კახა კალაძე – „„ქართული ოცნება“ 2020 წლის საპარლამენტო არჩევნებში მორიგი დამაჯერებელი გამარჯვებისთვის ემზადება“

კახა კალაძე – „„ქართული ოცნება“ 2020 წლის საპარლამენტო არჩევნებში მორიგი დამაჯერებელი გამარჯვებისთვის ემზადება“

access_time2020-10-30 12:04:10

„„ქართული ოცნება“ 2020 წლის საპარლამენტო არჩევნებში მორიგი დამაჯერებელი გამარჯვებისთვის ემზადება. ჩვენმა გუნდმა გაკეთებული საქმეებითა და ყველა წინა არჩევნების შედეგით დაამტკიცა, რომ პოლიტიკურ ველზე არის ერთადერთი რეალური ძალა, რომელსაც შეუძლია ხალხისა და ქვეყნის წინაშე არსებულ გამოწვევებს წარმატებით უპასუხოს, შეინარჩუნოს მშვიდობა, სტაბილურობა და უმაღლესი დემოკრატიული სტანდარტების პირობებში სასიცოცხლოდ მნიშვნელოვანი რეფორმები განახორციელოს“ – განაცხადა „ქართული ოცნება-დემოკრატიული საქართველოს“ გენერალურმა მდივანმა კახა კალაძემ ისნის მაჟორიტარი დეპუტატობის კანდიდატის კახა კახიშვილის წარდგენაზე სიტყვით გამოსვლისას. ინფორმაციას „ქართული ოცნება-დემოკრატიული საქართველოს“ პრესსამსახური ავრცელებს.



„2012 წლიდან ჩვენ ძალიან ბევრი მიმართულებით მნიშვნელოვანი პროექტები და რეფორმები განვახორციელეთ. არ შემიძლია, არ შევეხო რამდენიმე თემას: ყველას კარგად გვახსოვს, თუ რა მდგომარეობა იყო ჯანდაცვის სექტორში, თუმცა განხორციელებული რეფორმებით ჩვენ მივიღეთ ის, რომ ჯანდაცვა ყველასთვის ხელმისაწვდომია; უამრავი ოპერაცია იქნა დაფინანსებული სახელმწიფოს მხრიდან; უამრავი გადარჩენილი სიცოცხლე. ასევე, მინდა გამოვყო ცე ჰეპატიტის ელიმინაციის პროგრამა, რომელიც ძალიან მნიშვნელოვანი იყო და ის ადამიანები, რომლებსაც ეს პრობლემა ჰქონდათ, დღეს ჯანმრთელები არიან. არ შემიძლია, არ შევეხო სოფლის მეურნეობის მიმართულებით განხორციელებულ პროგრამებსა და პროექტებს. რა თქმა უნდა, ეს ყველაფერი მომავალშიც გაგრძელდება. ასევე, მნიშვნელოვანი იყო მცირე და საშუალო ბიზნესის განვითარების ხელშეწყობისთვის არსებული პროგრამები, რომლითაც ჩვენი ქვეყნის ძალიან ბევრმა მოქალაქემ ისარგებლა და ეს რა თქმა უნდა, ხელს უწყობდა ახალი სამუშაო ადგილების შექმნას; მნიშვნელოვანია განათლების მიმართულებით განხორციელებული რეფორმები, ხაზი მინდა გავუსვა, რომ სამომავლოდ განათლება არის ერთ-ერთი უმნიშვნელოვანესი პრიორიტეტი, რათა ხელი შევუწყოთ ჩვენს შვილებს, მომავალ თაობებს, რომ მათი განათლება ისევ ჩვენი ქვეყნის საკეთილდღეოდ გამოვიყენოთ. მომდევნო წლებში ეს პროგრამები გაგრძელდება.



მე, როგორც თბილისის მერს, არ შემიძლია არ აღვნიშნო დედაქალაქში განხორციელებული სამუშაოები, განსაკუთრებით ბოლო წლების განმავლობაში. ეს ყველაფერი მხარდაჭერის და თანადგომის გარეშე ვერ განხორციელდებოდა. რომ არა ცენტრალური ხელისუფლების, პრემიერ-მინისტრის მხარდაჭერა და თანადგომა, შეუძლებელი იქნებოდა ამხელა რესურსების მობილიზება და იმ მასშტაბური პროექტების განხორციელება, რომელსაც ჩვენ ქალაქის ყველა რაიონში, ყველა უბანში ვახორციელებთ. მაქსიმალურად ვცდილობთ, ყველგან გავაკეთოთ და მოვაწესრიგოთ ყველაფერი და დედაქალაქში არსებულ გამოწვევებს ვუპასუხოთ. ჩვენი მიდგომები და დამოკიდებულება, რომ ქალაქი უნდა იყოს მოწესრიგებული, გამწვანებული, გამართული ინფრასტრუქტურით, კეთილმოწყობილი, მომდევნო წლების განმავლობაშიც იქნება პრიორიტეტი.



ქართული სახელმწიფო განვითარების ახალ ეტაპზე უნდა გადავიდეს და იმ საძირკველზე, რასაც 2012 წლის შემდეგ საფუძველი ჩავუყარეთ, ახალი ენერგიით, ახალი ძალებით შევუდგეთ დემოკრატიული ინსტიტუტების გამყარებასა და ეკონომიკის, თითოეული ოჯახის გაძლიერებას.




ძლიერი ეკონომიკა, განათლებული და სტაბილური საქართველო არის წინაპირობა, რომ ჩვენმა ქვეყანამ ერთიან ევროპულ ოჯახში კუთვნილი, ღირსეული ადგილი დაიმკვიდროს.



რა თქმა უნდა, ამ მიზნის მისაღწევად გვჭირდება მომავლის ხედვა და კონკრეტული პროექტების განხორციელება, რასაც ჩვენი საარჩევნო პროგრამა ზუსტად ეხმიანება და პასუხობს. ჯერ კიდევ ბევრი მიმართულებაა გასაძლიერებელი, ჯერ კიდევ ბევრი ადამიანია სოციალურად შეჭირვებულ მდგომარეობაში, რომელსაც ჩვენი მხარდაჭერა და სახელმწიფოს თანადგომა სჭირდება, თუმცა თუკი თვალს გადაავლებთ ჩვენი ხელისუფლების მიერ მიღწეულ შედეგებს, ნახავთ, რომ ეტაპობრივად ყველა პრობლემის დაძლევა შეგვიძლია.



დარწმუნებული ვარ, რომ არჩევნებში, რომელიც უკვე კარს მოგვადგა, ჩვენ აუცილებლად გავიმარჯვებთ. გავიმარჯვებთ იმიტომ, რომ რეალურად პარტია „ქართული ოცნება-დემოკრატიული საქართველო“ არის ის ძალა, რომელსაც აქვს ქვეყნის განვითარების ხედვა, აქვს რეალური შესაძლებლობა იმისა, რომ უპასუხოს ქვეყანაში არსებულ გამოწვევებს და სწრაფად მოაგვაროს ის პრობლემები, რომელიც მოსახლეობას აწუხებს. დარწმუნებული ვარ, რომ 31 ოქტომბერს ჩვენ ყველა ერთად ვიზეიმებთ და და ეს არ იქნება რომელიმე კონკრეტული მაჟორიტარის, კონკრეტული პარტიის „ქართული ოცნების" გამარჯვება, ეს იქნება ჩვენი ქვეყნის, ჩვენი სამშობლოს გამარჯვება.



ერთად საქართველოს წარმატებისთვის!“ - განაცხადა კახა კალაძემ.








დღის TOP 10 საინტერესო ამბავი

დღის TOP 10 საინტერესო ამბავი
access_time2021-01-22 21:00:57
დღის TOP 10 საინტერესო ამბავი: 1.თბილისში მუნიციპალური ტრანსპორტის აღდგენა მარტიდან იგეგმება უწყებათაშორისი საკოორდინაციო საბჭოს გადაწყვეტილებით, ბათუმში, ზუგდიდში, გორში, ფოთსა და თელავში...

“დღეს ფაქტობრივად შიმშილისთვის გაგვწირეს“ - მთის კურორტების სასტუმროები მთავრობის გადაწყვეტილებას აპროტესტებენ

“დღეს ფაქტობრივად  შიმშილისთვის გაგვწირეს“ - მთის კურორტების სასტუმროები მთავრობის გადაწყვეტილებას აპროტესტებენ
access_time2021-01-22 16:00:04
„ისეთი შთაბეჭდილება მრჩება, რომ  თითქოს როგორც ინდიელები ჰყავდათ რეზერვაციაში, ასე ვართ  მოქცეული, ოღონდ  იქ  ყველანაირად სოციალურად უზრუნველყოფილები იყვნენ. დღეს  ფაქტობრივად  გაგვწირეს  შიმშილისთვის,...

„ახლა ხომ შეიძლებოდა, დაეკეტათ მოლები და გაეხსნათ ბაზრობები“ - ლილო მოლი

„ახლა ხომ შეიძლებოდა, დაეკეტათ მოლები და გაეხსნათ ბაზრობები“ - ლილო მოლი
access_time2021-01-22 17:00:04
„ლილო მოლის“ პრეზიდენტი ლევან გაგუა „ბიზნესპარტნიორთან“ შეზღუდვების მოხსნასთან დაკავშირებით მთავრობის გადაწყვეტილებას ეხმაურება და აცხადებს, რომ მათთვის 15 თებერვლამდე გახსნის გადავადება მოულოდნელი იყო. როგორც გაგუა განმარტავს, სავაჭრო სივრცეში, რითეილში ეს მდგომარეობა 2 თვეზე მეტია გრძელდება, საუბარია, ბაზრობების არათანაბარ პირობებში ჩაყენებაზე. „მძიმე ვითარებაა. რითეილის სფეროში გარკვეულ კატეგორიას ეძლევა უკვე მეორედ გახნის, არსებობის საშუალება,...

საავტომობილო ბენზინისა და დიზელის საწვავის მოქმედ ხარისხობრივ ნორმებში საკონტროლო კომპონენტების დამატება მნიშვნელოვანი ნაბიჯია ეკოლოგიური ვითარების გასაუმჯობესებლად - შავლეგ მიშველაძე

საავტომობილო ბენზინისა და დიზელის საწვავის მოქმედ ხარისხობრივ ნორმებში საკონტროლო კომპონენტების დამატება მნიშვნელოვანი ნაბიჯია ეკოლოგიური ვითარების გასაუმჯობესებლად - შავლეგ მიშველაძე
access_time2021-01-22 13:20:14
საქართველოს ბიზნეს ასოციაციის ნავთობის, ნავთობპროდუქტებისა და გაზის კომიტეტი, საავტომობილო ბენზინისა და დიზელის საწვავის მოქმედ ხარისხობრივ ნორმებში საკონტროლო კომპონენტების დამატების თაობაზე მიღებულ გადაწყვეტილებას ეხმიანება.„ეს არის კიდევ ერთი წინგადადგმული, გონივრული და მნიშვნელოვანი ნაბიჯი სახელმწიფოს მხრიდან. უკანასკნელ პერიოდში, ხელისუფლების მიერ ნავთობპროდუქტების სექტორში ინიცირებული და განხორციელებული პოზიტიური ცვლილებები უდაოდ არის...

ეს საკოორდინაციო კი არა, მავნებლების საბჭოა, რომელიც ადგენს მარცხნივ უფრო უკეთ გადაიჩეხება ეს ქვეყანა, თუ მარჯვნივ - რესტორატორთა ასოციაცია

ეს საკოორდინაციო კი არა, მავნებლების საბჭოა, რომელიც ადგენს მარცხნივ უფრო უკეთ გადაიჩეხება ეს ქვეყანა, თუ მარჯვნივ - რესტორატორთა ასოციაცია
access_time2021-01-22 15:10:00
1-ლი მარტიდან გახსნას აზრი აღარ ექნება, რადგან ბიზნესი ამ დროს უკვე აღარ იარსებებს - ამის შესახებ რესტორატორთა ასოციაციის დამფუძნებელმა კოტე გაბრიჩიძემ ,,ბიზნესპრესნიუსთან“ განაცხადა. მისი თქმით, საკოორდინაციო საბჭოს მოქმედებები აბსოლუტურად ალოგიკურია. ,,ეს საკოორდინაციო კი არა, მავნებლების საბჭოა, რომელიც ადგენს მარცხნივ უფრო უკეთ გადაიჩეხება ეს ქვეყანა, თუ მარჯვნივ. დღეს გაირკვა, რომ ამაზე მსჯელობენ და დღეიდან ეს ჩემთვის მავნებლების საბჭოა და მხოლოდ ასე...


მსგავსი სიახლეები

up