კახა კალაძე - მომდევნო წლიდან ბინათმესაკუთრეთა ამხანაგობები საკუთარი ეზოს გამწვანებას შეძლებენ

კახა კალაძე - მომდევნო წლიდან ბინათმესაკუთრეთა ამხანაგობები საკუთარი ეზოს გამწვანებას შეძლებენ

access_time2021-09-16 13:30:00

შიდაკვარტალური და საუბნო გამწვანების განვითარებისთვის, მომდევნო წლიდან, შესაძლებელი გახდება ბინათმესაკუთრეთა ამხანაგობის მიერ საკუთარის ეზოს გამწვანება. ამის შესახებ „ქართული ოცნების“ მერობის კანდიდატმა კახა კალაძემ საარჩევნო პროგრამის გარემოს დაცვის პოლიტიკის პრეზენტაციისას განაცხადა.


როგორც მერობის კანდიდატმა აღნიშნა, პროგრამა „გაამწვანე შენი უბანი“ მუნიციპალიტეტის დაფინანსებით განხორციელდება და ხელს შეუწყობს, როგორც მწვანე სივრცეების გაზრდას უბნებში, ასევე, გარემოს დაცვის მიმართულებით მოქალაქეთა ცნობიერების ამაღლებას.


„პროგრამის „გაამწვანე შენი უბანი“ მიხედვით დამატებით გამწვანდება ყველა ეზო. ეს არის ახალი საინტერესო პროგრამა, რომლის ფარგლებშიც კონკრეტულ უბნებსა და ეზოებში მცხოვრებ ადამიანებს თავად ექნებათ შესაძლებლობა თავიანთი ეზოების გამწვანების, განახლების და ისინი ჩვენი მხრიდან წახალისებულები იქნებიან“, - განაცხადა კახა კალაძემ.


როგორც მერის მოადგილე ანდრია ბასილაიამ აღნიშნულ პროგრამაზე საუბრისას განმარტა, კორპუსების ეზოების გამწვანების ინიციატივა თავად ადგილობრივი მოსახლეობისგან წამოვიდა და მას მუნიციპალიტეტმა აქტიურად დაუჭირა მხარი.


„ეს პროგრამა გამომდინარეობს იქიდან, რომ ძალიან ხშირია ადგილობრივი მოსახლეობისგან თხოცნა, რომ გამგეობამ ან მუნიციპალიტეტმა ნერგები აჩუქოს ან დაურგოს. ჩვენ მოვიფიქრეთ პროგრამა, რომელიც ითვალისწინებს ადგილობრივი მოსახლეობის ჩართულობას. მუნიციპალიტეტისგან იქნება გამოყოფილი გარკვეული თანხები. მუნიციპალიტეტი შეიძენს გარკვეულ ნარგავებს და შემდეგ უკვე ამხანაგობა აიღებს თავის თავზე გამწვანების სამუშაოების ჩატარებას. შეიქმნება ფორმალური პროგრამა, რომლის მეშვეობითაც ჩვენ მინიმუმ 100 000 ნარგავის დარგვას შევძლებთ უბნებსა და ეზოებში. დარწმუნებული ვარ, აღნიშნული პროგრამა წარმატებული იქნება“, - განაცხადა ანდრია ბასილაიამ.



გარემოს დაცვის პოლიტიკის პრეზენტაციისას, მწვანე ქალაქის შექმნის მიზნით დაგეგმილ პროექტებს შორის მერობის კანდიდატმა ფონდ „ქართუ"-სთან ერთად 300 ჰა დეგრადირებული ტყის აღდგენაც დაასახელა და „ქართუს“ მხარდაჭერისთვის მადლობა გადაუხადა.


„მწვანე ქალაქის შექმნის მიზნით, დედაქალაქში დაირგვება, მინიმუმ, 300 000 ნარგავი. პარალელურად, მიმდინარეობს ფიჭვების ჩანაცვლების პროგრამა, რომელიც სერიოზულ პრობლემას წარმოადგენს ჩვენი ქალაქისთვის. ფიჭვების დიდი ნაწილი დაავადებული და გადამხმარია. თბილისის ტყე გაშენდება 300 ჰა ფართობზე. მინდა, საქველმოქმედო ფონდს მადლობა გადავუხადო იმ აღდგენითი სამუშაოებისთვის, რასაც მთაწმინდის ფერდზე ახორციელებენ. ჩვენ თანამონაწილეები ვიქნებით ამ პროცესის“, - განაცხადა კახა კალაძემ.


მერის მოადგილე ანდრია ბასილაიას თქმით, დედაქალაქში ტყის მასივების განვითარებისთვის სასიცოცხლოდ მნიშვნელოვანი იყო ის, რომ გენგეგმამ შემოიღო ტყის ზონა და ამით შეაჩერა ტყის ხარჯზე მშენებლობების ადრე არსებული პრაქტიკა.


„მთაწმინდის გარდა, სადაც ფონდი „ქართუ“ გამწვანების ღონისძიბებს ახორციელებს, ჩვენ სხვა პრობლემურ ფერდებზეც შევალთ და ანალოგიურ სამუშაოებს ჩავატარებთ. ეს იქნება თბილისის ზღვის ფერდები, მახათას მთის ფერდი, ასევე ნუცუბიძის და ჯიქიას ფერდები. ჯამში 300 ჰა ტყე იქნება გაშენებული დამატებით. გარდა ამისა, ჩვენი მიზანია, არცერთი ეზო და კვარტალი არ იყოს სკვერის გარეშე და ამ მიმართულებით სამუშაოები აქტიურად გაგრძელდება 1000-ზე მეტი სკვერის მოწყობა გვაქვს დაგეგმილი. ასევე, საპილოტედ დავიწყეთ ბეტონის კუნძულების გადაკეთება საპილოტე კუნძულებად. მინიმუმ, 12 000 კვ მ. ფართობზე მოვაწყობთ დამატებით კუნძულებს. რაც მთავარია, ჩვენ 4 წელიწადში არ გვექნება დაავადებული ფიჭვების პრობლემა და აქტიურად დავიწყებთ ამ ხე-მცენარეების ჩანაცვლებას“, - განაცხადა ანდრია ბასილაიამ.



ინფორმაციას „ქართული ოცნება - დემოკრატიული საქართველოს“ პრესსამსახური ავრცელებს.





რა ენერგეტიკული შეცდომები დაუშვა ევროპამ

რა ენერგეტიკული შეცდომები დაუშვა ევროპამ
access_time2021-10-17 20:00:44
ევროპა თავადაა დამნაშავე საკუთარ ენერგეტიკულ პრობლემებში. ამის შესახებ Financial times-ი იუწყება. რუსეთს ხშირად ადარებენ დათვს, თუმცა, გაზზე ფასების ზრდა მეტყველებს, რომ ამჟამად მასხარის როლი უფრო მოუხდებოდა. ბუნებრივი გაზი რუსეთის ერთ-ერთი მთავარი საექსპორტო საქონელია, ევროკავშირს კი ის დღეს ძალიან აკლია. ფასების ზრდა ევროპაში მცირე მარაგებისა და აზიაში მაღალი მოთხოვნის შედეგია, რაც რუსეთის...

დასავლეთი უკრაინას ევროკავშირში წევრობის იმედს არ აძლევს

დასავლეთი უკრაინას ევროკავშირში წევრობის იმედს არ აძლევს
access_time2021-10-17 18:00:22
ევროკავშირი უკრაინაში რეფორმების პროცესის დამუხრუჭებით უკმაყოფილოა, უკრაინა კი თავის მხრივ უკმაყოფილოა ევროკავშირში წევრობის პერსპექტივის არარსებობით. ბრიუსელს და კიევს შორის ურთიერთობებში აშკარა სიცივე იგრძნობა. ევროპის აუდიტის...

საქართველოს მოსახლეობის 17%-მდე საარსებო შემწეობას იღებს

საქართველოს მოსახლეობის 17%-მდე საარსებო შემწეობას იღებს
access_time2021-10-17 11:00:07
სოციალური მომსახურების სააგენტოს მონაცემების მიხედვით, ქვეყანაში საარსებო შემწეობის მიმღებთა რაოდენობა სულ უფრო იზრდება. სტატისტიკა მზარდია, არა მხოლოდ წლიურ, არამედ თვიურ...

თურქეთი საქართველოს გავლით პროდუქციის ევროკავშირში ექსპორტს შეძლებს

თურქეთი საქართველოს გავლით პროდუქციის ევროკავშირში ექსპორტს შეძლებს
access_time2021-10-16 12:11:40
თურქეთმა მიიღო უფლება თავისუფალი ვაჭრობის რეჟიმში განახორციელოს თურქულ ნედლეულზე საქართველოში წარმოებული პროდუქციის ექსპორტი ევროკავშირში.  ახალი შეთანხმება არ...

2022 წლის ბიუჯეტში პანდემიის მართვისთვის თანხა მცირდება

 2022 წლის ბიუჯეტში პანდემიის მართვისთვის თანხა მცირდება
access_time2021-10-17 12:00:40
ხელისუფლება 2022 წლის სახელმწიფო ბიუჯეტში პანდემიის მართვისთვის საჭირო თანხას ამცირებს. სახელმწიფო ხაზინის პირველადი პროექტის თანახმად, კოვიდ 19-თან დაკავშირებული ხარჯები 310 მლნ ლარითაა შემცირებული. 276 მილიონი ლარით იკლო მოსახლეობის ჯანმრთელობის დაცვისთვის განსაზღვრულმა დაფინანსებამაც. ხელისუფლება ჯანდაცვის სექტორის...


მსგავსი სიახლეები

up