კახა კალაძე: ღამის ეკონომიკის პროექტი საკმაოდ მასშტაბურია და ბევრი მიმართულებისგან შედგება

კახა კალაძე: ღამის ეკონომიკის პროექტი საკმაოდ მასშტაბურია და ბევრი მიმართულებისგან შედგება

access_time2018-05-16 14:03:57

კახა კალაძე - დღისითაც აკავებენ ნარკორეალიზატორებს და ეს მოქმედებს ეკონომიკის განვითარებაზე? გავაჩეროთ ყველაფერი?

 

ბოლო დღეების განმავლობაში არასწორი ინტერპრეტაციები და სპეკულირებაა, რასაც ნამდვილად ვერ დავეთანხმები - გულწრფელად გეტყვით, რომ ღამის ეკონომიკის განვითარებასთან ნარკოტიკებს არანაირი შეხება არ აქვს და საერთოდ კავშირში არ არის, - ამის შესახებ თბილისის მერმა კახა კალაძემ კავკასიის უნივერსიტეტში სტუდენტებთან შეხვედრისას განაცხადა.

კალაძემ ღამის ეკონომიკის განვითარებაზე დასმული კითხვის საპასუხოდ აღნიშნა, რომ კლუბებში ჩატარებული სპეცოპერაციები ამ მიმართულების განვითარებაზე ცუდად არ აისახება და ამ საკითხზე არასწორი სპეკულირება მიმდინარეობს. 

"ღამის ეკონომიკის პროექტი საკმაოდ მასშტაბურია და ბევრი მიმართულებისგან შედგება. როდესაც პირველად გავაჟღერე ეს ინფორმაცია, მხოლოდ კლუბებზე, ცეკვა-თამაშზე და გართობაზე ჰქონდათ ყურადღება, თუმცა, ეს ასე არ არის. გართობა და კლუბები ერთ-ერთი შემადგენელი ნაწილია ღამის ეკონომიკის განვითარების. მერიის მხრიდან იქნება მხარდაჭერა და თანადგომა საზოგადოებრივი ტრანსპორტის თვალსაზრისით. როდესაც ახალგაზრდები ღამის კლუბში მიდიან, იქედან დაბრუნება არის შეუძლებელი, რადგან იმ საათებში საზოგადოებრივი ტრანსპორტი საერთოდ არ მოძრაობს. ამ მიმართულებით გვაქვს ხედვა, როგორ უნდა მოხდეს ხელშეწყობა. ახალს და განსხვავებულს არაფერს ვიგონებთ, როგორც განვითარებულ ქვეყნებშია ამ დარგებთან მიმართებაში, იგივეს ვაკეთებთ. ჩემთვის საუკეთესო მაგალითი ლონდონია, თუ როგორ არის განვითარებული ღამის ეკონომიკა. როგორ არის დედაქალაქის მერიის მხრიდან ხელშეწყობა. როდესაც მიმართულებებზე ვსაუბრობთ, აქ არის კულტურული ღონისძიებები, მუზეუმები, სპორტული ღონისძიებები. 

როდესაც ვსაუბრობთ სამუშაო ადგილებზე, მცირე და საშუალო ბიზნესის ხელშეწყობაზე, ახალგაზრდების ჩართულობით, შესაძლოა სტარტაპები დავაფინანსოთ ღამის ეკონომიკის განვითარების თვალსაზრისით და თანხები მერიამ გამოყოს. ბიზნესის ჩართულობით შესაძლებელია ამ მიმართულების განვითარება და ა.შ. 

ბოლო დღეების განმავლობაში არასწორი ინტერპრეტაციები და სპეკულირებაა, რასაც ნამდვილად ვერ დავეთანხმები. გულწრფელად გეტყვით, რომ ღამის ეკონომიკის განვითარებასთან ნარკოტიკებს არანაირი შეხება არ აქვს და საერთოდ კავშირში არ არის.

ჩვენ აუცილებლად უნდა შევცვალოთ დამოკიდებულება ნარკომომხმარებლების მიმართ. კი არ უნდა დავსაჯოთ და გავაუბედუროთ, პირიქით, ჩვენი პოლიტიკა მიმართული უნდა იყოს იქითკენ, რომ ახალგაზრდები დავიცვათ ნარკოტიკებისგან. ძალიან ხისტები უნდა ვიყოთ და ვებრძოლოთ ნარკორეალიზატორებს“, - განაცხადა კალაძემ და დასძინა, რომ ღამის ეკონომიკის განვითარების პროექტის განხორციელებაში ის გადაუჭრელ პრობლემებს ვერ ხედავს. 

"შეიძლება პატარა დაბრკოლებები იყოს, არის გამოწვევები, მაგრამ ამას გავუმკლავდებით, ღამის ეკონომიკა ჩვენი ქვეყნისთვის იქნება ერთ-ერთი წარმატებული პროექტი და არა მხოლოდ ჩვენი ქვეყანა და რეგიონი, მთელი მსოფლიო ილაპარაკებს ამაზე", - განაცხადა კალაძემ სტუდენტებთან შეხვედრისას. 

მოგვიანებით კი ჟურნალისტებთან საუბრისას აღნიშნა, რომ სახელმწიფომ ომი ნარკორეალიზატორებს უნდა გამოუცხადოს, მომხმარებლები კი, დაიცვას. 
"ჩვენ, სახელმწიფომ ნარკომომხმარებლები კი არ უნდა დავსაჯოთ, უნდა დავიცვათ და დავეხმაროთ", - განაცხადა კალაძემ. 

კითხვაზე, ახალგაზრდების ნაწილი ფიქრობს, რომ ჩატარებულმა სპეცოპერაციამ საკლუბო ცხოვრებაზე ცუდად იმოქმედა და ხომ არ შეაფერხებს ეს ღამის ეკონომიკის განვითარებას, კალაძე პასუხობს: "დღისითაც აკავებენ ნარკორეალიზატორებს და ეს მოქმედებს ეკონომიკის განვითარებაზე? გავაჩეროთ ყველაფერი?",- განაცხადა კალაძემ.


 





კომპანია „სილქნეტის“ განცხადება

კომპანია „სილქნეტის“ განცხადება
access_time2019-01-22 22:27:41
კომპანია სილქნეტი სპეციალურ განცხადებას  ავრცელებს. კომერსანტი ტექსტს უცვლელად გთავაზობთ: როგორც საზოგადოებისთვის ცნობილია, საქართველოს სატელეკომუნიკაციო სექტორში 2018 წელს განხორციელებული ბაზრის ლიდერი ორი კომპანიის  - სილქნეტის და ჯეოსელის გაერთიანების შედეგად, შეიქმნა სატელეკომუნიკაციო კომპანია, რომელმაც ინტერნეტის, საკაბელო ტელევიზიისა და ფიქსირებული ტელეფონიის სერვისები გააერთიანა მობილურ სერვისებთან და მომხმარებლებს...

Fund for Peace: საქართველოს მაკროეკონომიკური მაჩვენებლები გაუარესდა

Fund for Peace: საქართველოს მაკროეკონომიკური მაჩვენებლები  გაუარესდა
access_time2019-01-22 20:00:20
საერთაშორისო ორგანიზაცია Fund for Peace ყოველწიურად ადგენს სახელმწიფოების მდგრადობის რეიტინგს, რომელიც ასახავს სხვადსხვა ქვეყნებში პოლიტიკური და ეკონომიკური რისკების დონეს. სიის შემდგენელთა განცხადებით, მათი მიზანია პოლიტიკოსების გაფრთხილება შესაძლო დაძაბულობის და კონფლიქტების შესახებ. ინდექსი ზომავს ქვეყნებს სტაბილურობის დონეს. 2018 წლის მონაცემებით, საქართველომ დაიკავა 83-ე ადგილი 178 ქვეყანას შორის და 120...

პაატა შურღაია:„ბაზისური პენსიის გაცემის ტვირთი რამდენიმე წელიწადში გაიზრდება და ბიუჯეტის 30-40%-ს მიაღწევს, ეს ეკონომიკის კატასტროფაა“

პაატა შურღაია:„ბაზისური პენსიის გაცემის ტვირთი რამდენიმე წელიწადში გაიზრდება და ბიუჯეტის 30-40%-ს მიაღწევს, ეს ეკონომიკის კატასტროფაა“
access_time2019-01-22 19:00:48
მთავრობამ 2019 წლის პირველი იანვრიდან ქვეყანაში ნაწილობრივ სავალდებულო დაგროვებითი საპენსიო რეფორმის აამოქმედა. დაგროვებითი პენსიის კანონი პარლამენტმა 2018 წლის 21 ივლისს მიიღო. სისტემის ამოქმედების შემდეგ, მოქალაქეების მიერ დაზოგილ თანხას სპეციალური საპენსიო ფონდი განკარგავს, აღნიშნულ ფულს გარკვეულ საპროცენტო განაკვეთს დაარიცხავს და მოქალაქეებს ამ თანხას პენსიაზე გასვლის შემდეგ დაუბრუნებს....

„პრემიერს გამორჩა ერთი სიტყვა, რამაც არასწორი წარმოდგენები შექმნა“ - საგარეო საქმეთა სამინისტრო ბახტაძის განცხადებასთან დაკავშირებით განმარტებას კომერსანტთან აკეთებს

 „პრემიერს გამორჩა ერთი სიტყვა, რამაც არასწორი წარმოდგენები შექმნა“ - საგარეო საქმეთა სამინისტრო ბახტაძის განცხადებასთან დაკავშირებით განმარტებას კომერსანტთან აკეთებს
access_time2019-01-22 16:00:54
„ევროკავშირმა საქართველოს გამოუყო 3,4 მილიარდი ევროს ფინანსური სახსრები“ — პრემიერ-მინისტრ მამუკა ბახტაძის მიერ ბრიფინგზე გაკეთებული ეს განცხადება მედიაში დავის საგანი გახდა. ვებ-პორტალი „ბათუმელების“ ინფორმაციით, ევროკავშირს საქართველოსთვის აღნიშნული ფინანსური სახსრები არ გამოუყვია. შესაბამისად, პრემიერის ნათქვამი არასწორია. კომერსანტმა საკითხში გარკვევის მიზნით, საგარეო საქმეთა სამინისტროს მიმართა, სადაც ექსკლუზიურად...

ნინო ზამბახიძე: საქართველოში მეწარმეები ბიუროკრატიას ეწირებიან

ნინო ზამბახიძე: საქართველოში მეწარმეები ბიუროკრატიას ეწირებიან
access_time2019-01-22 14:00:47
„საქართველოში მეწარმეები  ბიუროკრატიას ეწირებიან. აქამდე ამ თემაზე საჯაროდ არ ვსაუბრობდი, რადგან არ მინდოდა ფერმერთა ასოციაციის სახელი გამომეყენებინა. თუმცა ამ პრობლემის წინაშე მხოლოდ მე არ ვარ. აქედან გამომდინარე, გადავწყვიტე ჩემი ფერმა გავყიდო, რომ მეტი დრო დავუთმო ფერმერთა ასოციაციას და დავეხმარო სხვა ფერმერებს, რომ იგივე მდგომარეობაში არ აღმოჩნდნენ. “,— ამის შესახებ საქართველოს ფერმერთა ასოციაციის თავმჯდომარე ნინო ზამბახიძემ კომერსანტს...


მსგავსი სიახლეები

up