კახა კალაძე – „ქალაქში, დაახლოებით, 180 დაუმთავრებელი შენობა-ნაგებობაა, რომელიც სერიოზულ პრობლემას წარმოადგენს“

კახა კალაძე – „ქალაქში, დაახლოებით, 180 დაუმთავრებელი შენობა-ნაგებობაა, რომელიც სერიოზულ პრობლემას წარმოადგენს“

access_time2020-05-28 15:00:44

დედაქალაქის მერი, კახა კალაძე პრემიერ-მინისტრ გიორგი გახარიასთან ერთად, სამშენებლო-დეველოპერული სექტორის მხარდაჭერის ანტიკრიზისული გეგმის პრეზენტაციას დაესწრო. ინფორმაციას თბილისის მერია ავრცელებს.



თბილისის მერმა შეკრებილ სტუმრებს სიტყვით მიმართა და ახალი კორონავირუსით გამოწვეული კრიზისის დასაძლევად, დეველოპერული სექტორის მხარდაჭერის მნიშვნელობაზე ისაუბრა. მისი განცხადებით, წარმოდგენილი გეგმის მიზანი სამშენებლო სექტორის სწრაფი განვითარება და შესაბამისად, დასაქმების ხელშეწყობაა.



როგორც დედაქალაქის მერმა აღნიშნა, გეგმაში განსაკუთრებული ყურადღება მიექცევა თბილისის მასშტაბით არსებულ დაუსრულებელ მშენებლობებს და კვლავ მაქსიმუმი გაკეთდება იმისთვის, რომ დაზარალებულმა მოქალაქეებმა კუთვნილი საცხოვრებელი ფართები მიიღონ.



„პრემიერმა ვრცლად ისაუბრა, თუ რამდენად მნიშვნელოვანია დეველოპერული სექტორის ხელშეწყობა. ჩვენ ძალიან რთული პერიოდი გამოვიარეთ. მიუხედავად იმისა, რომ უკვე ეტაპობრივად დავიწყეთ მთელი რიგი მიმართულებების გახსნა, მინდა, კიდევ ერთხელ შევახსენო საზოგადოებას და ვთხოვო, რომ მაქსიმალურად შევასრულოთ დარგის სპეციალისტების რეკომენდაციები. არ უნდა გავუთამამდეთ არსებულ მდგომარეობას, რადგან საფრთხე მაინც არსებობს. ჩვენ პრემიერის ხელმძღვანელობით, სხვადასხვა დარგს დახმარების გეგმა უკვე წარვუდგინეთ. სამშენებლო სექტორის მხარდაჭერის გეგმა განსაკუთრებით მნიშვნელოვანია, რადგან დეველოპერულ მიმართულებას ქვეყნისა და ქალაქის განვითარებაში განსაკუთრებული როლი აკისრია. ეს არის დარგი, რომელიც ძალიან ბევრ მოქალაქეს ასაქმებს, დასაქმება კი ჩვენთვის უმნიშვნელოვანესი თემაა“, - განაცხადა კახა კალაძემ.




დედაქალაქის მერმა ყურადღება მუნიციპალიტეტის ტერიტორიაზე დაუმთავრებელი მშენებლობების დასრულებისთვის ხელშემწყობ ღონისძიებებზეც გაამახვილა და აღნიშნა, რომ ქალაქის მასშტაბით, დაახლოებით, 180 დაუმთავრებელი შენობა-ნაგებობაა.



„მინდა, ხაზი გავუსვა ჩვენს უმნიშვნელოვანეს პროგრამას დაუმთავრებელი შენობების ხელშეწყობასთან დაკავშირებით. ჩვენ შევიმუშავეთ წესები, რომლის მიხედვითაც, გამარტივდება პროცედურები. ქალაქში, დაახლოებით, 180 დაუმთავრებელი შენობა-ნაგებობაა, რომელიც სერიოზულ პრობლემას წარმოადგენს. მოქალაქეებს თანხა აქვთ გადახდილი და წლების განმავლობაში, ბინების მიღებას ელოდებიან. ამის მაგალითი იყო სამშენებლო კომპანია „სვეტის“ მიერ დაზარალებული მოქალაქეები, რომლებსაც მაქსიმალურად დავეხმარეთ. აქ უკვე მშენებლობა მიმდინარეობს და ძალიან მალე ეს მოქალაქეები კუთვნილ საცხოვრებელ ფართებს მიიღებენ. ასევე, გვყავს „ოლიმპიური ვარსკვლავისა“ და კომპანია „ცენტრ პოინტის“ მიერ დაზარალებული მოქალაქეები. ჩვენ ყველას მაქსიმალურად შევუწყობთ ხელს. ჩვენი მიზანია, ეს ოჯახები საკუთარი საცხოვრებელი ფართების გარეშე არ დავტოვოთ“, - განაცხადა კახა კალაძემ.



თბილისის მერმა პრემიერ-მინისტრს მხარდაჭერისა და თანადგომისთვის მადლობა გადაუხადა და კიდევ ერთხელ აღნიშნა, რომ სამშენებლო სექტორს ქვეყნის განვითარების საკითხში მნიშვნელობანი როლი აკისრია.



თბილისის მუნიციპალიტეტის მთავრობის გადაწყვეტილებით, გასულ წელს წელს შეიქმნა დაუმთავრებელ მშენებლობებთან დაკავშირებული საკითხების განმხილველი კომისია, რომელიც მუნიციპალიტეტის ტერიტორიაზე დაუმთავრებელი მშენებლობების დასრულებისთვის ხელშემწყობი ღონისძიებების გამოყენების მიზნით, დაინტერესებულ პირთა განცხადებებს/წინადადებებს შეისწავლის.



დაუმთავრებელ მშენებლობად მიიჩნევა ობიექტი, რომელზეც მშენებლობის ნებართვა გაცემული იყო 2013 წლის პირველ იანვრამდე. ამასთან, აღნიშნული ნებართვის საფუძველზე ნაწარმოებია სამშენებლო სამუშაოები, თუმცა ობიექტი არ არის დასრულებული. დასრულებულად მიიჩნევა ის ობიექტი, რომლის ძირითადი კონსტრუქციული სისტემის და ექსტერიერის სამშენებლო სამუშაოები დასრულებულია, გარდა მოსაპირკეთებელი და კეთილმოწყობის სამუშაოებისა.








საქართველოს ბიზნეს ასოციაცია ეხმაურება შემოსავლების სამსახურის მიერ ქვეყანაში აღურიცხავი საწვავის შემოტანის აღკვეთის კუთხით გატარებულ ღონისძიებებს

საქართველოს ბიზნეს ასოციაცია ეხმაურება შემოსავლების სამსახურის მიერ ქვეყანაში აღურიცხავი საწვავის შემოტანის აღკვეთის კუთხით გატარებულ ღონისძიებებს
access_time2020-11-24 10:55:45
ბოლო პერიოდში, სახელმწიფოსა და ბიზნესის კონსტრუქციული თანამშრომლობის შედეგად, ნავთობპროდუქტებისა და გაზის იმპორტისა და დისტრიბუციის სექტორთან დაკავშირებულ რიგ საკანონმდებლო აქტებში შევიდა ცვლილებები, რომელთაც პოზიტიური გავლენა იქონიეს როგორც ინდუსტრიაზე, ასევე ამ სექტორიდან სახელმწიფო ბიუჯეტში აკუმულირებული თანხების დინამიკაზე. საქართველოს ბიზნეს ასოციაცია მიესალმება შემოსავლების სამსახურის მიერ აღურიცხავი საწვავის შემოტანის აღკვეთის კუთხით განხორციელებულ ღონისძიებებს. ჩვენს...

სილქფესტი ერთ აქციაში სამ რჩეულ პაკეტს სთავაზობს მომხმარებელს

სილქფესტი ერთ აქციაში სამ რჩეულ პაკეტს სთავაზობს მომხმარებელს
access_time2020-11-24 09:55:58
24 ნოემბერს, სილქფესტის აქციით მომხმარებელი 30 დღით ჩაირთავს: 2 GB + 100 ლოკალური წუთი - 5 ლარად 700 ლოკალურ წუთს - 9 ლარად 40 GB უსწრაფეს ინტერნეტს - 18 ლარად პაკეტების გააქტიურება შესაძლებელია კომბინაციით *202# - ერთად და ცალ-ცალკე. აქცია ხელმისაწვდომია ფიზიკური და იურიდიული პირი აბონენტებისათვის. ერთზე მეტი პაკეტის შეძენის შემთხვევაში თითოეულს...

ფიზიკური პირების დაკრედიტებიდან „საქართველოს ბანკმა“ „თიბისისთან“ შედარებით 45 მილიონ ლარზე მეტი შემოსავალი მიიღო

ფიზიკური პირების დაკრედიტებიდან „საქართველოს ბანკმა“ „თიბისისთან“ შედარებით 45 მილიონ ლარზე მეტი შემოსავალი მიიღო
access_time2020-11-24 12:00:57
კომერციული ბანკების ფინანსური ანგარიშგებების 2020 წლის III კვარტლის მონაცემების მიხედვით, მათ სასესხო პორტფელში უდიდესი წილით ფიზიკურ პირებზე გაცემული სესხები გამოირჩევა, ამ სესხებზე მიღებული პროცენტები კი ბანკების შემოსავლის ძირითადი წყაროა. საქართველოს ბანკი „საქართველოს ბანკის“ საპროცენტო შემოსავლები სესხებიდან 2020 წლის მესამე კვარტლის მონაცემებით 873,767,422 ლარს შეადგენს. საპროცენტო შემოსავლებში ყველაზე...

„თანხები უნდა გამოიყოს არა ნაძვის ხეების და ქუჩების განათებაზე, არამედ სამედიცინო დანადგარების შესაძენად“ - ვახტანგ სურგულაძე

„თანხები უნდა გამოიყოს არა ნაძვის ხეების და ქუჩების განათებაზე, არამედ სამედიცინო დანადგარების შესაძენად“ - ვახტანგ სურგულაძე
access_time2020-11-24 11:00:08
„სამწუხაროდ, საქართველოში ჯანდაცვის სისტემის მართვა არ ვიცით. საყოველთაო ჯანდაცვის პროგრამა, რომელსაც მე ვეძახი საყოველთაო „ბედნიერების“ პროგრამას, იყო სრული პროფანაცია. რომელმაც მოიტანა უხარისხო სამედიცინო სერვისი. არავინ ფიქრობდა რისკებზე, არ ხდება დღეს პოსტ დიპლომური განათლების მიღება და კრიზისული მომენტების მართვა. ჩვენი მედიცინა უკან მიდიოდა და ხარისხზე არავინ ფიქრობდა. წინა მინისტრმაც თქვა, რა დროს ხარისხია, ხალხს სერვისი უნდა მივაწოდოთო, — ამის შესახებ „კომერსანტთან“...

Die Welt: ამერიკა - პანდემიის მესამე ტალღის მოლოდინში

Die Welt: ამერიკა - პანდემიის მესამე ტალღის მოლოდინში
access_time2020-11-23 20:00:47
კორონაკრიზისი შტატებში ყოველდღიურად სულ უფრო და უფრო მწვავდება, თუმცა, პრეზიდენტი ტრამპი ტვიტერში კომენტარების წერით და გოლფის თამაშითაა დაკავებული. დემოკრატები სიტუაციის შემდგომი გამწვავების თავიდან არიდებას ცდილობენ, მაგრამ თეთრი სახლი ამ მცდელობების ბლოკირებას ახდენს.   ამერიკის ექთნების პროფკავშირის თავჯდომარე მერი ტერნერი შტატ მინესოტას ერთ-ერთ კლინიკაში მუშაობს და ეპიდემიოლოგიური ვითარებას თვალს ფრონტის წინა ხაზიდან ადევნებს.   ამ დღეებში...


მსგავსი სიახლეები

up