კახა კალაძე ბაქოში "სამხრეთ გაზის დერეფნის" განხორციელების მიზნით შექმნილ საკოორდინაციო საბჭოს მინისტერიალში მონაწილეობს

კახა კალაძე ბაქოში "სამხრეთ გაზის დერეფნის" განხორციელების მიზნით შექმნილ საკოორდინაციო საბჭოს მინისტერიალში მონაწილეობს

access_time2017-02-23 13:11:05

ვიცე-პრემიერი/ენერგეტიკის მინისტრი კახა კალაძე ბაქოში „სამხრეთ გაზის დერეფნის" განხორციელების მიზნით შექმნილ საკოორდინაციო საბჭოს მინისტერიალში მონაწილეობს, სადაც „შაჰ-დენიზის" მეორე ფაზის შეუფერხებელ ამოქმედებასა და ევროკავშირისათვის ენერგეტიკული რესურსების მიწოდების ალტერნატიული მარშრუტის განვითარების მიმდინარეობაზე მსჯელობენ.

 


,,მინდა აღვნიშნო, რომ ენერგეტიკული რესურსების უწყვეტი მიწოდება- წყაროების, მარშრუტებისა და მიმწოდებლების დივერსიფიკაციის გზით, კვლავ აქტუალურია ჩვენს რეგიონში არსებული გამოწვევების ფონზე, რომელიც ხშირად ერთ მიმწოდებელზე დამოკიდებულებას, პოლიტიკური ფასის დაწესებას და კონკურენტული ბაზრის განვითარების ხელშეშლას უკავშირდება. შესაბამისად, ეკონომიკური განვითარების აუცილებელი წინაპირობა - მწარმოებელი და მომხმარებელი ქვეყნების საზრუნავი მათი ინტერესების გათვალისწინებით ეფექტური მექანიზმების შემუშავება, წარმოადგენს სწორედ არსებული გამოწვევების საპასუხოდ მიმართულ ქმედებას.

 


სწორედ ამიტომ, განსაკუთრებულად მნიშვნელოვანია "სამხრეთ გაზის დერეფნის" დროული და თანმიმდევრული განვითარება იმ ენერგეტიკული კრიზისების თავიდან ასაცილებლად, რომლის საფრთხეებიც დღეს ყველასათვის ნათელია. მიხარია, რომ ევროკავშირისთვის ენერგეტიკული რესურსების მიწოდების დივერსიფიკაციის პროცესში საქართველო ერთ-ერთ მნიშვნელოვან რგოლს წარმოადგენს სხვა პარტნიორ ქვეყნებთან ერთად. აღნიშნულის გათვალისწინებით, როგორც სატრანზიტო ქვეყანა, დაინტერესებული ვართ რეგიონში ენერგეტიკული უსაფრთხოებისა და სტაბილური მდგომარეობის უზრუნველყოფით და მზად ვართ აქტიურად ვითანამშრომლოთ, შევისწავლოთ და განვიხილოთ ყველა პრობლემა, მათი გადაჭრის გზები და ამ მხრივ წვლილი შევიტანოთ იმ საერთო მიდგომის ჩამოყალიბებაში, რომელიც "სამხრეთ გაზის დერეფნის" პროექტის შეუფერხებლად განვითარების აუცილებელი წინაპირობაა." - განაცხადა კახა კალაძემ

 

 

„შაჰ-დენიზის" მეორე ფაზის ფარგლებში, „სამხრეთ გაზის დერეფნის" პროექტის განხორციელება გულისხმობს ბუნებრივი აირის იტალიაში ტრანსპორტირებას აზერბაიჯანის, საქართველოს, თურქეთის, საბერძნეთისა და ალბანეთის გავლით. პროექტის მთლიანი ღირებულება 45 მლრდ აშშ დოლარი, ხოლო მილსადენის სიგრძე 3 460 კმ-ია.

 


„სამხრეთ კავკასიური მილსადენი" წარმოადგენს აღნიშნული ტრანსპორტირების მარშუტის ნაწილს აზერბაიჯანიდან, საქართველოს გავლით - თურქეთამდე. სამხრეთ კავკასიური მილსადენის სიგრძე 690 კმ-ია.

 



საქართველოში „სამხრეთ კავკასიური მილსადენის" გაფართოების სამუშაოები უკვე მიმდინარეობს, რაზეც 2 მილიარდი აშშ დოლარის ინვესტიცია ხორციელდება, საიდანაც 400 მლნ აშშ დოლარის მომსახურებისა და საქონლის შეძენა უშუალოდ საქართველოში ხდება.
სამუშაოების დასრულების შემდეგ მილის გამტარუნარიანობა არსებული 6 მლრდ-დან - 16 მლრდ კუბური მეტრით გაიზრდება. ბუნებრივი აირის გაზრდილი მოცულობების ტრანზიტი 2019 წლიდან დაიწყება, ხოლო 2020 წლიდან საქართველო ტრანზიტის საფასურად ყოველწლიურად დაახლოებით 1 მილიარდამდე კუბურ მეტრ გაზს მიიღებს.

 


"სამხრეთ კავკასიური მილსადენის" გაფართოების პროექტის ფარგლებში ამ ეტაპზე სამუშაოებზე დასაქმებულია საქართველოს 3200 მოქალაქე.

 


ასევე, შეუფერხებლად მიმდინარეობს სამშენებლო სამუშაოები წნევის შემცირებისა და გამზომ ახალ სადგურში, რომელიც წარმოადგენს SCPX-ისა (სამხრეთ კავკასიური მილსადენი-გაფართოება) და TANAP-ის (ტრანსანატოლიური მილსადენი) მილსადენების დაკავშირების წერტილს თურქეთის საზღვართან.

 

 

დამატებით ინფორმაციისთვის:


„სამხრეთ გაზის დერეფნის" პროექტი იყოფა სამ ნაწილად: „სახმრეთ კავკასიური მილსადენი" (SCP), „ტრანს-ანატოლიური" (TANAP) და „ტრანს-ადტრიატიკული" მისალდენები (TAP).

 


„სამხრეთ კავკასიური მილსადენი" (SCP- 690 კმ) აზერბაიჯანს, საქართველოს გავლით აკავშირებს თურქეთთან.

 


„ტრანს-ანატოლიური მილსადენი" (TANAP - 1900 კმ) თურქეთს აკავშირებს საბერძნეთთან.

 


„ტრანს-ადტრიატიკული მილსადენი" (TAP - 870 კმ) საბერძნეთიდან, ალბანეთისა და ადრიატიკის ზღვის გავლით მიდის სამხრეთ იტალიამდე.

 

 

 



მარკ ცუკერბერგი ცენტი-მილიარდერების კლუბს შეუერთდა

მარკ ცუკერბერგი ცენტი-მილიარდერების კლუბს შეუერთდა
access_time2020-08-08 19:35:02
მარკ ცუკერბერგი ცენტი-მილიარდერების კლუბს შეუერთდა, რაც იმას ნიშნავს, რომ მისმა ქონებამ $100 მილიარდი შეადგინა. ამის შესახებ...

MEI: რუსეთის სამხედრო თავდასხმამ და მისმა შედეგებმა საქართველო დასავლეთთან დაახლოებისკენ მიმავალ გზაზე ვერ დააბრკოლა

MEI: რუსეთის სამხედრო თავდასხმამ და მისმა შედეგებმა საქართველო დასავლეთთან დაახლოებისკენ მიმავალ გზაზე ვერ დააბრკოლა
access_time2020-08-08 18:00:38
„ამ კვირაში სრულდება 12 წელი რუსეთის მიერ საქართველოს ტერიტორიაზე შემოჭრის შემდეგ. მაშინ, როცა მსოფლიოს ყურადღება გადატანილი იყო პეკინის ზაფხულის ოლიმპიადაზე, ოკუპანტი ძალები: ასობით რუსული ტანკი და ჯავშანტრანსპორტიორი როკის გვირაბის გავლით მიადგა რუსეთ-საქართველოს საზღვარს“, - ამის შესახებ არაკომერციული და არაპარტიული ანალიტიკური ინსტიტუტის – „ახლო აღმოსავლეთის...

ევროპული თვალთახედვა დეზინფორმაციასთან საბრძოლველად

ევროპული თვალთახედვა დეზინფორმაციასთან საბრძოლველად
access_time2020-08-08 13:00:39
ლიეტუვას რადიოსა და ტელევიზიის კომისიის თავმჯდომარეს, ბატონ მანტას მარტისიუსს სოციალური სამართლის იურისტი ნინი შენგელია ესაუბრა. დიალოგი გაიმართა „სექტორი 3-ის, ჰაბი განვითარებისთვის“ პროექტის ფარგლებში. თემა შეეხებოდა დეზინფორმაციის საფრთხეს, ყალბ ახალ ამბებს, სოციალურ მედიაში სიძულვილის ენასა და სოციალური მედიის პლატფორმებთან მიმართებაში, როგორც ლიეტუვას, ასევე გლობალურ გამოცდილებას.რუსეთის დეზინფორმაცია ლიეტუვასა და მისი ბალტიელი მეზობლებისთვის, ესტონეთისა და ლატვიისთვის...

აშშ-ის კონტრდაზვერვის ხელმძღვანელი აცხადებს, რომ რუსეთი, ჩინეთი და ირანი 2020 წლის საპრეზიდენტო არჩევნებში ჩარევას შეეცდებიან

აშშ-ის კონტრდაზვერვის ხელმძღვანელი აცხადებს, რომ რუსეთი, ჩინეთი და ირანი 2020 წლის საპრეზიდენტო არჩევნებში ჩარევას შეეცდებიან
access_time2020-08-08 16:30:43
აშშ-ის კონტრდაზვერვის და უსაფრთხოების ეროვნული ცენტრის ხელმძღვანელის,...

პირბადე 8 ენაზე თარგმნის ფუნქციით – იაპონური სტარტაპის გამოგონება

პირბადე 8 ენაზე თარგმნის ფუნქციით – იაპონური სტარტაპის გამოგონება
access_time2020-08-08 14:00:59
როდესაც COVID-19-ის პანდემიამ პირბადე ჩვენი ყოველდღიურობის ნაწილად აქცია, იაპონური სტარტაპი Donut Robotics ახალ შესაძლებლობებზე დაფიქრდა. მაშინ, როცა სხვადასხვა კომპანია სხვადასხვა დიზაინისა...


მსგავსი სიახლეები

up