კახა ოქრიაშვილი „გაზპრომის“ საკითხზე - იქნებ ჩვენ მოძმე სომხეთს ეს მილი იჯარით მივცეთ ?! თანხა გადაგვიხადონ და თვითონ გადაწყვიტონ რას გაატარებენ და რას არა

კახა ოქრიაშვილი „გაზპრომის“ საკითხზე - იქნებ ჩვენ მოძმე სომხეთს ეს მილი იჯარით მივცეთ ?! თანხა გადაგვიხადონ და თვითონ გადაწყვიტონ რას გაატარებენ და რას არა

access_time2019-06-07 19:05:09

„ქართული ოცნების“ დეპუტატის კახა ოქრიაშვილის მოსაზრებით, შესაძლებელია, საქართველომ სომხეთს იჯარით მისცეს გაზსადენი, რომლითაც საქართველოს გავლით სომხეთს რუსული გაზი მიეწოდება და აქედან სარგებელი მიიღოს. ამის შესახებ ოქრიაშვილმა პარლამენტის დარგობრივი ეკონომიკისა და ეკონომიკური პოლიტიკის კომიტეტის სხდომაზე „გაზპრომთან“ დადებულ ხელშეკრულებაზე საუბრისას განაცხადა.


ოქრიაშვილი დაინტერესდა რამდენად არის შესაბამისობაში საერთაშორისო სტანდარტებთან „გაზპრომთან“ დადებული ხელშეკრულება.


„ჩემთვის ნათელია, რომ ძველი კონტრაქტი იყო უკეთესი, ვიდრე ახალი და ვერ მოხერხდა იმ ძველი კონტრაქტის გაგრძელება. ვიცი, რომ არის საერთაშორისო ტარიფები - ყოველ 100 კილომეტრზე 1000 კუბური მეტრის გაზის გადაადგილება არის დაკავშირებული რაღაც ღირებულებასთან. არის თუ არა დღევანდელი ღირებულება ამ საერთაშორისო სტანდარტებში? ჩვენი დღევანდელი ხელშეკრულება არის თუ არა საერთაშორისო საბაზრო ფასთან ახლოს? გასაგებია, რომ ფინანსურ ნაწილში უარესი კონტრაქტი გვაქვს, მაგრამ აქვე მე დავინახე რაღაც საშუალება, რომ მივიღოთ პოლიტიკურ-ეკონომიკური დივიდენდები. დავსვით თუ არა ჩვენ რუსეთთან საკითხი, რომ იგივე ტარიფით მათ რუსეთის ტერიტორიაზე გამოატარონ თურქმენული გაზი ჩვენ რომ შევისყიდოთ? გვაქვს ამის საშუალება, რომ მომავალში მაინც მოვითხოვოთ? თუ რაღაცაში 3 დოლარს გვიხდიან, იქნებ 3 დოლარად გამოატარონ გაზი და ჩვენ ვიყიდოთ. მეორეც - არის თუ არა ის თანხა საკმარისი, რასაც გვიხდიან ინფრასტრუქტურის შენახვაში? თუ არ არის საკმარისი, იქნებ ჩვენ მოძმე სომხეთს იჯარით მივცეთ ეს მილი, არა რუსეთს, არამედ, სომხეთს, რომელიც ამ მილით სარგებლობს?! გადაგვიხადონ თანხა და თვითონ გადაწყვიტონ რას გაატარებენ და რას არ გაატარებენ“, - განაცხადა ოქრიაშვილმა.



დეპუტატის დასმული კითხვების საპასუხოდ ეკონომიკისა და მდგრადი განვითარების მინისტრმა ნათია თურნავამ განაცხადა, რომ „ტრანზიტის კონტრაქტი, რომლის პირობებსაც გასაგები მიზეზების გამო არ ვასახელებთ, არის ძალიან ახლოს და შესატყვისი არსებული საერთაშორისო პრაქტიკის და ამ თვალსაზრისით ერთ-ერთი კარგი კონტრაქტია“.


„სიტყვაზე უნდა გვენდოთ ამ შემთხვევაში. გვენდეთ და დაინახეთ, როგორ შევასრულეთ ის, რომ ეს არ არის დომინანტი გაზი და მხოლოდ მცირე პროცენტით არის წარმოდგენილი ჩვენ ბაზარზე. რაც შეეხება დივერსიფიკაციას და გაზის სხვა წყაროზე წვდომას, ჩვენ ამაზე ვმუშაობთ. საუბარია თურქმენულ გაზზე. თვითონ თურქმენებსაც აქვთ ინტერესი მიაწვდინონ თავიანთი გაზი ევროპულ ბაზარებს. აქედან გამომდინარე ვავითარებთ მათ შორის, ერთ-ერთ პროექტს, რომელშიც ჩვენც ვართ ჩართულები - ეს არის ტრანსკასპიური მილსადენი, ამის გაგრძელებაა შაჰდენიზი, TANAP-ი და TAP-ი. ამ მიმართულებით არის მნიშვნელოვანი ნაბიჯები გადადგმული და საქართველო სხვა სატრაზიტო სახელმწიფოებთან ერთად აზერბაიჯანთან ერთად ჩართულია ამ პროექტის განვითარებაში“, - აღნიშნა თურნავამ.





„რატომ არის კვება ორგანიზმისთვის უმნიშვნელოვანესი ფაქტორი ვირუსულ პერიოდში?“

„რატომ არის კვება ორგანიზმისთვის უმნიშვნელოვანესი ფაქტორი ვირუსულ პერიოდში?“
access_time2020-11-24 16:25:46
მწვავე პანდემიურ პერიოდში აუცილებელია ვიზრუნოთ პატარების იმუნიტეტისა და ორგანიზმის მოძლიერებაზე. ბავშვებისთვის ვიტამინებისა და...

24 ნოემბერი - რეგიონში ქართული ლარი და თურქული ლირა გაუფასურდა

24 ნოემბერი - რეგიონში ქართული ლარი და თურქული ლირა გაუფასურდა
access_time2020-11-24 18:15:33
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 24 ნოემბრის ვაჭრობის შედეგად, ეროვნული ვალუტა აშშ დოლართან მიმართებით გაუფასურდა, რის შედეგადაც ერთი დოლარის ოფიციალური ღირებულება 3.3193 ლარი...

დღის Top 10 საინტერესო ამბავი

დღის Top 10 საინტერესო ამბავი
access_time2020-11-24 21:00:28
დღის Top 10 საინტერესო ამბავი: 1.„პოლიტიკური სტაბილურობა და დემოკრატიული გარემო ინვესტორისთვის პრიორიტეტია და მხოლოდ მთავრობის ბენეფიტების გამო არ შემოვა“ ევროპული ბიზნეს ასოციაციის (EBA) თანადამფუძნებელი მარიამ ქუჩულორია „კომერსანტთან“ საუბრისას ამბობს, რომ...

როგორ მოვამზადოთ ბიზნესი ან მაღაზია მოსალოდნელი „კარანტინისთვის“?

როგორ მოვამზადოთ ბიზნესი ან მაღაზია მოსალოდნელი „კარანტინისთვის“?
access_time2020-11-24 14:40:04
პანდემიის მეორე ტალღა პირველთან შედარებით გაცილებით მძიმე ჩანს. ინფიცირებულთა მაჩვენებელი ყოველდღიურად მატულობს და ახალ ანტირეკორდებს ხსნის, რაც ზოგად მდგომარეობას საკმაოდ...

„რაში იხარჯება ჩვენი ფული? ქართული ფეხბურთის პრიორიტეტები სასწრაფოდ უნდა შეიცვალოს!“

„რაში იხარჯება ჩვენი ფული? ქართული ფეხბურთის პრიორიტეტები სასწრაფოდ უნდა შეიცვალოს!“
access_time2020-11-24 17:30:23
ვაგრძელებთ წერილების ციკლს, რომელსაც ერთადერთი მიზანი აქვს - ერთი პატარა აგური მაინც დაიდოს ქართული ფეხბურთის უკეთესი მომავლის საქმეში. თქვენს წინაშეა მორიგი წერილი, რომელიც, ალბათ, ბევრს გაანაწყენებს კიდეც, მაგრამ თავს იმთავითვე იმით დავიმშვიდებ, რომ ქართული ფეხბურთის დღევანდელი მდგომარეობის გათვალისწინებით აღარავის ფერების დრო აღარ არის... ...დიახ, აღარ არის, რადგან თუ ბევრი რამ არ შევცვალეთ, თავზე დაგვემხობა ყველაფერი და ვერც დიდ საფეხბურთო ფორუმზე ვითამაშებთ იმის...


მსგავსი სიახლეები

up