კერძო სექტორი ხელისუფლებას ინფრასტრუქტურული პროექტების დაჩქარების გზებს სთავაზობს

კერძო სექტორი ხელისუფლებას ინფრასტრუქტურული პროექტების დაჩქარების გზებს სთავაზობს

person access_time2016-02-23 10:45:08

ინფრასტრუქტურული პროექტების სფეროში არსებული პრობლემები წლებია ხელისუფლების ერთერთი ყველაზე სუსტი წერტილია.


ამ მიმართულებით ვითარების გაუმჯობესების აუცილებლობაზე უკვე საუბრობს და კონკრეტულ გეგმებსაც ასაჯაროებს ახალი პრემიერმინისტრი. მისი თქმით, უახლოეს პერიოდში ინფრასტრუქტურის სამინისტროსთან ერთად წარმოადგენს გეგმას, რომელიც მკვეთრად დააჩქარებს ინფრასტრუქტურული პროექტების განხორციელებას.


რეალურად შესაძლებელია თუ არა პროექტირების და მშენებლობის დაჩქარება და რის ხარჯზე? ამის გარკვევა „კომერსანტმა" თავად ინფრასტრუქტურული პროექტების განმახორციელებელ კომპანიებთან სცადა.


„სინოჰიდრო კორპორეიშენ ლიმიტედის" წარმომადგენელი გურამ ვახტანგიშვილი აცხადებს, რომ ინფრასტრუქტურული პროექტების დროში დაჩქარება შესაძლებელია. კერძოდ, დღეს დიდი დრო იხარჯება როგორც პროექტირებაში და მშენებლობაში, ისე სატენდერო დოკუმენტაციის მომზადებაში.


ვახტანგიშვილის თქმით, შესაძლოა უცებ გამოცხადდეს ტენდერი, პროექტირებაც გაკეთდეს, თუმცა, 2-3 თვე ტენდერის გამოცხადებიდან ხანდახან დოკუმენტაციის შესწავლას სჭირდება. 

 


„ეს პრობლემა ძირითადად საკანონმდებლო ხარვეზია, თორემ ინფრასტრუქტურის სამინისტრო ნამდვილად არის დაინტერესებული, რომ მალე დასრულდეს სამუშაოები. სატენდერო ხელშეკრულებები გადასახედია. ჩვენ სამტრედია-გრიგოლეთის გზას, ბათუმის შემოვლით გზას და თბილისის-რუსთავის გზას ვაშენებთ და სხვა ტიპის პრობლემები ხელისუფლებასთან არ გვქონია. თუ ეს დოკუმენტაცია შემჭიდროვებულ ვადებში მომზადდება, ყველაფერი ნორმალურად იქნება"-აცხადებს ვახტანგიშვილი.


კომპანია „კავკასუს როუდ პროჯექტის" დირექტორი პაატა ტრაპაიძე აღნიშნავს, რომ შესაძლებელია დაჩქარდეს ინფრასტრუქტურული პროექტების განხორციელების ვადები და ეს მხოლოდ და მხოლოდ მისასალმებელია. მისი თქმით, საქართველოს არ აქვს იმის დრო, რომ ინფრასტრუქტურული პროექტები ასეთ ნელ ტემპში განავითაროს. ტრაპაიძის თქმით, თუ გვინდა, რომ აღმოსავლეთ ევროპას 10-15 წელში მაინც დავეწიოთ, პროცესების დაჩქარებაა საჭირო.


რის ხარჯზე უნდა დაჩქარდეს ინფრასტრუქტურული პროექტების განხორციელების ვადები? ტრაპაიძე ერთმნიშვნელოვნად აცხადებს, რომ ეს მხოლოდ და მხოლოდ მენეჯმენტის ხარჯზე უნდა მოხდეს. „ქვეყანას სჭირდება არასტანდარტული მიდგომები, აუცილებელია მოვიწვიოთ უცხოელი სპეციალისტები," - აცხადებს ტრაპაიძე.


მისი თქმით, ცალცალკე არ უნდა იყოს პროექტირება, მშენებლობა და მოვლა-პატრონობა. პრობლემებიც ამიტომ არის. „ევროპაში უკვე მიხვდნენ, რომ ცალკე პროექტირება და ცალკე მშენებლობა პრობლემებს ქმნის მშენებლობაში. ამიტომ, ერთი პასუხისმგებელი უნდა იყოს. დღეს კი ეს გამიჯნული არ არის და ვთვლი, რომ ეს არაა სწორი,"-აცხადებს ტრაპაიძე. მისი თქმით, კარგა ხნის წინ უნდა მიგვეღო გადაწყვეტილება.


ტენდერებთან დაკავშირებულ პრობლემებს, რომელთა შესახებ მედია, მათ შორის კომერსანტი ბოლო წლების განმავლობაში აქტიურად წერს, უკვე ხელისუფლების წარმომადგენლებიც ღიად აღიარებენ. განსაკუთრებულად პრობლემატურია ინფრასტრუქტურული ტენდერები.

 

როგორც იურისტები განმარტავენ, პრობლემის სათავე კანონმდებლობაში არსებული ხარვეზებია. მათი თქმით, სახელმწიფო შესყიდვების ურთიერთობაში მნიშვნელოვანია სხვადასხვა სახის გარანტიების არსებობა, რომლებიც საქართველოს სამოქალაქო კოდექსში 1997 წლიდან არ განახლებულა.


მოძველებული ნორმები კი ვერ პასუხობს საბაზრო ეკონომიკის პირობებში წარმოქმნილ თანამედროვე გამოწვევებს.


როგორც იურისტი ნინო ლიპარტია „კომერსანტთან" აცხადებს, ქვეყანაში ეკონომიკური ურთიერთობების განვითარებას კანონმდებლობამ ფეხი ვერ აუწყო და დღემდე ურთიერთობების სამართლებრივი რეგულირება მოძველებული კანონმდებლობის პირობებში ხორციელდება.



მსოფლიო ავიაციაში სამუშაო ადგილები 40%-ით შემცირდება

მსოფლიო ავიაციაში სამუშაო ადგილები 40%-ით შემცირდება
access_time2020-10-28 17:30:17
IATA-ს შეფასებით, 2021 წელს სასურველი საოპერაციო შედეგების მისაღებად და ფინანსური რესურსების შემცირების გასანეიტრალებლად, საჭირო იქნება, ხარჯების კიდევ 30%-ით შემცირება.   ”კრიზისის პირობებში ყოველდღიურად სამუშაო ადგილების დაკარგვის და ეკონომიკური შეფერხების ალბათობა იზრდება. თუ კი სახელმწიფოები სწრაფად არ იმოქმედებენ ავიაციაში 1.3 მლნ სამუშაო ადგილი საფრთხის ქვეშ დადგება. ამას კი დომინოს ეფექტი ექნება, რაც საავიაციო სექტორში დამატებით 3.5 მლნ სამუშაო ადგილს შეუქმნის...

საქართველოსთვის პირველი ვიკინგური ტიპის თევზსაჭერი გემის მშენებლობა იწყება

საქართველოსთვის პირველი ვიკინგური ტიპის თევზსაჭერი გემის მშენებლობა იწყება
access_time2020-10-28 15:25:13
ფოთის საზღვაო სასწავლო-საწვრთნელი ცენტრში ხელი მოეწერა პირველ სამმხრივ მემორანდუმს ეკონომიკისა და მდგრადი განვითარების სამინისტროს სააგენტოს „აწარმოე საქართველოში“, კომპანია „თი-ბი-სი ლიზინგსა“ და თევზსაჭერი გემის მფლობელს შორის, რომლის საფუძველზეც „აწარმოე საქართველოში“ ინდუსტრიული მიმართულების ფარგლებში, პირველად დაფინანსდა ახალი თევზსაჭერი გემის მშენებლობა.   მოხარულები ვართ, რომ დღეს უკვე გვაქვს პირველი წარმატება. ჩვენ ბანკებთან აქტიურ რეჟიმში ვმუშაობთ კიდევ...

საარჩევნო კომპასი - საით იხრება პარტიების ეკონომიკური პოლიტიკა?

საარჩევნო კომპასი - საით იხრება პარტიების ეკონომიკური პოლიტიკა?
access_time2020-10-28 15:00:25
რამდენიმე დღეში საქართველოს მოსახლეობა ისტორიულ, დიდწილად პროპორციულ საპარლამენტო არჩევნებში მიიღებს მონაწილეობას. საარჩევნო სუბიექტად ათეულობით პარტია დარეგისტრირდა. რამდენად ემთხვევა მათი ხედვები თქვენსას საჯარო პოლიტიკის სხვადასხვა მნიშვნელოვანი მიმართულების მიხედვით? ამ კითხვაზე დეტალური პასუხი შეგიძლიათ მიიღოთ “საარჩევნო კომპასი საქართველოს” ციფრულ პლატფორმაზე.   საერთაშორისო რესპუბლიკური ინსტიტუტის (IRI) უახლესი საზოგადოებრივი აზრის გამოკითხვის მიხედვით,...

კომპანია ,,ბევრილი ჯგუფის’’ განცხადება

კომპანია ,,ბევრილი ჯგუფის’’ განცხადება
access_time2020-10-28 12:20:50
გვსურს საზოგადოებას მივაწოდოთ სრული და ამომწურავი ინფორმაცია ბოლო დროს მედიაში გავრცელებულ ცრუ და ცილისმწამებლური კამპანიის პასუხად, რომელიც ახლა უკვე მიმართულია კერძო სექტორის წინააღმდეგაც. 2020 წლის 24 ოქტომბერს, ტელეკომპანია პირველის ეთერში გასული სიუჟეტი, ცილისმწამებლური ინფორმაციის შემცველი იყო და არაფერი ჰქონდა საერთო ჟურნალისტური ეთიკის სტანდარტებთან.  გთავაზობთ კომპანიის განცხადებას: "დღევანდელი მდგომარეობით, საქართველოში ოთხი წარმოშობის ხორბალი...

საქართველოს ეროვნული ბანკი მონეტარული პოლიტიკის განაკვეთს უცვლელად, 8.0 პროცენტზე ტოვებს

საქართველოს ეროვნული ბანკი მონეტარული პოლიტიკის განაკვეთს უცვლელად, 8.0 პროცენტზე ტოვებს
access_time2020-10-28 12:21:07
საქართველოს ეროვნული ბანკის მონეტარული პოლიტიკის კომიტეტმა 2020 წლის 28 ოქტომბრის სხდომაზე რეფინანსირების განაკვეთის უცვლელად დატოვების გადაწყვეტილება მიიღო. ამის შესახებ ინფორმაციას ეროვნული ბანკი ავრცელებს. „მონეტარული პოლიტიკის განაკვეთი 8.0 პროცენტს შეადგენს.  ბოლო თვეებში ინფლაციის დინამიკა ეროვნული ბანკის პროგნოზებს შეესაბამება. წლიური ინფლაცია შემცირებას განაგრძობს და მან სექტემბერში 3.8 პროცენტი შეადგინა....


მსგავსი სიახლეები

up