კალაძე  თბილისში რუსული ГАЗель-ის მიკროავტობუსების წარმოებას აანონსებს

კალაძე თბილისში რუსული ГАЗель-ის მიკროავტობუსების წარმოებას აანონსებს

access_time2019-10-02 13:30:14


კახა კალაძე თბილისში მიკროავტობუსების წარმოების შესაძლო დაწყებას აანონსებს.  თბილისის მერს მართალია, კონკრეტული დეტალები და კომპანია, ჯერ არ დაუსახელებია, თუმცა უკვე ცნობილია მოდელი, რაზეც დედაქალაქის პირველი პირი არჩევანს გააკეთებს.


 “კომერსანტმა“ კი გაარკვია, რომ ქართული წარმოების მიკროავტობუსი,  რომელსაც  “ელვა“ ერქმევა, რუსული კომპანია „Группа ГАЗ“-ის მიერ წარმოებული   ГАЗель NEXT -ის იდენტური იქნება.  ამ პროექტში  ინვესტორი  $30 მილიონის ინვესტიციის ჩადებას გეგმავს. 




“გვაქვს რამდენიმე შეთავაზება, პირველი ეს არის “ფორდის“ ახალი მიკროავტობუსების შემოყვანა და მეორე ეს არის საქართველოში წარმოების დაწყება. რასაც ჩვენ მივესალმებით. მიკროავტობუსი ადაპტირებულია შშმ პირთათვის, შიგნით საკმაოდ კომფორტულია, აღჭურვილია კონდიცირების სისტემით და გათბობით. 17 დასაჯდომი ადგილია. თუ ეს კომპანია ამ მიკროავტობუსების წარმოებას საქართველოში მოახერხებს კარგი იქნება. მისასალმებელია ის, რომ საქართველოში მოხდება მიკროავტობუსების გამოშვება და მისასალმებელია ის, რომ სამუშაო ადგილები შეიქმნება“,-  ეს ინფორმაცია გუშინ თბილისის მერმა ფეისბუქ ლაივით გააჟღერა და  „თბილისის მიკროავტობუსისგან” ავტოპარკის სრულად ჩანაცვლება მოითხოვა..


 

კალაძემ ფეისბუქ ლაივის დროს მიკროავტობუსების უპირატესობებზე ვრცლად ისაუბრა და თბილისის მოსახლეობას აუხსნა, რომ ქართული ბრენდის მიკროავტობუსები არამხოლოდ ჩვენთან, არამედ უცხოეთშიც გაიყიდება. მისვე თქმით, სპეციალურად საქართველოსთვის კომპანია ევრო 5-ი ძრავის ნაცვლად ევრო 6-ის წარმოებას დაიწყებს, რადგან ჰაერის დაბინძურებას თბილისის მერია დიდ მნიშვნელობას ანიჭებს.


თუმცა, კალაძეს 8 წუთიან ფეისბუქ ლაივის დროს არც ერთხელ უხსენებია მიკროავტობუსის მწარმოებელი კომპანია, რომელიც საქართველოში შემოვა.




“კომერსანტმა“ კი გაარკვია, რომ მაგალითის სახით წარმოადგენილი ლურჯი ფერის მიკროავტობუსი, იდენტურია რუსული კომპანია „Группа ГАЗ“- ის მიერ წარმოებული ГАЗель NEXT -ის. ეს არის რუსული კომპანია, სადაც წილი რუსეთის სახელმწიფოსაც აქვს. რუსეთში მაქნანების ერთ-ერთ უმსხვილეს კომპანიაში წილები შემდეგნაირად ნაწილდება:


 


 

Группа ГАЗ“- ის მიერ წარმოებული ГАЗель NEXT-ზე სექტემბრის დასაწყისში წერდა ერთ-ერთი რუსული მედია გამოცემა pravda-nn.ru. სტატიაში საუბარია მიკროავტობუსის იმ უპირატესობებზე, რაზეც თბილისის მერიც ამახვილებს ყურადღებას:

 

ახალი მიკროავტობუსი  «ГАЗель NEXT»  არის კარკასული ავტობუსების ხაზის გაგრძელება. მათი წარმოება 2014 წელს დაიწყო.

 

„იატაკის დაბალი დონე, განიერი ორმაგი კარი ცენტრალურ ნაწილში უზრუნვეყოფს შესვლა-გამოსვლის დროს მგზავრთა კომფორტს, მათ შორის შეზღუდული უნარების მქონე ადამიანებისთვის, მოხუცებისთვის, და საბავშვო ეტლით მგზავრობის დროს.

 

რეგულირებადი სავალი ნაწილი იძლევა გაჩერებაზე იატაკის დაწევის საშუალებას, ასევე ზრდის ავტომობილის მართულობის დონეს, და ამცირებს მანქანის დახრას მოხვევის დროს.

 

უკანა ხიდი გამოირჩევა გაზრდილი ტვირთამწევობის, კორპუსი აგებულია გაძლიერებულ კონსტრუქციაზე, ოთხივე ბორბალზე დამონტაჟაბული სამუხრუჭე სისტემა უზრუნველყოფს მოძრაობის ეფექტურ შენელებას და გაჩერებას.

 

მიკროავტობუსი გათვლილია 22 მგზავრზე, საბაზო კომპლექტაცია ითვალისწინებს 17 დასაჯდომ და 5 დასადგომ ადგილს. შესაძლებელია სხვა ვარიანტებიც“, - ვკითხულობთ სტატიაში.




                 1. რუსული ГАЗель-ის ლოგო       

                 2. ქართული წარმოების „ელვას“-ს ლოგო



ფეისბუქ ლაივიის დასასრულს კახა კალაძე ამბობს, რომ მიკროავტობუსის წარმოებასთან დაკავშირებით სრული ინფორმაცია უახლოეს მომავალში გვეცოდინება

 

„ჩვენ გვინდა, რომ 2020 წლისთვის მიკროავტობუსები იყოს მთლიანად ჩანაცვლებული. კარგი იქნება დაველოდოთ წინადადებას ფორდისგანაც და შემდეგ მივიღოთ გადაწყვეტილება , რომელიც საუკეთესო ვარიანტი იქნება, რა თქმა უნდა თქვენთან (მოსახლეობასთან) შეთანხმებით მივიღებთ გადაწყვეტილებას“,- განმარტავს თბილისის მერი.



„ჩვენი ამოცანაა საზოგადოებრივი ტრანსპორტის მოწესრიგება, ყვითელი ავტობუსების პარკი, რომელიც არის ძალიან მძიმე მდგომარეობაში, ახალი ევროპული ტიპის ევრო 6-ის ავტობუსებით ჩანაცვლდება. მიკროავტობუსებს რომელსაც ბევრი ადამიანი გადაჰყავს ქალაქში, უმეტესობას რესურსი ამოწურული აქვს და სერიოზულ პრობლემას წარმოადგენს ჰაერის დაბინძურების თავლსაზრისით. შესაბამისად, ჩვენ კომპანიას აუცილებლად დავავალდებულებთ, რომ განახორციელონ მიკროავტობუსების ჩანაცვლება. ჩვენ გვქონდა კომუნიკაცია კომპანია „თბილისი მიკროავტობუსთან“ და ისინი ჩანაცვლების წინააღმდეგები არ არიან“,



ბაჩო ადამია

 





„კომერსანტის“ ექსკლუზივი: მარტიდან სათამაშო ბიზნესი გარე რეკლამაზე უარს იტყვის

„კომერსანტის“ ექსკლუზივი: მარტიდან სათამაშო ბიზნესი გარე რეკლამაზე უარს იტყვის
access_time2020-02-27 20:00:25
კომერსანტის ექსკლუზიური ინფორმაციით სათამაშო ბიზნესი მარტის პირველი რიცხვებიდან გარე რეკლამის შეზღუდვას იწყებს.ინფორმაციას ადასტურებს  სათამაშო ბიზნესასოციაციის ხელმძღვანელი ზურაბ ბერუაშვილი. როგორც ბერუაშვილი განმარტავს მიღებული გადაწყვეტილება საზოგადეობის მაღალი ინტერსითაა განპირობებული:   „შემიძლია გითხრათ ის, რომ პირველი მარტიდან მინიმუმ თბილისში, მოსახლეობა დაინახავს, რომ სათამაშო ბიზნესის გარე რეკლამა აღარ იქნება. მაღალი საზოგადოებრივი ინტერესიდან გამომდინარე...

10 000 მაყურებელზე გათვლილი 71 მილიონიანი პროექტი - ახალი საკალათბურთო დარბაზის სამშენებლო სამუშაოები იწყება

10 000 მაყურებელზე გათვლილი 71 მილიონიანი პროექტი - ახალი საკალათბურთო დარბაზის სამშენებლო სამუშაოები იწყება
access_time2020-02-27 18:21:57
განათლების, მეცნიერების, კულტურისა და სპორტის მინისტრის მოადგილემ და კალათბურთის ეროვნული ფედერაციის პრეზიდენტმა პაატა გურასპაულმა ერთობლივი პრესკონფერენცია გამართეს. პრესკონფერენციის თემა 2021 წლის ევროპის საკალათბურთო ჩემპიონატისთვის ახალი სპორტის სასახლის მშენებლობა იყო. შალვა გოგოლაძის თქმით, 10 000 მაყურებელზე გათვლილი სპორტული დარბაზის მშენებლობა უახლოეს პერიოდში დაიწყება და...

WIZZ AIR იტალიის მიმართულებით ფრენების სიხშირეს ცვლის

WIZZ AIR იტალიის მიმართულებით ფრენების სიხშირეს ცვლის
access_time2020-02-27 17:45:30
Wizz Air, ევროპის ყველაზე მწვანე, უმსხვილესი დაბალ ბიუჯეტიანი ავიაკომპანია, იტალიის მიმართულებით ფრენების სიხშირის შემცირებას აანონსებს. მიზეზი ჩრდილოეთ იტალიაში COVID-19 ტიპის ვირუსის გავრცელებაა. 2020 წლის 11 მარტიდან 2 აპრილის ჩათვლით ფრენების სიხშირე იტალიის მიმართულებით 60%-ით შემცირდება. საჰაერო მიმოსვლა სტანდარტული რეჟიმით 2 აპრილიდან აღდგება. მგზავრები, რომლებსაც მიმდინარე ცვლილებები შეეხებათ, მიიღებენ ავტომატურ შეტყობინებას და მათ შესაძლებლობა ექნებათ ბილეთები...

დღის Top-10 საინტერესო ამბავი

დღის Top-10 საინტერესო ამბავი
access_time2020-02-27 21:30:47
 Top-10 საინტერესო ამბავი 1.„კომერციალიზაციის დონე დაბალია, იმპორტი მაღალი“ - რამდენად შედეგიანია „დანერგე მომავალი“ სოფლისა და სოფლის მეურნეობის განვითარების სააგენტომ 2015 წელს პროექტ „დანერგე მომავლის“ განხორციელება დაიწყო.„კომერსანტი“ დაინტერესდა შეასრულა თუ არა სოფლის მეურნეობის...

როდის მოგვარდება პარკინგის პრობლემა თბილისში – მერია პარკირების უფლების გაყიდვას აღარ აპირებს

როდის მოგვარდება პარკინგის პრობლემა თბილისში – მერია პარკირების უფლების გაყიდვას აღარ აპირებს
access_time2020-02-27 17:45:28
პარკირების პრობლემა დედაქალაქისთვის დღემდე ერთ-ერთ მთავარ გამოწვევად არის ქცეული. მიუხედავად იმისა, რომ თბილისის მერიამ ეს უფლება ”სითი პარკს” ჩამოართვა და ხელშეკრულებაც შეუწყვიტა, ამ მიმართულებით სიტუაცია ფაქტობრივად არ შეცვლილა. რეალურად, ორი წლის განმავლობაში თბილისის მერიის შესაბამისი უწყება იგივე საქმიანობას აგრძელებდა, რასაც მანამდე ახორციელებდა ”სითი პარკი”. ფაქტობრივად არ მოწყობილა ახალი საპარკინგე ადგილები და არც იმის შესახებ არის ცნობილი თუ რისი გაკეთება იგეგმება არსებული...


მსგავსი სიახლეები

up