კობა გვენეტაძე - სავალუტო ფონდის პროგრამის გაგრძელება ეკონომიკური პოლიტიკის სანდოობის გაზრდის თვალსაზრისით ძალიან მნიშვნელოვანია

კობა გვენეტაძე - სავალუტო ფონდის პროგრამის გაგრძელება ეკონომიკური პოლიტიკის სანდოობის გაზრდის თვალსაზრისით ძალიან მნიშვნელოვანია

access_time2019-11-04 23:20:43

„მოხარული ვარ, რომ საერთაშორისო სავალუტო ფონდის მისიასა და საქართველოს ხელისუფლებას შორის პროგრამის კიდევ ერთი - მეხუთე - მიმოხილვა წარმატებით დასრულდა და პროგრამა კიდევ ერთი წლით გაგრძელდა“, - ამის შესახებ ეროვნული ბანკის პრეზიდენტმა კობა გვენეტაძემ სსფ-ის შემფასებელი მისიის დასრულებასთან დაკავშირებით გამართულ ერთობლივ ბრიფინგზე განაცხადა. ამის შესახებ „კომერსანტს“ ეროვნული ბანკიდან აცნობეს.



კობა გვენეტაძის შეფასებით, „პროგრამის ერთი წლით გაგრძელება მნიშვნელოვანია ჩვენი ქვეყნისათვის, საგარეო შოკის ფონზე ეკონომიკური პოლიტიკის სანდოობის გაზრდის თვალსაზრისით, მითუმეტეს, თუ გავითვალისწინებთ რეგიონში არსებულ არასტაბილურ სიტუაციას და ე.წ. „სავაჭრო ომების“ მზარდ გავლენას გლობალურ ეკონომიკაზე.



ინფორმაციისათვის, პროგრამის გაგრძელება ნიშნავს დამატებით ორი მიმოხილვის ჩატარებას, ხოლო რაც შეეხება საერთაშორისო სავალუტო ფონდიდან მისაღებ თანხას, ის არ გაიზრდება და უცვლელი დარჩება, რაც ორგანიზაციაში ქვეყნის ქვოტის 100 პროცენტს, ანუ, დაახლოებით 290 მილიონ აშშ დოლარს უდრის. ამ ეტაპისათვის დაახლოებით 208 მილიონი აშშ დოლარია მიღებული, - აღნიშნა კობა გვენეტაძემ.



ეროვნული ბანკის პრეზიდენტმა თავის გამოსვლაში ყურადღება გაამახვილა მიმდინარე დადებით მაკროეკონომიკურ ტენდენციებსა და სსფ-ის პროგრამით გათვალისწინებული კრიტერიუმების შესრულებაზე.



„აღსანიშნავია, რომ ეროვნულმა ბანკმა პროგრამით გათვალისწინებული ყველა კრიტერიუმი შეასრულა. სწორი მაკროეკონომიკური პოლიტიკისა და პროგრამის ფარგლებში გატარებული რეფორმების დამსახურებით, ეკონომიკამ შეძლო ბოლო პერიოდის უარყოფითი შოკი მინიმალური დანაკარგით გადაელახა. კერძოდ, რუსეთიდან ფრენების აკრძალვის ფონზე, ტურიზმის სექტორიდან შემცირებული შემოსავლების მიუხედავად, საგარეო მოთხოვნა ძლიერი რჩება. ეკონომიკური აქტივობა სტაბილურად იზრდება, რაშიც საგარეო სექტორს მნიშვნელოვანი დადებითი წვლილი შეაქვს; მიმდინარე ანგარიშის დეფიციტი წლის პირველ ნახევარში ისტორიულად დაბალი იყო და მოსალოდნელია, რომ მთლიანად წლის განმავლობაში წინა წლებთან შედარებით მნიშვნელოვნად გაუმჯობესდება. თავის მხრივ, მიმდინარე ანგარიშის დეფიციტის გაუმჯობესება მომავალში საქართველოს ეკონომიკაზე საგარეო შოკების გადმოცემის სიძლიერეს შეამცირებს, - განაცხადა კობა გვენეტაძემ.




ერთობლივ ბრიფინგზე ეროვნული ბანკის პრეზიდენტმა ინფლაციის გამომწვევ მიზეზებზე შეაჩერა ყურადღება და ეროვნული ბანკის მიერ გატარებული მონეტარული პოლიტიკის ბოლოდროინდელ გადაწყვეტილებებზე ისაუბრა.



„ბოლო პერიოდში ლარის გაცვლითი კურსის გაუფასურების ფონზე, ფასების ზრდის ტემპი დაჩქარდა. აღნიშნულის საპასუხოდ, ეროვნულმა ბანკმა მონეტარული პოლიტიკის გამკაცრება დაიწყო, რაც იქამდე გაგრძელდება, სანამ არ ამოიწურება გაცვლითი კურსის გაუფასურების ეფექტი ფასების ზრდაზე. ჩვენი პროგნოზის მიხედვით, სხვა თანაბარ პირობებში, ინფლაცია მიმდინარე წელს მიზნობრივი დონის ზემოთ დარჩება, მარტიდან შემცირებას დაიწყებს, წლის მეორე ნახევარში ჩამოცდება მიზნობრივ მაჩვენებელს, შემდგომ კი თანდათან ქვემოდან მიუახლოვდება მას. საშუალოვადიან პერიოდში კი ინფლაცია მიზნობრივ მაჩვენებელთან ახლოს იქნება. საყურადღებოა, რომ დღეს საქსტატის მიერ გამოქვეყნებული ინფორმაციის თანახმად, საბაზო ინფლაცია თამბაქოს გარეშე 3.4 პროცენტია, რაც მიზნობრივ ინფლაციასთან ახლოს არის. ეს მიუთითებს, რომ მოთხოვნის მხრიდან ინფლაციაზე მოქმედი ფაქტორები ძლიერი არ არის და ამ ეტაპზე არსებული ინფლაციის მაჩვენებელი, ძირითადად, გაუფასურებული კურსის გამო გვაქვს.



გაცვლითი კურსის მოქნილობის შენარჩუნება საგარეო შოკებთან გასამკლავებლად კიდევ უფრო აქტუალური გახდა, რასაც განხილვებისას საქართველოში ვიზიტად მყოფმა საერთაშორისო სავალუტო ფონდის მისიამ კიდევ ერთხელ გაუსვა ხაზი. საქართველოსთვის ეს არის მთავარი წინაპირობა კონკურენტუნარიანობის შენარჩუნებისა და მიმდინარე ანგარიშის დისბალანსის შესამცირებლად, განსაკუთრებით ტურბულენტურ ვითარებებში, - განაცხადა კობა გვენეტაძემ.



ბრიფინგზე, ეროვნული ბანკის პრეზიდენტმა ხაზგასმით აღნიშნა, რომ ეროვნული ბანკი მონეტარული პოლიტიკისა და ფინანსური ზედამხედველობის ჩარჩოების განვითარებასა და გაძლიერებას აგრძელებს, რაც, თავის მხრივ, მაკროეკონომიკური სტაბილურობის შენარჩუნებას უზრუნველყოფს. მისი თქმით, ამის დასტურია ცოტა ხნის წინ საერთაშორისო სარეიტინგო კომპანია Standards and Poor's-ის მიერ ქვეყნის სუვერენული რეიტინგის BB-- დან BB-მდე გაზრდა.



„აღსანიშნავია, რომ გრძელდება მუშაობა ფინანსური სექტორის სტაბილურობის შემდგომი გაძლიერების მიმართულებით. გაუმჯობესებულია ფინანსური სექტორის სტაბილურობის ჩარჩო, ზედამხედველობა და რეგულირება. ეს ყველაფერი კი აძლიერებს საბანკო სექტორის უნარს და, შესაბამისად, მთლიანად ეკონომიკის უნარს, უკეთ გაუმკლავდეს შოკებს. გაუმჯობესებული ეკონომიკის მდგრადობის ფონზე, როგორც საგარეო, ასევე შიდა მერყეობების მიმართ, ვიმედოვნებ, რომ საერთაშორისო სავალუტო ფონდის მიერ გაფართოებული დაფინანსების მექანიზმით მხარდაჭერილი პროგრამა ასევე წარმატებით გაგრძელდება, - განაცხადა კობა გვენეტაძემ.



დღეს, მთავრობის ადმინისტრაციაში, ეროვნული ბანკის პრეზიდენტმა, კობა გვენეტაძემ, ფინანსთა მინისტრმა, ივანე მაჭავარიანმა და საერთაშორისო სავალუტო ფონდის მისიის ხელმძღვანელმა, ვერა მერსედეს მარტინმა სსფ-ის შემფასებელი მისიის დასრულებასთან დაკავშირებით ერთობლივი განცხადებები გააკეთეს.








ბათუმში Ibis Styles-ისა და Novotel living-ის სასტუმროები გაიხსნება

ბათუმში Ibis Styles-ისა და Novotel living-ის სასტუმროები გაიხსნება
access_time2020-01-28 17:15:35
ბათუმში, კახაბრის დასახლებაში მრავალფუნქციურ კომპლექსში სასტუმროების 2 საერთაშორისო ბრენდი იქნება წარმოდგენილი. ბრენდების შემოყვანაზე Ibis Styles-სა და Novotel living-თან კომპანია „ეიერ-მერიდიანსმა“ მოლაპარაკებებს უკვე მიაღწია. ამ დროისთვის გაფორმებულია 20 წლიანი ხელშეკრულება Ibis Styles-თან, Novotel living-თან კი გაფორმებულია მემორანდუმის თანახმად, 20 წლიანი ფრანშიზა უახლოეს 3 თვეში გაფორმდება. ეს ორი შეთანხმება გახდა აჭარის ფინანსთა და ეკონომიკის...

მაია ცქიტიშვილი: „მსოფლიოში მესამე ადგილზე ვართ საგადასახადო ტვირთის სიმცირის მიხედვით“

მაია ცქიტიშვილი: „მსოფლიოში მესამე ადგილზე ვართ საგადასახადო ტვირთის სიმცირის მიხედვით“
access_time2020-01-28 17:00:05
ზოგადად, ქვეყანაში საგადასახადო ტვირთის შესაფასებლად გამოიყენება მაჩვენებელი, რომელიც საგადასახადო შემოსავლების მთლიან შიდა პროდუქტთან ფარდობას ზომავს. მაია ცქიტიშვილი საწარმოს კომერციულ მოგებაში პირდაპირი გადასახადების ფარდობით მაჩვენებელს გულისხმობს, რომელიც მსოფლიო ბანკის ბიზნესის კეთების რეიტინგის ერთ-ერთი კომპონენტია. რადგან გამოსვლისას პოლიტიკოსი ბიზნეს-კონიუნქტურაზე საუბრობდა, აღნიშნული მაჩვენებლის გამოყენება მიზანშეწონილია, თუმცა საბოლოო ჯამში, კონკრეტიკა არასაკმარისია და განცხადება...

აბრამოვიჩის კომპანია Evraz -მა ბაქო -თბილისი - ყარსის რკინიგზით პროდუქციის გადაზიდვა გატესტა

აბრამოვიჩის კომპანია Evraz -მა ბაქო -თბილისი - ყარსის რკინიგზით პროდუქციის გადაზიდვა გატესტა
access_time2020-01-28 14:46:59
აზერბაიჯანულმა ADY Express -მა ბაქო -თბილისი - ყარსის რკინიგზით კომპანიის Evraz პროდუქციის გადაზიდვა დაიწყო.30 ვაგონი რკინით რუსეთის სვერდლოვსკის ოლქში დაიტვირთა. სატვირთო ვაგონებმა გაირეს რუსეთის, აზერბაიჯანის და საქართველოს ტერიტორიებზე 5175 კილომეტრი და ჩავიდა ყარსში, შემდეგ კი - თურქეთის რკინიგზის სადგურ „პაიასში“. ADY Express-ის ცნობით, ტვირთის საერთო წონა იყო 2053 ტონაა. სატესტო რეჟიმში იგეგმება გადასაზიდი ტვირთების მოცულობის რამდენჯერმე გაზრდა, ყოველთვიური...

ქუთაისის „ტორპედო“ იტალიელებმა იყიდეს

ქუთაისის „ტორპედო“ იტალიელებმა იყიდეს
access_time2020-01-28 13:30:26
ქუთაისის „ტორპედოს“ ახალი მფლობელი ჰყავს. ამის შესახებ ქუთაისის ტორპედოს გულშემატკივართა კლუბმა ჩვენ ვართ ტორპედომ ფეისბუქის გვერდზე დაწერა.მაშ ასე, გვინდა გამცნოთ ქართული ფეხბურთის გულშემატკივრებს, რომ საგა, რომელიც ტორპედოს თავზე თითქმის ერთი წელია ტრიალებს, დასრულდა. ტორპედოს გულშემატკივრებისათვის ბოლო იმედი ფაბიო მანინის სახით გამართლდა! როგორც ჩვენთვის ექსკლუზიურად გახდა ცნობილი, საფეხბურთო კლუბი ტორპედო იტალიელ ინვესტორს, ფაბიო მანინს გადაეცა. ჩვენი წყარო...

კანონის მიღება დაგვიანებულია- სპეციალისტები უსაფრთხო სათამაშოებზე ინიცირებულ კანონს განიხილავენ

კანონის მიღება დაგვიანებულია- სპეციალისტები უსაფრთხო  სათამაშოებზე ინიცირებულ კანონს განიხილავენ
access_time2020-01-28 15:45:25
სათამაშოების უსაფრთხოების ტექნიკურ რეგლამენტს, რომელიც პირველი იანვრიდან შევიდა ძალაში, სპეციალისტები დაგვიანებულად მიიჩნევენ. მათი განმარტებით,კანონის აღსრულება 2021 წლამდე გადაიწევს,რაც ბაზარზე პრობლემის განვითარებას წინ ვერ აღუდგება....


მსგავსი სიახლეები

up