პირველი ქართული არტიზანული სუნამო Kaveuli Parfum ქალებისა და მამაკაცებისთვის, თამარა ქაფიანიძემ თავისი დის დახმარებით, იტალიელ პარფიუმერის ბოტეგა მალატინის ჩართულობით შექმნა.
ქართული სოჭი, ციტრუსი, წიწაკა, კიპარისი, ჩინური ღვია... ქართული სუნამოსთვის ინგრედიენტები მსოფლიოს სხვადასხვა ქვეყნიდან ერთიანდება და საბოლოო ჯამში 30 მლ-იან ფლაკონში იყრის თავს.
სუნამო იტალიაში, იტალიელი პარფიუმერის სახელოსნოში ისხმება და გავლილი აქვს შესაბამისი სერთიფიცირება, რომ ის წარმოებისთვის აბსოლუტურად უსაფრთხოა.
სუნამოს ორიგინალურ შეფუთვასაც თავისი მნიშვნელობა აქვს - შუშის ბოთლს გირჩის ფორმის ვერცხლის გულსაკიდი მოყვება, რათა ტყის სურნელი მუდამ თან ატაროთ. შეფუთვაზე გიორგი გოგუაძემ იზრუნა.
სუნამო კონცეპტ მაღაზია IERI-ში იყიდება, რომლის ფასიც 1940 ლარია. რაოდენობა ამ ეტაპზე შეზღუდულია და IERI Store-ში მხოლოდ 3 ერთეულია ხელმისაწვდომი.
ბრენდი Kaveuli რომელიც 2018 დაარსდა, თანამედროვე, ხელნაკეთ სამკაულებს როდირებული ან მოოქროვილი ვერცხლის, მარგალიტისა და ნახევრად ძვირფასი თვლებისგან აწარმოებს. ბრენდის სახელი ირინა ირემაშვილმა მოიფიქრა.
წყარო:gbc.ge