კახა ოქრიაშვილი: „თუ  ბანკებს აეკრძალებათ არაპროფილური აქტივების ფლობა, იმ დღესვე  გავასხვისებ  PSP დაზღვევას“

კახა ოქრიაშვილი: „თუ ბანკებს აეკრძალებათ არაპროფილური აქტივების ფლობა, იმ დღესვე გავასხვისებ PSP დაზღვევას“

access_time2019-05-16 16:30:44

„დღეს კომერციული ბანკები მთლიანად საქართველოს, როგორც ბიზნესს, ისე ადამიანებს ფინანსურ მონობაში ამყოფებენ,“— ასე ეხმაურება PSP ჯგუფის დამფუძნებელი კახა ოქრიაშვილი „კომერსანტთან“ „თიბისი დაზღვევის“ გენერალური დირექტორის  პაატა ღაძაძის განცხადებას, რომლის მიხედვითაც „თიბისი დაზღვევასა“ და „თიბისი ბანკს“ შორის ბიზნეს ინტერესთა კონფლიქტი არ არსებობს“.


როგორც ოქრიაშვილი განმარტავს, დღეს ბაზარზე არსებულმა ორმა ლიდერმა ბანკმა აუცილებლად უნდა გაყიდონ  მათივე საკუთრებაში არსებული  არაპროფილური ბიზნესები, კომპანიები და ნორმალურ საბანკო სისტემას დაუბრუნდნენ. 


„მაგალითად, საქართველოს ბანკი ფლობს 2  სადაზღვევო კომპანიას, თბილისის წყალს და ასე შემდეგ. მთელ საქართველოს აქვს თიბისი ბანკის და საქართველოს ბანკის გაუსტუმრებელი სესხები. ამ ორ ბანკს აქვს დამონებული მთელი ჩვენი ქვეყანა. ამიტომ, არ მიდის  ქვეყანა წინ. ის, რომ ამ ორმა ბანკმა  დაიმონა ქართველი ხალხი, პასუხისმგებლობა  ეკისრებათ პოლიტიკოსებს, როგორც „ნაციონალურ მოძრაობის“ მხრიდან, ასევე „ქართულ ოცნების,“ მხრიდანაც— აცხადებს ოქრიაშვილი.


მისი  განცხადებით, სადაზღვევო კომპანიას  სხვა ბიზნესების ფლობის უფლება არ უნდა ჰქონდეს  და პირიქით, რადგან სადაზღვევოც ფინანსური ინსტიტუტია, როგორც ბანკი.  ასე იყო 2006 წლამდე.


„კომერსანტის“ კითხვაზე, ხომ არ მოდის აღნიშნული განცხადება წინააღმდეგობაში მისივე ბიზნეს ინტერესთან, გამომდინარე იქიდან, რომ PSP ჯგუფში შედის როგორც სადაზღვევო კომპანია, ისე საავადმყოფო და აფთიაქი, ოქრიაშვილი განმარტავს, რომ PSP ჯგუფი იძულებული გახდა არასამართლიან  წესებში ყოფილიყო ჩაბმული.



„არანაირი სურვილი არ გვაქვს სადაზღვევო კომპანიის ფლობის. როგორც კი ბანკებს არაპროფილური აქტივების ფლობა აეკრძალებათ, იმ დღესვე  გავასხვისებ PSP დაზღვევას,“— აცხადებს ოქრიაშვილი.


შეკითხვაზე, ახლა რატომ არ ასხვისებს PSP დაზღვევას, ოქრიაშვილი განმარტავს: „ვადაზე ადრე რატომ ჩავბარდე? ამ არასამართლიან წესებს აღარ შევებრძოლოთ? „— აცხადებს ოქრიაშვილი.


ბიზნესმენის  მიერ ბანკების მხრიდან არაპროფილური ბიზნესის ფლობის თემაზე “კომერსანტმა“ კომენტარი სთხოვა, როგორც საქართველოს ბანკის, ასევე თიბისი ბანკი შესაბამის უწყებებს.


 „კახა ოქრიაშვილის საპასუხოდ უნდა აღინიშნოს, რომ საქართველოს ბანკი არაპროფილურ აქტივებს არ ფლობს. ბანკების მხრიდან არასაბანკო აქტივების ფლობა „კომერციული ბანკების საქმიანობის შესახებ“ კანონით რეგულირდება. ამასთან, საქართველოს ბანკმა არაერთხელ განაცხადა, რომ „სს საქართველო ბანკი არ ფლობს არაპროფილურ აქტივებს. 2018 წლის 29 მაისს დასრულდა ერთ-ერთი უმსხვილესი საბანკო და საინვესტიციო ჯგუფის „ბიჯეო ჯგუფის“ (BGEO Group PLC) გამიჯვნის პროცესი. 10 წლიანი წარმატებული საქმიანობის შემდეგ, „ბიჯეო ჯგუფი“ გაიყო ორ დამოუკიდებელ ჯგუფად და საქართველოს ბანკის ჯგუფი (Bank of Georgia Group PLC) საბანკო სფეროში განაგრძობს მოღვაწეობას, ხოლო საქართველოს კაპიტალი (Georgia Capital PLC) - საინვესტიციო მიმართულებით.


თითოეული ჯგუფის აქციები ცალ-ცალკე განთავსდა ლონდონის საფონდო ბირჟის პრემიუმ სეგმენტში და ერთმანეთისაგან დამოუკიდებლად ივაჭრებს. თითოეულ ჯგუფს დამოუკიდებელი დირექტორთა და სამეთვალყურეო საბჭოები მართავს. შესაბამისად, საინვესტიციო კომპანია სს საქართველოს კაპიტალის (ან მისი ჰოლდინგური კომპანიის Georgia Capital PLC-ის) მიერ განხორციელებული ბიზნეს აქტივობები, მათ შორის ამა თუ იმ კომპანიაში ინვესტირება, არავითარ იურიდიულ და სტრუქტურულ კავშირში არ არის სს საქართველოს ბანკთან. ამავე დროს, საქართველოს ბანკი არ ფლობს ისეთი სახის აქტივებს, რომლებიც კანონმდებლობის შესაბამისად არაპროფილურ აქტივებად შეიძლება იყოს მიჩნეული“. - განგვიცხადეს საქართველოს ბანკში. 


რაც შეეხება თიბისი ბანკის, პასუხის მიღებისთანავე შემოგთავაზებთ. 


 სოფო ქსოვრელი 






ბიძინა ივანიშვილი - უცოდინარი და უვიცია, ვინც მიგვანიშნებს, რომ რუსული ბაზარი აუცილებლად ევროპული და უკრაინული ბაზრით უნდა ჩავანაცვლოთ

ბიძინა ივანიშვილი - უცოდინარი და უვიცია, ვინც მიგვანიშნებს, რომ რუსული ბაზარი აუცილებლად ევროპული და უკრაინული ბაზრით უნდა ჩავანაცვლოთ
access_time2019-07-17 12:55:10
აბსოლუტურად უცოდინარი და უვიცია, ვინც მიგვანიშნებს, რომ რუსული ბაზარი აუცილებლად ევროპული და უკრაინული ბაზრით უნდა ჩავანაცვლოთ, - ამის შესახებ ჟურნალისტებს პარტია “ქართული ოცნების“ თავმჯდომარემ ბიძინა ივანიშვილმა განუცხადა. ივანიშვილის შეფასებით, რუსული ბაზრის დაკეტვისა და ვაჭრობის შეწყვეტის მსურველები ქვეყნის მტრები არიან. “თუ ყურადღებას მიაქცევთ, თვითონ ევროპელები, განვითარებული ევროპული ქვეყნებიც კი, როგორ ცდილობენ რუსულ ბაზარზე...

6 თვეში დასრულებული 42 საქმე, რომლის 80%-ში სახელმწიფო უწყებებმა ბიზნესომბუდსნების პოზიციები გაითვალისწინეს - ირაკლი ლექვინაძის ანგარიში მედიას

 6 თვეში დასრულებული 42 საქმე, რომლის  80%-ში სახელმწიფო უწყებებმა ბიზნესომბუდსნების პოზიციები გაითვალისწინეს - ირაკლი ლექვინაძის ანგარიში მედიას
access_time2019-07-17 11:30:23
ირაკლი ლექვინაძემ მედიას ბიზნესომბუდსმენის აპარატის საქმიანობის სტატისტიკა წარუდგინა. 2019 წლის 6 თვეში ბიზნესომბუდსმენის აპარატში მეწარმეების მომართვის საფუძველზე 171 საქმე დარეგისტრირდა და აპარატმა ბიზნესის ინტერესების მხარდასეჭერად 44 შუამდგომლობა, 29 რეკომენდაცია და 17 სამართლებრივი დასკვნა გააგზავნა. „2019 წლის 6 თვეში 42 საქმეზე დავასრულეთ მუშაობა და საქმეების 80%-ში სახელმწიფო უწყებებმა ჩვენი პოზიციები სრულად ან ნაწილობრივ...

ტერაბანკის ინოვაციური ბოტი მომხმარებლებს პერსონალურ ფინანსურ ასისტენტობას გაუწევს

ტერაბანკის ინოვაციური ბოტი მომხმარებლებს პერსონალურ ფინანსურ ასისტენტობას გაუწევს
access_time2019-07-17 10:45:20
ტერაბანკმა დისტანციური მომსახურების კიდევ ერთი არხი - ინოვაციური ბოტი შექმნა. ტერა ბოტი პირველი ქართული ფინანსური ასისტენტია. იგი მომხმარებლებს არა მარტო ბანკის სერვისებსა და ოპერაციებზე აწვდის ინფორმაციას, არამედ მათ ფინანსების უკეთ განკარგვაში, ხარჯების შეფასებასა და თანხის დაგროვებაშიც ეხმარება.   ტერაბანკის ინოვაციური ბოტი რეალურ ადამიანთან მაქსიმალურად მიახლოებული, ავტომატურად მოსაუბრე პროგრამაა. იგი იღებს და აანალიზებს მომხმარებლის მიერ მიწერილ ქართულენოვან ტექსტურ...

„ბათუმი რივიერა“ - „სილქ როუდ ჯგუფი“ მილიარდიანი მრავალფუნქციური კომპლექსის მშენებლობისთვის ემზადება - (“კომერსანტის“ ექსკლუზიური რენდერები)

„ბათუმი რივიერა“ - „სილქ როუდ ჯგუფი“ მილიარდიანი  მრავალფუნქციური კომპლექსის მშენებლობისთვის ემზადება  - (“კომერსანტის“ ექსკლუზიური რენდერები)
access_time2019-07-17 13:00:03
„ბათუმი რივიერა“ - ასე ეწოდება ახალ მრავალფუნქციურ კომპლექსს, რომლის აშენებასაც  „სილქ როუდ ჯგუფი“ „საქართველოს თანაინვესტირების“ ფონდის მხარდაჭერით ბათუმში გეგმავს. ეს ქალაქის ერთ-ერთი გამორჩეული სივრცე იქნება. ბათუმის...

ბათუმის მერია „რივიერას“ ტერიტორიაზე სილქ როუდ ჯგუფის მრავალფუნქციური კომპლექსის პროექტის განხილვას იწყებს

ბათუმის მერია  „რივიერას“ ტერიტორიაზე სილქ როუდ ჯგუფის  მრავალფუნქციური კომპლექსის პროექტის განხილვას იწყებს
access_time2019-07-16 18:55:01
ბათუმის საკრებულომ ბათუმის მერიას დაავალა ადმინისტრაციული წარმოების დაწყება „რივიერას“ ტერიტორიაზე განაშენიანების რეგულირების გეგმის (გრგ) დამტკიცების შესახებ დადგენილების პროექტის მოსამზადებლად. აღნიშნულ ტერიტორიაზე სილქ როუდ ჯგუფი მრავალფუნქციური კომპლექსის აშენებას გეგმავს, რომელიც 5 მაღალსართულიანი ნაგებობის მშენებლობას გულისხმობს. პროექტის ჯამური ინვესტიცია, დაახლოებით მილიარდი ლარი, მოხმარდება, როგორც მრავალფუნქციური შენობების აშენებას, ასევე თანამედროვე...


მსგავსი სიახლეები

up