პირველად სადაზღვეო ბაზარზე კომპანია „ალდაგი“ ამხანაგობებს ახალ პროდუქტს სთავაზობს, რომელიც ჯგუფურად განხორციელებული კერძო მშენებლობის ხელშეწყობას გულისხმობს.
„ალდაგის“ მიერ შეთავაზებული ახალი პროდუქტი ამხანაგობებს დამატებითი უზრუნველყოფის გარეშე ბანკიდან დაფინანსებისა და გარანტირებულად პროექტის წარმატებით განხორციელების საშუალებას აძლევს.
„ზოგადად დაზღვევა ორიენტირებულია კონკრეტულ მოთხოვნაზე. ამ შემთხვევაში, ჩვენ გვაქვს პროდუქტი, რომელიც ყველაზე მეტად მორგებული იქნება ამხანაგობებზე. სერვისი ისეთი პროექტის განხორციელების დახმარებას გულისხმობს, როდესაც ადამიანთა გარკვეულ ჯგუფს გააჩნია გარკვეული მოცემულობა (მიწის ნაკვეთი, დამტკიცებული პროექტი, თანხის გარკვეული ნაწილი), მაგრამ არ გააჩნია საკუთარი სახსრები და ბანკის კრედიტის მოზიდვის უზრუნველყოფა.
ეს შეიძლება იყოს როგორც პირადი მიზნებისთვის გათვლილი მშენებლობა, ანუ ადამიანთა ჯგუფს უნდოდეს საკუთარი სახლების აშენება, ისე კომერციული საცხოვრისის ან ფართის ფართის აშენება. „ - განმარტავს „ალდაგის“ კორპორატიული დაზღვევის მიმართულების ხელმძღვანელი დავით ეჯიბია
იმ შემთხვევაში თუ პროექტი დროულად ვერ შესრულდება ამხანაგობის წევრთა ვალდებულებას ბანკის წინაშე ალდაგი დაფარავს და მშენებლობასაც ის დაასრულებს.
„როდესაც დაინტერესებულ მხარეს არ გააჩნია უზრუნველყოფა იმისთვის, რომ ბანკიდან მოიზიდოს კრედიტი, ჩვენი პოლისით ამ უზრუნველყოფის ჩანაცვლებას ვახდენთ და ამხანაგობებს თანხის მოზიდვაში ვეხმარებით.
ასევე, გარდა იმისა, რომ მშენებლობის განხორციელებაში მომხმარებელს ვეხმარებით, პრაქტიკულად ბანკთან გაცემული სესხების უზრუნველყოფის გარანტორები გამოვდივართ, რადგან პროექტის განხორციელების შეფერხების შემთხვევაში ამ თანხების დაფარვას საკუთარ თავზე ვიღებთ,“ - აღნიშნავს დავით ეჯიბია.
R