წყალტუბოში კერძო სანატორიუმების მფლობელები  ივანიშვილთან თანამშრომლობას გეგმავენ

წყალტუბოში კერძო სანატორიუმების მფლობელები ივანიშვილთან თანამშრომლობას გეგმავენ

access_time2019-11-07 12:00:55

“ქართული ოცნების“ თავმჯდომარე ბიძინა ივანიშვილი წყალტუბოს განვითარების პროექტის ფარგლებში არა მხოლოდ სახელმწიფოს ბალანსზე არსებული შენობების, ამ დროისთვის უფუნქციო ძველი სასტუმროებისა და ყოფილი სანატორიუმების, არამედ კერძო მფლობელობაში არსებულ სასტუმროების შეძენასაც გეგმავს. აღსანიშნავია, რომ წყალტუბოში მდებარე 22 სასტუმროდან, უშუალოდ ეკონომიკის სამინისტროს ბალანსზე 15 სასტუმროა, რაც შეეხება დანარჩენ 7 სასტუმროს, უწყებაში არ აქვთ ინფორმაცია, ეს ობიექტები კერძო საკუთრებაა თუ ადგილობრივი მუნიციპალიტეტის ბალანსზე ირიცხება.

 

„კომერსანტი“ დაინტერესდა კერძო საკუთრებაში არსებული სასტუმროებით ობიექტის მფლობელები არიან თუ არა დაინტერესებულები ივანიშვილთან თანამშრომლობით და  ქონების გაყიდვით.

 

წყალტუბოში ერთ-ერთი ასეთი კერძო ობიექტი სანატორიუმი „მეშახტეა“, რომელიც სახელმწიფომ 2015 წელს 2,5 მლნ დოლარად კომპანია „ქეი ბი ფი თბილისს” მიჰყიდა. კომპანიის დირექტორი ზვიად ზვიადაძე „კომერსანტთან“ აცხადებს, რომ “ქართული ოცნების“ თავმჯდომარე წყალტუბოს განვითარების შანს აძლევს, რაც მისი შეფასებით, დიდი ქართული საქმეა. სწორედ ამიტომ ბიზნესმენი მზად არის ბიძინა ივანიშვილთან თანამშრომლობისთვის. ზვიადაძე დარწმუნებულია, რომ წყალტუბო მსოფლიო დონის კურორტი გახდება.

 


„ბიძინა ივანიშვილს 1000 პროცენტით დავუდგები გვერდში ამ ქართულ და კარგ საქმეში. ჩემზე კარგად არავინ იცის რა არის საჭირო წყალტუბოს განვითარებისთვის. ამას  1 მლრდ დოლარის ინვესტიცია სჭირდება. მხოლოდ 22 სასტუმროზე და 9 აბაზანაზე არ არის საუბარი, ინფრასტრუქტურა უნდა განვითარდეს, მოეწყოს აკვაპარკი, გოლფის მოედანი და ა.შ. ჩვენი შენობა ყველაზე მაგარია წყალტუბოში, რომელიც როდესაც საბოლოოდ მოეწყობა სავიზიტო ბარათი იქნება არა მარტო წყალტუბოსი, არამედ მთელი საქართველოსი. თუ ბიძინა ივანიშვილს სურვილი ექნება ჩვენს სანატორიუმში ააშენოს „პარაგრაფი“, რა თქმა უნდა მას დიდი სიამოვნებით გადავცემთ ამ შენობას. მზად ვარ, რომ გავასხვისო, თუ სურვილი ექნება მასთან ერთად გავაკეთებ. ზუსტად ვიცი, რომ სხვა შანსი წყალტუბოს არ ჰქონდა, რადგან მე ეს საკითხი გავლილი მაქვს მთავრობასთანაც, ინვესტორებთანაც და ა.შ. საკითხთან დაკავშირებით ჯერ არავინ დამკავშირებია და არ ვიცი რა გეგმა აქვს ბიძინა ივანიშვილს. ვფიქრობ, რომ წყალტუბოზე მაგარი კურორტი რეგიონში არ იარსებებს. ყველა ინვესტორი ჩადებს ფულს როდესაც ნახავენ თუ რისი გაკეთება იგეგმება. აღსანიშნავია ისიც, რომ ამის ხარჯზე ქვეყანაში ტურისტების რიცხვი გაიზრდება და დაახლოებით 1 მლნ ტურისტით მეტი გვეყოლება“,-აცხადებს ზვიად ზვიადაძე.

 

აღსანიშნავია, რომ კომპანია შპს „ქეი ბი ფი თბილისმა“ 2018 წლის აგვისტოში სახელმწიფო ქონების ეროვნულ სააგენტოს განცხადებით მიმართა, სადაც ითხოვდა 2015 წელს გაფორმებული ნასყიდობის ხელშეკრულებით გათვალისწინებული პირობის, კერძოდ კი, 5 ვარსკვლავიანი საერთაშორისო ბრენდის მქონე არანაკლებ 100 -ნომრიანი სასტუმროს 3 წლის ვადაში აშენების ვალდებულების, 2021 წლის სექტემბრამდე გადავადებას. ზვიად ზვიადაძე „კომერსანტთან“ განმარტავს თუ რატომ მოითხოვა კომპანიამ პროექტის გადავადება.

 

თავიდანვე ვამბობდი რომ წყალტუბოს სჭირდება გენგეგმა, უნდა შემუშავდეს როგორ კურორტს ვაშენებთ, რამდენ ადამიანზე გათვლილს. წყალტუბოში ყველაზე დიდი პრობლემა არის ინფრასტრუქტურის განვითარება, ამიტომ არ შემოდიოდნენ საერთაშორისო ოპერატორები. ყველამ კარგად ვიცით, რომ საქართველოში რაც შეიძლება მეტი ევროპული და ამერიკული ბრენდი უნდა შემოვიდეს. დარწმუნებული ვარ რომ 22 სანატორიუმიდან ნახევარზე მეტის მართვაში საერთაშორისო ბრენდი შევა. მე ახლა ველაპარაკები 2 დიდ ბრენდს. ჩვენ ვალდებულება გვაქვს 100 ნომრიანი სასტუმრო ავაშენოთ, არ გამოვრიცხავ რომ მასშტაბები გაიზარდოს და 150 ნომრიანი ავაშენოთ. რადგანაც წყალტუბოს აღორძინება იგეგმება, ვნახავ კურორტის განვითარების კონცეფციას, რის შემდეგ ზუსტად გვეცოდინება ყველაფერი. როგორც გავიგე კურორტის აღორძინებისთვის განსაზღვრულია სამი წლის ვადა, ეს მისასალმებელია, ყველა ერთდროულად დავიწყებთ მშენებლობას და ერთდროულად დავამთავრებთ , -განმარტავს ზვიად ზვიადაძე.

 

კიდევ ერთი კერძო ობიექტი, რომელიც 2016 წლის მარტში 160 ათასი ლარად გაიყიდა სანატორიუმი ცისკარია. ელექტრონულ აუქციონში გამარჯვებულად შპს „არგო გამოვლინდა. როგორც გაირკვა შპს „არგოს ხელმძღვანელი ნუგზარ იობიძე გარდაიცვალა. დღეს „ცისკარი“ ნუგზარ იობიძის ოჯახის საკუთრებაა, როგორც იობიძის ოჯახის წევრი აცხადებს სანატორიუმის გასხვისებასთან დაკავშირებით არავინ დაკავშირებია. გასულ წელს ნუგზარ იობიძე „კომერსანტთან“ აცხადებდა, რომ წყალტუბოს ტურისტული პოტენციალით და სამკურნალო გამაჯანსაღებელი სანატორიუმებით ძალიან ბევრი ტურისტი სარგებლობდა, თუმცა, კარგი იქნებოდა თუ ქვეყნის ხელისუფლება უფრო მეტად მოახდენდა რეგიონის რეკლამირებას და მარკეტინგს.

 

შეგახსენებთ, რომ ბიძინა ივანიშვილის განცხადებით, რადგან სახელმწიფოს არ აქვს რესურსი, მიიღო გადაწყვეტილება სათავეში ჩაუდგეს წყალტუბოს აღორძინების პროექტს და გამოისყიდოს უკლებლივ ყველა - 22 სასტუმრო, 9 აბანო და მოახდინოს მათი სრული რეაბილიტაცია. ამასთან, ივანიშვილის თქმით, წყალტუბოს განვითარების პროექტზე მისი მხრიდან არანაირ მოგებაზე არ იქნება საუბარი და „მაქსიმალური ფასი იქნება თვითღირებულება“. გარდა ამისა, „ქართული ოცნების“ თავმჯდომარის განცხადებით, მზად არის, „პროექტის განხორციელების ნებისმიერ ეტაპზე, იქნება ეს დაგეგმარება, პროექტირება, მშენებლობა თუ დასრულების შემდეგ, ექსპლუატაციაში ჩაშვება, გაასხვისოს ობიექტები ნებისმიერ ინვესტორზე, რათა შემდგომში მან გააგრძელოს წარმატებული ოპერირება“.


ბაჩო ადამია




29 სექტემბერი - რეგიონში ქართული ლარი გამყარდა, თურქული ლირა და სომხური დრამი გაუფასურდა

29 სექტემბერი - რეგიონში ქართული ლარი გამყარდა, თურქული ლირა და სომხური დრამი გაუფასურდა
access_time2020-09-29 18:10:00
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის თვეში, ლარი რეკორდულად 22%-ით გაუფასურდა. წლის განმავლობაში, ქართული ლარი აშშ დოლართან მიმართებაში - 12%-ით გაუფასურდა. შედარებისთვის, დაახლოებით 16%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ გამოქვეყნებული 29 სექტემბრის ვაჭრობის შედეგად, ქართული ლარის კურსი 4 თეთრით გამყარდა და ერთი აშშ...

რა პრობლემებია მოსალოდნელი სომხეთსა და აზერბაიჯანში შესაძლო სამხედრო მობილიზაციის პროცესში?

რა პრობლემებია მოსალოდნელი სომხეთსა და აზერბაიჯანში შესაძლო სამხედრო მობილიზაციის პროცესში?
access_time2020-09-29 20:00:00
როგორც სომხეთს, ასევე აზერბაიჯანს მობილიზებისთვის საკმარისი ადამიანური რესურსები გააჩნიათ - სომხეთს 1,4 მლნ., აზერბაიჯანს კი 3,8 მლნ. ადამიანის მობილიზება შეუძლიათ.   თუმცა, შეიარაღებული კონფლიქტის ესკალაციის შემთხვევაში ნებისმიერმა ქვეყანამ რამდენიმე კითხვას პასუხი უნდა გასცეს.   პირველი - შესაძლებელია თუ არა სწრაფი გამარჯვების მიღწევა უკვე არსებული ძალებით? მეორე - შეუძლია თუ არა ქვეყანას მობილიზებული ადამიანების იარაღით, სამხედრო აღჭურვილობით,...

Die welt: ერდოღანი ყარაბაღში პუტინს უპირისპირდება

Die welt: ერდოღანი ყარაბაღში პუტინს უპირისპირდება
access_time2020-09-29 19:00:32
კვირას, დილის 4 საათზე, სომხეთს და აზერბაიჯანს შორის მორიგი ომი დაიწყო.   საომარი შეტაკებები ორ ქვეყანას შორის მუდმივად ხდება იმის შემდეგ, რაც 90-ანი წლების დასაწყისში ხანგძლივი და სისხლისმღვრელი ომის შედეგად, აზერბაიჯანის შემადგენლობაში მყოფი მთიანი ყარაბახის ტერიტორია სომხეთმა დაიკავა.   1994 წელს მხარეებმა ზავი გააფორმეს, თუმცა ის მუდმივად ირღვევა. ბოლოს ეს ივლისში მოხვდა, როდესაც 2 აზერბაიჯანელი ჯარისკაცი დაიღუპა, ხოლო რამდენიმე დაიჭრა. როგორც...

„ეროვნული ბანკის ინტერვენციებს შესაძლოა უკუეფექტიც კი ჰქონდეს და ლარი უფრო გაუფასურდეს“ - ლევან სურგულაძე

„ეროვნული ბანკის ინტერვენციებს შესაძლოა უკუეფექტიც კი ჰქონდეს და ლარი უფრო გაუფასურდეს“ - ლევან სურგულაძე
access_time2020-09-29 16:30:35
COVID-19-ის კრიზისის დაწყების შემდეგ ეროვნულმა ბანკმა ბაზარს საკუთარი რეზერვებიდან 450 მილიონ დოლარზე მეტი მიაწოდა, ამასთან, კობა გვენეტაძის განცხადებით, სებ-ი ინტერვენციების სახით წლის ბოლომდე კიდევ 200 მილიონ დოლარზე მეტს გაყიდის, მაგრამ ლარის კურსის გაუფასურება ამ ნაბიჯებმა მაინც ვერ შეაჩერა. პირიქით, ჯამურად ლარი დოლართან მიმართებაში სექტემბერში თითქმის 7%-ით გაუფასურდა. საპენსიო სააგენტოს ყოფილი ხელმძღვანელი და ფინანსისტი ლევან სურგულაძე...

entrepreneur: 11 საუკეთესო ვებგვერდი დამატებითი თანხის გამოსამუშავებლად

entrepreneur: 11 საუკეთესო ვებგვერდი დამატებითი თანხის გამოსამუშავებლად
access_time2020-09-29 17:30:33
არ აქვს მნიშვნელობა, გადასახადების გადახდის კიდევ ერთ გზას ეძებთ, პროფესიული განვითარების ახალ საშუალებებს თუ უბრალოდ, თავისუფლების შეგრძნება მოგწონთ, რასაც შტატგარეშე თანამშრომლობა გთავაზობთ, რადგან უკვე მილიონობით ადამიანი დარწმუნდა, რომ ამ ტიპის სამსახურს უზომოდ დიდი უპირატესობები აქვს. რაც უფრო პოპულარული ხდება ციფრული ცხოვრების სტილი, მით მეტად იზრდება რესურსების რაოდენობა შტატგარეშე თანამშრომელთათვის.   სამსახურის დამოუკიდებლად დასაწყებად საკმაოდ ბევრი...


მსგავსი სიახლეები

up