კახა კალაძემ მელიქიშვილის გამზირზე მიმდინარე სარეაბილიტაციო სამუშაოები დაათვალიერა

კახა კალაძემ მელიქიშვილის გამზირზე მიმდინარე სარეაბილიტაციო სამუშაოები დაათვალიერა

access_time2022-08-12 16:50:00

თბილისის მერმა კახა კალაძემ მელიქიშვილის გამზირზე მიმდინარე სარეაბილიტაციო სამუშაოები დაათვალიერა. შესაბამისი ვიდეოჩართვა დედაქალაქის მერმა სოციალურ ქსელში განათავსა. ინფორმაციას თბილისის მერიის პრესსამსახური ავრცელებს.


დედაქალაქის მერის თქმით, პირველ ეტაპზე, იცვლება მიწისქვეშა კომუნიკაციები, რაც უმძიმეს მდგომარეობაში იყო.


„ჩვენი მიდგომაა, ყველგან, სადაც სარეაბილიტაციო სამუშაოებს ვიწყებთ, პირველ რიგში, გვინდა მიწისქვეშა კომუნიკაციების ცვლილება. ზოგადად, მთელი თბილისის მასშტაბით არ გვაქვს სახარბიელო მდგომარეობა ამ მხრივ. გვინდა, ეტაპობრივად ყველაფერი მოწესრიგებული და განახლებული იყოს და არ შემოვიფარგლოთ მხოლოდ საგზაო ინფრასტრუქტურით. ეს, რა თქმა უნდა, უფრო შრომატევადი სამუშაოა, მეტი დისკომფორტია, მეტი დრო მიაქვს, მაგრამ სხვანაირად შეუძლებელია. ყველა დამეთანხმება იმაში, რომ ამ სამუშაოების გარეშე ვერ ჩავატარებთ ქუჩების განახლებას. ეს იქნება ფასადური და დროებითი. ჩვენ კი გვინდა, ძირეულად მოვაწესრიგოთ ქუჩები და გამზირები არსებული რეაბილიტაციის ფარგლებში“, - განაცხადა კახა კალაძემ.


ადგილზე თბილისის მერთან ერთად, იმყოფებოდა მერის მოადგილე ირაკლი ბენდელიანი, რომლის განმარტებით, ამ ეტაპზე, კომპანია „ჯორჯიან უოთერ ენდ ფაუერი“ თბილისის საკონცერტო დარბაზის წინ წყალარინების 1 000 მმ-იან ქსელს აწყობს. მისივე თქმით, სამუშაოები საკმაოდ მასშტაბურია.


„მიუხედავად იმისა, რომ ვარაზისხევიდან, დაახლოებით, 800 მეტრი მონაკვეთია, სადაც სამუშაოები მიმდინარეობს, მთლიანობაში მოწყო 5 კმ-მდე ქსელი, რაც იმას ნიშნავს, რომ თითო კომუნიკაცია, მაგალითად წყალი, წყალარინების ქსელი ქუჩის ორივე მხარეს გადის. მიწისქვეშა კომუნიკაციების სამუშაოები უკვე დასასრულისკენ მიდის. 1 000 მმ-იანი ქსელის მოწყობა ჭოველიძის ქუჩიდან თბილისის საკონცერტო დარბაზამდე დასრულდება და დაიწყება საასფალტე სამუშაოები“, - განაცხადა ირაკლი ბენდელიანმა.



გარდა ამისა, მისივე თქმით, საფუძვლიანად უნდა მოწესრიგდეს თბილისის საკონცერტო დარბაზის წინ მდებარე მიწისქვეშა გადასასვლელი, სადაც უხვი ნალექის დროს წყალი ჩადის.


ამასთან, მერის მოადგილის განმარტებით, სამუშაოები მიმდინარეობს ტროტუარებზეც, ხოლო ელექტროსადენები მიწისქვეშ განთავსდება.


„როგორც აღვნიშნე, წყლის, წყალარინების, გაზმომარაგების, სანიაღვრე ქსელის სამუსაოები დასასრულს უახლოვდება და უახლოეს მომავალში დაიწყება უშუალოდ საგზაო ნაწილის სამუშაოები“, - განაცხადა ირაკლი ბენდელიანმა.


როგორც კახა კალაძემ ვიდეომიმართვაში აღნიშნა, მიწისქვეშა კომუნიკაციების მოწესრიგების სამუშაოების დასრულების შემდეგ, რეაბილიტაცია დაიწყება თბილისის საკონცერტო დარბაზის წინ მდებარე იმ საგზაო მონაკვეთზე, რომელზეც ამჟამად ავტომობილებები გადაადგილდებიან.


მისივე თქმით, პროექტი ძალიან მასშტაბურია და მოიცავს ახალი ფილების დაგებას, ლედ სანათების დამონტჟებასა და გამწვანების სამუშაოების ჩატარებას.







საქართველოს„მთავრობა მაქსიმალურად გვერდში უდგას და მაქსიმალურად ვეხმარებით ბიზნესს“

საქართველოს„მთავრობა მაქსიმალურად გვერდში უდგას და მაქსიმალურად ვეხმარებით ბიზნესს“
access_time2022-10-04 18:21:22
ჩემი მთავარი გზავნილი იყო და არის შემდეგი, რომ საქართველოს მთავრობა მაქსიმალურად გვერდში უდგას ბიზნესს, ჩვენ მაქსიმალურად ვეხმარებით ბიზნესს. ბიზნესი არის აბსოლუტურად თავისუფალი, - ამის შესახებ საქართველოს პრემიერ-მინისტრმა ირაკლი ღარიბაშვილმა ჟურნალისტებს განუცხადა. როგორც მთავრობის მეთაურმა აღნიშნა, მას შემდეგ, რაც მთავრობამ დაიწყო აქტიური მუშაობა და პანდემიის შემდეგ ქვეყანა გაიხსენა, ბიზნესმა დაიჯერა მთავრობის პოლიტიკის, შარშან ქვეყანამ მიიღო ორნიშნა...

„ევროპაში ჩვენგან განსხვავებით არის რეცესია, ჩვენ გვაქვს ორნიშნა ეკონომიკური ზრდა, რომელიც აბალანსებს გამოწვევას, რომელიც უკავშირდება ინფლაციას“

„ევროპაში ჩვენგან განსხვავებით არის რეცესია, ჩვენ გვაქვს ორნიშნა ეკონომიკური ზრდა, რომელიც აბალანსებს გამოწვევას, რომელიც უკავშირდება ინფლაციას“
access_time2022-10-04 18:25:38
ევროპაში ჩვენგან განსხვავებით არის რეცესია, ჩვენ გვაქვს ორნიშნა ეკონომიკური ზრდა, რომელიც აბალანსებს გამოწვევას, რომელიც უკავშირდება ინფლაციას, - ამის შესახებ ქვეყნის პრემიერ-მინისტრმა ბიზნესთან შეხვედრის შემდეგ, ჟურნალისტების კითხვის პასუხად განაცხადა. ირაკლი ღარიბაშვილის თქმით, ევროპის ზოგიერთ ქვეყანაში ინფლაცია 20%-საც კი ასცდა. „ინფლაცია არის მთელი მსოფლიოსთვის გამოწვევა. ეს გამოიწვია პირველ რიგში, პანდემიამ, მაშინ მკაცრი ლოქდაუნი იყო თითქმის მთელ მსოფლიოში. ამას...

საქართველოში 116 ტელევიზია მაუწყებლობს

საქართველოში 116 ტელევიზია მაუწყებლობს
access_time2022-10-04 18:15:26
არასამთავრობო ორგანიზაცია საერთაშორისო გამჭვირვალობა-საქართველომ სატელევიზიო სარეკლამო ბაზრების შესახებ ანგარიში გამოაქვეყნა. დოკუმენტში მიმოხილულია ქართული სატელევიზიო ბაზარი და ტელევიზიების შემოსავლები. ანგარიშის მიხედვით 2021 წლის მდგომარეობით საქართველოში სულ  116 ტელევიზია მაუწყებლობს.  სარეკლამო შემოსავლების მხრივ 5 ყველაზე შემოსავლიან ტელევიზიას მთლიანი სარეკლამო ბაზრის 81% უჭირავს. ესენია: იმედი ჰოლდინგი,...

ლარის კურსი დოლართან 0.78 თეთრით გამყარდა, ევროსთან კი 2.72 თეთრით გაუფასურდა

ლარის კურსი დოლართან 0.78 თეთრით გამყარდა, ევროსთან კი 2.72 თეთრით გაუფასურდა
access_time2022-10-04 17:00:26
4 ოქტომბერის ვაჭრობის შედეგად, საქართველოს ეროვნული ვალუტა აშშ დოლართან მიმართებით 0.78 თეთრით გამყარდა, შედეგად ერთი დოლარის ოფიციალური ღირებულება 2.8150 ლარი გახდა. სებ-ის ცნობით, ეროვნული ვალუტა ევროსთან მიმართებით 2.72 თეთრით გაუფასურდა, შედეგად ერთი ევროს ოფიციალური ღირებულება 2.7860 ლარი გახდა. Bloomberg-ის სავაჭრო სისტემაში კი ლარით და რეგიონალური ვალუტებით ვაჭრობა დღის განმავლობაში მცირედი ცვლილებებით გამოირჩეოდა. ქართული ლარის კურსი Bloomberg-ზე კი დილიდან...

საქართველომ ელექტროენერგიის იმპორტი დაიწყო

საქართველომ ელექტროენერგიის იმპორტი დაიწყო
access_time2022-10-04 18:30:21
ზამთრის მოახლოებასთან და ტემპერატურის ცვლილებასთან ერთად საქართველომ ელექტროენერგიის იმპორტი დაიწყო, ხოლო ექსპორტი მინიმუმამდე დაიყვანა. როგორც „კომერსანტს“ ენერგეტიკისა და წყალმომარაგების ეროვნული კომისიის თავმჯდომარემ დავით ნარმანიამ განუცხადა, საქართველომ სექტემბრიდან ელექტროენერგიის იმპორტი დაიწყო. ნარმანიას თქმით, საქართველოს ელექტროენერგია აზერბაიჯანიდან შემოაქვს, ხოლო გასულ თვეში ექსპორტს, ისიც მცირე რაოდენობით სომხეთში...


მსგავსი სიახლეები

up