კახა კალაძე –„ ერთადერთი პოლიტიკური ძალა, ვისაც რეალურად აქვს იმის უნარი, აქვს იმის ძალა, რომ ქვეყანაში შეინარჩუნოს მშვიდობა, სიმშვიდე და ქვეყნის სწრაფი განვითარება, ეს არის „ქართული ოცნება - დემოკრატიული საქართველო““

კახა კალაძე –„ ერთადერთი პოლიტიკური ძალა, ვისაც რეალურად აქვს იმის უნარი, აქვს იმის ძალა, რომ ქვეყანაში შეინარჩუნოს მშვიდობა, სიმშვიდე და ქვეყნის სწრაფი განვითარება, ეს არის „ქართული ოცნება - დემოკრატიული საქართველო““

access_time2020-10-28 18:22:47

„კარგად იცით, რომ წლების მანძილზე არა მხოლოდ ნაძალადევის რაიონი, არამედ მთელი თბილისი მთლიანად იყო მიტოვებული. ადამიანებს არ ჰქონდათ განვითარების შესაძლებლობა, დამკვიდრებული იყო უიმედობა და სრული ნიჰილიზმი. 2012 წლის შემდეგ სიტუაცია კარდინალურად შეიცვალა უკეთესობისკენ“ – განაცხადა „ქართული ოცნება-დემოკრატიული საქართველოს“ გენერალურმა მდივანმა კახა კალაძემ ნაძალადევის მაჟორიტარი დეპუტატობის კანდიდატის მიხეილ ყაველაშვილის წარდგენაზე სიტყვით გამოსვლისას. ინფორმაციას „ქართული ოცნება-დემოკრატიული საქართველოს“ პრესსამსახური ავრცელებს.



„დღეს სახელმწიფო თავის მოქალაქეებზე მზრუნველი და დამხმარე გახდა, უსმენს ადამიანებს და ყველაფერს აკეთებს თავის შესაძლებლობის ფარგლებში.



რადგან დღეს ჩვენ ნაძალადევის რაიონში ვიმყოფებით, მე როგორ ქალაქის მერს, არ შემიძლია არ აღვნიშნო ბოლო წლების განმავლობაში გაკეთებული ძალიან კარგი პროექტები. დღეს ჩვენ ვიმყოფებით კიკვიძის პარკში და ყველას კარგად გვახსოვს, წლების განმავლობაში აქ რა მდგომარეობა იყო და რა უმძიმესი სიტუაცია სუფევდა. თუმცა, დღეს მართლაც თვალს და გულს უხარია არსებული მდგომარეობა. ჩვენ რამდენიმე თვის წინ დავასრულეთ ამ პარკის სრული რეაბილიტაცია და უბედნიერესი ადამიანი ვარ იმით, რომ ყოველდღიურად უამრავი ახალგაზრდა, ყველა ასაკის ადამიანი სარგებლობს ამ რეკრეაციული სივრცით, რომელიც ძალიან მნიშნელოვანია ნაძალადევის რაიონისთვის.



ასევე დღეს მინდა გავახმაურო სიახლე ერთ ძალიან მნიშნელოვან პროექტთან დაკავშირებით, რომელსაც ვფიქრობ, ძალიან ბევრი ადამიანი ელოდება. მხედველობაში მაქვს თემქის ხევის რეაბილიტაცია- განახლება. პროექტი უკვე მზად არის, შერჩეული გვყავს სამშენებლო კომპანია, ტენდერში გამარჯვებული, ვინც უშუალოდ დაიწყებს სამუშაოების განხორციელებას. დაახლოებით 35 მილიონი ლარი დაჯდება და ორი წლის განმავლობაში მთლიანად პროექტი იქნება დასრულებული, განახლებული და ქალაქს შეემატება კიდევ ერთი ძალიან მაგარი, რეკრეაციული, დასასვენებელი სივრცე, რომელიც 25 ჰექტარზე იქნება გადაჭიმული.




ეს ყველაფერი მეტყველებს ჩვენს მიდგომასა და დამოკიდებულებაზე, თუ როგორი გვინდა იყოს ჩვენი ქალაქი, როგორი გვინდა იყოს ხვალინდელი თბილისი. ჩვენთვის არ არსებობს პრიორიტეტული უბნები და რაიონები, ჩვენთვის ყველა უბანს, ყველა ქუჩას აქვს განსაკუთრებული მნიშვნელობა და ბიუჯეტის გადანაწილება ხდება თანაბრად.



აქაც ძალიან მარტივი სტატისტიკა მინდა მოვიყვანო. 2014 წელს ნაძალადევის რაიონის ბიუჯეტი დაახლოებით 13- 14 მილიონი იყო, დღეს 24-25 მილიონია და რა თქმა უნდა, მომდევნო წლების განმავლობაში კიდევ უფრო გაიზრდება. ჩვენ ყველაფერს გავაკეთებთ იმისთვის, რომ ამ ქალაქში ცხოვრება ყველასათვის იყოს კომფორტული. საზოგადოებრივი ტრანსპროტის განახლება, ინფრასტრუქტურული პროექტები, რა თქმა უნდა, მომდევნო წლებშიც გაგრძელდება, მაგრამ ამასთანავე არ უნდა დაგვავიწყდეს, მე არ მავიწყდება და ძალიან კარგად ვიცი ყველა ის პრობლემა, რომელიც აწუხებს ნაძალადევის რაიონს.



მიუხედავად იმისა, რომ ბოლო წლების განმავლობაში ბევრი მაგარი პროექტი გაკეთდა, ბევრი გზა დაიგო, შეიცვალა მიწისქვეშა კომუნიკაციები, ჯერ კიდევ არსებობს ქუჩები, ჯერ კიდევ არსებობს ისეთი უბნები, სადაც სერიოზული პრობლემები გვაქვს. გვაქვს შენობა- ნაგებობები, რომელთაც სჭირდება გამაგრებითი ღონისძებები. არსებობს ქუჩები, სადაც მიწისქვეშა კომუნიკაციებია მოსაწერიგებელი, კეთილმოწყობა არის გასაკეთებელი, ახალი ბაღებია ასაშენებელი.



მინდა, ასევე დავავანონსო მანჯგალაძის ქუჩის რეაბილიტაცია, რომელიც წლის ბოლოს დაიწყება და მომდევნო წელს მთლიანად დასრულდება.



მეგობრებო, ის რაზეც ჩვენ ვსაუბრობთ - ქვეყნის განვითარება, ქალაქის განვითარება, წინსვლა, აღმშენებლობა, რა თქმა უნდა, მშვიდობის, სიმშვიდის და სტაბილურობის გარეშე შეუძლებელია იყოს მიღწევადი. ამიტომ, ერთადერთი პოლიტიკური ძალა, ვისაც რეალურად აქვს იმის უნარი, აქვს იმის ძალა, რომ ქვეყანაში შეინარჩუნოს მშვიდობა, სიმშვიდე და ქვეყნის სწრაფი განვითარება, ეს არის „ქართული ოცნება- დემოკრატიული საქართველო“.



ჩვენ გამარჯვებამდე დაგვრჩა 3 დღე. უნდა დავირაზმოთ ყველანი და ხმა უნდა მივცეთ ქვეყნის განვითარებას, ქვეყნის წინსვლას, აღმშენებლობასა და გამარჯვებას.



ერთად საქართველოს წარმატებისთვის!“ – განაცხადა კახა კალაძემ.








1 დეკემბერი - რეგიონში მხოლოდ ქართული ლარი გამყარდა

1 დეკემბერი - რეგიონში მხოლოდ ქართული ლარი გამყარდა
access_time2020-12-01 18:10:14
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 1 დეკემბრის ვაჭრობის შედეგად, ეროვნული ვალუტა აშშ დოლართან მიმართებით გამყარდა, რის შედეგადაც ერთი დოლარის ოფიციალური ღირებულება 3.3185 ლარი გახდა....

დღის Top 10 საინტერესო ამბავი

დღის Top 10 საინტერესო ამბავი
access_time2020-12-01 21:00:47
დღის Top 10 საინტერესო ამბავი:   1. 2021 წლის 1-ლი იანვრიდან პენსიები იზრდება 2021 წლის ბიუჯეტის პროექტში, რომელიც საქართველოს პარლამენტში უკვე წარდგენილია გათვალისწინებულია პენსიების მატება მომავალი წლის 1-ლი იანვრიდან. ჯამში საპენსიო უზრუნველყოფაზე მიმართულია 2.6 მლნ ლარი (გაზრდილია 370 მლნ ლარით), რაც გამოწვეულია სახელმწიფო პენსიის ზრდის ინდექსაციის წესის...

გადაიხადე საკომისიოს გარეშე - აქცია თიბისი ფეისგან

გადაიხადე საკომისიოს გარეშე - აქცია თიბისი ფეისგან
access_time2020-12-01 15:00:07
თიბისი ფეის თავისი  მომხმარებლებისთვის განსაკუთრებული შეთავაზება აქვს. მთელი დეკემბრის მანძილზე კომპანიის ვებგვერდისა და მობილური აპლიკაციის საშუალებით ნებისმიერი სერვისის გადახდა საკომისიოს გარეშე იქნება შესაძლებელი.   თიბისი ფეის ონლაინ პლატფორმა არის ერთიანი სივრცე, სადაც უამრავი საჭირო და სასარგებლო სერვისია თავმოყრილი. კომპანიის ვებგვერდისა და მობილური აპლიკაციების საშუალებით, შეგიძლიათ შეავსოთ მობილური ბალანსი,  გადაიხადოთ სახელმწიფო, ფინანსური და...

ივანიშვილის 5 - ვარკვლავიანი სასტუმროს მშენებლობა განმუხურში აქტიურ ფაზაშია

ივანიშვილის 5 - ვარკვლავიანი სასტუმროს მშენებლობა განმუხურში აქტიურ ფაზაშია
access_time2020-12-01 15:15:51
„განმუხურში 5 - ვარკვლავიანი სასტუმროს მშენებლობა აქტიურ ფაზაშია“, ამის შესახებ „კომერსანტს“ ბიძინა ივანიშვილის „თანაინვესტირების ფონდში“ განუცხადეს. მათი ინფორმაციით, ამჟამად ტერიტორიაზე რკინა-ბეტონის სამუშაოები მიმდინარეობს. პროექტი, რომლის ჯამური ინვესტიციის მოცულობა 45 მლნ აშშ დოლარს შეადგენს, 2022 წელს დასრულდება.   „საქართველოს ტურიზმის განვითარების ფონდის ფარგლებში, ანაკლიასთან ახლოს მიმდინარეობს მარიოტის საერთაშორისო ქსელის, Tribute Collection-ის ბრენდის სასტუმროს...

Arcadia Group-ი, რომელიც ბრიტანულ ბრენდებს Miss Selfridge-ს, Topshop-ს, Wallis-ს ფლობს, გაკოტრდა

Arcadia Group-ი, რომელიც ბრიტანულ ბრენდებს Miss Selfridge-ს, Topshop-ს, Wallis-ს ფლობს, გაკოტრდა
access_time2020-12-01 16:15:51
Arcadia Group-ი, რომელიც ბრიტანულ ბრენდებს Miss Selfridge-ის, Topshop-ს, Wallis-ის, Dorothy Perkins-ს, Evans-ს და Burton-ს ფლობს, ბრიტანეთის შესაბამის უწყებაში გაკოტრების შესახებ განაცხადი შეიტანა. კომპანიაში აცხადებენ, რომ კორონავირუსის პანდემიის გავლენას ვერ გაუმკლავდნენ.   „ეს ძალიან სამწუხარო დღეა ყველა ჩვენი თანამშრომლისთვის“, - განაცხადა Arcadia Group-ის აღმასრულებელმა დირექტორმა იან გრაბინერმა.   მისივე თქმით, კორონავირუსული პანდემია და...


მსგავსი სიახლეები

up