კახა კუჭავა - დარწმუნებული ვარ, სამართალდამცავი ორგანოები არიან მოწოდების სიმაღლეზე და შეძლებენ, მშვიდობიან ფორმატში ჩატარდეს დღევანდელი აქცია

კახა კუჭავა - დარწმუნებული ვარ, სამართალდამცავი ორგანოები არიან მოწოდების სიმაღლეზე და შეძლებენ, მშვიდობიან ფორმატში ჩატარდეს დღევანდელი აქცია

access_time2021-10-14 15:50:00

საქართველოს პარლამენტის თავმჯდომარის კახა კუჭავას განცხადებით, სამართალდამცავი ორგანოები არიან მოწოდების სიმაღლეზე და ისინი შეძლებენ, მშვიდობიან ფორმატში ჩატარდეს დღევანდელი აქცია.


კახა კუჭავამ უპასუხა ჟურნალისტის კითხვას: „რას ფიქრობთ დღევანდელ აქციასთან დაკავშირებით, „ქართული ოცნების“ წარმომადგენლები ცოცხებით ხვდებიან აქციის მონაწილეებს. ხომ არ იგეგმება რაიმე პროვოკაცია ან დარბევა“.


„არანაირი დარბევა, სიტყვაც არ გამოიყენოთ, არც იგეგმება და ვერ იქნება ფიზიკურად, რადგან დარწმუნებული ვარ, სამართალდამცავი ორგანოები არიან მოწოდების სიმაღლეზე და ისინი შეძლებენ, ნებისმიერი სახის მშვიდობიან ფორმატში ჩატარდეს აქცია და მიეცეთ საშუალება, თავიანთი ნება გამოავლინონ“, – აღნიშნა კახა კუჭავამ.


რაც შეეხება კითხვას პრემიერის იმ განცხადებასთან დაკავშირებით, სადაც ირაკლი ღარიბაშვილი აღნიშნავს, რომ „მიხეილ სააკაშვილი ჩამოვიდა საქართველოში, რათა მოეხდინა დესტაბილიზაცია, მათ შორის მკვლელობების განხორციელებაც“, – კუჭავას თქმით, აღნიშნული კომენტარი არ მოუსმენია და ამაზე ვერ ისაუბრებს.


„მე არ მომისმენია, რა კომენტარზეა საუბარი, ამიტომ კომენტარზე კომენტარს ვერ გავაკეთებ, თუმცა მე პირადად არანაირი მსგავსი ინფორმაცია არ მაქვს“, – განაცხადა კუჭავამ.



ამასთან, კახა კუჭავას თქმით, აუცილებელია, არა მხოლოდ მიხეილ სააკაშვილის, თითოეული პატიმრის ჯანმრთელობაზე იზრუნოს შესაბამისმა უწყებამ, იქნება ეს პენიტენციური დაწესებულება, თუ ჯანდაცვის სამინისტრო.


„თუ უფრო დიდი და საზოგადოებრივად მაღალი ინტერესის მატარებელია ამა თუ იმ პატიმრის ჯანმრთელობა, ჩაერთოს ყველა ის ბერკეტი, ის დაინტერესსებული მხარე, ვისაც ამის სურვილი აქვს, იქნება ეს სახალხო დამცველი, თუ დეპუტატები, მათ შეუძლიათ და ვიცი, რომ ეს ფორმატი შეიქმნა კიდეც, მიაწოდონ ინფორმაცია ჯანმრთელობასთან დაკავშირებით“, – განაცხადა კახა კუჭავამ.


რაც შეეხება კითხვას: „სასულიერო პირები აქტიურად საუბრობენ დიდ, ეროვნულ შერიგებაზე, იზიარებთ თუ არა მათ მოსაზრებებს და საჭიროა თუ არა, თუნდაც პოლიტიკური სპექტრიდან დაიწყოს ეროვნული შერიგება“, – კუჭავას შეფასებით, ეს საჭირო და აუცილებელიც არის.


„ვისურვებდი, რომ თუნდაც დღევანდელ დღეს, სვეტიცხოვლობას, რომელიც არის ძალიან მნიშვნელოვანი დღესასწაული თითოეული ქართველისთვის, ყველა ჩავფიქრდეთ, რამდენად სასიცოცხლოდ საჭიროა ჩვენი ქვეყნისთვის ერთიანობა, ერთმანეთის გვერდში დგომა. ვისურვებდი, რომ ეს არა მხოლოდ ჩანაფიქრი იყოს, არამედ კონკრეტული ნაბიჯები გადაიდგას. რა თქმა უნდა, მე ვისურვებდი, რომ თუნდაც პარლამენტი იყოს ერთ-ერთი პირველი მაგალითის მიმცემი, თუ როგორ შევძლებთ ჩვენ თანამშრომლობას ქვეყნის საერთო ინტერესებიდან გამომდინარე“, – აღნიშნა კახა კუჭავამ და დასძინა, რომ პარლამენტის ფორმატში ამ მიმართულებით ძალიან საინტერესო ინიციატივები იქნება.


„არჩევნების მეორე ტურიც დასრულდება, საბოლოო შედეგებიც იქნება, ყველა შევუდგებით მუშაობას და შემიძლია, გითხრათ, პარლამენტის ფორმატში იხილავთ ძალიან საინტერესო ინიციატივებს, რომელიც ზუსტად ამისთვის იქნება გადადგმული“, – განაცხადა კახა კუჭავამ.



1tv.ge






ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო

ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო
access_time2021-10-21 11:55:49
ტერაბანკმა მცირე და საშუალო ბიზნესის დაფინანსებისთვის ევროპის საინვესტიციო ბანკისგან 6 მილიონი ევრო მიიღო. თანხა მთლიანად ამ სეგმენტის გაჯანსაღებასა და განვითარებას, COVID-19-ის პანდემიით გამოწვეული ზიანის შემცირებასა და სწრაფ რეაბილიტაციას მოხმარდება.   სესხი ევროპის საინვესტიციო ბანკის მცირე და საშუალო ბიზნესის განვითარების ინიციატივის ნაწილია, რომელიც საქართველოში ამ სეგმენტისთვის დაფინანსების ხელმისაწვდომობისა და ადგილობრივი საბანკო სექტორის...

თბილისში ამერიკული ჰოსპიტალი გაიხსნა

თბილისში ამერიკული ჰოსპიტალი გაიხსნა
access_time2021-10-21 15:00:35
American Intercontinental Healthcare Group-ის ოპერატორობით თბილისში მრავალპროფილური სამედიცინო ცენტრი „ამერიკული ჰოსპიტალი თბილისი“ გაიხსნა, რომელიიც აშშ-ის საერთაშორისო განვითარების საფინანსო კორპორაციის მხარდაჭერით საქართველოს სახელმწიფოს ინტერესებით შეიქმნა. პროექტის განხორციელებისთვის გაწეული პირდაპირი ინვესტიცია 50 მილიონ აშშ დოლარს აღემატება.    ჯანდაცვის სექტორისთვის სტრატეგიული ობიექტი წარმოდგენილია 183 საწოლით და სხვადასხვა მიმართულების განყოფილებით, რომელიც...

„კრისტალმა“ ბიზნეს პროცესების მართვის ახალი სისტემა დანერგა

„კრისტალმა“ ბიზნეს პროცესების მართვის ახალი სისტემა დანერგა
access_time2021-10-21 09:55:18
ფინანსური ჩართულობის ორგანიზაცია „კრისტალი“ ციფრული ტრანსფორმაციისკენ მნიშვნელოვანი ნაბიჯების გადადგმას აგრძელებს. სწორედ ამ სტრატეგიის ნაწილს წარმოადგენს ძირითადი ბიზნეს პროცესების მართვის ახალი სისტემა - „ალტას“ პროგრამული უზრუნველყოფა, რომლის დანერგვაც კომპანიამ წარმატებით დაასრულა. „ალტას“ პროგრამული უზრუნველყოფა, რომლითაც მანამდე არსებული ძირითადი ბიზნესპროცესების მართვის სისტემა ჩანაცვლდა, გაცილებით მოქნილი და საბანკო სფეროში აპრობირებულია...

დღის TOP10 საინტერესო ამბავი

დღის TOP10 საინტერესო ამბავი
access_time2021-10-20 21:00:05
დღის TOP10 საინტერესო ამბავი:     1. ინტერნეტ–გადახდების რაოდენობა 100%-ით გაიზარდა - როგორ შეცვალა პანდემიამ მომხმარებლის ქცევა კოვიდ პანდემიის ფონზე საბარათე ოპერაციებისა და ბარათით გადახდების მაჩვენებლები რადიკალურად შეიცვალა, რადგან პანდემიის დასაწყისში ვირუსის შემანელებელ ერთ-ერთ ფაქტორად...

აფხაზეთში მაინერების ამოღება ელექტროენერგიის მოხმარებას 5-7%-ით შეამცირებს

აფხაზეთში მაინერების ამოღება ელექტროენერგიის მოხმარებას 5-7%-ით შეამცირებს
access_time2021-10-20 19:00:27
ბოლო 2-3 წელია, აფხაზეთის დე-ფაქტო მთავრობა კრიპტოვალუტის მაინინგს ებრძვის და რამდენიმე ათასი ერთეულის ამოღება ოფიციალურადაც დაადასტურა. თუმცა ქართველი ენერგეტიკოსები ამ პროცესის მიმართ უნდობლობას აშკარად ამჟღავნებენ. ენერგეტიკოს გია არაბიძეს აღსრულების მექანიზმი სუსტი ეჩვენება. თუმცა ოკუპირებულ რეგიონში მაინინგის ამოღების ფაქტების საფუძველზე ასკვნის, რომ აფხაზეთს შესაძლებლობა აქვს ენერგომოხმარება 5-7%-ის ფარგლებში შეამციროს. ,,მაინინგს აფხაზეთი ებრძვის...


მსგავსი სიახლეები

up