კახა კალაძე - ტაქსის მძღოლებს   შესაძლებლობა ექნებათ იაფი სესხი აიღონ , რათა ჩაანაცვლონ ავტომობილები

კახა კალაძე - ტაქსის მძღოლებს შესაძლებლობა ექნებათ იაფი სესხი აიღონ , რათა ჩაანაცვლონ ავტომობილები

access_time2019-06-12 12:16:04

ტაქსის მძღოლებისთვის იქნება კონკრეტული შეთავაზებები, სპეციალური პროგრამები კეთდება, სადაც მათ ექნებათ შესაძლებლობა, აიღონ სესხი და თანხა იმისთვის, რომ ჩაანაცვლონ ავტომობილები, იქნება იაფი კრედიტები, ტაქსის მძღოლებისთვის ხელშეწყობა მოხდება, - ამის შესახებ დედაქალაქის მერმა კახა კალაძემ თბილისის მუნიციპალიტეტის მთავრობის სხდომაზე განაცხადა.


როგორც მან განმარტა, სატრანსპორტო პოლიტიკის ერთ-ერთი მნიშვნელოვანი რეფორმა სწორედ ტაქსების რეფორმაა. კალაძის განმარტებით, მათ ბევრი რამ დათმეს და ყველაფერი კეთდება იმისთვის, რომ ტაქსის მძღოლებს ხელი შეუწყონ.



„ტაქსების რეფორმა ჩვენი სატრანსპორტო პიოლიტიკის ერთ-ერთი მთავარი და მნიშვნელვანი რეფორმაა. ჩვენ ძალიან ბევრ შეხვედრას ვმართავთ ტაქსის მძღოლებთან, საინიციატივო ჯგუფთან, რომელიც არის შექმნილი. ჩვენ ბევრი ცვლილებები განვახორციელეთ, რაღაცები დავთმეთ... ეს ყველაფერი კეთდება იმისთვის, რომ ხელი შევუწყოთ ამ ადამიანებს, ვინც ამ სერვისს ახორციელებს. მეორე მხრივ, მოწესრიგებული უნდა იყოს ტაქსები დედაქალაქში, ვინც ამ სერვისით სარგებლობს, კმაყოფილი იყოს, იყოს გამართული ავტომობილები, სუფთა ავტომობილები. ზოგადად, ტაქსი არის ქალაქის სახე, ყველა განვითარებულ ქალაქში არის ეს მიდგომა, ეს დამოკიდებულება და ჩვენი მხრიდანაც, რეფორმას, რომელიც წამოვიწყეთ, პირველი ეტაპები აქვს და მომდევნო წლების განმავლობაში კიდევ უფრო დაიხვეწება, კიდევ უფრო საინტერესო მოთხოვნები იქნება და იქნება ხელშეწყობა, რომ ეს სფერო იყოს მოწესრიგებული და დალაგებული.


შეხვედრაზე საინიციატივო ჯგუფმა დასვა საკითხი, რომ ყველა ტაქსის მძღოლს აქვთ პრობლემა, რომ მათი შემოსავალი არსად არის აღრიცხული და ამის გამო მათ უჭირთ ბანკში სესხის აღება, ავტომანქანების გამოყვანა და ა.შ. ეს მათთვის სერიოზული პრობლემაა. ჩვენ გვქონდა კომუნიკაცია საბანკო სექტორთან, ძალიან ბევრი ვიმუშავეთ, მივაღწიეთ შეთანხმებას და მომდევნო 3-4 დღის განმავლობაში თვითონ ბანკები გააკეთებენ ამაზე განცხადებას. იქნება კონკრეტული შეთავაზებები ტაქსის მძღოლებისთვის, სპეციალური პროგრამები კეთდება, ეს არის მხოლოდ ტაქსის მძღოლებისთვის, სადაც მათ ექნებათ შესაძლებლობა, აიღონ სესხი და თანხა იმისთვის, რომ ჩაანაცვლონ ავტომობილები, იქნება იაფი კრედიტები, იქნება ხელშეწყობა იმისთვის, რომ მოხდეს ხელშეწყობა ტაქის მძღოლებისთვის“, - განაცხადა კალაძემ.






თბილისის ყველაზე საშიში უბნები გაზის მომხმარებელთა უყურადღებობის კუთხით

თბილისის ყველაზე საშიში უბნები გაზის მომხმარებელთა უყურადღებობის კუთხით
access_time2019-10-19 14:13:12
„თბილისი ენერჯი“ დედაქალაქში, გაზის მომხმარებელთა უყურადღებობის კუთხით, ყველაზე საშიში უბნების ჩამონათვალს ავრცელებს. „კომერსანტი“ „თბილისი ენერჯის“ ინფორმაციას უცვლელად გთავაზობთ: „თბილისის უბნები, სადაც მიმდინარე წლის 9 თვის განმავლობაში გაზის კუსტარულად დამონტაჟებული დანადგარების დემონტაჟის ყველაზე მაღალი მაჩვენებელი დაფიქსირდა: • სანზონა • ვაზისუბანი• გლდანი• ჩუღურეთი• ისანი -...

გიორგი ქობულია: კონსორციუმს ინვესტორების მოძიების პრობლემა ჰქონდა ბევრად უფრო ადრე, ვიდრე გამოძიება დაიწყებოდა

გიორგი ქობულია: კონსორციუმს ინვესტორების მოძიების პრობლემა ჰქონდა ბევრად უფრო ადრე, ვიდრე  გამოძიება დაიწყებოდა
access_time2019-10-19 14:08:30
ეკონომიკის ყოფილი მინისტრი გიორგი ქობულია აცხადებს, რომ ანაკლიის კონსორციუმს ინვესტორების მოძიების პრობლემა ბევრად უფრო ადრე ჰქონდა, ვიდრე მამუკა ხაზარაძისა და ბადრი ჯაფარიძის წინააღმდეგ გამოძიება დაიწყებოდა. „ინვესტორების მოძიების და საინვესტიციო ვალდებულების შესრულების პრობლემა ბევრად უფრო ადრე იყო, ვიდრე დაიწყებოდა სისხლის სამართლის საქმე და დაიძაბებოდა ურთიერთობა ხაზარაძე-ჯაფარიძესა და მთავრობას შორის- განაცხადა გიორგი ქობულიამ ტვ „პირველის“ ეთერში.მისი თქმით,...

ვითარება გურამიშვილის გამზირზე, სადაც ბუნებრივი აირის გაჟონვის შედეგად აფეთქება მოხდა [ფოტო]

ვითარება გურამიშვილის გამზირზე, სადაც ბუნებრივი აირის გაჟონვის შედეგად აფეთქება მოხდა [ფოტო]
access_time2019-10-19 12:08:50
გურამიშვილის გამზირზე, კორპუსში, სადაც აფეთქება მოხდა, ყველა პირი გამოიკითხება, - ამის შესახებ საპატრულო პოლიციის უფროსმა, ვაჟა სირაძემ, ჟურნალისტებს ადგილზე...

გურამიშვილის გამზირზე საცხოვრებელ კორპუსში აფეთქება მოხდა, არის ნგრევა

გურამიშვილის გამზირზე საცხოვრებელ კორპუსში აფეთქება მოხდა, არის ნგრევა
access_time2019-10-19 09:21:35
ურამიშვილის გამზირის #34-ში, საცხოვრებელ კორპუსში აფეთქება მოხდა. არის ნგრევა. როგორც ინტერპრესნიუსს საგანგებო...

შალვა ცხაკაია - „ყველამ უნდა გაიგოს, რომ შრომის კოდექსში დაგეგმილი ცვლილებების მსგავსი წონიანი რეგულაციის ბრმად მიღება არ შეიძლება“

შალვა ცხაკაია - „ყველამ უნდა გაიგოს, რომ შრომის კოდექსში დაგეგმილი ცვლილებების მსგავსი წონიანი რეგულაციის ბრმად მიღება არ შეიძლება“
access_time2019-10-19 11:00:59
ყველამ უნდა გაიგოს, რომ შრომის კოდექსში დაგეგმილი ცვლილებების მსგავსი წონიანი რეგულაციის ბრმად მიღება არ შეიძლება, – ამის შესახებ დამსაქმებელთა ასოციაციის იურიდიული კომიტეტის თავმჯდომარე შალვა ცხაკაიამ საქართველოს პირველი არხის გადაცემა „ბიზნესპარტნიორში“.   გადაცემაში ბიზნესომბუდმენისა და საქართველოს ბიზნესგაერთიანებების შეხვედრა განიხილეს, რომელიც შრომის კოდექსთან დაკავშირებულ საკამათო ცვლილებებს მიეძღვნა. ცვლილებების ინიციატორი დეპუტატი დიმიტრი ცქიტიშვილია და მისი...


მსგავსი სიახლეები

up