კახა კალაძე: ვისურვებდი ჩვენი ქვეყნის ინტერესებისთვის გაერთიანება  შეგვძლებოდეს, მიუხედავად განსხვავებული პოლიტიკური შეხედულებებისა

კახა კალაძე: ვისურვებდი ჩვენი ქვეყნის ინტერესებისთვის გაერთიანება შეგვძლებოდეს, მიუხედავად განსხვავებული პოლიტიკური შეხედულებებისა

access_time2020-12-25 22:00:00

„ჩემი, როგორც მერის ამოცანაა, თბილისი იყოს მწვანე, მოწესრიგებული ტრანსპორტით, უკეთესი სოციალური დაცვის მექანიზმებით, ძლიერი ეკონომიკით, მოწესრიგებული განაშენიანებით, კომფორტული და სიცოცხლით სავსე ქალაქი“, - ამის შესახებ დედაქალაქის მერმა საკრებულოში სიტყვით გამოსვლისას განაცხადა. ინფორმაციას თბილისის მერია ავრცელებს.



კახა კალაძემ მოსახლეობას დამდეგი შობა-ახალი წელი მიულოცა და აღნიშნა, რომ მისთვის ძალიან დიდი სტიმულია ადამიანების განწყობა და დამოკიდებულება.



„მერწმუნეთ ეს მხოლოდ ჩემი, როგორ მერის ამოცანა არ არის, ეს პირადი ამბიცია და მიზანიც გახლავთ, რომ თბილისი ბევრად უკეთესი იყოს, ვიდრე წინა წლებში, რათა ჩვენს მომავალ თაობებს კომფორტული, ევროპული ტიპის, ისტორიით, ტრადიციებით, სიმწვანითა და სიცოცხლით სავსე ქალაქი დავუტოვოთ. თბილისმა, პირადად მე ძალიან ბევრი რამ მომცა. დაწყებული ადამიანებით, დამთავრებული იმ ემოციებითა და ურთიერთობებით, რაც ზრდასრულ ადამიანებად გვაყალიბებს, ადამიანებად, რომლებიც ერთმანეთზე, საკუთარ ქუჩაზე, უბანზე, ქალაქზე ვართ პასუხისმგებლები. ძალიან ამაყი ვარ, რომ მომიწია ჩემი ქვეყნა მსოფლიო ასპარეზზე მესახელებინა. გამეტანა საქართველოს სახელი საზღვრებს გარეთ. ახლა კი, მაქვს პატივი ჩემს ქალაქსა და მოქალაქეებს ვემსახურო ჩემს გუნდთან ერთად, იმ ადამიანებთან ერთად ვინც ყოველდღიურად შრომობთ, ენერგიას არ ზოგავთ ამ ქალაქის, აქ მცხოვრები ადამიანებისთვის აკეთებთ მაქსიმუმს. ის განწყობა და დამოკიდებულება, რასაც ჩვენ ვგრძნობთ ყოველდღიურად თბილისებლების მხრიდან, არის ძალიან დიდი სტიმული და გვაძლევს დამატებით ენერგიას, 24 საათის განმავლობაში ვემსახუროთ თბილისსა და თბილისელებს“, - განაცხადა კახა კალაძემ.



დედაქალაქის მერმა სიტყვით გამოსვლისას ქვეყანაში არსებულ პოლიტიკურ ვითარებაზეც გაამახვილა ყურადღება და აღნიშნა, რომ ოპოზიციის მხრიდან გადადგმული უპასუხისმგებლო ნაბიჯები, არა რომელიმე კონკრეტულ პარტიას, არამედ სახელმწიფოს აზიანებს.




„გვერდს ვერ ავუვლით იმ ვითარებას, რაც პოლიტიკურ სპექტრში არსებობს. სამწუხაროდ ეს არის დაპირისპირებაზე აგებული პოლიტიკური სპექტრი, რადიკალური ძალებით სავსე ოპოზიცია, რაც ვფიქრობ ძალიან ცუდია და ზოგადად სახელმწიფოსთვის არ არის სასარგებლო. ჩვენ გასული თვეების განმავლობაში ოპოზიციის მხრიდან მოდელირებული გაყალბების ქრონიკა ვიხილეთ და მათი მხრიდან, აბსოლუტურად უპასუხისმგებლო ნაბიჯები რომელიც ჩვენს სახელმწიფოს აზიანებს და არა რომელიმე კონკრეტულ პოლიტიკურ პარტიას. ჩვენ „ქართულმა ოცნებამ“, როგორც პასუხისმგებლიანმა ძალამ განვაცხადეთ, რომ ჩვენს სასრგებლოდ 1 %-იანი ცდომილებაც, რომ ყოფილიყო დაფიქსირებული, მზად ვიყავით შემხვედრი ნაბიჯები გადაგვედგა და ოპოზიციის მოთხოვნებზე რეაგირება მოგვეხინა, თუმცა მათი მხრიდან ისევ უარი, დესტრუქცია და შეურაცხყოფა მივიღეთ. ჩვენ, რა თქმა უნდა, ამ ნაბიჯის გადასადგმელად დღესაც მზად ვართ“, - განაცხადა კახა კალაძემ.



თბილისის მერის განცხადებით, 2020 წლის საპარლამენტო არჩევნები ქართული ოპოზიციის გარდა ყველამ აღიარა.
„ფაქტია, რომ 2020 წლის საპარლამენტო არჩევნები ყველამ აღიარა, გარდა ქართული ოპოზიციისა. ისინი ეწინააღმდგებიან საქართველოს მოქალაქეებს, საერთაშორისო სადამკვირვებლო მისიას, ავტორიტეტულ ორგანიზაციებსა და ჩვენი ქვეყნის სტრატეგიულ პარტნიორ, დასავლელ მეგობრებსა და დასავლურ ინსტიტუტებს. ეს არის ძალიან სამწუხარო ვითარება, რადგანაც ჩვენ ერთად უნდა ვიდგეთ ქვეყნის წინაშე არსებულ გამოწვევებთან, იქნება ეს გლობალური პანდემია, რთული რეგიონალური კონტექსტი თუ სხვა საკითხები, რასთან გამკლავებაც სახელმწიფოებრივი საკითხია. დესტრუქცია და რევანშზე ორიენტირებული ნაბიჯები კი ამ ერთსულოვნებას, რა თქმა უნდა, საფრთხეს უქმნის“,- განაცხადა კახა კალაძემ.



მისივე განცახადებით, მისი სურვილია ქართული პოლიტიკა ჰგავდეს არა ქაოსს, არამედ ქართულ პოლიფონიას და განსხვავებული პოლიტიკური შეხედულებების მიუხედავად, ქვეყნის ინტერესებისთვის გაერთიანება იყოს შესაძლებელი.



„ვისურვებდი, რომ ახალი 2021 წელი ყოფილიყოს მშვიდობის, ჯანმრთელობის, ერთმანეთის სიყვარულისა და რაც მთავარია, გაერთიანების, სოლიდარობის წელი. ვისურვებდი ჩვენი ქვეყნის ინტერესებისთვის გაერთიანება შეგვძლებოდეს, მიუხედავად იმისა როგორი განსხვავებული პოზიციები და განსხვავებული პოლიტიკური შეხედულებებიც არ უნდა გვქონდეს. ქართულ კულტურაში განსხვავებულობის ერთობით საერთო ჰარმონიის შექმნის უდიდესი ტრადიცია ათასწლეულებია არსებობს. ვისურვებდი, რომ ქართული პოლიფონიის მრავალჟამიერის მსგავსად, პოლიტიკაშიც შეგვეძლოს განსხავებული აზრების მიუხედავად საერთო საქმის კეთება. ვისურვებდი, რომ ქართული პოლიტიკა ჰგავდეს არა ქაოსს, არამედ ქართულ პოლიფონიას. მჯერა, რომ ერთსულოვნებით, ერთიანი ძალისხმევით 2024 წელს ევროკავშირის წევრობაზე განაცხადის გაკეთებას შევძლებთ და ძალიან მალე გავხდებით იმ დიდი ოჯახის წევრი, რასაც ევროპა ჰქვია. რა თქმა უნდა, ამ მიმართულებით ძალიან ბევრია სამუშაო“, - აღნიშნა კახა კალაძემ.








სილქნეტის მომხმარებელი თამაშების პირველი ქართული პორტალით SILKGAMES.GE ისარგებლებს

სილქნეტის მომხმარებელი თამაშების პირველი ქართული პორტალით SILKGAMES.GE ისარგებლებს
access_time2021-03-02 12:00:35
გასართობი პორტალი SILKGAMES.GE მხოლოდ სილქნეტის მობილური ქსელის აბონენტებისთვის შეიქმნა და ყველა ჟანრის 500-ზე მეტი თამაში გააერთიანა. პორტალით სარგებლობა შესაძლებელია, როგორც სმარტფონისთვის, ისე პერსონალური კომპიუტერული მოწყობილობისთვის. Silk Games სერვისის 30 დღიანი სარგებლობის საფასური 5 ლარია. მობილური ნომრით რეგისტრირებული მომხმარებელი ავსებს ანგარიშს და სარგებლობს სერვისით შეუზღუდავად 24/7. იმ შემთხვევაში, თუ 31-ე დღეს...

62 ნომრიანი სასტუმროს 10 ნომრისთვის გახსნა არ გვიღირს - VILLA PALACE

62 ნომრიანი სასტუმროს 10 ნომრისთვის გახსნა არ გვიღირს - VILLA PALACE
access_time2021-03-02 15:40:18
ბაკურიანში მდებარე სასტუმრო Villa Palace გახნას აპრილში გეგმავს. როგორც „ბიზნესპარტნიორს“ სასტუმროს აღმასრულებელმა დირექტორმა თეონა ჯიშკარიანმა განუცხადა, მიუხედავად იმისა, რომ მოხსნილია შეზღუდვები და 25 თებერვლიდან შესაძლებელია სასტუმრომ იმუშაოს, ადმინისტრაციამ ჩათვალა, რომ ამ პირობებში გახსნას აზრი არ ჰქონდა. „ამ პერიოდში ისედაც არ არის ხოლმე დიდი აქტივობა, გარდა ამისა, ეს არის დიდი სასტუმრო, 62 ნომრიანი და არ გვიღირდა ახლა გახსნა. 10 ნომერი რომ იქნება დაკავებული 62...

2020 წელს სათვალავში საერთოდ არ ვიღებთ - რა მოლოდინები აქვს „რითეილ გრუპ ჯორჯიას“

2020 წელს სათვალავში საერთოდ არ ვიღებთ - რა მოლოდინები აქვს „რითეილ გრუპ ჯორჯიას“
access_time2021-03-02 14:40:34
„2020 წელს სათვალავში საერთოდ არ ვიღებთ“ - ამის შესახებ „ბიზნესპრესნიუსს“ „რითეილ გრუპ ჯორჯიას“ დირექტორმა რეზო მაღალაშვილმა განუცხადა. მისი თქმით, თუ დღეს არსებული ვითარება სტაბილურად შენარჩუნდა, კომპანიისთვის 2021 წელი იქნება დაახლოებით, 15-20%-ით უფრო ნაკლები მოგებით, ვიდრე, 2019. თუმცა, როგორც რეზო მაღალაშვილი აღნიშნავს, ეკონომიკური კრიზისი გაღრმავება და ეპიდემიოლოგიური ვითარების დამძიმება კომპანიებისთვის კიდევ უფრო რთული იქნება. „ჩვენ ვფიქრობთ,...

ასეთი სირთულის „ვრცელი ბუღალტერიის“ დაკისრება ბიზნესისთვის ზედმეტი და კონტრპროდუქტიულია

ასეთი სირთულის „ვრცელი ბუღალტერიის“ დაკისრება ბიზნესისთვის ზედმეტი და კონტრპროდუქტიულია
access_time2021-03-02 13:30:17
კერძო სექტორი დასაქმებულების სამუშაო საათების აღრიცხვასთან დაკავშირებულ ახალ რეგულაციას, რომელიც ძალაში 1-ელი მარტიდან შევიდა, აკრიტიკებს. მას დამატებით ბიუროკრატიულ ბარიერს უწოდებენ, რომელიც ბიზნესს ფუნქციონირებას ურთულებს. ბიზნესასოციაციის იურიდიული დირექტორი, ნიკოლოზ ნანუაშვილი „ბიზნესპარტნიორთან“ განმარტავს, რომ ეს რეგულაცია მსგავსი ფორმით ევროკავშირშიც კი არ არის. „ახალი რეგულაცია საკმაოდ ვრცელ ფორმას მოიცავს. დაახლოებით...

გაძვირებული ელექტროენერგიის მინუს ნიშნით დათვლის მიუხედავად, ინფლაციამ 3.5%-ს გადააჭარბა

გაძვირებული ელექტროენერგიის მინუს ნიშნით დათვლის მიუხედავად, ინფლაციამ 3.5%-ს გადააჭარბა
access_time2021-03-02 12:00:01
წლიურმა ინფლაციამ თებერვალში 3.6%-ს მიაღწია, თუმცა ისევე როგორც იანვარსა და დეკემბერში მასში გაძვირებული ელექტროენერგია ფასების კლებად აისახა, რამაც განაკვეთი 1.85 პროცენტით შეამცირა, მის გარეშე ინფლაცია 5.4%-ს გადააჭარბებდა.  Commersant საქსტატის ორიგინალურ მეთოდოლოგიაზე ადრეც წერდა. იანვრიდან...


მსგავსი სიახლეები

up