ახალი ქართული თამაში „90-იანები შევარდნაძის თავგადასავალი“ - რა დაბრკოლებების გადალახვა უწევს თამაშის მთავარ გმირს ედუარდ შევარდნაძეს და როგორია პროექტის განვითარების შესახებ გეგმები ? პროექტის ავტორი ლევან გელიაშვილი "კომერსანტის დილაში" თამაშის იდეისა და მიზნების შესახებ საუბრობს.
„მე თვითონ მიყვარს თამაშები და მინდოდა შემექმნა საინტერესო თამაში. ეს არ არის
კომერციული პროექტი, ჩვენი მიზანია მოთამაშეების ინფორმირება იმის შესახებ, თუ
საით არ უნდა წავიდეთ და ის თუ, როგორ
დროში ვცხოვრობდით. ეს არის ანდროიდ ვერსია, თამაში არის იმისთვის, რომ რამდენიმე
დღე გაერთო და შემდეგ გვერდით გადადო.
მივიღეთ გადაწყვეტილება, რომ პროექტი ღია იყოს
იდეებისთვის, ნამუშევრებისთვის ან დეველოპმენტში მონაწილეობა ვისაც უნდა
მათთვის. თამაშის მიამრთულება არის პიქსელ არტი, გვინდოდა გადმოგვეცა ის „თრეში“,
რაც იყო 90-იან წლებში. ასე რომ შეგნებულად არ გაგვიკეთებია ლამაზი თამაში. მთავარი
გმირი არის ედუარდ შევარდნაძე, რომელიც გარბის და უნდა გადარჩეს, მოქმედებები დიდად არ ხდება, უნდა აიცილოს
მოთამაშემ„კერასინკა“, „პლიტა“, არის მიტინგი, ანაბრების დაბრუნებას ითხოვს ხალხი,
უნდა გადაახტე ამ მიტინგს თორემ ხალხი ჩაგქოლავს, ჭამ სიგუას ნამცხვარს და მერე
ვერავინ გკლავს. თავიდან რომ გავაკეთეთ თამაში, არ გვყავდა „გაიშნიკი“ და მერე
დავამატეთ, გვითხრეს რატომ არ არისო?! - თამაშში გაიშნიკს, რომ ეჯახები კვდები და ახლა გვინდა
გავაკეთოთ, რომ თუ დაეხარჯები, ფულს წაგართმევს,“- ამბობს ლევან გელიაშვილი.
ახალი ქართული თამაში წარმოადგენს ArtUp-Street Gallery-ის შვილობილ იდეას. მოძრაობა Art | Up - Street Gallery ალტერნატიულ არატრადიციულ საგამოფენო სივრცეებს ქმნის და სრულიად უფასოდ, დამთვალიერებელს ციფრული ხელოვნების ნამუშევრებს წარუდგენს ღია სივრცეებში და ქუჩებში.
„მოძრაობა 2016 წელს შევქმენი, ბათუმის ქუჩებში დღემდე განთავსებულია სპეციალური საგამოფენო ბოქსები და არტისტებს, ციფრულ ხელოვანებს, ფოტოგრაფებს ვუფინანსებთ ნამუშევრების დაბეჭდვას და გამოფენას. სივრცეები განთავსებულია ფაბრიკაში, ასევე ტალინში, გვაქვს ორი პარტნიორი სივრცე იტალიასა და ესპანეთში და სრულიად უფასოდ ვაკეთებთ გამოფენებს ხელოვანებისთვის, უკვე 40-ზე მეტი გამოფენა გვქონდა. გვწერენ უცხოელები,ინტერესი უკვე დიდია. ჩავუშვით ონლაინ მაღაზია და იყიდება ქართველი ხელოვანების ნამუშევრები. Art | Up Games-იც შვილობილია და ვფიქრობთ,რომ საინტერესოდ განვითარდება მომავალში ეს პროექტიც. გვაქვს ახალი პროექტი თბილისის მერიასთან,რომელსაც 20 დეკემბრიდან ჩავუშვებთ. პროექტის ფარგლებში შეიქმნება ქართველი street art-ების ბაზა. გვექნება რუკა, ლოკაციები, ფოტოები ამ არტისტების შესახებ.“- ამბობს ლევან გელიაშვილი.