კომპანია „არსის“ ინიციატივა თბილისისა და სხვაქალაქების შემოგარენში საკემპინგო ადგილებისგანვითარებით შიდა ტურიზმის გამოცოცხლებასისახავს მიზნად.
როგორც იდეის ავტორები განმარტავენ, კემპინგის ხელშეწყობა მნიშვნელოვნად გამოაცოცხლებს შიდატურიზმს, ახალგაზრდებს გართობისა და დასვენებისკარგ შესაძლებლობას შეუქმნის და, ასევე, ბიძგიიქნება მოქალაქეებისთვის, წამოიწყონ პატარ-პატარა ბიზნესები და საკუთარი შემოსავლის წყაროგაზარდონ.

მენაშენეთა ასოციაციის თავმჯდომარის ირაკლი როსტომაშვილის განცხადებით, ინიციატივა უკვე რამდენიმე წელია, არსებობს და მუშავდება, თუმცა,კორონავირუსის პანდემიის გამო, საერთაშორისომიმოსვლაზე დაწესებული შეზღუდვების ფონზე, მისიგანხორციელება კიდევ უფრო საინტერესო დასასარგებლო იქნება.  

მისივე თქმით, თბილისის პარკებში, საღამოობით მოსახლეობის შეკრებები ნიშნავს, რომ მსგავსსივრცეებზე დიდი მოთხოვნაა როგორცახალგაზრდებში, ისე უფროსი თაობის საზოგადოებაში. კემპინგი მოქალაქეებისთვის მნიშვნელოვანია სოციალიზაციისა და რეკრეაციის თვალსაზრისით.

„არსებული რეალობიდან გამომდინარე, როცა საზღვარგარეთ დასვენების საშუალება შეზღუდულია, საჭიროა, ადგილზე განვავითაროთ რეკრეაციისა და გართობის შესაძლებლობები. ინიციატივა ზუსტად ეხმიანება პრემიერ-მინისტრის განცხადებას, რომ შიდა ტურიზმი უნდა გავააქტიუროთ. ვფიქრობთ, ქვეყანაში და, პირველ რიგში, თბილისის შემოგარენში საკემპინგო ადგილების ქსელის განვითარებით ჩვენ ერთდროულად რამდენიმე ძალიან კარგ საქმეს გავაკეთებთ. ყველაზე მთავარი კი ის არის, რომ ამას არ სჭირდება დიდი დრო დაფინანსები. მარტივად, რამდენიმე დღეში შეიძლება სივრცეების მოწყობა და დასვენებისთვის საუკეთესოლოკაციების შექმნა“, - ამბობს ირაკლიროსტომაშვილი.

იდეის რეალიზაციის შემთხვევაში, დამსვენებლებს შესაძლებლობა ექნებათ, ერთი ან რამდენიმე დღით დალაშქრონ ერთი ან რამდენიმე გადაბმული საკემპინგო ლოკაცია, დაკავდნენ სპორტით, იცურაონ მდინარეში, გაირუჯონ, მოაწყონ სხვადასხვაკონკურსი და შეჯიბრება, მოუსმინონ მუსიკას, იცეკვონ, ითამაშონ სხვადასხვა სახის თამაშები დაა.შ.

„ჩვენ გვსურს, მაქსიმალურად შევუწყოთ ხელი მოქალაქეებს, დაისვენონ საქართველოს ტერიტორიაზე. საქართველოს უნიკალური ლანდშაფტი აქვს და შესაძლებელია უამრავი ადგილის შერჩევა, სადაც, დაახლოებით, 10-12 კარვის დასადგმელად მოედანი მოსწორდება, გაკეთდება კოცონის დასანთები ადგილი, სპორტული მოედანი, სველი წერტილები და სხვა აუცილებელი ინფრასტრუქტურა. იდეის განხორციელება ახლავე შეიძლება და ამას არ სჭირდება დიდი ფინანსური რესურსი. დარწმუნებული ვარ, იდეას დიდი გამოხმაურება მოჰყვება და ახალგაზრდები სიამოვნებით ჩაერთვებიან ამ პროექტში და თავისავე ხელით ააწყობენ ყველაფერს. საჭიროების შემთხვევაში, მზად ვართ, რომ საპილოტე პროექტს ჩვენი რესურსებიც მოვახმაროთ. თუმცა,სახელმწიფოს მხრიდან აუცილებელია გარკვეული პატრონაჟი, რომ ეს სისტემურად განხორციელდეს და რაიმე სახის გვერდითი ეფექტები არ გამოიწვიოს, დაინიშნოს ადგილზე საპატრულო ეკიპაჟები, მოეწყოს სამედიცინო დახმარების საველე პუნქტები და ა.შ.“, - აღნიშნავს ირაკლი როსტომაშვილი.

გარდა ამისა, მოქალაქეებს, რომლებსაც უნდათ, შემოსავლის დამატებითი წყარო ჰქონდეთ, საშუალება ექნებათ, კემპინგის ტერიტორიაზე წამოიწყონ პატარ-პატარა საქმიანობები, მაგალითად, გააქირაონ კარვები, ველოსიპედები, ცხენები, შეზლონგები, ჩაატარონ ისტორიული ექსკურსები თუ გაუწიონ მოლაშქრეებს გიდობა. ეს ყოველივე შიდა ტურიზმს მნიშვნელოვნად გამოაცოცხლებს და რამდენიმე სასარგებლო საქმეს წრაფად და მარტივად, თითქმის თავისთავად გაკეთდება.
საჭიროების შემთხვევაში, კომპანია „არსი“ მზად არის, სრულიად უსასყიდლოდ მიიღოს მონაწილეობაამ იდეის განხორციელებაში და გააკეთოსკ ემპინგისთვის შერჩეული ადგილების გეგმები. განსაზღვროს და სქემებად აქციოს იდეები, სად განთავსდება კარვები, საცეკვაო სცენა, სპორტული მოედანი, სველი წერტილები და ა.შ.

ირაკლი როსტომაშვილის განცხადებით, ინიციატივის განხორციელებისთვის ახლა ყველაზე კარგი დროა, მუშაობის დაწყება კი უახლოეს დღეებშივეა შესაძლებელი.

„ამას სჭირდება ორგანიზება და პასუხისმგებელი უწყებების მხარდაჭერა. თავად სამუშაოებს არ სჭირდება დიდი რესურსი და დრო. ჩვენ შეგვიძლია ამაში დავეხმაროთ, შესაძლებელია ეს თავად ტურიზმის ადმინისტრაციამ და სახელმწიფომ გააკეთოს, ჩვენ გარეშე. ჩვენ, ყველა შემთხვევაში, მივესალმებით ასეთ პროექტს და იმედი გვაქვს, ის, ახალგაზრდების ჩართულობით, ძალიან მალე განხორციელდება“, - განაცხადა ირაკლიროსტომაშვილმა.

იდეის ავტორების განმარტებით, იმის მიხედვით, რამდენად წარმატებული გამოვა პირველი კემპინგი, შესაძლებელია, მსგავსი ლოკაციები არა მარტო თბილისის შემოგარენში, არამედ სხვა ქალაქებთანაც და შემდგომში მთელ ქვეყანაშიც გაკეთდეს.

(NS)