„კახელები“: ადამიანები სამსახურებიდან გარბიან, სარესტორნე სექტორი არასტაბილურად მიაჩნიათ

„კახელები“: ადამიანები სამსახურებიდან გარბიან, სარესტორნე სექტორი არასტაბილურად მიაჩნიათ

access_time2021-12-07 10:00:00

რესტორან „კახელების“ დამფუძნებელი ჭიჭიკო გოლეთიანი სარესტორნო ბიზნესში არსებულ მძიმე მდგომარეობაზე „ბიზნესპარტნიორთან“ საუბრობს. მისი განცხადებით, მას შემდეგ რაც „მწვანე პასპორტების“ მექანიზმი ამოქმედდა, „კახელებში“ აქტივობა დაახლოებით 25%-ით შემცირდა.



„ქვეყანაში არ ჩატარდა ნორმალური კამპანია იმისთვის, რომ საზოგადოება ვაქცინაციის დადებით შედეგში დარწმუნებულიყო. ის ადამიანი, ვისაც არ სჯერა ვაქცინის, ის რესტორანში ან კაფეში შესვლისთვის არ აიცრება. არ მგონია, ამან დიდი შედეგი მოიტანოს. ტენდენციაა ის, რომ ხალხი აღარ მოდის, ეს ყველაფერი კი გადაინაცვლებს კერძო ბინებში და არალეგალური გახდება, რაც მძიმე ეპიდემიოლოგიურ მდგომარეობას კიდევ უფრო დაამძიმებს.



200 ლარის ინტერესის გამო აცრილი ხალხის რაოდენობაც დასრულდება. მგონია, ეს შედეგს არ გამოიღებს, საჭირო გახდება მკაცრი შეზღუდვები და უკვე ამის შემდეგ სოციალური აფეთქება მოხდება,“ - აცხადებს გოლეთიანი.



მისი ინფორმაციით, შექმნილ სიტუაციაში მოლოდინებზე საუბარი ცოტა რთულია.




„40 წლიანი ბიზნეს გამოცდილება მაქვს და ისეთ სიტუაციაში პირველად ვარ, როდესაც არ ვიცი რა ვქნა. ადამიანები გაბიან სამსახურიდან, რადგან ეს სფერო არასტაბილურად მიაჩნიათ. სამუშაოდ მიდიან იტალიაში, საბერძნეთში, თურქეთში და სხვა ქვეყნებში. ურჩევნიათ იქ მოხუცის მოვლაში 800 ევრო აიღონ, ვიდრე აქ, როცა უკონტროლოა ყველაფერი, არ იცი როდის დაგხურავენ და როდის,“ - აცხადებს გოლეთიანი.



მისივე განცხადებით, შექმნილი სიტუაცია შრომის ბაზარზე პროფესიონალი მუშა-ხელის დეფიტის ქმნის. გოლეთიანის განმარტებით, „კახელებს“ ამ მდგომარეობით 10 ვაკანსია აქვს გამოცხადებული.



შეგახსენებთ, რომ საკოორდინაციო საბჭოს გადაწყვეტილებით 1-ელი დეკემბრიდან, "მწვანე ბარათი" ამოქმედდა, რესტორნებს კი საათობრივი შეზღუდვა მოეხსნათ.



მწვანე სტატუსი ენიჭება ადამიანს, რომელიც სრულად ვაქცინირებულია, ანუ გაკეთებული აქვს 2 დოზა აცრის. გადატანილი აქვს კოვიდინფექცია, ოღონდ ლაბორატორიულად დადასტურებული შემთხვევიდან გასული უნდა იყოს 14 დღე. ამ შემთხვევაში აღარ ვრცელდება პერიოდი. ანუ, კოვიდის გადატანის შემდეგ ე.წ. ჩამკეტი აღარ არის და მას მწვანე სტატუსი მუდმივად ექნება. ასევე თუ ადამიანს აქვს გაკეთებული 72 საათიანი ვალიდურობის PCR ტესტი, ასევე თუ ადამიანს გააჩნია 24 საათიანი ვალიდურობის ანტიგენის დამადასტურებელი ტესტი.



რაც შეეხება 200 ლარიან დახმარებას, 60 წლის ზემოთ პირები, რომლებიც აიცრებიან, მთავრობისგან 200 ლარიან ფინანსურ დახმარებას იღებენ.



business-partner.ge





იტალია ყავა ესპრესოს „იუნესკოს“ სიაში შეტანას ითხოვს

იტალია ყავა ესპრესოს „იუნესკოს“ სიაში შეტანას ითხოვს
access_time2022-01-24 16:00:00
იტალიის მთავრობა ყავა ესპრესოს „იუნესკოს“ არამატერიალური მემკვიდრეობის სიაში შეტანას ითხოვს. ქვეყნის სოფლის მეურნეობის მინისტრის მოადგილის, ჯანმარკო ჩენტინაიოს განცხადებას ადგილობრივი წამყვანი სააგენტო, ANSA (Agenzia Nazionale Stampa Associata) ავრცელებს. „ყავა იტალიაში უბრალო სასმელზე ბევრად მეტია: ეს არის ნამდვილი რიტუალი, ეროვნული იდენტობის განუყოფელი ნაწილი და სოციალურობის გამოხატულება, რაც იტალიელებს სხვებისგან განასხვავებს,“ - აცხადებს ჯანმარკო...

ვახტანგ კაჭარავა: თეგეტამ პანდემიურ პერიოდში გაყიდვების ზრდა და ახალ ბაზრებზე გასვლა მოახერხა

ვახტანგ კაჭარავა: თეგეტამ პანდემიურ პერიოდში გაყიდვების ზრდა და ახალ ბაზრებზე გასვლა მოახერხა
access_time2022-01-02 12:00:08
პანდემიამ 2020 წელს საქართველოს ეკონომიკა 6.8%-ით შეამცირა. პრობლემები მეტ-ნაკლებად წარმოებისა და მომსახურების ყველა სფეროს შეეხო. გამონაკლისი არც ავტოინდუსტრია ყოფილა. მსუბუქი ავტომობილების რეექსპორტი 45%-ით $733 მლნ-დან $404 მლნ-მდე შემცირდა, 2021 წელს კი მხოლოდ $456 მლნ-მდე აღდგა. გაურკვევლობის, რეცესიისა და შემდეგ უკვე ორნიშნა ინფლაციის მიუხედავად, კომპანიების ნაწილმა გამოწვევები წარმატებით დაძლია, მათ შორის ერთ-ერთი გამორჩეული ადგილი „თეგეტას“ უკავია, რომელმაც 2020 წელსაც გაყიდვების...

რძის და რძის პროდუქტების ფასმა 13%-ით მოიმატა და კიდევ გაძვირდება

რძის და რძის პროდუქტების ფასმა 13%-ით მოიმატა და კიდევ გაძვირდება
access_time2022-01-24 15:00:50
საქართველოში რძისა და რძის პროდუქტების ბაზარზე წარმოებასთან დაკავშირებით დიდი პრობლემაა. ბოლო რამდენიმე თვეა, ფასები მატულობს და 1 ლ რძის ფასი უკვე 5 ლარია, მეტნაკლებად შენარჩუნდა ინდუსტრიული რძის ღირებულება, თუმცა ისიც იმის ხარჯზე, რომ წარმოება თითქმის მასობრივად რძის ფხვნილს იყენებს. როგორც აგროექსპერტთა ასოციაციის თავმჯდომარის მოადგილე მიხეილ ჭიჭაყუა ,,კომერსანტთან“ ამბობს, ფასების ზრდა ძირითადად სეზონურ ცვლილებას უკავშირდება, თუმცა ნედლეული ძვირდება გლობალურ ბაზრებზე. ორივე ფაქტორი ერთად...

საქართველოს მთავრობის წევრთა 1/3 კოვიდინფიცირებულია

საქართველოს მთავრობის წევრთა 1/3 კოვიდინფიცირებულია
access_time2022-01-24 12:55:57
საქართველოს მთავრობის ოთხ წევრს კორონავირუსი დაუდასტურდა. კორონავირუსი დაუდასტურდათ საქართველოს თავდაცვის მინისტრ ჯუანშერ ბურჭულაძეს, განათლების მინისტრ მიხეილ ჩხენკელს, გარემოს დაცვისა და სოფლის მეურნეობის მინისტრ ლევან დავითაშვილს და რეგიონული განვითარებისა და ინფრასტრუქტურის მინისტრ ირაკლი...

საქართველოს ბიზნეს ასოციაცია მიესალმება „ტოიოტა კავკასიას“ ასოციაციის წევრთა რიგებში

საქართველოს ბიზნეს ასოციაცია მიესალმება „ტოიოტა კავკასიას“ ასოციაციის წევრთა რიგებში
access_time2022-01-24 14:55:26
...


მსგავსი სიახლეები

up