“კავკასუს ონლაინის” საცალო სეგმენტის გასხვისების მიზეზად 86$ მილიონიანი ვალი დასახელდა

“კავკასუს ონლაინის” საცალო სეგმენტის გასხვისების მიზეზად 86$ მილიონიანი ვალი დასახელდა

person access_time2016-02-16 15:00:31

„მობილტელი“ „ბილაინის“ მფლობელი კომპანია, „კავკასუს ონლაინის“ საცალო ბაზრის სეგმენტის შეძენას გეგმავს. 9 თებერვალს საქართველოს კომუნიკაციების ეროვნულ კომისიაში შეხვედრა გაიმართა, რომელიც “მობიტელის” (“ბილაინის”) მიერ “კავკასუს ონლაინის” საცალო სეგმენტის შეძენას ეხებოდა. როგორც შეხვედრაზე გახდა ცნობილი, საცალო სეგმენტის გასხვისების მიზეზად “კავკასუს ონლაინის” 86$ მილიონიანი (210 მილიონი ლარი) ვალი სახელდება.

 

მარეგულირებელი კომისიის განცხადებით „მობილტელს“ სრულყოფილად არ ჰქონდა წარმოდგენილი შესაბამისი მონაცემები, შედეგად „კავკასუს ონლაინის“ საცალო ბაზრის შეძენაზე გადაწყვეტილება გადაიდო. კომპანიამ მარეგულირებელს შესაბამისი დოკუმენტაცია სამი კვირის ვადაში უნდა წარუდგინოს.


ხელშეკრულების მიხედვით “კავკასუს ონლაინის” საცალო ბაზრის გასხვისების შესახებ განაცხადის დაკმაყოფილების შემთხვევაში რუსულმა კომპანია “მობიტელმა” 210 მილიონი ლარის ვალდებულება 2032 წლამდე უნდა დაფაროს.


„მობილტელის“ მიერ „კავკასუს ონლაინის“ შეძენაზე საუბარი უკვე რამდენიმე თვეა მიმდინარეობს. აქვე აღსანიშნავია, რომ დღესათვის საუბარი ეხება მხოლოდ საცალო ბაზრის სეგმენტის შეძენას ოპტიკურ-ბოჭკოვან კაბელზე მოლაპარაკებები არ მინდინარეობს. ცოტა ხნის წინ, ეს თემა აქტუალური პოლიტიკოსებისთვისაც გახდა საინტერესო. რამდენიმე ოპოზიციური პარტია ამ გარიგებაში ქვეყნის უსაფრთხოებისათვის საშიშ ნიშნებს ხედავს.

 

“შესაძლებელია ამ წუთას არ მიდის მოლაპარაკებები მაგისტრალის გასხვისებაზე, თუმცა ეს საკითხი პრაქტიკულად გადაწყვეტილი იყო. შემიძლია ხაზგასმით გითხრათ დადასტურებული ინფორმაცია, რომ “მობიტელის” დაინტერესება საცალო ბაზარზე მას შემდეგ დაიწყო, რაც კომპანიამ მაგისტრალური საკაბელო ინფრასტრუქტურის შესყიდვის თაობაზე მიიღო შეთავაზება. მიუხედავად იმისა, რომ „ბილაინი“ დიდი ხანია ფუნქციონირებს, ახლა მობილურთან ერთად ეს კომპანია ინტერნეტკომუნიკაციებშიც შემოვა და მომხმარებელი უფრო მეტად დაუცველი გახდება”, – განაცხადა „თავისუფალი დემოკრატების“ წევრმა ალექსი პეტრიაშვილმა.

 

საინტერესოა, რომ ჯერ კიდევ გასული წლის შემოდგომაზე „კაუკასუს ონლაინის“ შეძენას „მაგთიკომი“ აპირებდა და ამ საკითხზე კომპანიებს შორის მოლაპარაკებები ფინალურ ფაზაში ჩაიშალა. „მაგთის“ უკვე მიღებული აქვს მარეგულირებელი კომისიისგან თანხმობა „კაუკასუს ონლაინის“ აქტივის შეძენის თაობაზე. „მაგთიკომის“ იურისტის დავით ძიძიგურის თქმით, მოლაპარკებების შეწყვეტის მიზეზი “ასტრონომიული თანხაა“, რომელიც “კავკასუს ონლაინმა” ტრანზაქციის სანაცვლოდ მოითხოვა.


აღსანიშნავია, რომ „მობილტელისა“ და „კავკასუს ონლაინის“ გარიგებაში რუსულ საფრთხეზე პირველად სწორედ „მაგთიკომის“ პრეზიდენტი დევიდ ლი ალაპარაკდა. მისი თქმით საქართველოს მოქალაქეებს აქვთ უფლება იცოდნენ  ვის ხელშია ინფორმაციის წყარო. დევიდ ლისვე განმარტებით, ინტერნეტი დღეს ნაციონალური უსაფრთხოების ფუნდამენტური ნაწილია – „ინტერნეტი არა მხოლოდ შესაძლებლობაა ეკონომიკური და დემოკრატიული პროგრესისთვის, არამედ იარაღია. ამიტომ ნათელი უნდა იყოს ვინ ფლობს ინტერნეტს ქვეყანაში”.


კომუნიკაციების ბაზარზე კომპანიების შერწყმის სურვილის შემთხვევაში საქართველოს კომუნიკაციების ეროვნულმა კომისიამ უნდა განიხილოს ეს გარიგება და თუ ამით არ ფერხდება ბაზარზე კონკურენცია კანონმდებლობის შესაბამისად ფირმებს ამის ნებართვა მისცეს. შესაბამისად, ნაკლებად სავარაუდოა, კომისიამ გარიგებას ვეტო დაადოს იმის გამო, რომ „მობილტელი“ რუსული კომპანიაა.


“ჩვენი მოვალეობაა მოვიკვლიოთ მონოპოლიის საფრთხე და უზრუნველვყოთ კონკურენტული ბაზრის არსებობა. კომისია ვერ მიიღებს გადაწყვეტილებას იმ საკითხზე, რაც მის უფლებამოსილებაში არ შედის. ქვეყნის უსაფრთხოება ჩვენი კომპეტენციის ფარგლებს სცდება. არ არის ეს ის ადგილი, სადაც რუსეთის ინტერვენცია შეიძლება განვიხილოთ”, – აღნიშნავს მარეგულირებელი კომისიის ერთ-ერთი წევრი, გიორგი ფრუიძე.

 

საინტერესო ფაქტია, რომ “კავკასუს ონლაინის” სამეთვალყურეო საბჭოს ხელმძღვანელია ხვიჩა მაქაცარია, რომელიც ამავდროულად “მობიტელის” სამეთვალყურეო საბჭოს წევრთა სიაშიცაა.

 

ბოლოს კი უნდა აღნიშნიშნოს, “კავკასუს ონლაინის” ყოფილი მფლობელი მამია სანადირაძე სასამართლოში ჩივის და კომპანიის უკან დაბრუნებას ითხოვს, მისი თქმით ფირმა წინა ხელისუფლების მაღალჩინოსნებმა ძალით დაათმობინეს. არაა გამორიცხული, რომ სწორედ ის ფაქტი, რომ „კავკასუსი“ კვლავ სადავო აქტივია უბიძგებს მის ახლანდელ მფლობელებს აქტიურად ეძებონ  კომპანიის მყიდველი.




იპოთეკური სესხის სუბსიდირება მეორად ბინებს არ შეეხება-ვახტანგ ბუცხრიკიძე

იპოთეკური სესხის სუბსიდირება მეორად ბინებს არ შეეხება-ვახტანგ ბუცხრიკიძე
access_time2020-05-28 19:16:24
ახალი, სუბსიდირებული იპოთეკური სესხებით სარგებლობას მოქალაქეები „თიბისიში“ ივნისის შუა რიცხვებიდან შეძლებენ. ამის შესახებ „თიბისის“ დირექტორმა ვახტანგ ბუცხრიკიძემ რადიო „პალიტრასა“ და „პალიტრანიუსის“ გადაცემაში „საქმე“ განაცხადა. მისივე თქმით, სესხების გაცემის დასაწყებად ტექნიკური სამუშაოებია დარჩენილი, რასაც დაახლოებით, 1-2 კვირა დასჭირდება, შესაბამისად, ივნისის შუა რიცხვებში ბანკი მზად იქნება, რომ სესხები გასცეს. „ბოლო 3 კვირის განმავლობაში...

28 მაისი - ქართული ლარი გამყარდა, თურქული ლირა გაუფასურდა

28 მაისი - ქართული ლარი გამყარდა, თურქული ლირა გაუფასურდა
access_time2020-05-28 19:00:55
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის თვეში, ლარი რეკორდულად 22%-ით გაუფასურდა. წლის განმავლობაში, ქართული ლარი აშშ დოლართან მიმართებაში - 12%-ით გაუფასურდა. შედარებისთვის, დაახლოებით 16%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს.    ეროვნული ბანკის მიერ გამოქვეყნებული 28 მაისის ვაჭრობის შედეგად, ქართული ლარის კურსი მცირედით გამყარდა და ერთი აშშ დოლარის...

„ნატახტარი“ ბაზარზე 1 კვირაში მწვანე ლაიმის შეცველობის ლუდს გამოიტანს

„ნატახტარი“  ბაზარზე 1 კვირაში მწვანე ლაიმის შეცველობის ლუდს გამოიტანს
access_time2020-05-28 18:45:57
„ნატახტარი“ პროდუქციის ასორტიმენტს აფართოებს. კომპანია დაახლოებით ერთ კვირაში ბაზარზე მწვანე ლაიმის შემცველობის ლუდს გამოიტანს. როგორც „კომერსანტს“   „ნატახტარის“ კორპორატიულმა   დირექტორმა ნიკოლოზ ხუნძაკიშვილმა განუცხადა,ლუდის სეზონზე მნიშვნელოვანი იქნება ისიც, რომ „ნატახტარი“  არსებულ სასმელებზე, კომპანია  ფასებს დააკორექტირებს.    „განახლებული პროდუქციით  ვგეგმავთ გამოვჩნდეთ ბაზარზე და დავიწყოთ ლუდის სეზონი, წინა წელს...

ირაკლი ბურდილაძე - უძრავ ქონებაზე ფასების გაზრდა ან გაყიდვების შემცირება მოსალოდნელი არ არის

ირაკლი ბურდილაძე - უძრავ ქონებაზე ფასების გაზრდა ან გაყიდვების შემცირება მოსალოდნელი არ არის
access_time2020-05-28 16:38:06
მთავრობის მიერ წარდგენილი დეველოპერული სექტორის მხარდაჭერის ანტიკრიზისული გეგმა არის ყოვლისმომცველი და ძალიან კარგად დაბალანსებული, – ამის შესახებ კომპანია „საქართველოს უძრავი ქონება m2“-ის ხელმძღვანელმა, ირაკლი ბურდილაძემ განაცხადა, რომელიც გეგმის პრეზენტაციას დაესწრო. მისი თქმით, ეკონომიკას სტიმულირება ნებისმიერი კრიზისის დროს სჭირდება. „მინდა, ვისარგებლო შემთხვევით და ძალიან დიდი მადლობა გადავუხადო საქართველოს მთავრობას, თბილისის მერიასა...

ფრონტერა მოქმედებს როგორც არაკეთილსინდისიერი ბიზნეს სუბიექტი-ნავთობის და გაზის კორპორაცია

ფრონტერა  მოქმედებს როგორც არაკეთილსინდისიერი ბიზნეს სუბიექტი-ნავთობის და გაზის კორპორაცია
access_time2020-05-28 16:15:17
საქართველოს ნავთობისა და გაზის კორპორაცია (სნგკ/კორპორაცია) ნავთობისა და გაზის სახელმწიფო სააგენტოსთან (ნგსს/სააგენტო) ერთად მოუწოდებს ,,ფრონტერა რისორსიზ ჯორჯია კორპორეიშენს“, თავი შეიკავოს არაკეთილსინდისიერი ქმედებებისგან, საარბიტრაჟო განხილვის რეალური შედეგების საწინააღმდეგო ცნობების გავრცელებისგან და ამ გზით სამართლებრივი დავისთვის პოლიტიკური სახის მიცემისგან. აქვე, „ფრონტერამ“ პატივი უნდა სცეს მხარეთა მიერ შეთანხმებული დავების განმხილველი ინსტიტუტის -...


მსგავსი სიახლეები

up