COVID19-ის პანდემიით გამოწვეული გავლენა მსოფლიო ეკონომიკაზე, შეიძლება ითქვას, რომ უპრეცენდენტოა, - ამის შესახებ საქართველოს ეროვნული ბანკის პრეზიდენტმა „ქრონიკას“ განუცხადა.
კობა გვენეტაძის განცხადებით, არის ვალუტები, რომელიც კორონავირუსის პანდემიის შედეგად ქართულ ვალუტაზე მეტად გაუფასურდნენ.
„იმის თქმა, რომ ვალუტებს შორის შორის ქართული ლარი ყველაზე მეტად გაუფასურდა, ეს არ არის სწორი, რადგან არის ვალუტები, რომლებიც ქართულ ვალუტაზე მეტად გაუფასურდნენ. ჩვენ გავაკეთეთ შედარება განვითარებადი ქვეყნების ვალუტების გაუფასურებისა წლის დასაწყისიდან, რომლის ამიხედვითაც, ლარი საშუალოდ ზუსტად ისეა გაუფასურებული, როგორც განვითარებადი ქვეყნების ვალუტები“ - განაცხადა კობა გვენეტაძემ.
ეროვნული ბანკის პრეზიდენტის განცხადებით, დარტყმა, რაც საქართველოს ეკონომიკამ და ამ შემთხვევაში ვალუტამ მიიღო, რამდენიმე ფაქტორიდან მომდინარეობს.
„პირველი, ეს არის ტურიზმი, რაც უფრო და უფრო მეტ მნიშვნელობას იძენდა ქართული ეკონომიკისთვის. როგორც ზრდის, ასევე უცხოური ვალუტის შემოდინების თვალსაზრისით, რა თქმა უნდა დღეს დახშულია და არ ხდება აქედან ვალუტის შემოსვლა. მეორე გავლენა ეს არის ნავთობის ფასის ვარდნა. ამის გამო მოსალოდნელია, რომ იმ ქვეყნებიდან, საიდანაც შემოდიოდა ვალუტა, გადმორიცხვები ნაკლები იქნება. ამავე დროს, სხვა ქვეყნებშიც შემცირდება ეკონომიკა და შესაბამისად, გადმორიცხვებიც შემცირდრდება. ყველაფერი ეს გააპირობებს უფრო გაძლიერებულ ცუდ მოლოდინებს და ზუსტად ამ მიზეზთა გამო არის, რომ ქართული ვალუტა გაუფასურდა“ - განაცხადა კობა გვენეტაძემ.
26 მარტის მონაცემებით, 1 აშშ დოლარის ოფიციალური ღირებულება 3.4842 ლარია.
imedinews.ge