კიევში გამოვლენილი კორონავირუსის შემთხვევა ჩინეთში გავრცელებული ტიპის არ არის. ინფორმაციას ამის შესახებ უკრაინული ტელეკომპანია „112“ ჯანდაცვის სამინისტროს კიევის ლაბორატორიულ ცენტრზე დაყრდნობით ავრცელებს.პაციენტს თავის ტკივილი, მაღალი სიცხე და ცხელება აქვს. მას ატიპიური პნევმონია დაუდგინეს, რომლის გამომწვევი მიზეზი კორონავირუსია.

ჩინეთში ახალი ტიპის კორონავირუსით (2019-n-CoV) დაავადებულთა რიცხვი 2835-მდე გაიზარდა. აქედან 81 ადამიანი გარდაიცვალა. ინფორმაციას ამის შესახებ ჩინეთის ცენტრალური ტელევიზია ავრცელებს.

ახალი ტიპის კორონავირუსი ჩინეთის ქალაქ ვუჰანში გასული წლის დეკემბერში გავრცელდა. ჩინეთის ხელისუფლებამ ჯანდაცვის მსოფლიო ორგანიზაციას ვირუსის აფეთქების შესახებ 31 დეკემბერს აცნობა.ჩინეთის დაავადებათა კონტროლისა და პროფილაქტიკის ცენტრის ინფორმაციით, ახალი კორონავირუსის ვაქცინაზე მუშაობა უკვე დაწყებულია. ვაქცინის შემუშავებაში ამერიკის ჯანდაცვის ეროვნული ინსტიტუტის მკვლევართა ჯგუფიც მუშაობს. იმუშავებს. მათი ვარაუდით, სამ თვეში პირველი ექსპერიმენტული ვაქცინა მზად იქნება და მის ტესტირებას დაიწყებენ.

ჩინეთის ეროვნული განვითარებისა და რეფორმის კომისია ვუჰანში საავადმყოფოების ასაშენებლად 43 მილიონ დოლარს გამოყოფს.

report.ge