ინტერვიუ კობა გვენეტაძესთან: „ეროვნული ბანკის ინტერვენციების მიზანი ლარის გაცვლითი კურსის გამყარება ვერ იქნება“

ინტერვიუ კობა გვენეტაძესთან: „ეროვნული ბანკის ინტერვენციების მიზანი ლარის გაცვლითი კურსის გამყარება ვერ იქნება“

access_time2020-12-07 12:00:37

„კომერსანტმა“ ვრცელი ინტერვიუ ჩაწერა ეროვნული ბანკის პრეზიდენტთან კობა გვენეტაძესთან საქართველოს ეკონომიკის გამოწვევების, პანდემიის გავლენის, საბანკო სექტორის მდგრადობის ანალიზის, საპროცენტო განაკვეთების შემცირების პერსპექტივის, მაღალი დედოლარიზაციის პრობლემის, ბლოკჩეინ ტექნოლოგიების და სხვა საინტერესო თემების შესახებ. ეროვნული ბანკის პრეზიდენტთან ვრცელი ინტერვიუს ბეჭდურ და ვიდეო მასალას „კომერსანტი“ მომდევნო დღეებში შემოგთავაზებთ, ახლა კი გთავაზობთ ინტერვიუს ნაწილს, სადაც კობა გვენეტაძე მცურავი გაცვლითი კურსის მნიშვნელობაზე საუბრობს.

 

ეროვნული ბანკის პრეზიდენტმა კობა გვენეტაძემ „კომერსანტთან“ ინტერვიუს დროს აღნიშნა, რომ პატარა, ღია ეკონომიკის მქონე ქვეყნისთვის მცურავი გაცვლითი კურსი საუკეთესო გამოსავალია. მისივე თქმით, არსებულ პირობებში მცურავი გაცვლითი კურსი არის საუკეთესო საშუალება საგარეო შოკების შთანთქმისთვის, რათა ეკონომიკა კრიზისისგან დაიცვას.

 

საქართველოში მცურავი გაცვლითი კურსის რეჟიმი გვაქვს, ეს მნიშვნელოვანია იმისთვის, რომ შევარბილოთ საგარეო შოკები, რომელიც სხვადასხვა დროს შეიძლება მოხდეს და ეს არის კარგი საშუალება იმისთვის, რომ ამ შოკებს გავუმკლავდეთ. იმ შემთხვევაში თუ, ლარის კურსი არ აიღებს ამ შემარბილებელი ავტომატური სტაბილიზატორის ფუნქციას, მაშინ ამის მიღწევა უნდა მოხდეს ეკონომიკის შემცირების გზით, ეს ნიშნავს იმას, რომ მეტი სამუშაო ადგილი დაიკარგება და ეკონომიკური ზრდა ნაკლები იქნება. იქიდან გამომდინარე, თუ როგორ იღებს ეკონომიკა შოკს, შედეგად შეგვიძლია მივიღოთ გაცილებით ცუდი სიტუაცია. ჩვენ არ უნდა დაგვავიწყდეს, რომ ერთი რომელიმე ვალუტის  მიმართ არ ვზომავთ მცურავ კურსს, ჩვენ ვაკვირდებით შეწონილ, ნომინალურ ეფექტურ კურსს, რაც აერთიანებს ჩვენი სავაჭრო პარტნიორების კურსაც. სწორედ მას უნდა დავაკვირდეთ, ეს იქნება უფრო სწორი.

 

ის წნეხი, რომელიც ვალუტაზე მიმდინარებს, მოდის ტურიზმის სექტორიდან. სხვა ქვეყნის ეკონომიკებშიც რთული სიტუაციაა, სხვა ქვეყნის ეკონომიკების გაუარესებაც მოხდა, რამაც მოთხოვნა ჩვენი ქვეყნის ექსპორტზე შეამცირა. გაცვლითი კურსი უფრო მეტად არის გაუფასურებული, ვიდრე ეს მის ტრენდს შეეფერება. გაურკვევლობა ძალიან დიდია, საშუალო და გრძელვადიან პერიოდში ფუნდამენტური ფაქტორები განსაზღვრავენ გაცვლით კურსს და მას გამყარებისკენ ექნება მიმართულება, მოკლევადიან პერიოდში კი ამას მოლოდინები განსაზღვრავენ და უფასურდება. ხშირად ამბობენ, რომ მიუხედავად ეროვნული ბანკის ინტერვენციისა, კურსი მაინც გაუფასურდა. შეუძლებელია ამ სიტუაციაში კურსის კორექტირება რომ არ მოხდეს, მაგრამ ეროვნული ბანკის ინტერვენციების მიზანი ვერ იქნება გაცვლითი კურსის გამყარება. ინტერვენციის მიზანია ბაზარს ის დანაკლისი ვალუტა მივაწოდოთ, რაც ამ დროს სჭირდება, თუმცა ეს სრულად მის აღდგენას არ გულისხმობს, ეს შეუძლებელია.


 

ეროვნული ბანკი აგროვებდა რეზერვებს, ყოველთვის ვამბობდით იმას, რომ დაგვჭირდებოდა რეზერვების გამოყენება, დღეს დადგა ზუსტად ის სიტუაცია. ინტერვენციებით კურსის მერყეობის შემცირებას შესაძლებელია, თუმცა შეუძლებელია სრულად მისი შემცირება, გაცვლითი კურსი წრფივად არასოდეს მიდის. მაგალითად, არჩევნების წინ მოლოდინი იყო, რომ კურსი გაუფასურდებოდა, ასეთი მოლოდინების დროს ეროვნული ბანკის ინტერვენცია კონტრპროდუქტიულია, არ გამოიწვევს შედეგს. ჩვენ ვაწვდით ბაზარს ვალუტას და ამავე დროს ვინარჩუნებთ მცურავი გაცვლითი კურსის რეჟიმს, რადგან ეს მცირე ზომის, ღია ეკონომიკის ქვეყნებისთვის საუკეთესოა“, - აცხადებს კობა გვენეტაძე.

 

სებ-ის პრეზიდენტის განმარტებით, მიუხედავად იმისა, რომ გაცვლითი კურსი საუკეთესო საშუალებაა საგარეო შოკების შთანთქმისთვის, მას თავისი სირთულეებიც გააჩნია.

 

მცურავ გაცვლით კურსს აქვს თავისი სირთულეები. ერთ-ერთი ეს არის მაღალი დოლარიზაცია, მაგრამ ამავე დროს მას აქვს თავისი სიკეთეები, რაც გადაწონის იმ სირთულეებს, რომელიც თუნდაც მაღალი დოლარიზაციის გამო ახლავს თავისუფალ მცურავ გაცვლით კურსს. მაშინ, როდესაც ეკონომიკას არ აქვს საშუალება, რომ გაუმკლავდეს შოკებს, რომელიც სხვადასხვა მიმართულებით შეიძლება იყოს, მაგალითად, 3-4 წლის წინ ვერ წარმოვიდგენდით რომ ასეთი ტიპის შოკი ექნებოდა გლობალურ ეკონომიკას. ამიტომ მაკროეკონომიკური პოლიტიკა ისეთი უნდა იყოს, რომ ასეთ სიტუაციაშიც შეძლოს შოკებთან გამკლავება.

 

მიუხედავად იმისა, რომ მაღალი დოლარიზაცია იწვევს სირთულეებს, სხვა ალტერნატივა არ არსებობს, უნდა მოხდეს ნაბიჯების გადადგმა დოლარიზაციის შესამცირებლად. ამბობენ, რომ ერთადერთი პირობა იმისთვის, რომ დოლარიზაცია შემცირდეს, არის სტაბილური გაცვლითი კურსი, რაც არ არის სწორი, ამას ეკონომიკური ლიტერატურაც ადასტურებს. იმისთვის, რომ დედოლარიზაციის პროცესი იყოს შეუქცევადი, საჭიროა სტაბილური მაკროეკონომიკური სიტუაცია და ამავე დროს დაბალი და სტაბილური ინფლაცია“, - აღნიშნავს კობა გვენეტაძე.


აღსანიშნავია, რომ 2020 წლის განმავლობაში ეროვნული ვალუტა აშშ დოლართან მიმართებით 13.6%-ით, ევროსთან მიმართებით კი 19%-ით გაუფასურდა. 




ქვეყნის ავიაციის ინდუსტრიას ახალი მიმართულებები და ავიაკომპანიები ემატება – მარიამ ქვრივიშვილი

ქვეყნის ავიაციის ინდუსტრიას ახალი მიმართულებები და ავიაკომპანიები ემატება – მარიამ ქვრივიშვილი
access_time2021-06-19 17:55:10
საქართველოს საავიაციო ბაზარს ახალი მიმართულება – აბუ – დაბი ემატება. არაბთაგაერთიანებული საემიროების დაბალბიუჯეტიანი ავიაკომპანია Air Arabia Abu Dhabi , 1-ლი ივლისიდანზაფხულის სანავიგაციო სეზონის ბოლომდე (28 ოქტომბერი), კვირაში 3 სიხშირით პირდაპირ რეისებსაბუ-დაბი – თბილისი – აბუ-დაბი მიმართულებით შეასრულებს. Air Arabia Abu...

დღის Top 10 საინტერესო ამბავი

დღის Top 10 საინტერესო ამბავი
access_time2021-06-18 21:00:37
დღის Top 10 საინტერესო ამბავი:     1. ბოლო 10 წელიწადში აშენებული ჰესების წილი გენერაციაში 19%-ს აჭარბებს     ენგურჰესის გამომუშავება რეაბილიტაციის შემდეგ, მაისში, გასული წლის ანალოგიურ პერიოდთან შედარებით, 98%-ით გაიზარდა და 404 მლნ კვტ/სთ-ს მიაღწია. ძირითადად მის ხარჯზე, 24%-ით 1.221...

18 ივნისი - რეგიონში ქართული ლარი და თურქული ლირა გაუფასურდა

18 ივნისი - რეგიონში ქართული ლარი და თურქული ლირა გაუფასურდა
access_time2021-06-18 18:00:43
18 ივნისის ვაჭრობის შედეგად სებ–ის მიერ დაფიქსირებული ოფიციალური კურსის თანახმად, წლის დასაწყისიდან ქართული ლარი აშშ დოლართან მიმართებაში დაახლოებით 9 პუნქტით გამყარდა. შედარებისთვის, დაახლოებით 110 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი, პრაქტიკულად, უცვლელია. 18 ივნისის ვაჭრობის შედეგად ეროვნული ვალუტა აშშ დოლართან მიმართებაში გაუფასურდა და 3.1681 ლარი გახდა (ეს კურსი 19 ივნისს შევა ძალაში). 18 ივნისს მოქმედი...

800%-ით გაზრდილი გაყიდვები და მზადება საექსპორტო ბაზრებზე გასასვლელად - „ჭკვიანი თხილის“ პანდემიური წელი

800%-ით გაზრდილი გაყიდვები და მზადება საექსპორტო ბაზრებზე გასასვლელად - „ჭკვიანი თხილის“ პანდემიური წელი
access_time2021-06-19 16:00:40
კომპანია „ჭკვიანი თხილი“ მცირე ქართული საწარმოა, რომელიც ადგილობრივი ნედლეულისგან 5 სახეობის თხილის პასტას აწარმოებს. არაქისის, თხილის, ნუშის, პეკანის ნიგვზისა და გოგრის თესლისგან დამზადებული პასტების ონლაინ-გაყიდვები გასულ წელს, დაახლოებით, 800% -მდე გაიზარდა. ინფორმაციას პორტალი EastFruit ავრცელებს. კომპანიის მთავარი სარეალიზაციო ხაზი სწორედ ინტერნეტ-არხებია.   პასტების დასამზადებლად მხოლოდ ადგილობრივ პროდუქციას იყენებენ: არაქისი და ნუში კახეთიდანაა, თხილი -...

“აფბას” ანალიტიკოსი: სებ-მა აპრილის რეფინანსირების მოცულობასა და კურსის კავშირზე საუბრისას ინტერვენციების ფაქტორი დააიგნორა

“აფბას” ანალიტიკოსი: სებ-მა აპრილის რეფინანსირების მოცულობასა და კურსის კავშირზე საუბრისას ინტერვენციების ფაქტორი დააიგნორა
access_time2021-06-19 15:00:49
“ეროვნული ბანკის მიერ გაცემულ ამ პასუხში ვკითხულობთ, რომ რეფინანსირების სესხების მოცულობით ლარის კურსის მერყეობების ახსნა არასწორია, ცენტრალურ ბანკში მაგალითად აპრილის თვის მონაცემები მოჰყავთ, სადაც აღნიშნულია, რომ 2021 წლის 31 მარტს (რაც 1-ლი აპრილის ოფიციალურ კურსში აისახა) საშუალო საბაზრო გაცვლითი კურსი დაახლოებით 3.45 იყო, თუმცა 31 მარტს დაახლოებით მილიარდ 200 მილიონის რეფინანსირების სესხი იყო გაცემული. შემდეგ 1-ლი აპრილიდან რეფინანსირების სესხებმა ზრდა დაიწყო და 15 აპრილს 3 მილიარდამდე...


მსგავსი სიახლეები

up