კიბო ჩვეულებრივ გაციებას დაემსგავსება — მომავლის 3 პროგნოზი მიჩიო კაკუსგან

კიბო ჩვეულებრივ გაციებას დაემსგავსება — მომავლის 3 პროგნოზი მიჩიო კაკუსგან

access_time2022-11-29 20:55:07

მიჩიო კაკუ ერთ-ერთი უდიდესი ცოცხალი მეცნიერების კომუნიკატორია. წერდა პოპულარულ სამეცნიერო წიგნებს 1980-იანი წლებიდან და გამოდიოდა უამრავ სატელევიზიო შოუში. ის კარგად არის ცნობილი საზოგადოების წევრებისთვის, რომლებიც სიამოვნებით სწავლობენ უახლესი მეცნიერების შესახებ. მიჩიო კაკუ ასევე წარმოადგენს პატივცემულ აკადემიკოსს, რომელსაც გამოქვეყნებული აქვს ნაშრომები და სახელმძღვანელოები ფიზიკის ისეთ თემებზე, მათ შორის სიმების თეორიაზე. ის ერთ-ერთი პირველი ადამიანი იყო, ვინც მუშაობდა სიმებიანი ველის თეორიაზე.


მსგავსად სხვა პიროვნებებისა, რომლებიც სწავლობენ მეცნიერებას და აქვთ ბუნებრივი ცნობისმოყვარეობა, დოქტორი კაკუ დაინტერესებულია საკითხების ფართო სპექტრით და მზადაა, ისაუბროს რამდენიმე მათგანზე. კერძოდ, კაკუ განიხილავს ვარსკვლავთშორისი მოგზაურობისა და მომავალი ნეირომეცნიერებისა და მედიცინის საკითხებს.


როგორ გახდება კაცობრიობა პლანეტათშორისი სახეობა


მრავალი მილიარდერი, მეცნიერი თუ ისინი, ვინც არტემის 1-ის მისიის უკან დგას, მივიდნენ დასკვნამდე, რომ კაცობრიობა უნდა გახდეს პლანეტათშორისი სახეობა. ეს იდეა ახალი არ არის: დოქტორი კაკუ აღნიშნავს, რომ ამ საკითხზე მან ერთხელ უკვე ისაუბრა კარლ სეიგანთან.


დოქტორი კაკუს თქმით, სეიგანი ამტკიცებდა, რომ დედამიწა მოქცეულია ასტეროიდების, კომეტებისა და მეტეორების სასროლი გალერეის შუაში. გარდაუვალია, რომ ჩვენ პლანეტის გამანადგურებელი დაგვეჯახება, რაღაც ისეთი, როგორიც დინოზავრებს შეეჯახა 65 მილიონი წლის წინ. ამიტომ სადაზღვევო პოლისი გვჭირდება.


დოქტორი კაკუ, ისევე როგორც კარლ სეიგანი, არ მიიჩნევს, რომ მარსზე ან პროქსიმა კენტავრი B-ზე ყველას გაგზავნა აუცილებელი ან თუნდაც განხორციელებადია — რომ აღარაფერი ვთქვათ საჭირო ხარჯებზე — მაგრამ ის აღნიშნავს, რომ ამის გასაკეთებლად მეცნიერება უკვე აქვს შექმნილი ინსტრუმენტები და ეს უბრალოდ გადაწყვეტილების მიღების საკითხია.


როგორც ის ამბობს, ფიზიკის კანონები შესაძლებელს ხდის საფოსტო მარკის ზომის ჩიპების გაგზავნას ახლომდებარე ვარსკვლავებზე. ასე რომ, წარმოიდგინეთ ჩიპი პარაშუტზე, რომელთაგან ათასობით გაიგზავნება კოსმოსში, ალბათ, 800 მეგავატი ლაზერული სიმძლავრით დამუხტული. ლაზერული ენერგიის ამ გიგანტური მარაგის გარე სივრცეში გასროლით, ყველა ამ მინი-პარაშუტის დამუხტვით, თქვენ შეგიძლიათ, დაიწყოთ მათი აჩქარება სინათლის სიჩქარის დაახლოებით 20%-მდე. ეს არ არის მხოლოდ სამეცნიერო ოცნება, როგორებიცაა: მრუდე დისკები და ტელეპორტები — ეს დღეს შესაძლებელია ტექნოლოგიასთან ერთად. ეს მხოლოდ ინჟინერიის საკითხია. იგი წარმოადგენს პოლიტიკური ნებისა და ეკონომიკის საკითხს, მაგრამ არ არსებობს ფიზიკა, არ არსებობს ფიზიკის კანონი, რომელიც ხელს შეგვიშლის ამ ჩიპების სინათლის სიჩქარის 20%-მდე სიჩქარით გასროლაში.


ფულის, მთავრობისა და კერძო წყაროების ჩართულობის დონისა და ზოგიერთი იდეის უკან არსებული ხედვის გათვალისწინებით, დოქტორი კაკუ ვარაუდობს, რომ ჩვენ მალე კოსმოსის კვლევის ოქროს ეპოქაში გადავინაცვლებთ.


რა თქმა უნდა, მიჩიო კაკუ პრაქტიკულად უდგება იმ პრობლემებს, რომლებიც შეგვხვდება, თუკი ხვალ მილიონი ადამიანის მარსზე გადაყვანას შევეცდებით. მაგალითად, ის აღნიშნავს, რომ მხოლოდ რამდენიმე ადამიანს თუ აუხსნია, როგორ უნდა უზრუნველვყოთ საცხოვრებელი სახლები მარსზე მილიონი ადამიანისთვის ან როგორ აპირებენ ამ საცხოვრებლის ასაშენებლად საჭირო ხელსაწყოების მოპოვებას. ის ვარაუდობს, რომ პასუხი შეიძლება მდგომარეობდეს თვითგამრავლებად რობოტებში, მაგრამ ჯერ მათი გამოგონებაა საჭირო.



ჩვენ გავაფართოებთ ტვინის შესაძლებლობებს


ბოლო რამდენიმე ათწლეულის განმავლობაში, მეცნიერები მუდმივად ცდილობდნენ, გაეუმჯობესებინათ ადამიანის სხეული იმგვარად, რომ მას კომპიუტერებთან მუშაობა შესძლებოდა. უფრო მეტიც, ცდილობდნენ, ჩაენაცვლებინათ სხეულის ნაწილები, რომლებიც კომპიუტერებთან მუშაობას ვერ ახერხებს.


ამ საკითხზე საუბრისას დოქტორი კაკუ იხსენებს თავის მეგობარსა და კოლეგას, სტივენ ჰოკინგს. ჰოკინგის მეტყველების უნარი მთლიანად გაანადგურა 1985 წელს პნევმონიის მძიმე შემთხვევამ, თუმცა მილიონობით ადამიანი მთელ მსოფლიოში იცნობს ჰოკინგს სწორედ იმ ტექნოლოგიის დამსახურებით, რომელსაც იგი საუბრისთვის იყენებდა. კომპიუტერს, რომელიც მას მეტყველების საშუალებას აძლევდა, თავდაპირველად ის ხელით აკონტროლებდა, მოგვიანებით, დოქტორ ჰოკინგს მობილობის უნარი დაუქვეითდა, რამაც გამოიწვია ცალკეული კომპიუტერული ალგორითმების შექმნა, რომლებსაც შეეძლოთ მისი სახის გამომეტყველებისა და ტვინის სიგნალების სკანირება და კომპიუტერის ეკრანზე არჩევანის სახით გამოტანა.


ამ ტექნოლოგიასა და მის მნიშვნელობაზე უსასრულოდ შეიძლება საუბარი, მაგრამ როგორც მიჩიო კაკუ აჯამებს, ეს იმას ნიშნავს, რომ ახლა შეგვიძლია, ტელეპათია დავამყაროთ.


იმის გათვალისწინებით, რომ კომპიუტერული ჩიპები უფრო იაფად, მცირე ზომით და სწრაფად კეთდება — რაც ცნობილია როგორც მურის კანონი — კაკუ ვარაუდობს, რომ, ალბათ, დროის საკითხია, სანამ ყველგან და ყოველთვის გვექნება წვდომა იაფფასიან კომპიუტერებზე — მათ შორის, ჩვენში ინტეგრირებულ კომპიუტერებზე. კაკუ გვიხატავს სურათს, თუ როგორი იქნება მომავლის ტექნოლოგიების სამყაროში ცხოვრება:


და ვინ არიან პირველი ადამიანები, რომლებიც ინტერნეტ კონტაქტურ ლინზებს იყიდიან? — უნივერსიტეტის სტუდენტები, რომლებიც დასკვნით გამოცდებს გადიან. ისინი ერთი თვალის დახამხამებით გაიგებენ ჩემი გამოცდის ყველა პასუხს. ეს ტექნოლოგია კი ძალიან სასარგებლო შეიძლება იყოს. თუკი წვეულებაზე ხართ, სადაც არიან ძალიან მნიშვნელოვანი ადამიანები, რომლებსაც შეუძლიათ, გავლენა მოახდინონ თქვენს მომავალზე, მაგრამ არ იცით, ვინ არიან ისინი, მომავალში ზუსტად გეცოდინებათ, ვის უნდა ეპირფეროთ ნებისმიერ წვეულებაზე. ან როდესაც ბრმა პაემანზე წახვალთ, ამგვარი კონტაქტური ლინზების ქონა შესანიშნავი იქნება, რადგან, თქვენმა მეწყვილემ, რა თქმა უნდა, შეიძლება თქვას, რომ ის მარტოხელაა, მდიდარია და წარმატებულია, მაგრამ თქვენი კონტაქტური ლინზა გეტყვით, რომ სინამდვილეში ის იხდის ალიმენტს, სამჯერ არის განქორწინებული და, მოკლედ, ძალიან ბანძი ტიპია.


მიუხედავად იმისა, რომ ამგვარი სცენარი, შესაძლოა, შავ სარკეს (Black Mirror) მოგაგონებდეთ, კაკუ საკმაოდ პოზიტიურად არის განწყობილი.


ჩვენ კიბოს დავამარცხებთ


ყველამ კარგად იცის, რამდენად საშიში დაავადებაა კიბო, მაგრამ, მიუხედავად იმისა, რომ ჯერ კიდევ არ არის ნაპოვნი კიბოს სამკურნალო საშუალება, დღეს არსებული მკურნალობა, უდავოდ, უკეთესია, ვიდრე რამდენიმე ათეული წლის წინ.


ხშირ შემთხვევაში, მკურნალობისა და პაციენტის მდგომარეობის გაუმჯობესების მიუხედავად, ზოგიერთი სიმსივნე ჯერ კიდევ არ არის განკურნებადი. მაგალითად, პანკრეასის კიბოს აქვს ხუთწლიანი გადარჩენის მაჩვენებელი 16%-ში და ის არ იკურნება ქირურგიული გზით.


თუმცა, დოქტორი კაკუ ამტკიცებს, რომ ჩვენ მალე ერთხელ და სამუდამოდ დავამარცხებთ კიბოს:


ჩვენ, ნანომედიცინის გამოყენებით, გვექნება ჯადოსნური ტყვია კიბოს წინააღმდეგ. გარკვეული მოლეკულები უჯრედებში, ნანოტექნოლოგიის გამოყენებით, შეძლებს, მიზანში ამოიღოს კიბოს ცალკეული უჯრედები. შემდეგი მნიშვნელოვანი მოვლენა თქვენი ტუალეტის 'გაინტელექტუალება' იქნება. მომავალში, თქვენი ტუალეტი იქნება თქვენი თავდაცვის პირველი ხაზი კიბოს წინააღმდეგ, რადგან თქვენი სხეულის სითხეები — სისხლი და სხეულის სხვა სითხეები — შეიცავს სიმსივნის კოლონიების ხელწერებს თქვენს ორგანიზმში, რომლებიც, შესაძლოა, რამდენიმე ასეული კიბოს უჯრედისგან შედგება, ვიდრე სიმსივნე წარმოიქმნება... კიბო დაემსგავსება ჩვეულებრივ გაციებას, რომელიც არავის კლავს, თუკი, რა თქმა უნდა, პნევმონია არ გაქვთ.


ამდენად, ძალიან საინტერესოა იმაზე ფიქრი, თუ სად მიგვიყვანს სამეცნიერო და ტექნოლოგიური პროგრესი. და თუკი მიჩიო კაკუ მართალი აღმოჩნდება, გენდომებათ თუ არა ასეთ მსოფლიოში ცხოვრება?


on.ge


თეგები:
კიბო



USA2GEORGIA მომხმარებლის წინაშე სრულ პასუხისმგებლობას იღებს და გამოწვევას უპრეცედენტო ლოიალობით პასუხობს

USA2GEORGIA მომხმარებლის წინაშე სრულ პასუხისმგებლობას იღებს და გამოწვევას უპრეცედენტო ლოიალობით პასუხობს
access_time2023-01-28 09:55:58
კომპანია არ შევა მომხარებელთან დავაში და ასობით მომხმარებელს სრულად აუნაზღაურებს გზავნილების ე.წ. მოცულობით და რეალურ წონას შორის ტრანსპორტირების ფასთა სხვაობას. აღნიშნული გადაწყვეტილება კონკურენციის სააგენტოსთან თანამშრომლობით იქნა მიღებული.„ჩვენ გვიყვარს თითოეული მომხმარებელი -...

„55 000 კურსდამთავრებულიდან 80% უმუშევარია“ – შოთა ბურჯანაძე

„55 000 კურსდამთავრებულიდან 80% უმუშევარია“ – შოთა ბურჯანაძე
access_time2023-01-28 11:00:28
საქართველოს რესტორატორთა ასოციაციის“ დამფუძნებელმა შოთა ბურჯანაძემ „მედიაცენტრ მთავარში“ ვაკანსიების სიჭარბესა და უმუშევრობაზე ისაუბრა და აღნიშნა, რომ ის, რაც ჩვენს ქვეყანაში ხდება პარადოქსია, მისი თქმით ქვეყანაში 55 000 კურსდამთავრებულია მათგან 80% კი უმუშევარია." ის ისევ ეძებს სხვა პროფესიით სამუშაოს, ან ქვეყნიდან გაედინება. აუცილებელი უნდა იყოს ამ ხალხისთვის პროფესიულ სასწავლებელში სწავლის შესაძლებლობის მიცემა, და არა ის, რომ „შეტენო“...

რუსულმა ბანკებმა კრიზისული წელი ბოლო შვიდი წლის განმავლობაში ყველაზე ცუდი შედეგით დაასრულეს

რუსულმა ბანკებმა კრიზისული წელი ბოლო შვიდი წლის განმავლობაში ყველაზე ცუდი შედეგით დაასრულეს
access_time2023-01-28 09:00:43
2022 წლის კრიზისული წლის შედეგების მიხედვით, რუსეთის ბანკების მოგება 2022 წელს 11,8-ჯერ შემცირდა 2021 წლის მაჩვენებელთან შედარებით. ის 2,4 ტრილიონი რუბლიდან 203 მილიარდ რუბლამდე დაეცა. ამის შესახებ რუსეთის ცენტრალურ ბანკზე დაყრდნობით...

სანქციებში არსებული „ხვრელი“ - ემბარგოს მიუხედავად ტანკერები რუსეთიდან ევროპაში ნავთობის გადატანას აგრძელებენ

სანქციებში არსებული „ხვრელი“ - ემბარგოს მიუხედავად ტანკერები რუსეთიდან ევროპაში ნავთობის გადატანას აგრძელებენ
access_time2023-01-28 10:00:53
დეკემბრიდან მოქმედი ემბარგოს მიუხედავად, ევროპული ტანკერები აგრძელებენ რუსული ნავთობის ევროპაში გადატანას. ამის შესახებ გამოცემა Investigate Europe -ზე დაყრდნობით უკრაინული მედია წერს.     როგორც გამოცემა აღნიშნავს, ევროკავშირისთვის რუსული ნავთობის მიწოდების აკრძალვა ძალაში 5 დეკემბერს შევიდა, თუმცა მას შემდეგ ევროპულმა ტანკერებმა...

ტერაქტი იერუსალიმში - სინაგოგასთან მომხდარ თავდასხმას 7 ადამიანი ემსხვერპლა

ტერაქტი იერუსალიმში - სინაგოგასთან მომხდარ თავდასხმას 7 ადამიანი ემსხვერპლა
access_time2023-01-28 00:45:35
შვიდი ადამიანი დაიღუპა აღმოსავლეთ იერუსალიმში, ებრაული უბნის ნევე იააქოვის სინაგოგასთან მომხდარი ტერაქტის შედეგად. ინფორმაცია ამის შესახებ ისრაელის პოლიციის პრესსამსახურმა გაავრცელა. არსებული ინფორმაციით, ტერორისტებმა სინაგოგასთან სროლა დაიწყეს, საპასუხო სროლის შედეგად ერთი მათგანი მოკლეს, დანარჩენებმა მიმალვა მოახერხეს. პოლიცია რაიონში ჩხრეკას ატარებს, რათა გამოირიცხოს ახალი თავდასხმების შესაძლებლობა. სამართალდამცავები თავდამსხმელების მანქანასაც...


მსგავსი სიახლეები

up