კახეთში მეღვინეების ნაწილი ყურძნის სუბსიდირებას ითხოვს

კახეთში მეღვინეების ნაწილი ყურძნის სუბსიდირებას ითხოვს

access_time2019-08-25 10:05:40

კახეთში მეღვინეების გარკვეული ნაწილი ყურძნის სუბსიდირებას ითხოვს. მათი თქმით, თითქმის ყველა პროდუქტზე ფასები მომატებულია, გარდა ყურძნისა და ღვინისა, ამიტომ სახელმწიფო გარკვეულწილად უნდა ჩაერიოს ფასის კორექტირებაში და დარგი დაასუბსიდიროს.

 

"ამ პერიოდამდე კარგად მოვედით, მოსავალი კარგი გვაქვს, თუმცა ჯერჯერობით გვალვები ხელს გვიშლის, თუ წვიმები არ მოვიდა, მოსავლის 10-15% გაგვიფუჭდება, მაგრამ ამინდის გამოსწორების შემთხვევაში ყველაფერი კარგად იქნება. ყურძნის ჩაბარების ფასი დიდი ალბათობით მცირე იქნება, გლეხებს კი აღარ უღირთ ამ ფასად ყურძნის გაყიდვა, ვენახის მოვლის ხარჯებიც გაზრდილია, ყველა პროდუქტზე მოიმატა ფასმა ყურძნისა და ღვინის გარდა, ამიტომ მიგვაჩნია, რომ სუბსიდია უნდა მოხდეს და სახელმწიფო გარკვეულწილად ჩაერიოს ფასის დადგენაში", - ამბობს მეღვინე გიორგი შათირიშვილი.

 

რაც შეეხება ექსპორტზე გატანას, მისი თქმით, ქვეყანამ ძირითადი მიმართულება ევროპისა და ჩინეთისკენ უნდა აიღოს, რადგან რუსული ბაზარი არაპროგნოზირებადია და ნებისმიერ პერიოდში უნდა ველოდოთ ემბარგოს, რაც ბიზნესს გრძელვადიან პერიოდში პრობლემებს უქმნის.

 

"რუსეთში ძირითადად ტკბილი ღვინოები გადის, ევროპაში კი მშრალი, ქვევრის ღვინოები, ძირითადი გეზი ევროპისკენ უნდა გვქონდეს აღებული, მარკეტინგულ ნაწილშიც იქ ღირს ფულის დახარჯვა, რადგან ევროპაში ღვინის მცოდნე და მოყვარული ხალხი ცხოვრობს. უბრალოდ რუსეთისგან განსხვავებით, ჩვენს პროდუქციას კარგად არ იცნობენ და ეს გარკვეულ ბარიერს ქმნის. ბევრი ფიქრობს ჩემნაირად, თუმცა ზოგს მაინც რუსეთის ბაზარი ურჩევნია, რადგან იქ ქართული ღვინის ცნობადობა მაღალია", - ამბობს მეღვინე.

 


გარემოს დაცვისა და სოფლის მეურნეობის სამინისტროს ინფორმაციით, წელს კახეთის რეგიონში ჭარბ, 250 ათას ტონამდე ყურძნის მოსავალს ელოდებიან, რამაც შესაძლოა, თავისუფალ ბაზარზე ყურძენზე, განსაკუთრებით კი, თეთრ ყურძენზე მეწარმეების მხრიდან მოთხოვნის შემცირება გამოიწვიოს.

 

"არსებული მოცემულობის დადგომის შემთხვევაში, ღვინის ეროვნული სააგენტო მობილიზებულია, რომ მევენახეებს ყურძნის ჩაბარების პრობლემა არ შეექმნათ და მოსავალი დაუბინავებელი არ დარჩეს.

 

სახელმწიფოს ხელშეწყობით, მევენახეობა-მეღვინეობის დარგი გაძლიერებულია და ის, ისევე როგორც გასულ წელს, სუბსიდიის ფორმით მხარდაჭერას აღარ საჭიროებს.

 

დარგში წინსვლა სახეზეა - გაშენებულია ახალი ვენახები, შექმნილია ახალი და გაფართოებულია ღვინის ძველი საწარმოები, ფუნქციონირებს აგროკრედიტის და აგროდაზღვევის სისტემა, გაზრდილია ღვინის ექსპორტის მოცულობა, საექსპორტო ბაზრები დივერსიფიცირებულია", – აცხადებენ უწყებაში.

 

ამასთან, სამინისტრო აღნიშნავს, რომ 2019 წლის ივნისის ბოლოდან განვითარებული მოვლენების გამო, ქართული ღვინის ყველაზე მსხვილ საექსპორტო ბაზარზე ექსპორტის შემცირებამ და რუსეთის მხრიდან ქართული ღვინის იმპორტზე სანქციების შესაძლო დაწესების მოლოდინმა, შექმნა გარკვეული ნეგატიური ფონი, რამაც კერძო სექტორის აქტივობაზე უარყოფითი ზეგავლენის მოხდენის რისკი გააჩინა.


BMG

თეგები:
მეღვინეები



კორონავირუსით დაავადებულებისთვის ჩინეთში სპეციალურ ჰოსპიტალს 6 დღეში ააშენებენ

კორონავირუსით დაავადებულებისთვის ჩინეთში სპეციალურ ჰოსპიტალს 6 დღეში ააშენებენ
access_time2020-01-25 10:00:11
ჩინეთის ქალაქ უხანში ახალი კორონავირუსით დაავადებულებისთვის დროებითი საავადმყოფოს მშენებლობა დაიწყო. ამის შესახებ რუსული „კომერსანტი“ წერს და ვიდეოს...

სოსო გალუმაშვილი - სახელმწიფო მზად არ არის მწარმოებლის გაფართოებული ვალდებულებების დანერგვისთვის

სოსო გალუმაშვილი - სახელმწიფო მზად არ არის მწარმოებლის გაფართოებული ვალდებულებების დანერგვისთვის
access_time2020-01-25 11:00:19
სახელმწიფო მზად არ არის მწარმოებლის გაფართოებული ვალდებულებების დანერგვისთვის, რაც კომპანიების მიერ წარმოების შედეგად წარმოქმნილი ნარჩენების გადამუშავებას გულისხმობს, – ამის შესახებ საქართველოს პირველი არხის გადაცემა „ბიზნესპარტნიორის“ თანაწამყვანმა და კომპანია „ჯეპრას“ დამფუძნებელმა, სოსო გალუმაშვილმა გადაცემაში დღეს განაცხადა.   გადაცემაში ნარჩენების გადამუშავების მნიშვნელობა და მასთან დაკავშირებული გამოწვევები განიხილეს. დისკუსიის დროს აღინიშნა, რომ...

პროკრედიტ ბანკს საქართველოში მოქმედი ბიზნეს ასოციაციების წარმომადგენლები სტუმრობდნენ

პროკრედიტ ბანკს საქართველოში მოქმედი ბიზნეს ასოციაციების წარმომადგენლები სტუმრობდნენ
access_time2020-01-24 17:00:32
დღეს, პროკრედიტ ბანკს საქართველოში მოქმედი ბიზნეს ასოციაციების წარმომადგენლები სტუმრობდნენ.ბანკის მენეჯმენტთან შეხვედრის ფარგლებში, მოეწყო დისკუსია თემაზე „ინოფინის საგარანტიო პროგრამა და მისი მნიშვნელობა მცირე და საშუალო ბიზნესის განვითარებისთვის“. მონაწილეებმა ამომწურავი ინფორმაცია მიიღეს პროგრამის ფარგლებში არსებული დაფინანსების შესაძლებლობების შესახებ. ღონისძიების ძირითადი მიზანი გახლდათ,...

„როგორ უნდა ვისაუბროთ ლარის კურსის სტაბილურობაზე, როცა 100 მილიონი ყალბი ფული არსებობს“

„როგორ უნდა ვისაუბროთ ლარის კურსის სტაბილურობაზე, როცა 100 მილიონი ყალბი ფული არსებობს“
access_time2020-01-24 18:30:53
„როგორ უნდა ვისაუბროთ ლარის კურსის სტაბილურობაზე, როცა 100 მილიონი ყალბი ფული არსებობს“- პარლამენტის წევრი, ლევან კობერიძე ტვ პირველის გადაცემაში „რეაქცია“ პოლიტიკურ და ელიტურ კორუფციაზე საუბრობს. ის აღნიშნავს,რომ არსებობენ „მსხვილი ჯგუფები“, რომლებიც ქვეყანაში არსებულ პროცესებს მართავენ. „ეს ის ჯგუფებია,რომლებმაც თავის დროზე არაერთი ფინანსთა მინისტრი და პრემიერ მინისტრიც კი...

„კომერსანტის“ 24 იანვრის TOP 10 თემა

„კომერსანტის“ 24 იანვრის TOP 10 თემა
access_time2020-01-24 21:30:35
„კომერსანტის“ 24 იანვრის TOP 10 თემა 1.მმართველი გუნდის წევრები კორუფციის აღქმის ინდექსის შედეგებს არ იცნობენ 2.„ეს არის იმ დიდი კამპანიის ნაწილი, რაც სებ-ის უფლებების განუსაზღვრელად ზრდას და ფინანსური ინსტიტუტების მკაცრად...


მსგავსი სიახლეები

up