კახა კიკნაველიძე: სესხის გაცემისას ბანკი დაეყრდნობა ფაქტობრივ მონაცემებს და ფიზიკური პირების საკრედიტო ისტორიას

კახა კიკნაველიძე: სესხის გაცემისას ბანკი დაეყრდნობა ფაქტობრივ მონაცემებს და ფიზიკური პირების საკრედიტო ისტორიას

access_time2018-08-22 11:30:10

იმ მომხმარებლებს, რომლებიც კომერციულ ბანკებთან სასესხო ხელშეკრულების დარღვევის გამო „კრედიტ-ინფოს“ შავ სიაში მოხვდნენ და კრედიტებზე წვდომა შეეზღუდათ 1 სექტემბრიდან „ნეგატიური სტატუსი“ გაუუქმდებათ.


როგორ აფასებენ კომერციული ბანკები საკანონმდებლო ცვლილებას და შეარბილებენ თუ არა „შავ სიაში“ მყოფი მოვალეებისთვის დაკრედიტების პოლიტიკას? ამ საკითხზე „კომერსანტმა“ კითხვით კომერციულ ბანკებს მიმართა.


„საქართველოს ბანკის“ გენერალური დირექტორის კახა კიკნაველიძის ინფორმაციით, საკრედიტო-საინფორმაციო ბიურო არ უქმდება. ის ეროვნული ბანკის ზედამხედველობის ქვეშ გადადის. სხვადასხვა დაგეგმილ ცვლილებებთან ერთად, იგეგმება საკრედიტო ისტორიის წარმოების წესის შეცვლა და ე.წ. „ნეგატიური სტატუსის“ გაუქმება:


„როგორც წესი, ბანკები საკრედიტო გადაწყვეტილების მიღებისას ბევრ ფაქტობრივ და შეფასებით მონაცემს ეყრდნობიან, მათ შორის ერთ-ერთი არის საკრედიტო სტატუსი. დაგეგმილი ცვლილებები, მათ შორის ე.წ. ნეგატიური სტატუსის გაუქმება ნიშნავს იმას, რომ მომავალი გადაწყვეტილებების მიღებისას, ბანკი კიდევ უფრო მეტად დაეყრდნობა ფაქტობრივ მონაცემებს. ყოველივე კი, ვფიქრობ, ზოგადად ხელს შეუწყობს, ნეგატიური სტატუსის მქონე ფიზიკური პირებისთვის საბანკო პროდუქტებზე წვდომას. ამასთან, მნიშვნელოვანია აღინიშნოს, რომ საკრედიტო სტატუსი არის მხოლოდ ერთი მონაცემი და ფიზიკური პირების საკრედიტო ისტორიას კვლავ დიდი ყურადღება მიექცევა. აღნიშნული ცვლილებები არ გაზრდის ბანკის მხრიდან რისკებს. რადგან, დაკრედიტების საბოლოო გადაწყვეტილება მაინც ბანკის პრეროგატივად რჩება და შიდა რისკების მართვის პოლიტიკაზე იქნება დამოკიდებული,“ — განაცხადა „საქართველოს ბანკის“ გენერალურმა დირექტორმა, კახა კიკნაველიძემ.



მიმდინარე წლის 1 სექტემბრიდან საკრედიტო-საინფორმაციო ბიურო „კრედიტ-ინფო“ ეროვნული ბანკის ზედამხედველობის ქვეშ გადადის. იცვლება საკრედიტო ისტორიის წარმოების წესი და უქმდება ე.წ. ნეგატიური სტატუსი, ანუ შავი სია აღარ იარსებებს. საფინანსო ორგანიზაციები სესხის გაცემისას მხოლოდ მომხმარებლის ფაქტობრივ მონაცემებს დაეყრდნობიან.


ბოლო სტატისტიკით, „კრედიტ-ინფოს“ შავ სიაში დაახლობით 650 ათასი მოქალაქეა.


„მოქალაქეების საკითხზე, რომლებიც ბანკების ე.წ. შავ სიაში არიან და ამის გამო ეკონომიკურ საქმიანობაში ვერ ერთვებიან, მუშაობა აქტიურად მიმდინარეობს, – ამის შესახებ პრემიერ მინისტრმა, მამუკა ბახტაძემ გასულ კვირას მთავრობის სხდომის დაწყებამდე, ბრიფინგზე განაცხადა.


საბანკო სექტორის რეგულაციები 2018 წლის 1 მაისიდან გამკაცრდა, კერძოდ ბანკებს მსესხებლის გადამხდელუნარიანობის სრულფასოვანი ანალიზის ჩატარება დაევალათ: ცვლილების მიხედვით, მომხმარებლის გადამხდელუნარიანობის სრულფასოვანი ანალიზისთვის საჭიროა მან ბანკში წარადგინოს საბანკო ანგარიშიდან სახელფასო ამონაწერი, შემოსავლების სამსახურიდან ცნობა და სხვა მსგავსი სანდოობის დოკუმენტაცია, ასევე კომერციულ ბანკებში კრედიტის კონცენტრაციისა და მსხვლი რისკების შესახებ” ცვლილებებით, ბანკი შესაძენი ბინის შეფასებული ღირებულების 50%— ზე მეტს ვეღარ გასცემს მხოლოდ იმ შემთხვევაში, თუ მსესხებლის გადამხდელუნარიანობის სრულყოფილი ანალიზი არ ჩაატარა.


ეროვნულ ბანკში რეგულაციების შემოღებას მომხმარებელთა ინტერესების დაცვისა და კომერციულ ბანკებში ჯანსაღი საკრედიტო პორტფელის ხელშეწყობით ხსნიან. სებ— ში მიაჩნიათ, რომ შემოსავლის დადასტურების გარეშე სესხების გაცემის შეზღუდვა საბანკო სექტორში საკრედიტო სტანდარტებს გააუმჯობესებს და სოციალური პასუხისმგებლობის მქონე საკრედიტო ურთიერთობებს წაახალისებს. „კრედიტ ინფოს“ სებ-ის რეგულაციის ქვეშ მოქცევაც იმ საკანონმდებლო პაკეტის ნაწილია, რომელიც მომხმარებელთა უფლებების დაცვას გულისხმობს.


ნინო ნატროშვილი




შსს "საქართველოს ბანკის" ყაჩაღობის ფაქტთან დაკავშირებით განცხადებას აქვეყნებს

შსს
access_time2020-10-25 15:04:22
გვსურს, საზოგადოებას მივაწოდოთ დამატებითი ინფორმაცია ზუგდიდში, 21 ოქტომბერს მომხდარ, "საქართველოს ბანკის" ყაჩაღობის ფაქტთან დაკავშირებით მიმდინარე გამოძიების...

საქართველოში კორონავირუსი კიდევ 1 928 ადამიანს დაუდასტურდა

საქართველოში კორონავირუსი კიდევ 1 928 ადამიანს დაუდასტურდა
access_time2020-10-25 12:48:31
ამ დროისთვის საქართველოში კორონავირუსის 28 431 შემთხვევაა დადასტურებული, გამოჯანმრთელებულთა საერთო რაოდენობაა 10 767, გარდაიცვალა 201 პაციენტი.   კარანტინის რეჟიმში 4 112 ადამიანი რჩება, სტაციონარში მეთვალყურეობის ქვეშ - 3 766, კოვიდ-სასტუმროში - 2 268, უცხოეთიდან სამკურნალოდ გადმოყვანილია საქართველოს 41 მოქალაქე.   ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31...

აშშ-ში პრემიუმ კლასის ღვინოების დახლზე ქართული ღვინო „მტევინო“ გაიყიდება

აშშ-ში პრემიუმ კლასის ღვინოების დახლზე ქართული ღვინო „მტევინო“ გაიყიდება
access_time2020-10-24 18:00:14
აშშ-ში პრემიუმ კლასის ღვინოების დახლზე ქართული ღვინო „მტევინო“ გამოჩნდება. კომპანიამ ექსპორტთან დაკავშირებული მოლაპარაკებები აშშ-სთან წარმატებით დაასრულა. ექსკლუზიური ხელშეკრულება ამერიკელ იმპორტიორებთან უკვე გაფორმებულია და სულ მალე, ამერიკელი მომხმარებელი ოთხი სახეობის  ქართულ ღვინოს დააგემოვნებს. მტევინოს გენერალური დირექტორის ლელა კობიაშვილის თქმით, ეს ღვინოებია: მტევინო რქაწითელი, ხაშმის საფერავი, მტევინოს მუკუზანი და ხაშმის საფერავი...

საქართველოში, ბოლო 24 საათში, კორონავირუსის 1941 ახალი შემთხვევა დაფიქსირდა

საქართველოში, ბოლო 24 საათში, კორონავირუსის 1941 ახალი შემთხვევა დაფიქსირდა
access_time2020-10-24 11:19:45
საქართველოში, ბოლო 24 საათში, კორონავირუსის 1941 ახალი შემთხვევა დაფიქსირდა. ამის შესახებ ინფორმაციას მთავრობის მიერ შექმნილი ვებ გვერდი stopcov.ge ავრცელებს. ამ დროისთვის საქართველოში კორონავირუსის 26 503 შემთხვევაა დადასტურებული. გამოჯანმრთელდა კიდევ 412 პაციენტი, გამოჯანმრთელებულთა საერთო რაოდენობაა 10 163. კორონავირუსის შედეგად, ქვეყანაში ბოლო 24 საათში ათი პაციენტი გარდაიცვალა. გარდაცვლილთა რაოდენობა ჯამში 193-ს...

ბიუჯეტის შემოსავალი დღგ-დან წლიურად 295 მილიონითაა შემცირებული

ბიუჯეტის შემოსავალი დღგ-დან წლიურად 295 მილიონითაა შემცირებული
access_time2020-10-24 19:55:29
2020 წლის ბიუჯეტის 9 თვის შესრულების ანგარიშიდან ირკვევა, რომ კერძო სექტორის მიერ გადახდილი დამატებული ღირებულების გადასახადის მოცულობა 2.79 მილიარდ ლარს შეადგენს, რაც მართალია 2020 წლის კორექტირებული ბიუჯეტის გეგმის 106%-ია, თუმცა 2019 წლის მაჩვენებელთან შედარებით 294.6 მილიონი ლარით არის შეცმირებული. 2020 წლის 12 თვეში დღგ-ის გეგმა 3.74 მილიარდ ლარს შეადგენს. შედარებისთვის, ეს თანხა 2019 წელს მობილიზებულ 4.04 მილიარდ ლართან მიმართებით 300 მილიონი ლარით ნაკლებია. დღგ-ის...


მსგავსი სიახლეები

up