კახა კალაძე: ინფრასტრუქტურული პროექტების პირველი ეტაპი 15 სექტემბრისთვის დასრულდება

კახა კალაძე: ინფრასტრუქტურული პროექტების პირველი ეტაპი 15 სექტემბრისთვის დასრულდება

access_time2018-08-31 11:00:58


თბილისის მერიის ორგანიზებით, დედაქალაქში მიმდინარე ინფრასტრუქტურული პროექტებს გასაცნობად მედიატური გაიმართა.


თბილისის მერმა მედიის წარმომადგენლებთან ერთად ქალაქში მიმდინარე მასშტაბური ინფრასტრუქტურული სამუშაოები დაათვალიერა და მათ ყველა პროექტის შესახებ დეტალური ინფორმაცია მიაწოდა.


„დავათვალიერეთ მსხვილი პროექტები, რომელიც ქალაქის მასშტაბით მიმდინარეობს. ვიყავით ბარათაშვილის აღმართზე, სადაც მთლიანად იცვლება მიწისქვეშა კომუნიკაციები. ტროტუარებზე ქვაფენილი მოეწყობა. გარე განათებები მოწესრიგდება. არსებული ბოძები შეიცვლება და ახალი სანათები დამონტაჟდება. ადგილზე უკვე მოწესრიგდა სანიაღვრე სისტემა. ასევე, კლდის მხარეს გაკეთდა კიბე, რომლითაც როგორც ჩვენი ქალაქის მცხოვრებლებს, ასევე ტურისტებს შესაძლებლობა ექნებათ, ისარგებლონ და პრეზიდენტის რეზიდენციასთან საფეხმავლო ბილიკით ავიდნენ. მგონია, რომ ქალაქში ერთ-ერთი საუკეთესო ადგილი იქნება თავისი გადმოსახედებით“, - აღნიშნა კახა კალაძემ.


ასევე, დედაქალაქის მერი მედიის წარმომადგენლებთან ერთად, საბურთალოს რაიონში, გრიგოლ რობაქიძის გამზირზე, ჟიული შარტავას ქუჩასა და მერაბ კოსტავას ქუჩაზეც იმყოფებოდა, სადაც ინფრასტრუქტურული სამუშაოები აქტიურად მიმდინარეობს.


როგორც მან აღნიშნა, შარტავასა და კოსტავას ქუჩების პროექტი საკმაოდ მნიშვნელოვანია, რადგან მოეწყობა ველობილიკი, რომელიც პეკინის ქუჩას დაუკავშირდება და ერთი დიდი წრე შეიკვრება.



კახა კალაძის განცხადებით, ყველა ინფრასტრუქტურული პროექტის პირველი ნაწილი 15 სექტემბრისთვის დასრულდება, რომ ავტომანქანების გადაადგილებას ხელი არ შეეშალოს.


„მეორე ეტაპი ეს იქნება უკვე ბორდიურებისა და ტროტუარების მოწყობა, გარე განათებები და ა.შ აუცილებლად მინდა აღვნიშნო, რომ ცენტრალურ ქუჩებზე, რომლებიც ქალაქისთვის სასიცოცხლოდ მნიშვნელოვანია, 15 სექტემბრისთვის ავტომანქანებით გადაადგილება შეზღუდული არ იქნება. მაგალითად, მტკვრის მარჯვენა სანაპიროზე ერთი მიმართულება უკვე დასრულებულია და მეორე მიმართულების მოასფალტება უახლოეს მომავალში დაიწყება“, - განაცხადა დედაქალაქის მერმა.


ამასთან, კახა კალაძემ მიმდინარე საგზაო სამუშაოებისგან გამოწვეული ხმაურის გამო, მოსახლეობას ბოდიში კიდევ ერთხელ მოუხადა.


„ყველა ამ პროექტზე მთელი ღამის განმავლობაში მუშაობა გვიწევს, მათ შორის, შარტავა-კოსტავას ქუჩებზე, რომლებიც საკმაოდ მჭიდროდ დასახლებული ადგილია. ხმაურის გამო, მოსახლეობას მოთმინებისკენ მოვუწოდებ. მესმის, რომ რთულია, მაგრამ ეს ყველაფერი ჩვენთვის და ჩვენი ქალაქისთვის არის. რაც მთავარია ყველაფერი ხარისხიანად კეთდება, რომ სამომავლოდ პრობლემა არ შეიქმნას“, - განაცხადა დედაქალაქის მერმა.


მისივე თქმით, ყველა ინფრასტრუქტურულ პროექტში, რომელიც დედაქალაქის მასშტაბით მიმდინარეობს, გამწვანების მიმართულებაც გათვალისწინებული იქნება.


„ასევე, მინდა აღვნიშნო, რომ ქალაქში არსებული გზაგამტარების, ესტაკადების ქვედა ნაწილის გამწვანება მოხდება. აქამდე ეს ყველაფერი დაბეტონებული იყო, ახლა კი მწვანე სივრცეები შეიქმნება. ამ პროექტით ქალაქს კიდევ უფრო გავალამაზებთ“, - განაცხადა კახა კალაძემ.


დედაქალაქის მერთან ერთად, თბილისში მიმდინარე ინფრასტრუქტურული პროექტების გასაცნობ მედიატურზე მერის მოადგილე ირაკლი ბენდელიანი და მერიის ინფრასტრუქტურის განვითარების საქალაქო სამსახურის უფროსი გალაქტიონ ბუაძეც იმყოფებოდნენ.





დღის TOP 10 საინტერესო ამბავი

დღის TOP 10 საინტერესო ამბავი
access_time2020-07-14 21:30:35
დღის TOP 10 საინტერესო ამბავი 1. ავტომანქანების გაქირავების კომპანიები კორონავირუსის პანდემიის გამო გაკოტრების წინაშე არიან კორონავირუსით გამოწვეულმა პანდემიამ პრობლემები მანქანების  გაქირავების კომპანიებსაც შეუქმნა, ნაწილმა მანქანების  გაყიდვაც გადაწყვიტა. როგორც „კომერსანტთან“ ერთ-ერთი ასეთი კომპანიის შპს...

უკრაინაში სათამაშო ბიზნესი ლეგალური გახდა

უკრაინაში სათამაშო ბიზნესი ლეგალური გახდა
access_time2020-07-14 19:20:13
უკრაინის უმაღლესმა რადამ ქვეყანაში კაზინოების საქმიანობა და აზარტული ონლაინ თამაშები ლეგალურად დაუშვა. ამის შესახებ Deutsche Welle წერს. გადაწყვეტილება უკრაინის რადამ, დღეს მიიღო და შესაბამის კანონპროექტს უყარა კენჭი. პროცედურაში 248 დეპუტატი მონაწილეობდა. ახალი კანონით დაშვებულია აზარტული თამაშები კაზინოში და ონლაინ, საბუკმეკერო საქმიანობა, ასევე ლატარეის გამოშვება და სათამაშო ბიზნესის სხვა სახეობები. ასევე დაშვებულია კაზინოების განთავსება კიევში და...

მთავრობას საგანგებო მდგომარეობის გამოცხადების გარეშე, შემზღუდავი ღონისძიების გამოყენების უფლება 2020 წლის ბოლომდე გაუხანგრძლივდა

მთავრობას საგანგებო მდგომარეობის გამოცხადების გარეშე, შემზღუდავი ღონისძიების გამოყენების უფლება 2020 წლის ბოლომდე გაუხანგრძლივდა
access_time2020-07-14 17:14:05
მთავრობას საგანგებო მდგომარეობის გამოცხადების გარეშე, შემზღუდავი ღონისძიების გამოყენების უფლება 2020 წლის ბოლომდე გაუხანგრძლივდა. პარლამენტმა „საზოგადოებრივი ჯანმრთელობის შესახებ“ კანონში შესატანი ცვლილებების პროექტი 79 ხმით დაამტკიცა.   აღნიშნული ცვლილებებით, მთავრობას საკარანტინო ღონისძიებების გატარების უფლება, რაც დაკავშირებულია გადაადგილების, ეკონომიკური საქმიანობის, საკუთრების, თავშეყრის, შრომის და სხვა უფლებების შეზღუდვასთან, 15 ივლისის ნაცვლად, 2021 წლის 1 იანვრამდე...

ვინ ამოაყირავებს ნავთობის ფასს - ხვალ ოპეკი ნავთობმოპოვების საკითხს კვლავ განიხილავს

ვინ ამოაყირავებს ნავთობის ფასს - ხვალ ოპეკი ნავთობმოპოვების საკითხს კვლავ განიხილავს
access_time2020-07-14 20:00:07
ერთი შეხედვით, მაის-აპრილის პანიკა ნავთობის ბაზარზე წარსულს ჩაბარდა, თუმცა, რეალობაში მდგომარეობა ისევ რთული და არასტაბილური რჩება - ერთის მხრივ, ნავთობის საშუალო ფასი უკვე 1,5 თვეა 40 დოლარის ფარგლებშია და ეს ცუდი არაა იმ პერიოდთან შედარებით, როდესაც შავი ოქრო 10 დოლარი ღირდა.   თუმცა, ასეთი ფასი არ აწყობს მსხვილ მოთამაშეებს - პირველ რიგში რუსეთს და საუდის არაბეთს, რადგანაც ის მათ უდეფიციტო ბიუჯეტის ფორმირების საშუალებას არ...

როგორი იქნება ახალი საოფისე სივრცე „ვაკე პლაზა“ - (ფოტოები)

როგორი იქნება ახალი საოფისე სივრცე „ვაკე პლაზა“ - (ფოტოები)
access_time2020-07-14 17:00:00
თბილისში, ჭავჭავაძის გამზირზე N72ა-ში  მრავალფუნქციური  სივრცე  „ვაკე პლაზა“ შემოდგომაზე გაიხსნება. როგორც პროექტის ხელმძღვანელმა რუსუდან ჩერგოლეიშვილმა განაცხადა, ახალ საოფისე სივრცეში შესაძლებელი იქნება როგორც ოფისების ქირაობა, ისე არაფორმალური შეხვედრების გამართვა.   პროექტში 20 მილიონი აშშ დოლარის ინვესტიცია...


მსგავსი სიახლეები

up