნილად აფასებს. Trace International-ის წარმოებული კორუფციის რისკისგან თავისუფლების ინდექსის მიხედვით, საქართველო მსოფლიოში 28-ე, ხოლო ევროპაში მე-19 ადგილზეა, ხოლო SolAbility-ის გლობალური მდგრადი კონკურენტუნარიანობის ინდექსის მიხედვით, საქართველო 180 ქვეყნიდან, 37-ე ადგილზეა.   ბიზნეს ასოციაციის პრეზიდენტის...

„ადამიანის მისწრაფებას მოგზაურობისადმი ვერაფერი მოსპობს“ - როგორ გადაურჩა პანდემიას Airbnb?

 „ადამიანის მისწრაფებას მოგზაურობისადმი ვერაფერი მოსპობს“ - როგორ გადაურჩა პანდემიას Airbnb?
access_time2020-12-04 20:30:24
დეკემბრის შუა რიცხვებში საცხოვრებელი ფართების დაჯავშნის სერვისი Airbnb-ი თავისი აქციების გასაყიდად გამოტანის პროცედურას დაასრულებს. პირველ ეტაპზე საუბარი იყო 30 მლრდ. დოლარის ფასიან ქაღალდებზე, დღეს კი - 35 მლრდ-ის.   წერილში, რომელიც კომპანიის პრეზიდენტმა ბრაინ ჩესკიმ ბირჟების და ფასიანი ქაღალდების კომისიას გაუგზავნა, ნათქვამია, რომ აქციების განთავსება ჯერ კიდევ მარტში იგეგმებოდა, თუმცა ეს გეგმების პანდემიამ...

OPEC Plus-ი ნავთობმოპოვების ზრდაზე შეთანხმდა

OPEC Plus-ი ნავთობმოპოვების ზრდაზე შეთანხმდა
access_time2020-12-04 19:30:45
OPEC plus-ში შემავალი ქვეყნები 2021 წლის იანვრიდან დღე-ღამეში ნავთობმოპოვების 500 000 ბარელით ზრდაზე შეთანხმდნენ.   შემდგომში გარიგების პირობების ყოველთვიურად გადაიხედება, და მოპოვების მოცულობები მოთხოვნაზე იქნება დამოკიდებული.   ბაზარმა შეთანხმებაზე რეაგირება უკვე მოახდინა - 3 დეკემბერს, ინფორმაციის გავრცელების შემდეგ,  Brent-ის ტიპის ნავთობი 1,2%-ით, 48,8 ბარელამდე გაძვირდა. წყაროების ინფორმაციით, შეხვედრის დროს...

4 დეკემბერი - რეგიონში ქართული ლარი გამყარდა, თურქული ლირა გაუფასურდა

4 დეკემბერი - რეგიონში ქართული ლარი გამყარდა, თურქული ლირა გაუფასურდა
access_time2020-12-04 18:05:53
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 4 დეკემბრის ვაჭრობის შედეგად, ეროვნული ვალუტა აშშ დოლართან მიმართებით გამყარდა, რის შედეგადაც ერთი დოლარის ოფიციალური ღირებულება 3.3115 ლარი გახდა....


მსგავსი სიახლეები

up