კახა კალაძე თბილისი-ბრისტოლის დამეგობრების საიუბილეო ბიზნესფორუმს დაესწრო

კახა კალაძე თბილისი-ბრისტოლის დამეგობრების საიუბილეო ბიზნესფორუმს დაესწრო

access_time2018-10-12 12:17:49

დედაქალაქის მერი კახა კალაძე ბრისტოლის მერთან, მარვინ რისთან ერთად, „თიბისი ბანკისა“ და ბრისტოლის „სავაჭრო გილდიის“ ორგანიზებით გამართულ ბიზნესფორუმს დაესწრო. როგორც „კომერსანტს“ თბილისის მერიიდან აცნობეს, კონფერენცია თბილისისა და დიდი ბრიტანეთის ქალაქ ბრისტოლის დაძმობილების 30 წლის იუბილეს ფარგლებში, ორ ქვეყანას შორის ბიზნესკავშირების ხელშეწყობის მიზნით ჩატარდა. ბიზნესფორუმის მიზანი ბრიტანული კომპანიებისთვის საქართველოში არსებული საინვესტიციო პოტენციალისა და ბიზნესკლიმატის გაცნობაა.


თბილისის მერმა კონფერენციის მონაწილეებს მისასალმებელი სიტყვით მიმართა და ქართულ და ბრიტანულ ბიზნესსექტორებს შორის ეკონომიკური თანამშრომლობის გაღრმავების მნიშვნელობაზე ისაუბრა.


„მსგავსი ფორუმები ორ ქალაქს შორის არსებული მეგობრული ურთიერთობების განვითარებისთვის მნიშვნელოვანია. აღსანიშნავია, რომ ბრისტოლი და თბილისი 30 წელია დაძმობილებული ქალაქები არიან. გუშინ, ბრისტოლის მერთან შეხვედრაზე სხვადასხვა მნიშვნელოვან საკითხზე ვისაუბრეთ, თუ რა მიმართულებით არის შესაძლებელი თანაშრომლობა. ეს სფეროებია ინფრასტრუქტურა, საზოგადოებრივი ტრანსპორტი, ღამის ეკონომიკის განვითარება, რაშიც ბრისტოლს საკმაოდ დიდი გამოცდილება აქვს. ასევე, ჩვენი ქალაქისთვის ერთ-ერთ მთავარ გამოწვევას ეკოლოგია წარმოადგენს. 2015 წელს ბრისტოლი ყველაზე მწვანე ქალაქიგახდა. შესაბამისად, ბრისტოლის გამოცდილების გაზიარება და იმ პროექტების განხორციელება მნიშვნელოვანი იქნება, რომელიც ჩვენს ქალაქს შესაძლებლობასმისცემს, ყველაზე სუფთა, მწვანე და მოწესრიგებული იყოს“, - განაცხადა დედაქალაქის მერმა.


კახა კალაძემ ასევე, დედაქალაქში ინვესტიციების მოზიდვის შესაძლებლობებზე ისაუბრა და აღნიშნა, რომ საქართველოში ბიზნესგარემო დაცულია.



„თუ გადავხედავთ საერთაშორისო ორგანიზაციების მიერ გაკეთებულ შეფასებებს, საქართველო ბიზნესგარემოს კუთხით, ლიდერ ქვეყნებს შორისაა. ეს არის გამჭვირვალობა, ბიზნესის დაცულობა. ყველა ის ინვესტიცია, რომელიც დედაქალაქში ხორციელდება, მნიშვნელოვანია.ჩვენთვის ასევე, მნიშვნელოვანია, რომ საბანკო სექტორი განვითარებულია, ბიზნესსა და საბანკო სექტორს შორის ურთიერთობა კი მაღალ დონეზეა აყვანილი. ურთიერთთანამშრომლობით ჩვენ ბევრი საინტერესო პროექტის განხორციელებას შევძლებთ“, - აღნიშნა თბილისის მერმა.


ბრისტოლის მერმა კახა კალაძეს ორ დაძმობილებულ ქალაქს შორის არსებული 30-წლიანი ურთიერთობების ნიშნად, სიმბოლური საჩუქარი - ქალაქის ვალუტა, ბრისტოლის ფუნტი გადასცა და სხვადასხვა სფეროში თანამშრომლობის კიდევ უფრო გაღრმავების სურვილი გამოთქვა.


ღონისძიებაში თბილისის მერიის ეკონომიკური განვითარების საქალაქო სამსახურის უფროსი ანდრია ბასილაია, დიდი ბრიტანეთის ელჩი საქართველოში ჯასტინ მაკკენზი სმიტი, ბრისტოლის სავაჭრო პალატის მთავარი აღმასრულებელი დირექტორი ჯეიმს დური, ქართული და ბრიტანული ბიზნესწრეებისა და „თიბისი ბანკის“ მენეჯმენტის წარმომადგენლები მონაწილეობდნენ.









"კონკურენტებს უსამართლოდ ზღუდავენ" - სადაზღვევო კომპანიები ბანკებისთვის სადაზღვევო სფეროში საქმიანობის შეზღუდვას ითხოვენ

access_time2018-12-11 20:00:20
სადაზღვევო კომპანიები კომერციული ბანკების წინააღმდეგ გამოდიან და მათთვის სადაზღვევო სფეროში საქმიანობის შეზღუდვას ითხოვენ. სადაზღვევო კომპანიების წარმომადგენლების თქმით, ბანკები მათი შვილობილი კომპანიებისათვის ხელოვნურად ქმნიან ხელსაყრელ გარემოს და კონკურენტებს უსამართლოდ ზღუდავენ. კერძოდ, მაშინ როდესაც მომხმარებლები აზღვევენ სესხს, ბანკები მათ სთავაზობენ მხოლოდ ერთ კომპანიას. „სიტუაცია დღითიდღე უფრო უკონტროლო ხდება და იშლება ზღვარი სადაზღვევო ინდუსტრიასა და საბანკო...

ბიძინა ივანიშვილმა Bloomberg-ის რეიტინგში 25 პუნქტით დაწინაურდა

ბიძინა ივანიშვილმა Bloomberg-ის რეიტინგში 25 პუნქტით დაწინაურდა
access_time2018-12-11 20:30:00
საქართველოს უმდიდრესი ადამიანის და „ქართული ოცნების“ თავმჯდომარის ბიძინა ივანიშვილის ქონება 180 მლნ. დოლარით შემცირდა. თუმცა მიუხედავად ამისა, ივანიშვილი Bloomberg-ის პერიოდულ რეიტინგში 25 პუნქტით დაწინაურდა. 2018 წლის დასაწყისში „ქართული ოცნების“ ლიდერის ქონება 5,8 მლრდ. დოლარს შეადგენდა და მას 295-ე ადგილი ეკავა. ამ მაჩვენებელმა მაქსიმუმს - 5,9 მლრდ. დოლარს 2018 წლის იანვრის ბოლოს მიაღწია, რის შემდეგაც დაიწყო...

ტენდერები და გამარტივებული შესყიდვები – კორუფციული გარიგებების მაღალი რისკი ხალხის ფულით

ტენდერები და გამარტივებული შესყიდვები – კორუფციული გარიგებების მაღალი რისკი ხალხის ფულით
access_time2018-12-11 18:40:00
არის თუ არა სახელმწიფო შესყიდვების სისტემა კორუფციული გარიგებების ეპიცენტრში სახელმწიფო შესყიდვები ყოველთვის განსაკუთრებული ყურადღების ქვეშ ექცევა როგორც ბიზნესის, ისევე სამოქალაქო სექტორის მხრიდან. ხშირია საუბრები ტენდერებსა და პირდაპირი მიყიდვით გზით შესყიდვებში არსებულ შესაძლო კორუფციულ გარიგებებზე, რადგან საკითხი სახელმწიფო შესყიდვებისათვის განკუთვნილ ფულად სახსრებსა და მის რაციონალურ ხარჯვას ეხება. 2015 წელს პირდაპირი...

საქართველოს კაპიტალმა შესაძლოა კომპანია ყაზბეგი იყიდოს

საქართველოს კაპიტალმა შესაძლოა კომპანია  ყაზბეგი იყიდოს
access_time2018-12-11 16:35:56
ქართულ ბაზარზე ლუდის ორი მსხვილი კომპანია ერთიანდება. Marketer.ge -ს ინფორმაციით, „აისის“ მწარმოებელი Global Beer Georgia (საქართველოს კაპიტალი) კომპანია „ყაზბეგს“ ყიდულობს. აღნიშნულზე, „აისის“ წარმომადგენლები, ჯერჯერობით, კომენტარს არ აკეთებენ. ლუდს „აისი“, კავკასიაში Heineken-ის ლიცენზირებული პარტნიორი კომპანია Global Beer Georgia 2017 წლის ზაფხულიდან...

დეველოპერული კომპანია „სამშენებლო ინვესტიციები“ - ქალაქის ყველა უბანში

დეველოპერული კომპანია „სამშენებლო ინვესტიციები“ - ქალაქის ყველა უბანში
access_time2018-12-11 18:00:16
დეველოპერული კომპანია „სამშენებლო ინვესტიციები“ ქართულ ბაზარზე 2015 წლიდან მოღვაწეობს. ამ მოკლე პერიოდის მანძილზე, კომპანიამ საქართველოს მაშტაბით, 120 000-მდე კვადრატული მეტრის მშენებლობა განახორციელა, ამჟამად კი,თბილისის ცენტრალურ უბნებში 3 მიმდინარე პროექტს ახორციელებს. ამ მოკლე პერიოდში,„ სამშენებლო ინვესტიციები“ ჩამოყალიბდა  სანდო და ხარისხიან კომპანიად. ის განაგრძობს ზრდას, როგორც სამშენებლო-ტექნოლოგიური, ასევე პროექტების ზრდის...


მსგავსი სიახლეები

up